رواية اسود وابيض
الفصل السادس عشر16
بقلم جمانه السعيدي
اسيل...انطيني فرصه وشوف بعينك التغير
خليل...اني متأكد انتي ما تغيرتي بس المثل يكول خليك وياا الجذاب الحد باب الدار
خليل بدلت ملابسي وكعدت اصفح بلتليفون
اسيل...ماتنام
خليل...شويه بعد
نص ساعه نزلت تمددت قربت عليه حضنتني
خليل...ممكن تبتعدين عني شويه
اسيل...ليش
خليل...خلي العلاقه ترجع تدريجيا لا تفرضين نفسج عليه
لان اني مااتحمل قربج مني
خل اشوف الوضع شلون راح يصير
اسيل...اووووف أستغفر الله اللهم طولج ياروح
خليل...درت وجهي تغطيت وحدي ونمت
وهي بقت تحوس
ثاني يوم الصبح اتصلت على مريم اطمنت عليها
ورحت للشغل اتغديت بلشغل لان ابوي رجع للبيت يرتاح
للمغرب ردت حجه اروح ابات يم مريم
خليل...يابه عندي صديق بلمستشفى والجماعه كل واحد ينام ليله وياا بلمستشفى
اليله اني اروح ابقى ويااا
ابوي...منو اعرفه
خليل...اي محمود
ابوي...شنو حادث شنو
خليل...لا عملية غده
ابوي....ماصدكنا تتصالح انت وزوجتك ليش تبات برا البيت
خليل...ليله وحده قابل اني مسافر
ابوي...زين روح
خليل...اخذ عشى واروح
ابوي...تمام بس اتصل على زوجتك حتى تعرف انت وين
خليل...لا انت احجي وياها بس اتصل بيها واكول ابات برا
تأخذه بغير شي وتفتح تحقيق وياي
ابوي... زين سلم على محمود
خليل...يوصل
جمانه السعيدي
خليل... اتصلت على مريم هلو مرومه تردين شي اني بلسوك راح اجي ابات
مريم...لا كلشي ما محتاجه عندنا خير من الله
بس تعال اشتاقيتلك
خليل...اخذت مسواك ورحت على مريم
الوقت عدا وقت المغرب لان رحت للسوك جبت مسواك واجيت
فتحت الباب ودخلت نزلت المسواك شو مريم ماكو
مالاكتني بلباب مثل كل مره دخلت بلبيت صحت مريم وينج
راسا اسمع صوت من وراي
مريم...سلم نفسك بيدي مسدس
خليل...رفعت ايدي مسدس حقيقي
مريم...اي مسدس حقيقي
خليل ...التفتت راسا رشت عليه مي طلع مسدس مي
ولج بللتيني
مريم... شنو قابل اللعب وياك ارفع ايدك
خليل.. اجيت اخذه منها كامت ترش عليه مي وتركض
ركضت وراها دخلت غرفة عمتي وصعدت على الجربايه
ورا عمتي طلع السانها وترش عليه مي
مريم...اني دخيله عندج يمه
خليل...شلونج عمه انشاء الله زينه
ام مريم...الحمد لله خير من الله اذا انت سالم
خليل...يله مريم اني جوعان
مريم...يعني ما تبللني
خليل...شنو احنا جهال ابللج يله جوعان بسرعه
ام مريم...انتي عياره روحي الرجال جوعان
خليل...طلعت قبلها حتى تجي وراي نزعت البدي والبنطرون
بقيت بس بلفانيله والشورت
اجت وراي تضحك
بس دخلت للغرفه
طفرت اريد الزمها انهزمت لحكت لزمتها من ثوبها
خليل.....اني تبلليني اليوم اسبحج
شلتها من خصرها ورحت للحمام وهي تريد تخلص نفسها مني ماكوووو
مريم.... لا توني سبحت شعري ما ينشف بسرعه عوفني
خليل...عوفني اني الي يرشني بمي ارشه بتانكي مي
مريم...بعد مااسويها لا تبللني عوفني
خليل .باستني بخدي هاي بوسه واعتذار بس عوفني
خليل.. ابد اليوم اريد اعلمج على هاي السوالف
.دخلتها للحمام وفتحت الدوش
كلما تريد تطلع ارجعها
خليل...كولي التوبه
مريم...لا ولله يوميه اسوي بيك مقلب
اذا ماللعب وياك ويامن اللعب
خليل...اني جاهل كدامج زغيرون رجال شكبرني
مريم...كافي غركت صرت عبالك دجاجه مبلله
خليل...اكول خطيه يله عفتج
مريم...يمه عنيف بعد ماللعب وياك
خليل...مرت اللأخ من تشترين مسدس مي جيبلي واحد وياج حتى ادافع عن نفسي ههههه
مريم...ما اشتريته لكيته بلحديقه يمكن جهال الجيران شامرينه
خليل...باجر اشتري ثنيين
مريم...خل اطلع راح اتمرض جيبلنا طوبه نلعب بيها
خليل...النوب طوبه
مريم...اي ضوجه نلعب شويه
خليل..اباوع عليها طلعت مبلله شكلها يضحك
عبالك جهال مو كبار
بدلت ومشطت شعرها واني رحت سبحت وبدلت
كعدنا نتعشى يم عمتي راسا كامت تعاطس
مريم...اتمرضت بسببك
خليل...اني شكووو انتي الي بديتي صايره رئيسة عصابه وعندج مسدس
مريم...ابد لا تستخف بقوتي يوميه راح اسوي بيك مقلب
منا لمن تستسلم
خليل...همزين كلتي حتى احضر نفسي
مريم...ما تتوقع اني شلون راح يكون المقلب الي محضرته
خليل...اني هم راح اسوي بيج مقلب
اتصلت اسيل
خليل....اهووووو عبالك شيطان تطلع بنص الفرحه وتخربها
اسيل...حبيبي انت وين
خليل...ابوي يعرف اني وين
اسيل...اني مزوجتك لو مزوجه ابوك ليش ماعندي خبر انت وين
خليل...شنو تحقيق ترا طريقتج بلكلام مستفزه حيل
صديقي بلمستشفى وراح ابقى ويااا
اسيل...اي مستشفى اريد اجي اطمن على صديقك
خليل... شوفي اسيل اذا ما تبطلين هاي سوالفج اجي اكسر راسج فهمتي لو لا سكتتلج هواي
اسيل...ليش خايف كول انت بأي مستشفى
خليل. مااكول وانتي مو ولية امري
اسيل...كول يم صاحبتي وفضها هاي الك..ح...ب..ه
الي كل يوم رايح يمها شكد تدفعلها بليله
ترا اني زوجتك أولى بهاي الفلوس
خليل...انجبي حقيره شنو هذا الحجي تفكيرج بس بلفلوس
قفلت التليفون حتى بعد محد يتصل عليه
بس ولله فورت دمي
مريم...لا اضوج حبيبي ميخالف
خليل..تحجي وياي عبالك مشتريتني
مريم.. ميخالف لا اضوج
جمانه السعيدي
كدرت مريم تغير اجواء الكعده وتحسن مزاجي
ثاني يوم طلعت للشغل كبل مارحت للبيت
اجا ابوي ومشا هذا اليوم عادي
تليفوني بقى مقفول للعصر يله فتحته
من رجعت للبيت ابد ماحجيت اني اسيل
تجي تنام يمي بس مالي شغل بيها
بعدها بيومين صار شي مهم
اني علاقتي بلعمال كلش زينه حتى اكعد اكل وياهم لا اتكبر عليهم ولا اعاملهم معامله موحلوه
ازود يوميتهم اذا الشغل هواي
واروح البيوتهم اذا اصير عدهم مناسبه
المهم اكو ولد اسمه سالم حالته كلش تعبانه يشتغل ويانه
اني كلش زين ويااا
اجاني وهو خجلان يقدم رجل ويأخر رجل
خليل...شكووو صاير شي جهالك شلونهم
سالم...زينيبن بس
خليل..محتاج فلوس
سالم ...لا ولله خيرك مغركنا من بعد رب العالمين الجهال فرحانيين بلبلازمه الي جبتها الهم
خليل. .شكو
سالم...اريد احجي وياك بموضوع صار كم يوم بس خاف تصير مشكله
خليل...ليش تصير مشكله احجي
سالم...صار كم يوم زوجتك اسيل دزت عليه بيت اهلها
خليل...شتريد منك
سالم...تكول اريدك تراقب خليل وين يروح وانطيك مبلغ محترم يعني تريدني اطلع وراك من تطلع لو اشوف واحد ثقه يراقبك من تطلع
واشوف انت وين تروح واوصللها خبر
خليل...اي
سالم...اني خفت اكوللها لا لا تسوي مشكله وطلعوني من الشغل وخفت اوافق لا تزعل عليه انت
خليل....لا يابت ابليس تعلم الشيطان على الحيل
سالم...اني مااريد ااذيكم انتم زينيين اليه والجهالي
خليل...اني اكولك شنو تكول
كلما تطلب منك معلومات تعال واني اكولك شنو تكول
واخذ منها فلوس لا تقصر اطلب شكد ما تكدر
سالم...يعني انت مو زعلان مني
خليل...ليش ازعل همزين كتلي عليها حتى انتبه
سالم...الله يحفظك ويسر امرك
خليل....اخذ منها ولا تقصر ابد
سالم....صار
جمانه السعيدي
خليل....تريد تراقبني وتعرف اني وين اروح
بمكان هاي الحيل حسني اسلوبج صيري زينه
بعد ٣ اشهر وعشر ايام من زواجي من مريم
بهاي الفتره كنت كلما الكه فرصه اروح اشوفها واطمن عليها
بليل بلنهار بااي وقت
واسيل توصلها المعلومات الي اني اريد اوصلها الها
بعد هاي الفتره من زواجنا
يوم رحت الضهر اشوف مريم لان صار يومين مرايح الها
عدنا شغل هواي ومالكه وقت اروح اشوفها
بس اتصل عليها بالنهار مرتين لو اتلاثه
فرغت نفسي بهذا اليوم ورحت اشوفها وتطمن عليها
وصلت لكيتها تعبانه ووجها اصفر ذبلانه
خليل...شبيج حبيبتي اليوم وجهج اصفر
مريم...لا تشغل بالك اني صار يومين هيج
خليل...ليش ما اتصلت عليه
مريم...شنو القصه شويه مالي خلك شنو عجيب
خليل...اي عجيب انتي كلج نشاط وحيويه
ليش هيج صاير شكلج
يله غيري ملابسج اخذج للعياده
مريم...للعياده لا مااروح مابي شي
خليل...لا ترحين يله غيري ملابسج علما ادخل اسلم على عمتي وارجع
خليل....دخلت سلمت على عمتي طلعت لكيتها لابسه عبايتها والبوشيه بس ماتكدر توكف تمشي على كيف
مريم...اني دايخه كلش
خليل...هسه نوصل للعياده ونفتهم شكوووو
خاف اكلتي شي
مريم...اصلا صار يومين كلشي مااكدر اكل تعبانه
ونفسي تلعب
امي تكول خاف حامل
خليل...من سمعتها هيج تكول وكفت اني جنت لازمها اريد اطلعها من البيت
مريم...ليش وكفت
خليل...لا ماكو شي يله اطلعي
صعدتها بلسياره امشي بدون وعي
شلون مريم حامل ممكن تطلع حامل بس اني عقيم
شلون حامل عندي تقرير يثبت اني عقيم
لا اكيد هاي مو اعراض الحمل
يمكن عدها تسمم بس اعراضه تشبه اعراض الحمل
لا اكيد لا مستحيل مريم تطلع حامل
خل نوصل ونشوف شنو المشكله