رواية اسود وابيض
الفصل الرابع عشر14
بقلم جمانه السعيدي
خليل... بقيت يم مريم للساعه ثنتين متعمد
مااريد ارجع واشوف اسيل بلبيت
ومااكدر اروح ابات بيتي اخاف ابوي يزعل عليه
بس اني ومريم ثنيينه ضايجين صدك اسيل هادمت اللذات
رجعت للبيت
الكل نايم كلمن نايم وقافل غرفته
ردت مكان انام بي بعيد عن اسيل ماكووو
صعدت على كيف انزل تراك انام بي
لكيتها كاعده العطر تارس الغرفه لابس ثوب نوم قصير
فاتحه شعرها
باوعت عليها وكلت بكلبي شكد بلا كرامه
تعرف اني مااريدها ورجعت
ماحجيت وياها فتحت الكنتور اخذت تراكي اجيت اطلع
اسيل...وووين وووين من ساعه تسعه منتضرتك
خليل...ماحجيت اي شي
طلعت لحكتني لزمتني من قميصي
اسيل...انت مجاي تشوفني مو واكفه كبالك
خليل...عوفيني راسي يوجعني
اني مارجعتج ابوج اجا يتوسل حتى ترجعين
لو ما ابوي مجان رجعتج احسبي حسابج اني وياج مانرجع زوج وزوجه فهمتي لولا
نزلت وهي كامت تعيط متعمده حتى اهلي يكعدون
بس اني مايهمني نزلت دخلت للصاله وقفلت الباب تمددت
طلعت التليفون دزيت رساله المريم
خليل...حبيبتي
مريم...هلو
خليل...نزلت جوه راح انام هنا
مريم...وهي سكتت
خليل...لا تعيط ماعدها كرامه تعرف اني مااريدها ورجعت
مريم...اليله اني ضجت
خليل...اني اكثر بس راح اعوضج
مريم...ليش نزلت جوه
خليل...مااتحمل اكعد وياها بمكان واحد بلكت تمل وترجع بيت اهلها وتطلب الطلاك
مريم...اكو وحده تعرفك وتعرف طيبة كلبك وتعوفك
مستحيل اتعوفك
جمانه السعيدي
خليل...هي ما تحبني تحب فلوسي الف مره كالتها بوجهي
مريم...عوفلها الفلوس تعال نعيش اني وياك ناكل خبز وجاي
اني قابله بس تبقى وياي
خليل...وداعتج محد.راح ياخذني منج
مريم...شلون بيه احبك وليله بس سمعت زوجتك رجعت كلبي اشتعل نار
خليل...انتي زوجتي وحبيبتي نامي بعمري مراح ارجع أقرب عليها
مريم...باجر تجيني
خليل...بلنهار مااكدر بليل امر عليج
استعجلي اشتري الشغلات الي ترديها بسرعه
باجر استلم البيت انضفه
مريم...اني اليوم اشتريت ذهب بقن بس الملابس
حتلو اشتري الشي الي محتاجته والباقي بعدين
خليل... اي استعجلي
مريم...باجر انشاء الله احاول اكمل شغلاتي
خليل...احبج
مريم...اني الي تعلقت بيك وخايفه
خليل...لا تخافين ماكو غيرج بلكلب
بقينا نحجي اني ومريم منا لمن نمت
الصبح كعدت على صوت عياط اسيل وهي تشتكي الابوي
لان عفتها ونمت جوه
اسيل... ..اي اكيد شايفله شوفه مايريدني ولا بحالي ولا يباوع بوجهي
ابوي.. اصبري علي
اسيل....شنو اصبر علي هو شايف نفسه اني ابوي جبرني ارجع وله اني شنو ناقصني
ابوي...اني اليوم احجي ويااا
اسيل...شنو اتوسل بيده حتى ينام يمي
امي...هاي الأمور ما تنحل بلعصبيه على كيفج
اسيل...لا ولله ابقى انتضر حضرته يتحسن مزاجه شنو اني لعبه بايده
امي.. ولله ماادري بيكم يمكن عين وصابتكم
خليل...طلعت من الصاله ورحت للصحياة
ابوي يصيح وراي ليش نايم جوه
خليل.. ماحجيت غسلت ورجعت
خليل...صباح الخير
ابوي. مو احجي وياك ليش نايم جوه
خليل...يعجبني المكان الي ماارتاح بي ما انام بي
انتي هي اسيل
شنو احنا كاعدين بلشارع صوتج رج البيت رج
لو تحجين بصوت ناصي لو تسكتين
اسيل...فوكاها هو ماراضي
خليل...انتي شنو تحاسبيني شنو معيشتني اذا ماعاجبج ارجعي بيت اهلج
ابوي. خليل شو انت ما تحترم وجودي
خليل.. اني كتلك مااريدها وانت صممت ترجعها
ابوي...ممنوع تنام جوه باجر اقفل الصاله
خليل...انام بلشارع
امي...يمه شبيكم ليش هاي النكره
خليل...اني بعد ماامشي بمزاج احد
صعدت بدلت ونزلت طلعت للشغل قبل ابوي
بلطريق رنيت صبحت على مريم
استأذنت تروح تشتري شغلات محتاجتها
البيت فرغ دزيت عمال ثنيين نضفو ونقلو باقي غراضي من ذاك البيت
ابوي.. البيت فرغ
خليل. اي اني أجرته الولد صديقي
ابوي...هاي هيه
خليل...رحت اشتريت بلازمه لان ذيج كسرتها اسيل
واشتريت شغلات جديده
رتبت البيت
الضهر اتغديت بلمحل مارجعت للبيت
اتصلت عليه اسيل مارديت عليها
بس اريد افهم هي ماعدها احساس شلون تقبل تعيش هيج عيشه بعد ماجانت عايشه ملكة زمانها هسه عايشه ارذل عيشه
البيت كمل بليل رحت جيكت علي كلشي تمام باقي كم حاجه بسيطه
خليل...الو مريم البيت كمل
مريم.. اني هم كملت بقن شغلات بسيطه
خليل. باجر بليل العرس
مريم..هيج بسرعه اريد اروح للصالون
خليل...اني مااريد صالون انتي هيج حلوه تخبلين
مريم...يوم واحد بعد
خليل...ولا نص يوم بليل اجي اخذج
مريم. خلاص براحتك تجي اليله
خليل...ولله ياريت بس اكو حرب بيتنا مااكدر اجي
راح اكلهم اني طالع سفره حتى باجر يكون عرسنا
مريم...يله براحتك
خليل رجعت للبيت
امي وخواتي حضرن العشى والهانم فوك مانزلت
امي.. يله تعالو نتعشى
ابوي شاف اسيل ماكو صعد فوك نزلها
نزلت مبدله وكاشخه
اسيل...ليش ماترد على تليفوني
خليل.. ما سمعته وانتي ليش كاعده فوك مانزلتي تساعدينهم بلطبخ والتنظيف
اسيل.. تعبانه البارحه مانمت
خليل....انتي يايوم ما تعبانه
ابوي.. اسكت خل ناكل وبعدين اتحاسبو بغرفتكم
خليل. اني باجر طالع سفره ابقى ٣ ايام
ابوي...وين
خليل....وياا جماعتي مااعرف وين
اسيل...ابدال جماعتك نطلع اني وياك سفره
خليل...باوعت عليها وهزيت ايدي
اسيل...ماعجبك كلامي
خليل....سكتت ابوي كاعد مااريد احجي كدامه
جمانه السعيدي
صعدت جمعت ملابسي خليتهن بجنطه والعطور
صعدت اسيل وراي
اسيل.. إلى متى راح نبقى هيج
خليل...لمن تموتين واخلص منج
اسيل...ليش تغيرت عليه غلطت مايصير واحد يغلط
خليل...لو غلطه وحده عادي
بس انتي كلج أخطاء من راسج الحد رجليج
اسيل... خل نبدي صفحه جديد عوف جماعتك وتعال نسافر اني وياك
خليل....لا مااعوف جماعتي ابد
اخذت جنطتي نزلتها جوه
دزيت رساله العلي
خليل.... علي باجر عرسي خاف اهلي يتصلون عليك
كول طلعنا سفره الاربيل
علي...هلو اخوي تدلل
رحعت دزيت رساله المريم
مريم...باجر خلصي كلشي بسرعه اني الصبح اروح للبيت
اكمل كلشي وبليل اجي اخذج
مريم...تمام انشاء الله
خليل...بليل بقينا نسولف اني ومريم على تحضيرات العرس
الصبح تريكت وطلعت من البيت اخذت ملابسي وطلعت
وصلت للبيت وبديت ارتب بلغراض
واتصلت على علي جابلي الشغلات الناقصه
مريم الضهر راحت للصالون
بليل رحت اجيبها امها بقت بلبيت وياها ام محمد
طلعت لابسه فستان ابيض يخبل وخمار وحجاب ابيض
لزمتها من ايدها وصعدتها بلسياره
ورحنا اني وياها البيتنا
وصلنا دخلنا للبيت
خليل.. تفضلي حبيبتي بيتج
مريم...بيتنا ثنيبنه مو بس بيتي
خليل...تعاي اشيلج
مريم.. هههه
خليل...هاي اللحظات ما تتعوض
دخلنا جوه الغرفه حلوه وعطرها طيب
خليل...غيري ملابسج حتى نتعشى لو اساعدج
مريم...لا شكرا اني وحدي اغير ملابسي
خليل...اني راح احضر الاكل
مريم...اني اغير ملابسي واجي وراك
خليل.. خليت الاكل على الميز طلعت مريم من الغرفه
لابسه ثوب ابيض قصير يخبل عليها
خليل...ياارب احفضي ماعليج
مريم...شكرا
خليل.. اني ابدل واجي بسرعه
دخلت لبست دشداشه وطلعت
كعدنا ناكل
خليل...ماكو واحد اسعد مني اليله
مريم.. اكوووو اني
خليل...الله يمكني واسعدج طول العمر
مريم.. انشاء الله
خليل بقينا بلبيت ٣ ايام ماطلعنا للشارع ابد مريم كل ساعه تطمن على امها
بيت ام محمد ماخذيها ببتهم
مو اتلث ايام عبالك عمر ودي الوقت مايخلص
ليش اللحظات الحلوه عمرها كصير
رابع يوم رحت جبتها ام مريم ورجعت الاهلي
السفره خلصت