رواية اسود وابيض الفصل الثالث عشر13بقلم جمانه السعيدي
خليل...تعشينا وشربنا جاي جاي اسولف ويااا مريم رن تليفوني
خليل...هلو امي حبيبتي
امي...اي حبيبتك لو حبيبتك ماصار يومين ماشايفتك
أصدقائك اعز مني
خليل...بعد شويه اجيج
امي...وين تاكل وين تشرب ليش ماتجي تاكل يمي
خليل...مشغول صدكيني راح اجي
امي...انتضرك لا تتأخر اني انام من وكت
خليل...واذا الصبح اجي اتريك يمج
امي...شبيك مشتاقتلك
خليل...مو انتي تنامين من وكت الصبح اجيبلج ريوك واجيج
امي...متغير خاف عدك وحيده
خليل....ههههه وحيده انت الوحيده الي بحياتي
امي....لا تتأخر عليه
خليل....اي باجر الصبح اجيب ريوك واجيج
امي...الله وياك
خليل...هاي امي صار يومين ماشايفتني وتسئل عني
انتي شغلتيني عن اهلي
صاحت ام مريم جمانه السعيدي
مريم...اي اجيت من رخصتك هسه ارجع
شويه اتصل ابوي
خليل....هلو يابه
ابوي....خليل عمك عدنا
خليل...خير شكووو
ابوي...جاي يحل مشكلة اسيل
خليل...اني بلنسبه اليه مشكلة اسيل انحلت اطلكها وكلمن يشوف حاله
ابوي...عمك يكول اسيل موافقه على كل شروطك
ماكو دوام تكعد بلبيت وماكو طلبات بس ترجع
خليل....اني مااريدها ترجع
ابوي...شنو ما ترجع عيب من عمك خلاص كافي عناد
خليل...ممكن ما تضغط عليه
هاي حياتي واني حر انتم ماعايشين وياا اسيل
ولا تعرفون اطباعها
اني الي عشت وياها ابسط شي اليوم ليش تكسر البيت
موهذا بيتها ليش تكسره
شنو هلحقد والغل الي بكلبها
لو ترجعني لو اكسر كلشي اني مااريدها
ابوي...لا بويه زوجتك وبت عمك خلاص هي فهمت الدرس
رجعها وهلمره اذا ما تنعدل اني بنفسي اطردها من البيت
خليل...مااريدها تعرف شنو مااريدها
ابسط خلاف صار بينا واني لا غلطت عليها ولا ضربتها
طلعت كل الحقد الي بكلبها
اذا اغلط عليها لو اضربها لو اتمرض تشمرني بلشارع
اسيل مو صاحبت عشره
ماديه الفلوس صديقتها وبس
جمانه السعيدي
خليل...يابه بعدين نحجي
ابوي...عمك كاعد ارجع هسه
خليل...ماارجع الله وياك
دخلت مريم....شو عصبي شكووو
خليل...ماكو شي باوعت على مريم وكلت اني شمعرفني
ما تطلع مثل اسيل اسيل هم جانت ناعمه بلبدايه
مريم...ليش صافن بوجهي شكووو
خليل...اريد اكلج شي بس لا تضوجين
مريم...الله يستر شكووو
خليل...راح ااخر زواجنا شهر أو شهرين مااعرف شكد
مريم...ليش شكووو
خليل....شويه ضروفنا الماديه صعبه اكو بضاعه جايه
وراح تتاخر الحكومه حجزتها احنا خالين كل فلوسنا بيها
ابوي هسه اتصل وصاير عصبي
استغفر الله اني مامكتوبلي الراحه
مريم...ولا يهمك عادي حتلو سنه هم انتضرك
لا اضوج اني وياك وين ما توصل ضروفك
دقيقه هسه ارجع
خليل...طلعت شويه ورجعت بيدها علاكة
مريم...هذا المهر الي دفعته اليه بس اخذت منه ٢٥ الف
اشتريت كم حاجه
خليل...ليش ترجعين المهر
مريم...اني مامستعجله اخذ هاي الفلوس مشي نفسك بيها
لمن تتعدل امورك عود انطيني حتلو مبلغ بسيط
استري ملابس حتى ذهب مااريد
اهم شي انت لا اضوج الفلوس فدوه الك
الفلوس تجي هسه ربك يفرجها عليك
خليل...يعني مااضوجين اذا اخذت الفلوس
مريم...يااا ليش اضوج فدوه الك الفلوس ولله لو عندي
بعد لو عندي ذهب مااعزه عليك
ازمه وتعدي انشاء الله
خليل...بس ذني حقج
مريم...تحجي صدك اني اروح اصرف هذا المبلغ ملابس ومكياج وانت عندك ازمه
هسه لو انسان غريب جان ماتاخرت اساعده
شلون وانت زوجي وشريك حياتي
خليل...اجت على بالي اسيل شلون تتشرط قبل الزواج الراتب الاهلي وانت تصرف عليه
شلون من اخذت الفلوس كلبت الدنيا وزعلت
شكد فرق بينها وبين مريم
مريم...لا تصفن اخذهن اني رجعتهن اللك واني راضيه
خليل...ايجوز بعد مااكدر انطيج مهر مثل هذا مره ثانيه
مريم...شنو مهر شنو فلوس اني لكيت كنز انت بلنسبه اليه كنز مستحيل افرط بيك
عادي البس اي شي والذهب مو مهم يعني شنو الذهب يطول العمر مراح اموت اذا مالبس ذهب
صح اني فقيره بس ولله عندي قناعه مو طبيعيه
جمانه السعيدي
خليل...اسف اذا انطيتج الفلوس ورجعت اخذتهن
مريم...حبيبي ليش تتاسف
اذا اني مااوكف وياك بهيج ضرف منو يوكف وياك
انتضر اروح اجيب التليفون بيعه اني اصلا مااحتاج تليفون امي مكابلتني ماعندي صديقات
وانت كل يوم تجينا
مااحتاج التليفون اخذه بيعه
خليل....تحجين صدك
مريم.. اي احجي صدك هذا الموضوع مابي شقه
خليل..خلاص اني راح اخذ الفلوس لان انتي تلحين
مريم...انطيك عيوني ومااتندم
خليل....عيونج سالمات
مريم... عادي لا تستعجل لمن ضروفك تتعدل
واذا تريد نزوج بهذا البيت عادي ماكو مشكله
خليل... كلت بكلبي وين جنتي من زمان
مريم...اخدر جاي
خليل...لا اروح ابوي يريدني بلبيت
مريم..براحتك
خليل...باجر بليل يله اجي لان امي بدت تشك بيه
مريم...براحتك
خليل..اريد اطلع صاحت مريم اوكف
مريم...نسيت الفلوس
خليل...ذني حقج باجر ترحين وجاهزين نفسج واذا تحتاجين بعد فلوس اتصلي عليه
مريم...ابد ماااخذهن وانت عندك ازمه
خليل...اني اعرف احل مشاكلي لا تخافين اهم شي اجهزين نفسج بسرعه زواجنا على نفس الموعد
مريم...بس
خليل. ماكو بس استعجلي كرصتها من خدها
تصبحين على خير
مريم...وانت من اهل الخير جمانه السعيدي
خليل...رجعت للبيت لكيت عمي ماكووو منتضرني
بعدين رايح
ابوي صاير عصبي وامي زعلانه عليه
خليل...السلام عليكم
ابوي...ماعليك سلام ليش تفشلني وياا اخوي هو بس هذا الاخ ماعندي غيره وتريده يقاطعني
خليل...علاقتك بااخوك المفروض ماكو شي يخربها
افهم يابه اني بعد مااريد اسيل
ابوي...زين رجعها وشوفها ايجوز تغيرت
اذا اني ابوك واليه معزه عندك ترجع اسيل
امي...يمه البنيه فهمت غلطها رجعها على ذمتك وشوفها
جاي تكول قبلت كل شروطك
خليل...انتم ليش اضغطوا عليه
ابوي...باجر ادز عمال يجيبون غرفتها هنا ينقلون الغرفه
واني اروح ارجعها ومااريد اي نقاش
خليل...بس
ابوي...ماكو بس انت صاير ما تسمع كلامي
خليل....انتم جاي اجبروني ارجعها واي مشكله راح اتصير بينا اني وياها كبل طلاك هلمره ماكو زعل
خليكم شاهدين لان اني وصلت وياها الابعد حد
ابوي...رجعها ولله كريم
ثاني يوم ابوي دز عمال جابو غرفة النوم ورجعو نصبوها ببتنا وامي رتبتها
ابوي بليل راح يجيب اسيل
واني رحت المريم اشوفها
وصلت دكيت الباب
مريم...هلو حبيبي اتاخرت خفت ما تجي اليله
خليل...الليله اني كلش ضايج
مريم...ليش ياستار مو كتلك اخذ الفلوس
خليل...لا مو علمود الفلوس
مريم...ليش ضايج احجيلي
خليل...اني اريد احجيلج بس خايف اضوجين مني
مريم...بعمري مراح اضوج منك
انت النفس
خليل...اني مو كتلج اكو مشاكل بيني وبين بت عمي
مريم...اي
خليل.. اني ناوي اطلكها خلاص لان اني وياها مو على حال
شكد مااحجيلج عنها قليل
كل الصفات الموحلوه بيها بس جنت صابر عليها لان احبها
اخر شي بعد مااكدر اتحمل دزيتها البيت اهلها
وقررت خلاص لازم نطلك
بس ابوي اليوم راح يرجعها لان عمي خله علاقته بابوي
مقابل علاقتي باسيل
وابوي يكول هذا اخوي الوحيد ومااريد اخسره
اني مااريدها
بس اهلي جاي يضغطون عليه علمود ارجعها
مريم....تحبها
خليل...قبل جنت احبها بس من عاشرتها وشفت طبعها كرهتها اني اريد ابدي من جديد وياج
كلبي ارتاحلج
مريم...تريد تنسحب من زواجنا
خليل...ليش تكولين هيج
مريم...خاف اصير حمل عليك
خليل...انتي حمل انتي مثل النسمه
اني ماابدلج بكل النسوان بس ولله مو بيدي اني علاقتي بابوي قويه اكثر من أب وابن واني رفضت هذا الموضوع هواي
بس هسه مااكدر ارفض اكثر
مريم...اني احبك
خليل...واني اموت عليج صدكي اني مراح أقرب عليها
ولا المسها لان اني ماعندي بس زوجه وحده
اسمها مريم
وااكدلج موعد زواجنا باقي مثل ماهو
بس تتحمليني هاي الفتره بلكت تمل واتنهزم مني
مريم... الله كريم