الفصل الرابع عشر14
بقلم اسرار جمعة
*بلسان مهند:*
أنا أصلاً بتمني أنو زوجتي المستقبلية تكون مُنتقبة ♡
ف لمن أمي جات عرضت على الفكرة ، طوالي وافقت و لقيت نفسي ما عندي سبب يخليني أرفض مدام خلوقة وذات دين ومُنتقبة كمان يا سلاااام ♡
خالتو سوسن : نمشي نتقدم متين ؟!
مهند: بعد أسبوع
خالتو سَوسن : خلاص يوم الجمعة كدا مناسب، كدي هسه أقوم أكلم أبوك ...
مشت كلمت عادل "زوجها"
وقال ما عندو مشكلة
مشت لي نور قلت ليها تجيب رقم أم أمل
نور : حاضر
تاني يوم في المدرسة :
إتلاقوا نور وأمل
نور : مرت أخوي
امل: أأأ شنو قلتِ ؟!
نور: لالا ولا شي
"أمل سمعتها لكن عملت رايحة"
نور: عايني أديني رقم امك
أمل: من عيوني، لكن ممكن أعرف لي شنو ؟!
نور: صراحة كدا، أخوي عايز يتقدم ليكِ ف أمي عايزة الرقم عشان تتواصل مع أمك وياخدوا موعد وهسه أنا كلمتك؛ عشان بعدين ما تتفاجئ، وأنتِ أستخيري ويحصل كل خير ان شاء الله
أمل: طيب سجلي عندك 09 ...
*في بيت ناس أمل:*
قاعدين يتونسوا فجاة تلفون أمها ضرب والمكالمة من رقم غريب!
ردت على التلفون ...
المتصل: السلام عليكم
أماني : وعليكم السلام ورحمة الله وبركاته
المتصل : معي والدة أمل ؟!
أماني : أيوا بس معليش ما عرفتك منو معي!
المتصل: معاكِ سوسن والدة نور صحبة أمل
أماني : ماشاء الله حياك الله
سوسن : حياك الله وجعل الجنة مأواك
أماني : أمين جمعاً
سوسن : أنا متصلة؛ عشان عايزاكِ في موضوع ضروري ...
أماني : إن شاء الله خير ؟!
سوسن : لالا خير الحمد لله
أنحنا عايزين بتكم أمل لي ولدنا
أماني : البت لسه صغيرة لكن ولسه ما تمت قرايتها
سوسن : لا أنحنا ما مستعجلين وعايزين العرس هسه بس تعارف ونتقدم ؛ عشان نحجزها
أماني : طيب خير
سوسن : يوم الجمعة كيف معاكم ؟!
أماني : حبابكم تنورونا ♡
سوسن : نور الله دربكم، جزاك الله خير وبارك الله فيكِ
أماني : الله يسلمك الله يبارك فيك الله يعافيك
"و وداع النسوان المعروف ده😹"
بعد أمي فصلت الخط قالت لي دي سوسن أم صحبتك نور ضربت لي
امل: أيوا " طبعاً عرفتها ضربت ليه"
قبلت على أبوي وقالت ليهو ...
_ديل عايزين يجوا يتقدموا لي نور وقالوا ولدهم عايزها على سنة الله ورسوله
أبوي صلح قعدته وخت التلفون من يدو ...
=ديل منو ؟!
_أخو صحبة أمل
وقادوا ح يجوا يوم الجمعة
=طيب خير
*يوم الجمعة في بيت ناس أمل:*
من الصباح جوني ناس دعاء، بقوا يساعدوا أمي في النضافة كنت عايزة أساعدهم لكن قالوا لي عروس وبتاع ف أستغليت الفرصة ومشيت نمت
الظهر صحتني دعاء
_قومي في بت يوم التعارف بتاعها تكون نايمة
= خليني أنوم شوية
_أبيت يلا قومي
=دعاء الله يهدينا ويهديكِ، زحي من هنا سريع
_طيب ماشة
رجعت نمت ...
بعد مسافة حسيت بي حاجة باردة في وشي
دي دعاء رشت لي موية في وشي 🙂
=ياخ أها قمت
_ ايوا فالحة
مشيت صليت الظهر، والوقت عدى ...
بعد المغرب قمت أتجهزت
لبست فستان ظابط كدا يوم الخميس أمبارح كان مشينا المول أشتريناهو
وسلمى جات مكيجتني مكياج خفيف وعملت لي تسريحة حِلوة شديد خبيرة في الحاجات دي طبعاً اللهم بارك 🔥♡
فجاة سمعنا صوت عربات ...
قالوا الجماعة وصلوا، ناس أبوي وأعمامي "يلا أنا أصلاً عندي أتنين عم، واحد ما متزوج أسمو عاصم، والتاني أسمو سليم متزوج وعندو ولد صغير عمرو سنتين مرتو أسمها سلوى "
كان في نسوان مع خالتو سوسن جوا للتعارف، أمي وسلوى مرت عمي ومعاهم أم ناس سلمى إستقبلوهم ♡.
*عندي انا:*
سلمى: الجماعة ديل خلاص وصلوا، عاينت لي وقالت ...
باسم الله ي بت مالك متوترة كدا ؟!
دعاء: اللهم لاشماتة وبقت تضحك فيني
انا: لالا أصبري يا دعاء دورك بجي، وبعدين ببقى ليكِ بمبي
بعد مسافة طلعنا ليهم برا
خالتو سوسن: مرت ولدي السمحة تعالي لي
مشيت قعدت جنبها وبقت تعرفني عليهم كان في خالتو و أتنين عماتو
سلمت عليهم، خالتو أسمها "جواهر" والعمات " إنتصار و أمنة"
جواهر : ماشاء الله حلاتك ربنا يحفظك
عاد أنا كنت خجلانة شديدد
جا وقت الرؤية الشرعية، مشيت غسلت وشي ؛ عشان بعدين ما يتفاجا😹
لبست عباية ولفيت طرحتي وأبوي جا ساقني مشينا البرندة أبوي قعد وقعدت جنبو، لقيناهو هناك ...
مهند: السلام عليكم
أنا: وعليكم السلام ورحمة الله وبركاته
_كيف حالك ؟!
=بخير الحمد لله
_الحمد لله، طيب أنا مهند خريج إدارة اعمال وشغال حالياً الحمد لله... وانتِ؟!
=أمل ممتحنة شهادة
_ماشاء الله موفقة يارب
=أ أ أمين
"كنت متوترة شديد وعيني ما قادرة أرفعها ده كلو ومدنقرة راسي😹"
_ كيف علاقتك مع القرآن يا أمل ؟!
=الحمد لله كويسة
_حافظة منه ؟!
=أيوا الحمد لله حافظة السبع الطوال يعني ذي 10 أجزاء كدا
_ماشاء الله
=وإنتَ ؟!
_ثلاثين جزء بحول الله وقوته
=اللهم بارك، هل مُلتزم بي صلواتك وصلاة الفجر ؟!
" فجاة أندمجت 😹"
_الحمد لله كلهم في المسجد، وإمام في مسجد في السعودية
فجاة رفعت عيوني فضول عاينت ليهو
أتكلمنا شوية وكانت الأسئلة أغلبها دينية ♡
قلنا ليهم بصلكم الرد بعد تلاتة أيام ...
*"إنَّهُ الله يَنتشلكَ في اللحظةِ الأخيرةِ*
*لِيقولَ لك :*
*أنا اللطيفُ فلا تُبالِ♡♡."*
*#حوقلوا 🌻💛..*