رواية كبرياء العشق
الفصل التاسع عشر19
بقلم شيماء طارق
يجلس الشباب علي طاوله الافطار يمزحون ويتتعالي ضحكاتهم بسبب طرائف اياد الذي يقصها عليهم هو وروما بينما نظرات آسر الي روما تشع الغضب وهي لا تعلم لماذا فهذا في الماضي
اياد بضحك : وكانت مصممه تضرب الولد بس انا مسكتش
حسام بضحك : عملت ايه يعني
اياد : شيلتها زي الشوال وطلعت اجري بيها بعيد عن الولد
ضحك الجميع حيث كانت روما تنظر له بغيظ
يارا : ومخفتش علي نفسك منها
ميرا : مش متخيله شكلك يا روما وهو شايلك زي الشوال
روما : ولا هتتخيلي شكلك لما اقوم اعرفك عملت ايه فيه بعديها
لمار : بابا كان حكالي ان اياد رجع ساعتها هدومه مبهدله ومقطعه ودماغه مفتوحه وماسك ايده وبيتوجع منها
سيف ل روما : اوعي تقولي ان انتي الي عملتي كدا
اياد : للاسف هي كانت مفتريه
نظرت روما الي آسر فوجدته مازل ينظر لها بغضب فإبتلعت ريقها بخوف
روما : خلاص يا اياد
اياد : ليه بس هقول علي آخر موقف بينا
روما : ما هو هيبقي آخر حاجه هتنطق بيها خاف علي نفسك وبلاش
اياد : ليه اسمعو يا جماعه......
روما مقاطعه : الله يخربيتك مش هتلحق تتجوز البت الي جنبك ديه
ادهم وهو يعلم خوف روما من آسر : ما تسبيه يقول يا روما
ميرا بصدمه : دا بيتكلم زينا كنت فكرت انه بلع لسانه
نظر لها ادهم نظره اخرستها فتعالت ضحكات سيف
سيف بضحك : مش هو الي بلع لسانه
اياد : اسكتو بقي خليني احكيلكو
حسام : ايوه احكي احكي
روما وهي تنهض : انا شبعت الحمد لله
آسر بنبره حازمه : كملي اكلك
جلست علي الفور بجواره وكان يتابعهم الجميع
آسر بخفوت سمعته روما : ليكي تاريخ مع اياد
روما بضحكه متوتره : اهاا كنا صغيرين
آسر : نبقي نشوف الموضوع دا بعدين
روما بصوت عالي : موضوع ايه الي هنشوفو بعدين انت هتحسبني علي حاجه قبل ما اشوفك
نظر لها الجميع بإستغراب بينما كان يتابع آسر طعامه
آسر : قولت صوتك ميعلاش
روما : اه اه مهو معليش
آسر : كملي اكلك
اياد : كنا في الفصل واحنا في 3 اعدادي
آسر : مش عايز نفس كله يكمل اكله
شرع الجميع بتناول الطعام بخوف من آسر في صمت لم يقطعه سوي صوت هاتف ادهم
آسر : مين
ادهم : أمن الشركه
انتبهه له الجميع وهو يتحدث في الهاتف واستغربو بعد ان هب ادهم واقفا
ادهم : انت بتقول ايه .........انا جاي حالا.... واغلق الخط
آسر بعد ان وقف هو الاخر : فيه ايه
ادهم بإستعجال : حريق....... وتركهم وغادر فهرول الرجال خلفه والتفت آسر الي الفتيات : ممنوع الخروج... وتركهم وغادر
*****************
معاذ علي الهاتف : يعني هما خرجو دلوقتي...... فيه حد معاهم في القصر...... تمام نفذ دلوقتي...... ثم اغلق الخط
مهاب : ايه الي حصل
معاذ بضحك : بلعو الطعم ولاد السيوفي ومعاهم الظابط
مهاب : وهتعمل ايه دلوقتي
معاذ : هقدم حياتهم لعزرائيل
مهاب : والبنات
معاذ : البنات ديه بقي الغنيمه الي احنا بنكسبها في الحرب مش كل حرب ليها غنيمه هسيبلك الي بتحبها اعمل فيها الي انت عايزه واختها تبقي اختنا هتتربي وسطينا عشان تعوضنا عن غياب هبه انما بنت النجار ديه هتبقي بتاعتي وبنت السيوفي ديه هتموت زي ما اختك ما ماتت بالظبط
مهاب : اعمل الي انت عايزه انا المهم عندي روما وعرف الحيوانات بتوعك ميقربوش منها
معاذ : متقلقش
*******************
روما : احنا هنفضل قاعدين كدا ومحدش بيرد علي التليفونات
يارا : آسر قال منخرجش
لمار : بتصل علي بابا تليفونه غير متاح كان لازم يخرجو كلهم النهارده
ميرا : بصو انتو قاللكو متخرجوش انما انا محدش قالي حاجه
أسماء : بتفكري فيه ايه يا مصيبه
ميرا : ولا حاجه هخرج اشوف فيه ايه وبعدين اطمنكو
روما : انتي بتستهبلي
لمار : دي اتجننت دا لو اياد شافها هناك هيبهدلها
ميرا : مش هخليه يشوفني
يارا : انتي بتكلمي جد
ميرا : انا هخرج دلوقتي ماشي هتابعكو علي تليفونات... وتركتهم وغادرت
روما : انتي يابنتي ربنا يستر....
****************
تحركو بسيارتين مسرعين آسر مع حسام واياد بينما ادهم مع سيف وكانو يتابعون بعضهم علي الهاتف
آسر لادهم : مفيش حاجه في الشركات
ادهم : دا لعبه معموله لازم نرجع القصر حالا
اياد : البنات.... بسرعه يا حسام زود السرعه
ادهم : مالهم البنات
اياد : معاذ دخلهم في انتقامو جدك قالي كدا
ادهم : احنا لازم نرجع القصر حالا وازي متقولناش حاجه زي كدا
اياد : دا شغلي
آسر : ولما يحصلهم حاجه هيبقي شغلك
سيف : ياجماعه احنا هنتخانق نرجع الاول وبعدين نبقي نكمل خناق
تقابلت السيارات علي الطريق ولكنهم تفاجئو برجال كثيره تسد الطريق مما اجبرهم علي ايقاف السيارات والترجل منها
آسر : فيه ايه
احدي الرجال : مفيش بس عزرائيل عايز روحكو يا بهوات
اياد : طيب مش كنتو تقولولي كنت عملت حسابي
سيف : هتعمل ايه يعني
اياد : كنت هتجوز البت بنت عمك بدري شويه
الرجل : بطلو حدتيت
اياد : مستخسر فينا الكلمتين الي بنقولهم قبل ما نموت
رجل آخر : معاذ باشا بيسلم عليكو وبيخبركو شكرا علي الهديه الي سبتوها في الجصر
نظرو الي بعضهم البعض ولكن تحولت نظراتهم الي الغضب بسبب فهم ما يريد
دارت معركه بينهم ادت الي الفتك برجال معاذ ولكن احدهم قام بتوجيهه سلاحه الي رأس ادهم
الرجل : نزل سلاحك انت وهو لفرغ الخزنه كلاتها فيه
نظرو الي بعضهم البعض وقامو بإنزال سلاحهم واطلاق صراح رجال معاذ من بين يديهم
الرجل : متعملوش رجاله تاني عشان اجده مش كويس عشانكو
كان ادهم يقف لم يهتز له جفن فقط يتابع ما يحدث حوله
*****
كانت تسير بسياره اجره متجهه الي الشركه لتستعلم عما يحدث ولكنها تفاجئت بأن الطريق مغلق وهناك مشاجره علي الطريق
سائق السياره : مش هجدر اكمل يا ابله شكلها عاركه واعره وانا اخاف علي نفسي
ميرا بسخريه : لا راجل نزلني هنا يا بني
اوقف السائق السياره وترجلت منها واكملت سيرا علي اقدامها
ميرا : اعمل ايه انا دلوقتي ......بس هي ايه الخناقه ديه انا هروح اتفرج
تقدمت من الرجال بحذر ولكنها تفاجأت بان احدهم يوجهه المسدس الي ادهم وآخر الي آسر وهناك من يقوم بتقيد باقي اياد وسيف وحسام
وقفت تتابع ما يحدث بإهتمام
اياد : شكلنا هنموت بجد
حسام : هو فيه موت بجد وموت لعبه
سيف : اياد شكله بيخرف
غمز لهم اياد فنظرو خلفه ووجدو انه قد فك قيد يديه
حسام : يابن الناصحه
اياد : عيب عليك دا انا ظابط بردو بس عايز اوصل للعربيه واجيب السلاح
استمعت ميرا الي جملته هذه واخذت تتحرك بحذر ولكن رأها ادهم فنظر لها بغضب فإبتلعت ريقها برعب واكملت طريقها
اياد : تعالي عليا شويه يا سيف
سيف : ليه
اياد : انت اقرب لباب العربيه هفك ايدك وتفتح الباب وتجيب المسدس
حسام بعد ان فك وثائق يديه : كدا تمام قوي هنهجم عليهم امتي بقي
اياد : بطل غباء هما معاهم أسلحه اما سيف يجيب السلاح هنتحرك واقعد عدل اكنك لسه مربوط عشان ميلفوش يموتوك
حسام : هو انت بتتكلم ببرود كدا ليه
اياد : انا ظابط يلا
حسام : فكرني مجوزكش اختي
اياد : حبيبي يا ابو النسب
.........تحركت ببطء الي ان قامت بالدلوف الي السياره من الباب الخلفي وكان اياد وحسام وسيف يتحدثون بينما باقي الرجال يلتفون حول ادهم وآسر
اخذت تبحث عن المسدس وعيني ادهم تتابعها بغضب من وجودها هنا
احدي الرجال : اتشاهد علي روحك ياولد السيوفي
ولكنه تفجأ بمن اسقط السلاح بضربه منه ووجهه السلاح الي رأسه
اياد : تربيتي
ميرا : قول للبهوات الي معاك ينزلو سلاحهم والا هفرتك دماغك
الرجل : حرمه هتهددني اياك
ميرا : لا انا مبهددش اتشاهد علي روحك وكانت ستضغط علي الزناد
الرجل بصراخ : نزلو السلاح
امتثلو لاوامره فوقف اياد وسيف وحسام وتوجهو بجوار ادهم وآسر
أخذ ادهم السلاح منها : علي العربيه
نظرت له بدهشه فتعالي صوته : قولت علي العربيه
هرولت مسرعه الي السياره تنتظرهم بها وتتابع ما يحدث
كان اياد قد تحدث مع الشرطه واخبرهم بما حدث واتت الشرطه مسرعه وتم القبض علي رجال معاذ
توجه الجميع الي السيلرات مسرعين لكي يصلو الي القصر
ادهم لسيف بنبره لا تحمل النقاش : اركب معاهم
امتثل سيف لامره وركب الشباب مع بعضهم بينما ادهم ركب مع ميرا في السياره وانطلق
ميرا لنفسها : انا عايزه اركب مع اياد مش معاه ليلتي زي الفل
ادهم : مش قولنا مفيش خروج
ميرا : هاا
ادهم بغضب : الكلام مبيتنفذش ليه
ميرا بخوف : ما هو....
ادهم : كلامنا في البيت بس نوصل نلحق البنات
ميرا : ليه
ادهم : هيخطفوهم بس.....
***************
كانو يجلسون معا فإستمعو الي صوت طلقات النيران في الخارج فتوجهت روما الي النافذه لتري ما يحدث فرأت بعض الرجال وعلي رأسهم معاذ يقومون بقتل الحرس الخاص بالقصر ويتوجهون في طريقهم الي داخل القصر
أسماء بخوف : هو فيه ايه
روما : ولاد الشرقاوي بيهجمو علي القصر تعالو معايا
توجهو خلف روما وصعدو الي غرفه آسر ودلفو الي الداخل واغلقت روما الباب خلفها
روما : حد يجيب تليفون
يارا : بتاعي تحت
لمار وأسماء : وانا كمان
نظرت لهم بغضب ثم قالت : مش هنعرف نتواصل مع حد
أسماء : وهنعمل ايه
روما : انتي بتعرفي تضربي
أسماء بغباء : لا انا بنضرب بس
روما : يارا ...لمار
يارا ولمار في صوت واحد : تعليمات اياد
روما : برافو انتشرو بقي ..ثم التفتت الي اسماء ...وانتي تعالي معايا
اسماء : هي ايه تعليمات اياد ديه
روما : هتعرفي دلوقتي
يارا : مين هينزل الاول
لمار : انتي اكيد
يارا : وانا ليه يعني
روما : عشان انتي اخته وهو مش هيأذيكي
يارا : ولو اذاني
لمار : يعني انتي مش هتعرفي تنقذي نفسك
يارا : لا بحط كل الاحتمالات بس
استمعو الي صوت عالي في الاسفل
معاذ : انا عارف انكو هنا فا اطلعو بالذوق بدل ما اتعامل معاكو بالعنف
ابتلعت يارا ريقها وتوجهت الي خارج الغرفه
كان مازال ينادي عليهم الي ان استمع صوت هبوط احدهم علي السلم
يارا وهي تمثل النعاس : يووه ايه الصوت العالي دا مينفعش حد يصحي علي صوت عصافير لازم الصوت دا
معاذ : اهلا. ب بنت ابويا
يارا وهي تمثل الخضه : ايه دا انت بتعمل ايه هنا
معاذ : جايلك انتي والي معاكي هما فين
يارا : هما مين انت ازاي تدخل هنا اصلا.. حسام فين حسام
تعالت ضحكات معاذ : حسام.. خلاص بح... حسام مات هو والي معاه
تعالت شهقات روما واسماء ولمار حيث كانو يتابعون ما يحدث من اعلي الدرج
يارا : انت مجنون
امسكها معاذ من شعرها بقون : اتحديتي مع خوكي الكبير زين يابت انتي شكلك ناجصك ربايه وانا الي هربيكي
روما لاسماء : خليكي مع لمار..... وتوجهت الي الاسفل
روما : نزل ايدك من عليها يا حيوان
يارا ببكاء : قتل حسام يا روما
روما : هتصدقي الكذاب دا
معاذ : لااه انا مش بكذب وجتلته هو وآسر وادهم وسيف واياد ولد النجار والدور جه عليكو انتو كمان
صدمت روما مما قاله ولم تنتبه الي رجاله الذي اشار لهم بأن يحاوطوهم
التفتت حولها وقالت : انت اتجننت انت عايز ايه
معاذ وهو مازال ممسكا بيارا من شعرها : الي في يدي دي خيتي وهتتربي وسطينا وسط الشرجاوي وانتي حلال علي خوي الي بيحبك وانتي سبتيه وروحتي لولد السيوفي
يارا : انت مجنون
سحب شعرها في يديه : انطجي تاني واكون دفنك مطرحك......ثم اشار الي رجاله للامساك ب روما ولكنها اخذت تقاومهم الي ان كبلو يديها وامسكوها جيدا
معاذ : واعره انتي جوي يابت السيوفي بس مش مشكله اخوي هيربيكي زين
تحرك الي الخارج وهو ممسك اخته من شعرها ورجاله ممسكون ب روما
معاذ لبعض من رجاله : اجلبو الجصر وهاتو البتين التانين ولو ملجتهومش احرجوه
ما ان استمعت اسماء هذا حتي تعالت شهقاتها
لمار : انا عارفه اخويا بيحب فيكي ايه اكتمي خالص خليني افكر
أسماء : بتفكري في ايه ياختي هنموت
لمار : هو فيه اوضه هنا بتطل علي الجنينه
أسماء : ايوه بلكونت اوضتي بتطلع علي الجنينه الخلفيه
تحرك لمار الي غرفه أسماء مسرعه وخلفها اسماء تركض
اسماء : طيب فهميني هتعملي ايه
لمار : هتعرفي دلوقتي
وقفت امام الشرفه تنظر الي الاسفل ثم نظرت الي اسماء
اسماء : بلاش جنان
لمار : مفيش وقت لازم ننط لو استخبينا منهم هيحرقو القصر وهنموت يبقي ننط
أسماء : ما كدا بردو هنموت
لمار : يوووه انتي رغايه قوي ثم امسكت بيد أسماء وساعتها علي الوقوف اعلي السور
أسماء : لا انا خايفه
لمار وهي تقذفها الي الاسفل : مش وقتك ......وقامت بالالحاق بها
أسماء ببكاء : يابنت المجانين اااه دراعي
لمار : انتي فافي قوي كدا ليه قومي وريني مكان العربيات
تحركت اسماء معها الي مكان السيارات وركبت لمار وبجوارها اسماء
اسماء : هتشغليها ازاي يافالحه
لمار وهي تبحث عن شئ وقامت بإمساك سلكين توصيل. : هششش اسكتي خالص
أسماء بتعجب : هو انتي كنتي حراميه قبل كدا
لمار : يابنتي انا اخويا ظابط.... وقامت بتشغيل السياره وانطلقت خلف معاذ
أسماء : هي الشفره في ان اخوها ظابط ولا ايه وبعدين ايه الشنطه الي معلاقها في.رقبتها ديه
*******
وصلو بالسيارات امام القصر وترجلو منها مسرعين بعد ان رئو رجالهم قد قتلو...
امسكت ميرا بيد ادهم بخوف من منظر القتلي فربت علي يديها يطمئنها وهرولو جميعا الي الداخل واخذو يبحثون عن الفتيات ولم يجدوهم.
حسام : يعني ايه
سيف : ابن ال.......
ادهم : مش.وقته الكلام دا دلوقتي لازم نفكر هنلاقيهم ازاي
جلس آسر ووضع يديه علي وجهه هو لم يتخيل انه سيفقدها هكذا
ربت اخيه علي كتفه : هنلاقيهم
آسر : ازاي
انتفض اياد من جلسته وهتف : لمااار
ادهم : مالها
نظر الي اياد الي ميرا وهبت هي الاخري واقفه : صح لماار
آسر : فيه ايه
ميرا : لمار معاها GPS
سيف بفرحه : كدا سهل نلاقيهم
اياد : ميرا هاتي اللاب توب بسرعه عشان هراسل لمار من علي التاب الي معاها بس يارب تكون افتكرته
ميرا : حاضر
***************
تقف امامه تنظر له بحقد وكره عمي قلبها عن كونه عمها
حسناء بكره : بسببك وبسبب شغلك موت بتي وحسرتني عليها وعلي شبابها موت بتي ودلوجيت الدور علي ابني الي عايز ينتجم ليك انت وابنك وانتو ولا حاجه ضيعتو عيالي ودمرتوهم طول عمرك بتعاملني علي اني خدامه عنديك وتجول لابنك اضربها واكسارها عشان تفضل تحت طوعك.... اقتربت من اذنه ومالت عليه...... اني الي بلغت عنيكو وبسببي ولدك اتجتل ومات واني الي هموتك دلوجيت يا ...يا عمي
اخرجت من الحقيبه التي تحملها ابره فارغه وقامت بإدخالها في رقبته....
حسناء : مع السلامه يا عمي ابجي سلملي علي ولدك
دلفت الممرضه الي الداخل ورأت حسناء تقف في الغرفه
الممرضه : انتي بتعملي ايه هنا ممنوع دخول اي حد العنايه
حسناء بخضه ادت الي اسقاط الابره منها : هاا... انا.. اني كنت بطمن علي عمي
نظرت الممرضه الي الاسفل لتري ما سقط ثم شهقت وقامت بالصراخ
الممرضه : امن.... امن.....