الفصل الحادي عشر11
بقلم اسرار جمعة
_سلمى:عايزة تنتقبي ؟!
= أي
_ يا بت نقاب شنو إنتِ لسه صغيرة ليه عايزة تضيعي عمرك ؟! أنتِ ماشاء الله حلوة ولسه قدامك سنوات؛ عشان تكبري عيشي حياتك ومنو ح يعرسك وهو ما شافك؟!
= أول حاجة النقاب ما بمنع الزواج بإذن الله
و دي حاجة ربنا كاتبها لي من و أنا في بطن أمي! ، أنو في اليوم الفلاني ح أتزوج من الشخص الفلاني.
مش الزواج رزق من الله؟!
والنقاب طاعة لله..ف كيف طاعة الله تمنع رزق الله ؟!
هسه تلفونك ده حلو وعاجبك مش ؟!
_أي
= طيب، ليه عاملة ليهو أستيكر ؟!
_ عشان أحفظو ما يتكسر
= أنا كمان عايزة إتنقب؛ عشان أحفظ نفسي وأكون بعدين لي راجل واحد ما كل الرجال يشوفوني، وأنا أخد ذنب كل واحد فيهم ، وربنا أنعم علي نعم كتيرة ومواقف كتيرة أنا بعد ده كلو أعصيه عشان دنيا زايلة💔؟!
هي الحياة ح تكون حلوة كيف لو مافي طاعة ربنا ؟!
أنا بحب ربنا شديد وبحاول أعمل إي شي عشان أرضيه، عشان أدخل جنتو والأعظم من كدا؛ عشان أشوف وجهه الكريم! 🥺♡
وأنا حبيت النقاب شديد، ربنا شرع الحجاب الشرعي وإنك تغطي جسمك كلو؛ عشان يحميك من عيون الذئاب البشرية والمصائب البتحصل؛ وعشان إنتِ أميرة ♡
الموتُ أقربُ إليكِ من شراك نعلِك فلتكن حقيبتك جاهزة …
نومة القبر طويلة، فلا تغرك الدنيا عن حجابك أو صلاتك ولا تشغلك الدنيا عن عبادتك، فالسفر طويل، والزادُ قليل.."!
ذكرِي نفسكِ دائِما وقولي لها ..
• يا نفس واللّه أنك ميتة !
• يا نفس تاللّه أنك مغادرة !
• يا نفس غداً ترفعين علي الأكتاف وتوضعين في القبر !💔
• بماذا نلقَ الله ؟!
بأي عمل ألقى الله ؟!
•يا نفس ،إذا لم يمضِ العمر في طاعة اللّه ففيما يمضي إذًا ..؟!
•• بما أجيبُ سؤال ربي غدًا ..؟! 💔
يا نفس ، يا نفس ظلمة القبر آتية آتية💔
ف أجاهد إن أعمل عملاً صالحًا لعل الله يرحمني
سلمى عيونها أتملت دموع من كلامي وبقت تبكي
قالت لينا أصبروا لي شوية هسه جاية ...
دعاء جات شجعتني وورتني شروط النقاب وكدا يعني
بعد فترة جات سلمى نازلة ولابسة قالت ماشة معانا
سلمى: يا أمل الليلة أنا قررت إنتقب بي سببك
أنا: اللهم باااارك اللهم باااارك
ده بي فضل ربنا ♡
دعاء:ماشاء الله أنا لي شهور أحاول أقنعك أمل تجي في يوم واحد تقنعك بس، لا لا ما أتحسست نهائي
ضحكنا عليها😹😹😹
طلعنا ركبنا المواصلات وصلنا قلت ليهم أول نمشي المكتبة مشينا أشتريت خواتم تسبيح أديت سلمى ودعاء وبعده مشينا المحل ...
أشتريت لي نقابات بي طرحها نص توب ظابطين وألوانهم غامضين طبعاً "أسود، كحلي، زيتي... الخ"
وأشتريت جونتيات وإدناءات ونقاب كأب وكذا أسبورتِ
وأشتريت لي سلمى ودعاء كل واحدة فيهم نقاب وطرحة
لبسناهم في المكان أصلاً هو خاص بالمنتقات والمُحجبات، البنات كانوا ظريفين باركوا لينا ودعوا لينا أنو ربنا يثبتنا، وفتحوا لينا أنشودة دينية خاصة بالنقاب ولبسونا طوق الورد ♡
دعاء جات باركت لينا وطلعنا
قالت لينا بي المناسبة دي أرح نطلع
=طوالي
_طيب نمشي ناكل بيتزا ونشيل أسكريم نمشي البحر
=طيب أتفقنا
مشينا المطعم طلبنا لينا بيتزا،في طاولة كدا طرف قلت ليهم أرح نقعد فيها؛ عشان نأخد راحتنا، طبعاَ ما عرفنا ناكل كيف بالنقاب الا شفنا دعاء وقاعدين نحاكيها😭😹، قالت لينا معليش لسه جُداد معذورين
شلنا الإيسكريم مشينا البحر أصلاً المسافة قريبة، بقينا ناكل ونتونس ...
دعاء: أها كيف النقاب وحسيتوا بي شنو وقت لبستوه ؟!
سلمي: جميل جداً، حسيت كأني ملكة وقت لبسه خاصة وقت لبسوني طرق الورد
نور: حسيت إني ذي اللؤلؤة المغطية بالصدفة وحافظاها وصايناها ♡
دعاء: ربنا يثبتكم يا غاليات ويجعله حجاباً لكم من النار
الاتنين مع بعض: آمين وياكِ يارب ♡
سلمى: الليلة أمي وأبوي ح ينصدموا
دعاء: أي ليهم أيام يقولوا ليكِ ألبسيه لكن ما كنتِ راضية
سلمى: ما كنت عندي النية ألبسو لكن ياهو لبستو وربنا قال ليها كوني
تمينا ونستنا ...
قلت ليهم بعد ده احسن نمشي؛ عشان نصل قبل المغرب، ركبنا ألمواصلات ...
وصلنا البيت دخلت كدا بس المغرب أذن، مشيت أتوضيت وصليت طوالي كُنت مُرهقة جداً، نادوني للغدا قلت ليهم أكلت برا، بعد فترة العشاء أذن صليت وقلت أمشي أوري امي حاجاتي الجديدة، بقيت ألبس واحدة ورا التانية عملت ليها عرض أزياء عديل، لكن ما لبست النقاب قلت ليها اللوك النهائي بكون بكرة الصباك😹
بعد إنتهيت رجعت غرفتي ومسكت التلفون؛ عشان أبشر امنية" الادمن في قروب إنتقبي حباً"، طبعاً بقت صحبتي شديد وبرضو كانت بتشجعني بي بوستاتها ♡
_ منوية ي منوية
= أمول ي أمول♡
_كيف حالك ؟!
=بخير الحمد لله وأنتِ كيفك ؟!
_تمام الحمد لله
الليلة جاياكِ بي خبر سمح سماحة🔥♡
=بموت في الأخبار السمحة، يلا بشري
_أول دفعي كم ؟!
=لو عايزة عيوني بديكِ ليها
_بري عيونك خليها معاكِ شوفي بيها، أنا عايزة قروووووش مووووني مصااااري فلووووس
=هو أنا فطرتَ ؟!
قال قروش قال كمان قالتها بي كل اللغات
_خلاص ح أقول
=أهاااا
_أنا قررت ...
=قررتِ شنو ؟!
_قررت إنو ...
كدي حاولي فكري أنا قررت شنو!
=أستني أحظرك🙂
_خلاص خلاص خليت العباطة
عايزة أقول ليكِ غيري أسمي عندك لي ذات النقاب، ايوا انا قررت إنتقب
=يا سلاااااام♡♡♡
بسم الله ماشاء الله لاحول ولا قوة الا بالله اللهم باااااااااااارك ربنا يثبتك يا السمحة ويجعله حجة لكِ لا عليكِ وسبب لي دخولك الجنة فرحتيني جداً ♡
_بارك الله فيكِ، أمين أمين
=ياخ ما ممكن أطلع ليكِ بي شاشة التلفون 😭؟!
_ممكن مدى لي يدك أجرك😹
إتونسنا شوية قالت لي عندي ليكِ هدية بسيطة بي المناسبة دي ...
لقيتها نزلت بوست في القروب وعاملة لي تاق، و عاملة لي تصميم نظام تتويج وكدا يعني 😭♡
=جزاك الله خير وبارك الله فيكِ عجبني شديدد ياخ ♡
_أمين وياكِ يارب، باسم الله كمان هو أنا بعمل حاجة ما بتعجب ؟!
_الثقة↗️
=لازم هاااا
بقت تصلني رسائل من أرقام مجهولة! طلعوا ديل بنات القروب عايزين يباركوا لي وضمن الأرقام دي صحباتي بتاعين المدرسة القديمة!
فجاة لقيت نفسي موجودة في قروب وهم معي كلهم، إعتذروا لي من تصرفهم أخر مرة وكلامهم الجارح
=ماف مشكلة حصل خير والعفو لله
باركوا لي النقاب
وحكوا لي إنو لمن رسلت الروابط بتاعت القروبات دخلوا فيهم ومع مرور الزمن إتاثروا بيهم وياهو أتغيروا
يلا هم 4
واحدة إتحجت، وأتنين إنتقبوا، والرابعة إختمرت " وعايزين يخلوها تنتقب " اللهم بارك
قالوا لي ده كلو بي سببك، لو ما كنتِ رسلتهم لينا أنحنا لي هسه كنا في شخصياتنا الأولى
=الحمد لله ده بي فضل ربنا، ربنا يثبتكم ♡
سألوني كيف مع المدرسة الجديدة وهل لسه في شغبي
أنا: لالا بقيت هادية
رونق: أمل وهادية !
دي معجزة ولا شنو
كلهم بقوا يشغلوا لي😹
إتونسنا شوية وودعتهم، قريت الأذكار وضبطت المنبه للقيام ونمت ...
*"لو رُزِق العبد الدُّنيا وما فيها ثمَّ قال الحمدُ للّٰه، لكان إلهام اللّٰه له بالحمدِ أعظم نِعمة من إعطائه* *الدُّنيا؛ ﻷن نعيم الدُّنيا يَزول وثَواب الحمدِ يبقى♡♡.*
*#اأحمدوا🌻💛..*