رواية زواج في الحرب
الفصل الثاني2بقلم اماني الروح
دخلتا لقيت تالا راقدة في الأرض ومنهارة من البكى طوالي اتربعتا جمبها في الأرض وبقيت اعاين ليهاااا بدون ما اتكلم بقت تعاين لي بدون ما توقف صريخ وبكي 😩😭 عملتي نفسي ما شغالة بيها بقيت ارسم بي اصبعي في الأرض شويا هدت من الصريخ وبقت منتبهة مع حركة اصبعي شويا شويا وقفت بكى خالص وقعدت تعاين لي 😪🙄 رفعتا راسي وقلتا ليها انتي بتعرفي ترسمي هزت بي راسها يعني ايوا 🫠🙃 قلتا ليها طيب وريني رسمك فعلا بدت ترسم قلتا ليهاااا وااااااااو رهيبة رسمتك دي وردة صاح قالت لي امممم قلتا ليها طيب تعالي نرسم بيت وبدينا نرسم انااا وهي لقااايت ما تعبت وختت راسها في رجليني ونامت😴😴 جات نسمة شالتها ورفعتا في السرير قالت لي خبرة شكلك في التعامل مع الأطفال ابتسمتا وقلتا بي سري خبرة شنو ي يمة وانا بورتي طاقة واخدتا اللقب بي جدارة وكان عندي امل في العيد دا يحصل شي بس الله يجازي السبب القدري عندهم ثلاثة قدر تالا دي 🤧🤧 قطع تفكيري صوت عمو احمد قال لي شكرا يا بتي كلنا ماقدرنا نتعامل معاها او نهديها بس انتي ماشاء الله عليك في ساعة قدردتي عليها 😌😔🫤 قمتا من الأرض وانا بنفض في عبايتي قلتا لي تسلم ي عمو بس تالا شكلها عنيدة ومذاجية وما بتجي الا بي سياسة معينة ربنا يحفظها🤗🤗 هنا خالتو سامية جات شايلة لي كباية
عصير قالت لي ماقصرتي والله من يوم امها الله يرحمها اتوفت هي اتغيرت وبقت عصبية وطوالي في حالة بكى😭😭 ومابترضى تتعامل مع أي زول غير نسمة حتى ابوها رافضاهو وحالتها النفسية صعبة شديد كانت معلقة في امهااا شديد ونحن غلبنا البنسوي معاهاااا والله 💔😭قلتا ليهااا ي ساااتر امها متوفية يعني قالت لي ايوا ليها سنة تقريبا قلتا ليها ربنا يرحمها ان شاء الله ويصبركم قالت لي اللهم امين يارب 💔😭 الصراحة البت قطعت قلبي وما راحت من بالي بس بفكر فيها 😭💔 امي الصباح جات قلعت مني البطانية قلع قالت لي اصلا مافيك فايدة جنك نوم واسي في زمتك دي سخانة يتغتو فيها قومي فذي 😒😒 قلتا ليها ي امي عليك الله ارحميني شويا خليني انوم اصحى اعمل شنو يعني غير اسمع صوت الدانات وزن الطيارات اليجيب الاكتئاب دا وجريت بطانيتي 🙃😴 وواصلتا نوم بعد شويا اسمع ليك صوت صريخ وكواريك قمتا من السرير زي الزول الملدوغ ولفحتا عبايتي وجريت الشااارع 🏃♀️🏃♀️ القاهم ليك ديل عطالة الحلة بلعبو ليدو جمب الدكان الله لا كسبهم قطع
الله لا كسبهم قطعو خلفي التافهين تلعب كراعهم ان شاء الله لو كنت عارفة لي رقم جياشي كان اتصلتا وبلغت فيهم اقول ليهم هنا مقر لي الدعم السريع رسلو طيارة ولا دانة ولا اي سجم رماد خلصونا منهم 😏😒 مشيت غسلتا وشي واتسوكتا ودخلتا المطبخ اكل لي حاجة مالقيت اي شي دخلتا جوة لقيت البيت فاااضي اجي يخواني امي واخواتي مشو وين من الصباح مايكون الدعامة خطفوهم 😱😱😱 يلاااا عقلي المريض اشتغل وركب لي سيناريو وبقيت أجعر وااااااي ي امي وااااي يا ريم وااااي ي روان خليتوني لي منو بعد شويا احس ليك بي لبعة في نص ضهري قلتا خلاااص اللبعة دي ما لبعة زول عااادي اكيد دعامي ولا جياشي جاين يلحقوني اهلي اتلفتا بي الحركة البطيئة القاهاااا ليك امي 😅😄 قالت لي بتجعري وتمنحي مالك فضحتينا مع الناااس صوتك جايب اخر الحلة بس كنكشتا ليك فيهاااا قلتاااا ليها الحمد لله يا امي بركة الشفتك طيبة قايلاك خطفوك الدعامة 🤑😚😚 زحتني منها وقالت لي فكيني كتلتني انتي الدعامة ي يمة اليكسر رقبتك مالك علي قلتا ليها كنتي وين انتي والصايعات ديل اخواتي عاينو لي بي قرف ومشو دخلو جوة مابعرف بتعاملو معاي كدة لي 💔😭 تقول ما اختهم الكبيرة اناااا امي زاتاااا القاسية ادتني نفس النظرة وصفقت يدينها وتمتمت بي كلام ما سمعتو لاني كنت مركزة مع صوت تالا البدت تبكي 🏃♀️😭 اصلا كنت لابسة وجاهزة طوالي مشيت ليهم