رواية زواج في الحرب
الفصل الاول1
بقلم اماني الروح
قصة حقيقة وواقعية
قالت بي سبب ظروف الحرب ناس كتير اضطرت تسيب بيوتها😭💔 وفي ناس سافرت وناس رحلت لي مناطق داخل العاصمة بس بعيدة شويا من مناطق الاشتباكات المعروفة لي الجميع 😭💔 نحن كن ساكنين ضمن المناطق البعيدة من الاشتباكات دي في ناس كتير جو داخلين حلتنا ومن ضمنهم مصطفي وعيلتو المكونة من بتو عُمر ثلاثة سنوات👧 بنوتة حلات الدنيا عليها اسمها تالا وامو وابوهو👩❤️👩 واخواتو اثنين تومات اسمهم نسمة وبسمة عُمر ٢١ سنة واخوهو محمد عُمر ١٥ سنة .. كانو ساكنين الخرطوم الرياض يعني في نص المعمعة الحاصلة وموقع ام الحدث قدرو يطلعو بي صعوبة شديدة 🫨😵💫 وجو حلتنا
المتواضعة مافي داعي لي ذكر اسم حلتنا حفاظا عليها من الجواسيس يقومو كمان يبلغو عليها وتبقي منكوبة زي باقي المناطق الله يستر🫡😭 المهم ما علينا جماعتنا الطيبين ديل نزلو عندنا نظرآ لي انو ما عندهم زول هنا بس القدر جابهم لينا في ناس دلوهم علينا علشان عندنا بيت لي الإيجار وكان فاضي الفترة دي لي حسن حظهم عشان فيهو صيانة وكدة يعني 😮💨😮💨 رحبنا بيهم وفتحنا ليهم البيت وجبنا ليهم كم سرير على كم تربيزة على كم كباية وكم حلة وصحن جازفنا ليهم شوية حاجة كدة لأنهم كانو جاين بس بي شنط في شوية هدوم 😵💫😒 الله يجازي الدعم السريع جهجهونا وخلونا زي المشردين الزول بكون عايز يطلع بي روحو وخلاص ما بكون فيهو أعصاب يلم اي حاجة او يعمل اي شي 😮💨💔 رحبنا بيهم وجهزنا ليهم الحاجات دي واستاذنا منهم عشان يرتاحو شويا شكلهم
تعبانين على مرعوبين وخصوصا البنوتة الصغيرة كانت بتبكي بي هستيريا 👧😭 وبتقول عايزة ماما وكلهم كانو بحاولو يهدوها بس ما قدرو لأنها كانت بترفض اي زول يلمسهاااا طلعنا منهم على كدة وقلنا نجيهم بكرة نتفقدهم 🤨😬 صوت البنوتة كان واصل الحلة كلها تقريبا ولقايت ما وصلنا البيت كنا سامعنو وفضلت تبكي لي ساعات طويلة 🫨😮💨 صراااحة ماقدرتا اتجاهلها اكتر من كدة ولبستا عبايتي ومشيت ليهم دقيت الباب فتح لي مصطفى كان باين عليهو متوتر ومعصب واخلاقو في راس مناخيرو قلتا لي اسفة علي الازعاج ما ردا علي اصلا اداني ضهرو ومشي 😡😡 يعني قمة قلة الأدب و السفالة اكلتها في حناني ودخلتا لاقتني وحدة من التومات قالت لي اسفين والله بس تالا طبعها شويا صعب قلتا ليها لا عادي مافي مشكلة بس ممكن اشوفها احتمال اقدر اتفاهم معاها