الفصل الثالث عشر13
بقلم اسرار جمعة
يقين ونور بقوا يغسلوا في العدة وأنا عملت الشاي، وكبيت البسبوسة في صحن، وجهزت الكبابي ختيتهم كلهم في صينية وقلت لي يقين تشيل السيرمس
قالوا لي من شكلها حِلوة
نور: ده الشكل كدي لمن نضوقها ونحكم
كبيت الشاي في الكبابي وأديت كل واحدة فيهم وشلت لي نفسي وبقينا نشرب ...
كلهم قالوا لي رهيبة 🔥♡
خالتو سوسن: ماشاء الله يا بتي يدك طاعمة حتى الشاي حِلو
أنا: تسلمي يا خالتو من ذوقك
يقين: بسبوستك ولا حِلوة " وشالت قطعة من الصحن😹َ"
=طيب لو كان حِلوة كان قلعتِ حقتنا ولا شنو ؟!
وبقينا نضحكك😹😹😹
نور: هاااا عاين دي أنا بعمل أحلى من دي
إيمان: كدي عيني في عينك يا نور
نور: إنتِ أطلعي منها
إيمان: غايتو ما بعرف أنا عايزاكِ تعلميني طريقتها يا أمل؛ عشان بعدين وقت أعرس أكون بعرف بعملها🙈
أمل: مع إنو وصفة سرية، لكن من عيوني بوريكِ ليها، ولو عايزة تعرفي إي أكلة كلميني لكن شرط ما توري الوصفة لي نور
إيمان: سمح أتفقنا
خالتو سوسن: بتعرفي حتى تطبخي ؟!
أنا: أي الحمد لله أمي علمتني كل حاجة
خالتو سوسن: ماشاء الله ربنا يحفظك
إيمان: يعني ست بيت ناقصك العريس بس
أنا: أي، ولو عندك لي عريس طوالي موافقة🙈
نور: والقراية يا بتنا
أنا: قراية دي شنو ؟!
بخليها ليكم طوالي، كفاية إنتِ ويقين
إيمان: خلاص إتفقنا بعدين أوع تنطي
أنا: لالا ما بنط😹
قلنا ليهم ماشين بعد ده، لكن قالوا لينا المغرب قرب وح يأذن لينا في الطريق وأصروا علينا إنو نقعد ننتظر أبوهم يجي يرجعنا، أبوهم رجع لكن شكلو تعبان قلت لي نور أنحنا بنرجع برانا ماف داعي وهو ياداب جاي من الشغل رفضوا لينا نهائي
قالوا خلاص ننتظر أخوهم أصلاً بجي بعد شوية، المغرب أذن
صلينا وبقينا منتظرين أخوهم بعد شوية كدا جا
_السلام عليكم ورحمة الله وبركاته
ردينا السلام شكلو كان ما عارف في ضيوف، دنقرت راسي وغضيت بصري طوالي
وقت شافنا دخل الصالون
نور لحقتو شكلها كلمتو إنو يوصلنا، فاتت لبست نقابها وجات
خالتو سوسن وإيمان وصلونا لمن الباب وقالوا لينا لازم تجوا مرة تانية ونورتونا ♡
أنا ويقين ركبنا ورا ونور قدام وصلنا يقين، طول الطريق قاعدة أعاين بالشباك وماسكة سبحتي اللي أدتني ليها نور وقاعدة إستغفر ♡
أخوها سألها من الوصف، نور سألتني بي وين وصفت ليها
وصلنا نزلت، قلت لي نور إتفضلوا أدخلوا
قالت لي مرة تانية
نزلت ودعتني وشكرتها وإتحركوا ...
دخلت البيت من الباب بكورك على أمي لقيتها طالعة من المطبخ
_يُمة مشتااااقين عديل وحضنتها
=بالأكتر، أها اليوم كان كيف ؟!
_رهيب شديدد وأهلها ظريفين
وأمها عسل عسل الا أعرفك عليها، كتلتني من الضحك😭😹
=طيب خلي يوم نعزمهم عندنا
_طوالي
سألتها من أبوي قالت لسه ما جا من الشغل ...
إتونسنا شوية، قمت قلت ليها أنا عايزة أنوم ما تصحوني لي الغدا، أتغدينا هناك.
*عند ناس خالتو سوسن :*
اللهم بارك يا بتي صحباتك مؤدبات وظريفات وخدومات ديل ما تفرطي فيهم.
إيمان: فعلاً خاصة أمل دي أنا حبيتها شديد
نور: ظريفات شديد ياخ ديل هم المُحلين لي المدرسة
خالتو سوسن: أنا زاتي حبيت أمل خلوقة وست بيت، رايكم شنو نعرسها لي أخوكم مهند ؟!
نور: إتفق وبشدة
أحلى حاجة صحبتي وتكون مرت أخوي
إيمان:يسسس يعني تاني ح ألقى زول يعلمني الأكلات العايزة أعرفها
نور:عليك الله عاين دي في شنو والناس في شنو! 😹
إيمان: الإتنين شبه بعض ذاتو
نور:فعلاً !
خالتو سوسن: خلاص كدي أقوم أقترح لي أخوكِ الفكرة دي، ونشوف رأيو شنو ...
قامت مشت لي مهند في الصالون ...
خالتو سوسن: يا ولدي رأيك شنو تعرس صحبة نور المُنتقبة دي ؟!
ياهو ماشاء الله ما ناقصك شي بيتك جاهز و أي حاجة بس فضل تعرس وأشوف أحفادك
وماشاء الله البت خلوقة و مؤدبة جداً
مهند: ......
*وتظُن أنهُ سيُرضيك*
*فيُعطيك ضعف ظنّك ♡♡.*
*صلِ على النبي و تبسّم 🌻💛..*