إيمان:
_عارفين حال السلف كان كيف مع القران ؟!
في واحدة رفعت يدها و قامت حكت لينا قصة من السلف واحد اسمه أبو العالية رُفيع بن مُهران وفي ترجمته إمام المُقرئ الحافظ ، مرة كان أعد عُدة للجهاد و تعب ف الطريق فقام مشى ل الطبيب و كشف عليه ولقاه مصاب بداء الآكِلَة ال هي ال غرغرينا، بتحل بالعضو وتاكله ف أمره ب بتر رجله و في التخدير يكون بالخمر عشان ما تحس بالالم لانه بزمنهم كان يتخدروا بالخمر ، ف رفض و قال ليهم بل هناك ما هو أفضل، أحضروا لي قارئ مُتقن قراءة كتاب الله و أجعلوه يقرأ علي ما تيسر من أياته البينات فإذا رأيتموني إحمر وجهي و ثبت نظري إلى السماء ف إفعلوا بي ما شئتم " يعني من غير بنج!
سبحان الله !
اذا في وحدة هنا قلنا ليها نقلع ليك ضرسك ساي من غير بنج مشكلة يا جماعة مُششششششكلة .
ضحكنا كلنا😹😹😹
واصلت البت ...
ف بدأو ف العملية و خلصوا و الطبيب سأله " كأنك لم تشعر بألم الشق و البتر " ف قال ليه " شغلني برد حُب الله ، و نظر ل قدمه وقال لها سبقتني إلى الله "!
إيمان :
سبحان الله أنحنا بعيدين جداً من القرآن و الصحابة كانو عارفين إنو منزل من الله عز و جل وأنحنا بعيدين جداً عن القرآن والله المستعان .
الصحابة كانو بيجوا ل النبي صلى الله عليه وسلم ( صلوا عليه كلكم عليه أفضل الصلاة والسلام 👀♡) وكانوا بيقولو له : هل أتاك خبر السماء ؟! هل قال الله شئ ؟! ..
أتخيلوا معاي ربنا ينزل لينا كلام بالوحي!
ف الله الله يا جماعة ♡
يعني كانوا ينتظروا أية أية و أنحنا هنا القرآن عندنا كامل ف تلفوناتنا و بيوتنا و قنواتنا و ع فكرة القرآن كله *قصص و عبر و رسائل و حكم و كلام من الله عز وجل لينا كلنا أنحنا ما بس الرسول صلى الله عليه وسلم ولا الصحابة بس* ..
و هي دنيا إلى زوال يا جماعة إلى زواااااال.. تطلعي منها بالقرآن ف إنتِ ربحتِ ♡
^ خيركم من تعلم القرآن و علمه ف الخيرية الخيرية في القرآن يا جماعة ، النبي صلى الله عليه وسلم ما ينطق عن الهوى ! فهو عارف إنو أمته فيها القائمون و الصائمون والقانتون لكن قال خيركم من تعلم و علمه ف لما إنتِ تعملي كده و تنوي إنك تتعلميه وتعيشي معاه و تتدبريه تكوني إنتِ خير أمة محمد صلى الله عليه وسلم ♡
ف اي وحدة قالت ليكِ إتقي الله هي بتحبك ف دي وصية...
إتقي الله في اهلك و زوجك و نفسك و أولادك؛ لانو الله عز وجل يسألك من كل صغيرة و كبيرة ، شفتِ الجنيه الصغير ده ؟! ح تتسألي عنه و شبابك و زمنك كله عملتِ فيهو شنو ؟!
و عدد درجات الجنة ب عدد الايات ف كل أية ب درجة ل الفردوس الأعلى و كله ح نصله بالقران يا جماعة ♡
ف أسأل الله يبلغنا حفظه عاجلا غير اجلا
*والسلام عليكم♡.*
بسم الله ماشاء الله لاحول ولا قوة الا بالله صراحة أبدعت جداً🔥♡
كلنا صفقنا والبنات أنبسطوا شديدد
طريقتها كانت مؤثرة ومُشجعة وتخلي الشخص يتحمس للحفظ♡.
*عايز تعيش نعيم الدنيا والآخرة؟!*
*=عليك بالقُرآن♡♡.*
*كبروا🌻💛..*