رواية اسود وابيض
الفصل الثاني عشر12
بقلم جمانه السعيدي
خليل...بقينا نسولف ونضحك أخذنا الوقت وما حسينا بي
ولا كأني اول مره احجي وباها
عبالك اعرفها من زمان حلو كلامها بسيطه
مو متصنعه صريحه
ماحسيت غير اذن اذان الصبح واحنا كاعدين نسولف
خليل...شنو هذا صوت الاذان
مريم...التفتت للساعه اي اذان الصبح
خليل...حيل اذن الصبح واحنا كاعدين نسولف
مريم...يله انصلي اني راح اكعد امي حتى تصلي وانت اتوضا وصلي هنا
خليل...معقوله هيج الوكت مر واني ماادري
راحت مريم كعدت امها وطلعتها للصحياة ورجعت دخلتها للغرفه اتصلي وهي غسلت وجها من المكياج وكعدت تصلي
خليل...اني كملت صلا وكعدت احمد ربي واشكره على هاي الصدفه الحلوه
الي جمعتني بمريم
رجعت عليه مريم
مريم...اجيب فراش تنام لو تريد ريوك
خليل...لا ارجع البيتي انام ساعه واكعد اسبح واطلع للشغل
مريم...براحتك
خليل...اكيد هاي السهره محتاج اكررها لان الوقت وياج حلو
يخلص بسرعه
مريم..عازمتك على الغده
خليل...عدس وتمن
مريم...انت من راح تاكل راح تتفاجئ
خليل...شكرا الساعه وحده اني واكف بابكم
مريم...اهلا وسهلا
خليل...رجعت البيتي نمت للساعه ثمانيه ونص كعدت
دخلت اسبح من طلعت سمعت الباب تندك
اني بلبرنص وخال منشفه على راسي
خليل...منو
اسيل...اني اسيل
فتحت الباب باوعت كاشخه كل قوتها والعطر يسطر سطر
والمكياج مكياج عروسه تعاي وزفيها
جايه تأثر عليه
بقيت لازم الباب وواكف.... تفضلي
اسيل...ليش واكف هيج اكو كم شغله اليه اريد اخذهن
خليل...لو دازه خبر جان اني جمعتهم ودزيتهن
اسيل...اني اريد اخذهن محد يعرفهن غيري
خليل...تفضلي جمانه السعيدي
مشيت كدامها دخلت بلغرفه طلعت ملابسي الي اريد البسهن
ورحت للغرفه الثانيه
اسمعها تفتح بلكتتور وسده
اني متأكد هاي خطه تريد تستفرد بيه بلكت احاول أقرب عليها ماتدري اني البارحه عشت احلى ليله بعمري
بدلت وكملت خليت عطر رتبت شعري
راسا مااحس غير جايه للغرفه وراي
اسيل...اكو كم شغله ماكو
خليل...شنو قصدج هذا البيت اني بس اجي انام واسبح واطلع شوفي زين راح تلكين الاشياء الي ادورين عليها
اسيل....ليش هيج تعاملني
خليل...مافهمت ( اني فهمت قصده )
اسيل...ليش جاي تجاهلني صار اكثر من شهر واحنا كل واحد بمكان
خليل...اعتقد هذا اختيارج اتحملي نتائج هذا الاختبار
اسيل...مو كتلك اني اسفه
خليل...اسفه هاي ما ضمد الجرح الي بكلبي منج
كل كلمه حجيتيها محفوره بكلبي
بس اذا ناسيه اذكرج لو مزوجه واحد غيرك جان ابني بطولي هسه هاي اني انطيتج مجال ازوجي ويصير عندج اطفال من غيري
اني وياج بعد مانرجع مثل قبل
اسيل...بس اني احبك ومجاي اكدر اتخيل نفسي وياا غيرك
احبك
خليل...راسا تقدمت وحضننتني وباستني بخدي وبركبتي
خليل....من رخصتج دفعتها
اسيل...اهيي اهيي ليش هيج تغيرت عليه
خليل....مامتغير عليج جاي انطيج حريتج
تكدرين ترفعين قضية طلاك وتاخذين كل حقوقج
اسيل....يااا تحجي صدك عبالي تهددني ولله تريد اطلكني انت مو تحبني
مستحيل الي يحب يكره
خليل....لا مو مستحيل لمن المقابل مايقدر هذا الحب
يتحول الحب إلى كره
لمن المقابل يهمل ومتكبر ويصير اناني يبرد الحب وياا الوقت ويتحول كره
اني وياج بعد مانرجع
اسيل....ليش هيج تعاملني اني احبك اههههي اهييي ومااكدر احب واحد غيرك
خليل....افهمي العلاقه بينا بعد ماترجع مثل قبل
اسيل...اني موافقه بكل شروطك بس رجعني
بس عندي طلب واحد مااعوف الدوام
راتب الدوام الاهلي وانت تنطيني بكده مصرف اليه
ونبقى بهذا البيت ماارجع وياا اهلك
خليل....هههه ما تتغيرين انت مثل ماانتي ما تتغيرين
انانيه ومتكبر وما تحبين بس نفسج
تردين ترجعين بس بشروطج انتي
اني كلت ماكو دوام وانتي تردين اداومين
كتلج انطيج بكد راتبج تردين تاخذين فلوسي والراتب
كتلج بيت اهلي تكولين نبقى هنا
وراح نرجع النفس الموال تعبانه من الدوام
اطلب اكل من برا مالي خلك
هيج انتي ما نفذتي اي شرط من الشروط الي كتلج عليها
تردين ترجعين بمزاجج جمانه السعيدي
واني اكلج كل هاي الشروط اني لغيتهن
بعد ماكو رجعه
اسيل....موافقه بس عوفني اداوم
خليل....لا شكرا العرض خلص اسف كان لازم تتنازلين شويه وتقبلين بهاي الشروط من البدايه
طلعت كلنسه ومسحت الحمره الي على خدي وركبتي
اخذت محفظتي ومفاتيح السياره وطلعت
هي بقت بلبيت
من طلعت سمعتها شمرت شي وكسرة المرايه
طبكت الباب ورحت للشغل
بس شافني ابوي وصلت
ابوي....اجيت اتصل عليك اتاخرت
خليل...البارحه اتاخرت واخذتني نومه
ابوي... يله تعال هذا ابو جلال يسئل عليك طلبيته جاهزه
خليل...اي جاهزه
الساعه وحده
خليل...اني اروح اتغدا
ابوي...اي طلبنا اكل هسه يوصل نتغدا سوا
خليل...ولد صديقي عازمني على غده
ابوي...اني هليام محتار انت مو طبيعي اكو شي فهمني
خليل...كلشي ماكووو هااا ابقى مااروح
ابوي...لا روح بس لا تتأخر عليه
خليل...تمام
خليل...رحت اشتريت تليفون وخليت بي شريحه وخليت رصيد وتسوكت مسواك المريم
خضروات ولحم ودجاج وحلويات وكرزات
اخذتهن ورحت
دكيت الباب
مريم...منو
خليل...واحد عازمينه على مركة عدس
مريم...فتحت الباب خلاص ماكو عزيمه اتاخرت ساعه
خليل...دخلت دخلت المسواك بس اني جوعان
حضنتها وشلتها لابسه ثوب احمر قصير ورافعه شعرها
ذيل حصان طالعه عبالك لعابه
خليل...اشتاقيتلج
مريم...واني من ساعه ١٢ واكفه هنا منتضرتك تجي
خليل...نزلتها بس احنا موعدنا الساعه بلوحده
مريم...بس اني مااكدر انتضر
خليل...شنو رائيج تجين وياي
مريم...وامي
خليل...اي نسيت يله اني اجي يمكم
مريم...تمام يله ندخل المسواك ونتغدا بس هذا المسواك هواي
خليل..لا مو هواي .هاج جبتلج تليفون وبي شريحه ورصيد
مريم...ليش كلفت نفسك البارحه انطيتني المهر
خليل...هذا هديه ماله علاقه بلمهر
مريم...شكرا
خليل...هيج شكرا ماكو وياها شي
مريم...ابتسمت ورفعت نفسي وكفت على أطراف اصابعي وبسته بخده لان هو اطول مني هواي شكرا
خليل...بس وحده
مريم...وحده كافي
خليل...بهذا الخد بعد وحده
مريم....طماع
خليل....غير حبيبتي دنكت عليها باستني بخدي الثاني
مريم...يله تعال مو جعت منتضرتك
خليل...بس اغسل ايدي
غسلت ودخلت جوا سلمت على عمتي
كعدنا كلنا ناكل فعلا الاكل طيب
العدس مطبوخ على لحم مثروم وبي نومي بصره شكد طعمه طيب والتمن متروس هيل وعلي شعريه مااعرف الاكل طيب
لو الأجواء حلوه
مريم توكل امها واني اوكلها لحظات ما تتعوض ابد شربت جاي
خليل...ارجع الشغلي اليوم الصبح اتاخرت وابوي يحجي عليه
مريم...يعني شنو ماتجي بليل
خليل...لا اجي شلون مااجي حتلو يطردوني من الشغل اجي
مريم...انتضرك مراح اكل اله تجي
خليل...حاولي اجهزين شغلاتج بسرعه بعد ٣ ايام ويطلع الموجر احتاج يوم انضف البيت
ويوم انقل الغراض يكفن خمس ايام اجهزين نفسج
مريم...كافيات
خليل...بستها بخدها وطلعت
مريم...مو تتأخر عليه
خليل...لا مااتاخر
خليل...فرحان الدرجه حاس نفسي رجعت مراهق
ودي ابقى مكابلها وكاعد
وين جانت مريم قبل حرامات ضاع عمري واني ماشايفها
اتحسرت بس اني اكيد راح اضلمها مريم راح تبقى بدون اطفال بسببي بس ولله اله اعوضها
واعيشها مثل الملكه مريم حبابه تستاهل
بليل رجعت للبيت لكيت اسيل مكسره المرايات بلبيت
وكاسره البلازمه وشكو ماعون ينكسر كاسرته
البيت عباره عن كزاز
جمانه السعيدي
استغفر الله ما تنعدل ابد مثل ذيل الجلب تبقى عوجه طول عمرها
عفت البيت باجر اجيب واحد ينضفه اليه
سبحت وبدلت صورت منضر البيت ودزيت الفديو الابوي
ابوي...شنو هذا داخل بيتك حرامي
خليل...لا اسيل اجت كسرت البيت وطلعت
ابوي...ليش
خليل...مااعرف
ابوي.. انت متأكد اسيل
خليل.. اي اني فتحت الباب الها
ابوي....الله يسامحها لا تتاذا باجر اندز واحد من العمال ينضف البيت
خليل...الله لا يسامحها ولا يغفر اله
خليل. .طلعت رحت المريم
مريم بس سمعت صوت السياره ركضت للباب
خليل..بعدني مادكيت الباب انفتح بس مريم واكفه ورا الباب
خليل...بس دخلت راسا مريم صاحت بخ
اني جنت اعرف هي ورا الباب
خليل....يابه وكف كلبي خفت خفت دنكت ولزمت كلبي
مريم...يا يا بسم الله اتشاقا وياك
هي قربت واني شلتها على جتفي
مريم...يااا تضحك عليه خوفتني نزلني
خليل...اني خوفتج لو انتي خوفتني وكعتي كلبي
مريم...اي نزلني
خليل..طبكت الباب برجلي ودخلت جوا واني شايلها على كتفي
راسها ورا ولازمها من رجليها
دخلت على عمتي
خليل...شلونج عمه
ام مريم...هله وليدي
مريم...نزلني
خليل...لا ماانزلج اله تحكم عمتي
عمه تقبلين واكفه ورا الباب تخوفني اني رجال شطولني شعرضني هاي القزمه تخوفني
مريم...نزلني ترا ولله اشوفك القزمه شسوي
خليل...ماانزلج بله شسوين
عمتي....هههه يمه نزله
مريم...بس نزلني واني اعلمك
خليل...لا طلعي شطارتك هسه بله شسوين
مريم...اسفه نزلني بطني توجعني انجعصت
خليل...يله اكول خطيه بعد لا تعيديها لان اني بيه خوفه
من الاقزام هههههه
عمتي...ضحك خير انشاء الله
خليل...خليت ايدي على بطنها هااتوجعج
دفعت ايدي لا تقرب اي توجعني
عمتي...الله يحفظكم البعض ويديم السعاده عليكم
خليل.. انشاء الله ولج مريم كولي انشاء الله
مريم...خل يرجع نفسي انكطع من وراك
خليل...كتلها احبج بدون صوت بس حركت شفايفي
مريم...اني احبك بدون صوت