رواية اسود وابيض
الفصل الخامس عشر15
بقلم جمانه السعيدي
خليل...رجعت للبيت بس دخلت وسلمت على اهلي
اسيل اجت سلمت عليه
اسيل...هاي مو الجنطه الي اخذت بيها ملابسك
ذيج جنطه جبيره وبيها ملابس هواي هاي زغيره وين باقي ملابسك
خليل...وانتي شنو تحاسبيني شمرتهن انطيتهن انتي شكووو
لا تدخلين فهمتي لو لا
اسيل...شصار اني شحجيت قابل مجرد سئلت سؤال
اصعد ملابسك فوك
خليل...لا عوفيهن بغرفة البنات
اسيل...ليش فوك اخليهن بكنتورك
خليل...كلت عوفيهن
اسيل...احضرلك الحمام
خليل...لا شكرا
اسيل....تريد اكل
خليل...موجعان
اسيل...شفتي خاله شلون يعاملني صار ٣ ايام ماكووو
اتصل اطمن علي مايرد عليه وهسه شفتي شلون جاي يعاملني لو اشتغل عنده جان عاملني احسن
امي...يمه خليل شبيك ليش هيج تصرف وياها
خليل...بكيفي كتلكم مااريدها صممتو ترجعونها
امي...اي مو تغيرت وجاي تحاول تخدمك
خليل...لو تمشي على رموشها لو تبوس الكاع مااريدها كرهتها تعرفون شنو يعني كرهتها
اسيل...لا اني بعد مااتحمل اكثر صبري نفذ
خليل....اني ماجبرتج ارجعي بيت اهلج الله وياج
امي...روحي اسيل حضري اكل الخليل
خليل...مااريد منها شي
اروح اسبح
خليل فتحت جنطة ملابسي اخذت تراك اريد ادخل للحمام واسمع اسيل تعيط
اجت وراي للحمام هاي الملابس بيها عطر نسائي
انت جاي تخوني ووين جنت بلظبط
خليل...اس لا تعلين صوتج فهمتي لو لان ما تخوفيني
اني حر اسوي اي شي يعجبني انتي مالج شي عندي
فهمتي لو لا عاجبج اهلا وسهلا ماعاجبج الباب يفوت جمل
دخلت للحمام وطلكت الباب وهي بقت واكفه وتعيط وتهدد تحجي الابوي جمانه السعيدي
طلعت من الحمام لكيتها راجعه ادور بملابسي
دنكت لميت الملابس عوفيهن مالج شغل بملابسي
اسيل...اريد افتهم شبيك اني كدامك وحلالك ليش رايح ادور حرام
خليل. الحرام عليه لو عليج
اسيل....لا اني لازم اتصل بعمي يشوفلي حل بعد مااكدر اتحمل اكثر من رجعت لسه جاي ادوس على كرامتي
وقابله بكلشي وانت هيج تتصرف وياي
صعدت الغرفتها اسيل
واني دخلت بلصاله اريد انام لان البارحه مانايم للصبح
من اكعد وياا مريم انسى الدنيا ومابيها
والوقت يصير ماله معنى
نمت مااعرف شكد نمت الحد ماندكت الباب اكثر من مره
كمت فتحته
ابوي....خليل شبيك فهمني
خليل...كعدت على القنفه شبيه
ابوي...متعارك وياا زوجتك
خليل. مامتعارك هي ادور حجج شنو ولله الملابس يمكن بيهن عطر نسائي اي عطر يابه اني وجماعتي جنا بسفره اتصل على علي اتأكد من كلامي ووين اكو نسوان
بعدين تعرف اني ماعندي هاي السوالف ولا ادور نسوان
ابوي...صالح زوجتك وفهمها بهدوء ليش تخليها تصدك اشياء بدماغها بابا البنيه تغيرت ليش هيج تعاملها
على كيفك وياها انطيها فرصه
تثبتلك هي تغيرت ليش هيج كلما تقرب عليك تصدها
خليل...مااحبها مااكدر اطيق وجودها مااتحمل أنفاسها بلمكان الي اني كاعد بي الحاجز الي خلته بينا ماينكسر بكلمه لو فعل
اني اكثر واحد اعرفها بيكم كلكم
هاي طريقته حتى ترجعني مثل قبل لو تموت ماارجع مثل قبل اسمع يابه اذا تطلب منك فلوس لا تنطيها
وشوف شلون راح تطلع على حقيقتها
هاي تعبد الفلوس عباده
ابوي...هسه اني شمنطيها
خليل...لا صدك انت جاي تنطيها فلوس ولله عرفت شكد تاخذ منك احجي شكد حقيره
واني اكول
ليش جاي تدحلب بابا لا تنطيها رحمه الاهلك لا تنطيها
انت جاي تأذيني بتصرفك هذا مو تساعدني
ابوي....اني تعبت منك ومن اسيل
خليل....لاتتعب اني وياها منرهم سوا
عافني ابوي وطلع سبحت وبدلت اتصلت على مريم
خليل...اكو نفر جوعان يريد اكل
مريم...اي تعال تدلل اصلا اني اشتاقيتلك صار عشر ساعات و١٣ دقيقه ما شايفتك
منتضرتك
خليل...جاي
وصلت للبيت لكيتها منتضرتني مبدله ومكيجه ومحضر الاكل أشكال واللوان
خليل...اول تعاي نبدي بلحلو تعاي ابوسج
مريم...الحلو بعد الأكل مو قبله
خليل...لا اني اريده قبل الأكل حتى تنفتح شهيتي على الأكل
ولو اني اريد اكلج مو احلي بيج
مريم...ياحبيبي
كعدنا ناكل ونسولف بس اني مزاجي موتمام ضايج من اسيل
مريم...ليش ضايج
خليل...من هاي قندره طول الوقت مشاكل كرهت البيت من وراها اليوم تكول ملابسك بيهن عطر نسائي جاي تخوني
مريم...يااا هيج مركزه وياك
خليل...ادور مشاكل
مريم...اهلك شكو بشي
خليل...لا اهلي يعرفون اني مالي بطريق الحرام
ماصدكوها
مريم...الله كريم لا اضوج خاف ضغطك يصعد
خليل.. مجرد اشوفها كبالي ضغطي يصعد انسانه مستفزه
مريم..تعال نلعب مصارعه
خليل...ههههه صدك تحجين ههههه هههه يابويه بطني اني وياج نلعب مصارعه الفيل وياا النمله
ولج وين لكيتي هاي اللعبه
مريم...لا تستهزء بقدرات النمله مرات تهزم جيوش
خليل...انتي تردين تهزميني
مريم...جرب وشوف تعال نلعب مكاسر يله تعال هنا بلكاع بس مو تزاغل عليه
خليل...ههههه يعني مصممه
مريم...اي تريد نتراهن
خليل...نتراهن نتراهن من شنو
مريم...المغلوب يشيل الغالب
خليل... وهاي هم ماتكدرين عليها شلون راح تشيليني
جنج فاره
مريم....طبعا اني ارفض تستهين بمقدرتي وتضحك عليه
لان انت ما شايف قوتي بعد جمانه السعيدي
بس مو تبجي تكدر تنسحب من هاي اللحظه
خليل....ههههه ههههه ههههه يابويه بطني ولج راح اموت من الضحك
شني هاي الثقه العميه ترا اني اذا انفخ عليج اطيرين
مريم.. اعترض على كلامك انت عود تحجي هيج حتى تقلل من عزيمتي وتخوفني وتخليني انسحب
بس بلحقيفه انت الي خايف هذا اسلوبك مو عليه
اللعب وياا غيري اني عندي ميداليات بطوله
تعرف جون سينا هذا المصارع
اني هزمته وانت ما تخوفني تعال يله هنا على الكاع
بس اوكف خل اجيب كلنس لان اعرف راح تبجي
خليل...تمددت بلكاع وكمت اضحك طريقتها بلكلام تخليني اضحك تصرفاتها وياي ترجعني طفل
احب الوقت الي اخلصه وياها
من ادخل للبيت ابد ما تلزم التليفون ولا تنشغل بشي غيري
اذا تشوفني ضايج مااعرف منيين اجيب الكلام الحلو
تنسيني كلشي مر عليه
مريم...هااا ليش صفنت تريد تنسحب
خليل...لا ماانسحب جبتي كلنس لان انتي الي راح تبجين
مريم...لا ولله ما تخوفني
خليل...يله تعاي كعدنا واحد كبال الثاني وكلمن لزم ايد الثاني الي ينزل ايد الخصم هو الي فايز
مريم...اوكف لمن الزم ايدك زين
خليل.. خاف ايدج تنكسر
مريم...مو كلنا هذا اسلوبك ما ينقص من عزيمتي
خليل...جاي نحجي كالت واحد ثنيبن اتلاثه راسا نزلت ايدي
اني بعدني مامركز وياا اللعبه مركز وياا كلامها واضحك
مريم...هي هي فزت فزت
خليل...وكفت وكامت تكمز فزت عليك هااا شفت شلون النمله ممكن تغلب الفيل
خليل..تعاي نعيد اني جنت اضحك على كلامج وما مركز
انتي قشمرتيني
مريم...دائما الخاسر يدور حجج
صار ساعه تنفخ بنفسك واني واني اني غلبتك
خليل. تعاي نلعب شوط ثاني
مريم...لا اني ما اللعب وياا الخسران
خليل...اني اعلمج منو الخسران
مريم...ركضت وهو يركض وراي بس المكان مو جبير
راسا لزمني وشالني على جتفه
خليل. .اليوم اجرم بيح
مريم....لا ولله اني اعترف اني غشاشه نزلني
خليل كمت افتر وهي على جتفي
مريم...دخت نزلني اني غشاشه شغلتك بلكلام حتى اغلبك
خليل. نزلتها
مريم.. بعد مااللعب وياك
خليل...ليش
كعدت مريم على القنفه واني كعدت فوكها
مريم...مو هيج اموت فحطت انت عنيف بللعب
فوكاها كعدت فوكي الفيل كعد على النمله
خليل...كولي بعد مااغش بللعب لا ابقى كاعد على كلبج
مريم...اموت اذا تبقى كاعد بعد دقيقه
خليل...يله اكول خطيه
رن تليفوني اسيل
خليل...اهووووو شلون بلوه هاي
مارديت عليها
مريم طلعت راحت جابت عصير
مريم...هذا العصير صنع اديه وحياة عنيه
خليل...اخذت وشربت الله طعمه يخبل
رن التليفون ابوي
خليل. هلو يابه
ابوي...الساعه ١٢ ونص وين انت ليش ماترجع للبيت
خليل....اي اجيت فد شويه اجي
مريم...ما تبقى يمي
خليل...بس اليله باجر أدبر حجه واجي ابات هنا
مريم...بعدني ما شبعت منك
خليل...اني الي مااريد اطلع من هذا البيت بس مو بيدي
مريم...يله ميخالف بس طمني عليك
بس باجر تبقى هنا
خليل.. انشاء الله حضنتها وبستها
طلعت من يمها بس كلبي بقى يمها اللحظات السعيده وياها
تبقى عايشه بروحي
احس نفسي اخذت شحنة سعاده وطلعت
رجعت للبيت لكيت اسيل منتضرتني بلصاله محضره نفسها
خليل...خير شكووو
اسيل...انام يمك انت مو ماتحب الغرفه اني انام وياك شوف حضرت فراش ومنتضرتك
انام بلكاع اني وياك جمانه السعيدي
خليل....افتهمي اني مو مشكلتي المكان مشكلتي انتي
انتي ليش حولتي الموضوع الحرب
على معرفتي بيج انتي انسانه ذكيه
اني مجاي اكدر احبج مو بيدي مشاعري اتجاهج تغيرت انتي بلنسبه اليه بت عمي وبس
اني حاليا مااكرهج لان اذا اكرهج يعني انتي تعنيلي شي
بس انتي كلشي ما تعنيلي
الحب القديم الي بداخلي انت قضيتي علي
مجاي اكدر احبج من جديد
ليش تحولين هذا البيت الحجيم
تقبلي هذا الوضع وعوفيني بحالي
اسيل....بس اني احبك
خليل....ولو اعرف هذا الكلام موصحيح بس الحب ينجح اذا جان متبادل
انتي تحبيني واني مااحبج
لاتصيرين غبيه وضيعين سنيين عمرج هنا وانتي تركضين وراي
روحي شوفي انسان يحبج وتحبي
من حقج تصيرين ام انتي مو زغيره روحي شوفي حياتج
اسيل....انت تحب وحده غيري
خليل...الإنسان مايكدر يتحكم بمشاعره
اريد اريد انطي نفسي فرصه اجرب من جديد انت روحي عيشي حياتج
اسيل...يعني اكو وحده بحياتك غيري
خليل...اني ماكلت هيج لا تخترعين كلام بكيفج
اسيل...باوع باوع عليه اني شنو ناقصني ليش تباوع الغيري انت مو جنت تموت عليه
ليش تغيرت
خليل...اسئلي نفسج اكعدي وفكري زين
شنو الي خلا هذا الحب ينتهي
اسيل....اي نبدي من جديد انت بس انطيني فرصه
وراح تشوف شلون اني تغيرت
خليل...مااكدر
اسيل...ليش ماتكدر
خليل...لان اني كل يوم اكتشف شي موزين بيج
انت دزيتي ابوج تكولين موافقه ارجع بدون شروط
بس انتي من وراي متفقه وياا ابوي ينطيج مبلغ
بدون اني مااعرف
اسيل....اي اني متعلمه اصرف وانطي الاهلي
خليل...هيج العلاقة بينا تحولت علاقه ماديه اعتبريني فقير ومااكدر انطيج فلوس هلكد شراح تسوين
اسيل...بس انت مو فقير
خليل...انتي نضرتج اليه نضره ماديه تحاولين تحصلين مني اكبر كميه من الفلوس
اسيل...وين العيب بهيج موضوع الفلوس هي أساس الحياة
الإنسان بدون فلوس مايكدر يعيش مرتاح
خليل....لو عنده فلوس الدنيا كلها وماكو ناس تحبه ويحبها
فلوسه ما تسوه شي
اسيل....لا اني ضد هذا الكلام الفلوس هي الي تخلي الناس تحبك
خليل...قصدج تركض وراك علمود فلوسك وتمثل هي تحبك
مو حب حقيقي
اسيل....اني هذا مبدئي بلحياة
خليل...واني مبدئي غير مبدئج لذالك اني وياج ما نتفق
اسيل....اني مااعوفك لازم بيوم ترجع تحبني مثل قبل
خليل...راح تعبين
اسيل...ميخالف اتعب بس ماتاخذك وحده غيري