رواية الصحبة الصالحة تصلح
الفصل الثاني2
بقلم اسرار جمعة
تاني يوم من إتجهزت مشيت دخلت أدواتي؛ عشان ما أنساهم ذي أمبارح شربت الشاي وطلعت لقيت عمو واقف برا أتحركنا ...
دخلت الفصل لقيت نور قاعدة براها مشيت ليها ...
= هاكِ أقلامك أمبارح نسيتهم
_ماف مشكلة، أصلاً عندي ليهم زائدات ف شيليهم حلال عليكِ
قلت ليها لا
_ مافيها حاجة يا بت إعتبريهم هدية خلاص
=طيب شكراً
_العفو يا حلوة
"صراحة خجلتني ومرت عليي مواقفي معاها وحاسبت نفسي ولقيت تصرفاتي دائماَ معاها ما حلوة وقلت إعتذر منها "
=لو سمحتِ
_أيوا إتفضلي
سكتت مسافة وبعدين قلت ليها ...
=بس كنت عايزة إعتذر ليكِ وعلى تعاملي ما كان حِلو وكدا يعني
_ماف مشكلة، العفو لله وأنا نسيت أصلاً
=طيب ممكن نتعرف
"حسيت نفسي عايزة أصاحبها "
_طوالي، أنا نور عادل
=إتشرفنا يا نور، وأنا أمل عبد الرحمن.
_شرف الله قدرك ♡
عجبني ردها
تاني ما أتكلمنا؛ لأنو الأستاذة جات
الحصة كانت فيزياء
بعدها أخدنا كيمياء وعربي
وطلعنا للفطور، أكلنا والجرس ضرب رجعنا تاني أخدنا كذا حصة، بعده كان فسحة الصلاة، الناس طلعت تمشي تصلي صلاة الظهر إلا أنا قاعدة في الفصل، بعد صلوا البنات بقول دخلوا الفصول أخدنا أخر حصة وطلعنا ...
لقيت عمو واقف ركبت وإتحركنا على البيت، سلمت على أمي ولقيت ابوي موجود سلمت عليهو، سألني من الدراسة
وكيف تعامل الأساتذة معانا
= تمام
_لازم تجتهدي يا بتي عشان ترفعي راسي، وتقري درس اليوم باليوم ما تراكمي عشان ما يبقى ليكِ كتير
=إن شاء الله
بعد إرتحت شوية، كان عندي باقي ملخص تميتو ومسكت التلفون فتحت الشبكة لقيت ضايفني في تلات قروبات واحد أسمو *"الى الله اقرب"* والتاني *" إنتقبي حباً "* والتالت " *كفى بنا غفلة".*
ما إشتغلت بالموضوع كتير، مشيت قروبات الونسة إتونست شوية وقفلتو بقيت أفكر لمن نمت ...
اليوم التالي ...
بعد أتجهزت طلعت لقيت الترحيل واقف وصلنا لقيتهم دخلوا الفصول، دخلت لقيت نور قلت ...
_ هاي
= يا السمحة قولي السلام عليكم أفضل؛ عشان تكسبي حسنات
_السلام عليكم
=ايوا كدا حِلو، وعليكم السلام ورحمة الله وبركاته
_كيفك ؟!
= الحمد لله في نعمة وأنتِ كيفك ؟!
_تمام
=الحمد لله
بعد إنتهينا من الحصص وجات فسحة الفطور طلعت برا لقيت نور معاها بت نادتني عشان أقعد معاهم، قعدت وبقينا نتونس، و المعاها طلعت صحبتها و قاعدة معانا في نفس الكنبة وإسمها يقين محجبة
_قلت لي يقين متين لبستِ الحجاب ؟!
= ده ما أسمو حجاب، ده خمار يلا يا غالية
*عندنا ثلاثُ أنواع من الزي الشرعي:-*
*1-المختمرة: هي السافرة التي يظهرُ وجهها ودي انا يعني اسمي سافرة أو مُختمرة* .
2 *-المنتقبة :هي التي تغطي وجهها ويداها وتظهرُ عيناها فقط* .
*3- المحجبة: هي التي لا يظهرُ منها إي شيء ولا حتى عيناها.*
*يعني الحجاب ده درجة أعلى من النقاب* . فهمتيني يا حلوة ؟!
_أيوة فهمت أول مرة أسمع المعلومة دي شكراً
=ولو ♡
ونفس السؤال وجهتو لي نور متين لبست النقاب ؟!
=في الإجازة لمن كنت عايزة أدخل أولى ثانوي
_لكن إنتِ ما صغيرة عليي النقاب ؟!
=رحم الله فتاة هذب الدين شبابها،وسبعة يظلهم الله تحت ظله يوم لا ظل إلا ظله منهم شاب نشأ في طاعة الله
طيب عارفة انتِ ح تموتي متين ؟!
ولما تقابلي ربنا ويسالك ح تقولي ليهَو معليش يارب أنا كنت صغيرة !!
_ربنا يهدينا
=أمين
_طيب إنتِ مستحملة كيف يعني ما قاعدة تكتمي نفس أو تسخني ؟!
=أبداً وأنا عاملة حسابي ليوم ربنا قال عليه "أشدّ حرًا"، لو زول عاوز يعمل إي حاجة ترضي ربنا مستحمل جميع العواقب، وجميع الإساءات، وكلام الناس ح يستمتع جداً بحياته وفجأة ح تلاقيه ما هامو حاجة غير ربنا وبس ...
وبعدو سكتت وقالت لي: إستحمل أيام الدنيا؛ عشان أنا ما قدر إنو إستحمل إيام الاخرة والنار
إجابتها اثرت فيني بطريقة غير طبيعية وقلبي بقى يدق إحساس خوف من يوم القيامة!...
*اللهم أرزقنا حسن الخاتمة ولا تأخذنا من هذه الدنيا إلا وأنت راضٍ عنا يارحمـٰن يارحيم♡♡.*
*#حوقلوا🌻💛..*