رواية الصحبة الصالحة تصلح
الفصل الاول1
بقلم اسرار جمعة
_لا كيف يعني تنقلوني من مدرستي ؟!
متين وكيف الكلام ده!
=يا بتي إنتِ ممتحنة شهادة؛ عشان كدا نقلناكِ عشان تجتهدي والمدرسة دي كويسة جداً وخلاص حسمنا الموضوع ده أنا وأمك.
أتحركت منهم دخلت غرفتي وبقيت أبكي ...
أنا أمل عمري 16 سنة ممتحنة شهادة سودانية، ماعندي أخوان ولا أخوات، أمي اسمها أماني وأبوي عبد الرحمن.
ذي ما شايفين عايزين ينقلوني من مدرستي؛ عشان مستوايي متدهور لكن أنا ما عايزة😭.
بعد أسبوع ...
المدارس فتحت طلعنا على المدرسة أبوي بوديني دائماً♡.
وصلنا وصاني ودعى لي ...
دخلت وقفنا في الطابور أدونا إرشادات، ونصائح إنو لازم نجتهد؛ عشان نرفع رأس والدينا ويكونوا فخورين بينا وإنو أملهم فينا كبير المهم ادونا محاضرة طويلة ...
الطابور إنتهى ومشينا على الفصول، طبعاَ أنا مشاغبة شديدد وبحب الونسة ويمكن ده سبب تدهور مستوايي لكن لقيت أبوي موصيهم إنو يقعدوني في الكنبة الأولى، المشرفة جاتني ورتني مكاني قعدت، لقيت جنبي بت منتقبة
عاينت ليها قلت بي قلبي هسه دي مستحملاه كيف نفسها ما مضايقها ! وقبلت منها ...
اليوم كان عبارة عن إرشادات والأساتذة عرفونا على نفسهم، نهاية اليوم أبوي جاني سألني عن اليوم كان كيف ؟!
قلت ليهو كويس
قال لي من بكرة ح أعمل ليكِ ترحيل
قلت ليهو طيب
وصلنا البيت لقيت أمي سلمت عليها وأكلت ومشيت على ولدي"التلفون😹"، بقيت إتصفح في المواقع دخلت الواتساب أرد على الرسائل ورسلت لي صحباتي بتاعين المدرسة القديمة، إتونسنا زين لمن سمعت العصر قاعد يأذن ما إشتغلت بالموضوع، تميت ونستي لمن المغرب إتغدينا ومشيت نمت ...
تاني يوم الا أمي صحتني
و قالت لي ماتنسي قبل تمشي تدخلي أدواتك المدرسية ، قمت أتجهزت، مسافة أشرب الشاي أبوي ضرب لي سيد الترحيل، إنتهيت لقيتو وصل أبوي طلع معي سلم عليه و ووصاهو عليي، وركبت العربية وإتحركنا ...
وصلت دخلت المدرسة لكن المرة دي الزمن كان بدري، دخلت الفصل وقعدت في الكنبة لقيت الفصل موجودين فيهو 4 بنات والمنتقبة كانت موجودة، ما اشتغلت بيهم ...
بعد فترة جات المنتقبة قالت لي يا أخت
قلت ليها انتِ معي ؟!
_قالت لي أي لو ممكن تزحي لي شوية أدخل
=ازح امشي ليكِ وين يعني الحتة دي كلها ما بتدخلك ؟!
_خلاص ماف مشكلة بمشي بي الجهة التانية
=يستحسن تعملي كدا
ماردت لي وده الغاظني أكتر ...
الجرس ضرب طلعنا وقفنا طابور وأول فقرة كانت قران كريم قالوا مع الطالبة: نور عادل
وطلعت دي البت المُنتقبة اللي أتشاكلت معاها، طلعت قرت الايات دي: *﴿وسارعوا إلى مغفره من ربكم وجنه عرضها السموات والارض اعدت للمتقين* *الذين ينفقون في السراء والضراء والڪظمين الغيظ والعافين عن الناس* *والله يحب المحسـنين* *وَالَّذِينَ إِذَا فَعَلُوا فَاحِشَةً أَوْ ظَلَمُوا* *أَنفُسَهُمْ ذَكَرُوا اللهَ فَاسْتَغْفَرُوا لِذُنُوبِهِمْ وَمَن يَغْفِرُ الذُّنُوبَ إِلَّا اللهُ وَلَمْ يُصِرُّوا عَلَى مَا فَعَلُوا وَهُمْ يَعْلَمُونَ﴾*
وصوتها كان سمح شديدد ولمن تسمعي بتحسي بي راحة نفسية كدا
تاني إتزكرت قبيل شكلتنا وعدم ردها قلت ولا سمح ولا شي
بعدها كان في كذا فقرة ومشينا على الفصول، هي كانت قدامي دخلت قبلي وقعدت، جيت داخلة عاينت ليها من فوق لي تحت وقعدت ما قالت لي حاجة، بدينا الحصة "أنا شايلة علمي أحياء "، لمن بدينا نلخص نسيت إنو مادخلت المقلمة الفيها الأقلام بالرغم من إنو أمي نبهتني!
الناس كلها قاعدة تلخص إلا أنا..
المس : يا طالبة ممكن أعرف ليه ما قاعدة تكتبي ؟!
أنا: نسيت أقلامي في البيت يا مس
المس: طيب يا بنات لو في واحدة فيكم عندها أدوات زايدة تديها
نور" البت المنتقبة" مدت لي قالت لي إتفضلي
كنت عايزة أقول ليها ما عايزة لكن قلت لي نفسي هسه انتِ مضطرة وما عندك حل غير تشيلي، ف سكتت و شلتو منها.
الحصص خلصت ...
طلعت برا لقيت عمو بتاع الترحيل ونسيت أدي نور أدواتها
وصلت جدعت الشنطة في الكنبة، أكلت، ومشيت غرفتي مسكت التلفون اتصفحت شوية ونمت كالعادة بدون صلاة !...
*"لو عَلمت عن أول سُؤال سيأتِيك فِي الإمتحَان*
*لاجتهَدت فِي حِفظه ؛ فلماذا لا تُحافظ عَلى صلاتِك وأنتَ تَعلم أنّها أولُ ما ستُسأل عنهُ يوم القِيامة؟!."*
*#إستغفروا🌻💛..*