الفصل الثامن عشر18
بقلم اسرار جمعة
َ
بعد مرور 5 شهور ...
نزلنا جامعات والحمد لله قدرنا نوفق بيناتهم، لكن ضغطنا البنات يعني يوم ما عندنا محاضرات بنديهم أنحنا
ولمن عندنا بنخلي إيمان وعندها صحباتها بجوا بدوهم
واليوم عاملين إحتفال؛ لانو البنات خلصوا من 26 جزء، وفي كتار إنتقبوا بعد أديناهم محاضرات عن النقاب واليوم عاملين ليهم تتويج🔥♡
جهزنا المكان وجبنا تورتة وفشار وعصائر... الخ، وهدايا "مصلايات ومصاحف وإسدال للصلاة "
و للملكات طقم بتاع نقاب كامل ♡
فتحنا الانشودة و يقين جابت الشي البرشو في الجو بطلع حاجة بيضا كدا برشوا في التخاريج ما عارفة أسمو شنو😹
كل ما واحدة نلبسها النقاب يقين بترشو ♡
بعدو شالتو نور قالت عايزة تجرب، وياريت لو ما شالتو رشتو كتيررر
لمن عبايتي بقت بيضا عديل!🙂😹
كان يوم رهيب بي معنى الكلمة،
حرفياً يومنا كلو بنكون في المركز بنرجع البيت العصر أما في أخر شهر وقت عملنا ليهم معسكر كان بنطلع بعد العصر عديل وأنضغطوا جداً يعني يومنا كلو مع القرآن والحلقات وحاجة في قمة الرهاااابة ♡
*نهاية اليوم...*
خالتو سوسن ضربت لي أمي؛ عشان تتكلم معاها بي خصوص العرس
فتحت معي الموضوع قلت ليها الا بعد البنات يختموا أصلاً فضل ليهم 4 جزء بخلصوا منهم في شهر ونص وح أكون أجزت من الجامعة، ف أفضل زمن بعد شهرين ...
في يوم ...
بعد خلصت الحلقة بقينا نتونس
وأتزكرنا أول يوم وقت توسل قالت أمها جابتها بالغصب؛ عشان تلبسها تاج الوقار يوم القيامة😹♡
وقلت ليها ح تحبي جو الحلقات، وفعلاً ده الحصل
قبل أجي المركز كتبت ليهم كلمات لطيفة ومعاها حلاوة و وزعتها ليهم، بحاول بي قدر الإمكان أخفف عنهم، شكروني
بعده طلعنا الصالة ...
مشيت الكولر كنت عايزة اشرب موية جاتني صفاء
" واحدة من بناتي"
صفاء : شيخة أمل أنا بحبك جداً، دائماً بتسندينا وتحفزينا للحفظ، بحبك كِدا في الله وعزة المعبود♡...
عايزة يوم القيامة نكون قاعدين في منابر من نور والناس تسأل ...
ليه ديل قاعدين في منابر من نور ؟!
هل كان ليهم عمل صالح في الدنيا أم حفظوا القرآن لين ما يلقوا أجابة ...
ويقولوا ليهم ديل تحابوا في الله♡...
إنتِ انسانة طيبة وبالجد أنا أستفدت منك كتير الله يديك العافية ويسعدك ويحفظك، جزاكم الله خير الجزاء وربنا يكتب أجركم و يجعل عملكم خالصاً لوجهه وفي ميزان حسناتكم يارب♡
يا الله😭♡
كلامها دخل في أعماق قلبي😭♡
التعبير غلبني ما عرفت أقول ليها شنو حضنتها بس🥺♡
=صفاء بتي السمحة براحة عليي ما عارفة أمك قلبها صغير وما بتتحمل اللطافة دي كلها
بقت تضحك فيني😹♡
ياخ بت عبارة عن جبر خاطر ♡
طبعاً أنا ويقين ختمنا زمان تمينا الجزئين وكدا خلصنا وبقينا من حفظة الثلاثون اللهم بااارك ذلك الفضل من الله♡
تاني يوم ...
قلت ليهم رايكم شنو اليوم أنا أطبخ ليكم وأعمل الفطور كبسة
يقين: يا نور شكلنا اليوم ح نكون صايمين
نور: أي أي
إيمان: هيي ما متزكرين البسبوسة الكان عملتها لينا ؟!
دي معلمة عديل
أنا: وريهم عليك الله
يقين : بري ما حِلوة كانت
نور: مش كدا ؟!
يقين: مش وزبادي وهيهي
نور:حقيقة كانت حِلوة بس طلعت كدا بالصدفة
أنا: وأخيراً نور أعترفت وإنتِ يا يقين ما تخليني أزكرك بعد انتهيتِ من حقتك شلتِ قطعتِ كمان أكلتيها
يقين: خلاص بعترف كانتِ سمحة ماف داعي للفضائح😹
نور: هرشوها
خليتهم في نضمهم و مشيت المطبخ ظبطتها زين ...
وعملت سلطة روب ويقين عملت الشطة
ختينا الفطور فطرنا وعجبتهم شديد
قلت لي نور أها دي برضو بالصدفة ؟!
قالت لي لالا كان كدا إنتِ بالجد معلمة على قول إيمان😹
سبحان الله المركز بقى لينا بيتنا التاني ♡
وبقينا ذي الاخوات وأكتر وعلاقتنا بقت قوية جداً ♡
وعارفين اي حاجة عن بعض ♡
وكلنا كدا ذي الأسرة ♡
بنفطر مع بعض ♡
وبعد مرات لمن الواحدة تطلع بدري شديد بتجي تشرب الشاي في المركز😹♡
أجواء الحلقات،التكرار، السرد، وخوف البنات أنو يجيبوا حركة؛ لانو بنخليهم يعيدوا الجزء تاني😹♡، لازم؛ لانو ده كلام الله ف يتحفظ ذي ما نزل ♡
أسأل الله أن يجمعنا في الفردوس الأعلى كما جمعنا في المركز ♡.
*حين تقرأ القرآن وأنت حزين ، تلتفُّ الآيات حول قلبك كضماد* *يمتص كل ما يؤلمك ستشعر بأنها تطبطب على قلبك ، وتخبرك أن* *لا بأس عليك ، وأن ربك معك♡♡.*
ستغفروا 🌻💛..*