رواية اغتصاب ازهار الفصل الحادي عشر11بقلم جمانه السعيدي
ثاني يوم خابرت هيفاء كتله تعاي محتاجتج ضروري
وفعلا للعصر اجت وحجيت الي صار
فرحت حيل وكالت
هيفاء...انتي الله يحبج ومهدي خوش انسان وبخت ذوله الجهال وحده طيبه وحنينه مثلج اتصير امهم
وافقي لاتضيعين هاي الفرصه من ايدج وانتي مو زغيره ترا مستحيل تجيج فرصه احسن
ازهار....بس شلون اخذ مكان نهى ماتخيل نفسي ابيتها وزوجها يصير زوجي
هيفاء...عادي حبيبتي اذا مو انتي غيرج اول وتالي يزوج واذا ازوج راح ياخذ الجهال منج
خوش فرصه لاتضيعيها ابد
جمانه السعيدي
ازهار...ما ادري اني ماميته على الزواج بس خايفه لاياخذون جود ورونه مني ماتتخيلين شلون تعودت عليهم
ما اكدر اشوف حياتي بدونهم احس هم العوض من رب العالمين
ملووو عليه حياتي قبل احس نفسي مثل الكاع اليابسه
وهسه خضرت
هيفاء....خلاص وافقي ولاتضيعين هاي الفرصه
بقيت اسبوع افكر وحسبه تجيبني وحسبه توديني وماكو حل غير اوافق
وبهذا الاسبوع اجا ابوهم شافهم بس مافتحنا الموضوع
مهدي يومين ورجعت ولمن رحت الاهلي فاجئتني امي رايحه وخاطبه ازهار
بلبدايه ضجت بعدين كلت خلاص الخيره فيما اختاره الله
اني احس ازهار انسب وحده الجهالي
رحت شفت الجهال مره وحده من الباب ورجعت
خلص اسبوع وخابرتني ام ازهار كالت من تفرغ مر علينه
لليل حضرت نفسي ورحت عليهم رحبت بيه ام ازهار ودخلت جوا واجو الجهال يمي
وجابولي جاي
جمانه السعيدي
ام ازهار...خاله انت وليدي وعزيز عدي وجهالك بمعزت ابن هيفاء وامك اجت خطبت ازهار
احنا ماعدنا مانع بس نريد وقت خل تكمل السنه الوفاة نهى
والجهال تخلص مدرسه
مهدي...خاله اني اتشرف بيكم وانتم اهلي وماتصدكين شكد مامن على جهالي عدكم
ولله شاهد اني هاي الزواجه كله الخاطر الجهال
واني موافق على كل شروطكم
اني راح اغير غرفة النوم وبعد كم شغله بلبيت واصبغ البيت صبغ جديد وبعدين انطي المفتاح الازهار وانطيها فلوس
اذا تريد تغير الستائر او الفراش
وتشتري اي شي تريده
طلع مهدي واني ابد ماطلعت علي ولاشفته
ما اعرف ليش عبالك مسويه جريمه شكد مستحيه
وفعلا بدا مهدي يعدل بلبيت وجاب غرفة نوم جديده
ودزلي فلوس بيد امه وكال اشتري اي شي يعجبج
اخذت المفتاح ورحت للبيت واني اقدم رجل وااخر رجل
مستحيه من نهى شلون اكعد ابيتها
كوه دخلت اني والجهال
جمانه السعيدي
نضفت البيت وغسلته وثاني يوم رحت اشتريت ستائر جديده وفراش جديد
غيرت طخم الصاله بعته وكملت من الفلوس العندي وجبت جديد وشتريت ثريه جديده
وجبت ورد خليت بلبيت
صار غير شكل
مهدي ورا ما انطيت المفتاح النهى باسبوع رحت للبيت
دخلت عبالك مو بيتي صاير بيت ثاني
مرتب ونظيف وريحته تخبل من شفته هيج تاكدت اختياري صح وتمنيت يخلص الوقت بسرعه واشوف جهالي وازهار بي عايشين
ازهار...اني عندي ذهب اشتريت حلقه وتراجي وكلاده زغيره
وملابس قليله بس حلووه اني احب البس خياطي
ما احب الحاضر هواي
دارت السنه ورحنا اني وامي ومهدي والجهال وام مهدي راحت ويانه
كعدت على الكبر وكمت ابجي
نهى اعذريني ولله لوعليه اخلي جهالج بعيوني وابد ما اقرب البيتج ورجلج
بس جبروني يردون ياخذوهم مني واني تعودت عليهم وما اكدر بدونهم ابد
اتمنى اكدر احافظ على الامانه
بعدين رحنا للزياره وكعدنا بلمطعم تغدينا ورجعنا للبيت
جمانه السعيدي
حددنا يوم المهر واشتريت فستان ماروني ضيك وبي شغل
مهدي خابرني كال البسي حجاب لان يجون وياي اخواني
ورحت للصالون حفافه ومكياج
اشتريت قاط ورباط الجود وبدله بيضه الروان وياها طوك ورد ابيض
الحفله جانت بسيطه اهل مهدي وهيفاء وكم وحده من الجوارين
عقدلنا الشيخ ودخل مهدي يلبسني الذهب بس لبسني الحلقه جود كال اني البسها التراجي
وروان لبستني الكلاده
باوع عليه وكال اتمني
الله يقدرني واكدر اسعدج يا اصيله يابنت الاصول
خلصت الحفله
وحددنا الزواج بعد اسبوع كتله ما اريد عرس شي بسيط
بدون هوسه
مهدي ....موافق مثل ماتريدين
واجا يوم العرس وشتريت فستان ابيض ضيك والردن تول
وحجاب ابيض حلوووو وفوكه تاج
ومكياج بسيط
جمانه السعيدي
وطلعلنا احنا وجهالنا من بيتا اخذنا فره وهو مشغل اغاني والجهال تركص
وصلنا للبيت ولكينا امه وامي منتضراتنه ومحضرات العشى
وهو صمم نتعشى كلنا سوا
تعشينا وامي رادت تروح هي وام مهدي وتوسلن بلجهال يرحون وياهن وهمه ماقبلو وجود كام يبجي
واني كتلهم عوفيهم اني ما اعرف انام اله اطمن عليهم
دخلت بدلت لبست دشداشه وخليت الشال على راسي بعدني استحي من مهدي ما اعرف انزع الشال كدامه
وجود كام يلح
نعست اريد انام
اخذتهم للغرفه الثانيه وفرشتلهم ونمت بلنص وبديت اقرالهم قصه
الصراحه تمنيت ابقى نايمه يمهم لان استحي من مهدي ومامتعوده علي
وخوفي وصدمتي من زواجي الاول مسببتلي صدمه نفسيه
لكن اشوف مهدي رايح راجع
تاكدت نامو وكمت عدلت شالي ورحت للغرفه يم مهدي
لكيته كاعد على الجربايه ومنتضرني
جمانه السعيدي
كعدت بصفه وبدا يحجي وياي بهدوء جان باين عليه الخوف
مهدي...هذا الزواج ماكان ابد على بالي بس لمن شفت شلون تعاملين الجهال حسيتج امهم الي ماجابتهم
اني اعرفج زين واعرف اخلاقج لان نهى جانت بس تحجي بيكم واعرف صدمة زواجج الاول
اني مراح اغصبج على شي
راح انطيج الوقت الكافي حتى تتعرفين عليه
ولمن تحسين بلامان وياي وتسلميني نفسج برضاج
ذاك الوكت اكون زوجج وشريك حياتج
بعده مهدي يحجي واني ماخذني الخوف والتوتر وافرك باديه
وندكت الباب علينا