رواية كبرياء العشق
الفصل الاول1
بقلم شيماء طارق
والقلب ينبض بالحنين معلنا
عن وصول الحب وسعاده الحياه
رفض الكبرياء مقاطعا
مقاطعا علي القلب السعاده والهناء
تعالت الاصوات معترضه
فالقلب يريد الاحتواء ولكن الكبرياء مانعه حتي من الاقتراب
يعلن القلب الرفض ويعلن الكبرياء خضوع القلب له
يدق العشق باب القلب ولكن العقل يقف له بالمرصاد
اصبح القلب متيماً ولكن العقل مازال في شقاء
#شيماء_طارق ابوتايب
تابعو كبرياء العشق......
--------------------------------------------------
عائله السيوفي..........
من اكبر العائلات في الصعيد يخضع لها الجميع كبيرها هو...... راشد السيوفي
راشد السيوفي.... كبير عائله السيوفي رجل حازم وصارم الطباع لا يستطيع احد مجادلته او عدم تنفيذ اؤامره يمتلك الكثير من الاراضي والشركات التي يديرها احفاده وابناءه وهناك ايضا شاركات في القاهره تابعه له ولكنه يباشر العمل من بعيد فهو لا يحب ان يترك الصعيد فيخبره ابناءه بما يحدث ...لديه من الابناء ثلاث...
محمد السيوفي..... وهو الابن الاكبر ل راشد السيوفي يعمل مع والده ويكون دائما بجواره لا يتركه ابدا وطباعه مثل ابيه متزوج من ابنه عمه هناء وهي طيبه القلب وحنونه لها من الابناء ثلاث حسام وادهم و أسماء ........سنتعرف عليهم خلال الاحداث 😊
أحمد السيوفي..... يعمل مع ابيه احيانا واحيانا أخري يعمل مع الابناء فهو يسافر بين الصعيد والقاهره لديه بعض صفات ابيه ولكنه يتسم بالمرح قليلا في بعض الامور ولكنه جاد كثيرا وحازم ايضا متزوج من ميرفت تعيش في القاهره ولا تحب الصعيد لديه من الابناء آسر وسيف
محمود السيوفي..... يعيش مع ابيه في الصعيد ولكنه تلقي تعليمه في جامعه القاهره وعاد مجددا للصعيد وتزوج من ابنه عمه صفاء وهي تكون واخت هناء ولم يرزقهم الله ب أبناء
----------------------------------------------------
روما في السادسه والعشرون من عمرها تعمل دكتوره في جامعه القاهره تعيش هي واختها يارا في المنزل وحدهم بعد وفاه والدتهم وهي تعتبر كل شئ في حياه اختها
يارا اخت روما ولكن من الام فقط في العشرين من عمرها تحب روما جدا وتتعامل معها علي انها كل حياتها. تدرس في كليه الهندسه
---------------
ميرا... وهي صديقه روما المقربه وتعمل في احدي الشركات في القاهره
لمار... صديقه يارا وتدرس معها في كليه الهندسه تحب يارا بشده وتحترم روما كثيرا وتأخذ بنصائحها فهي تعتبرها اختا لها
.........
باقي الشخصيات الي هتظهر هنتعرف عليها خلال القصه
...
الفصل الاول
الفصل الاول من.... كبرياء العشق....
تدلف الي الداخل بخطوات بطيئه حذره من اصدار اي صوت خلفها تتلفت حولها في الغرفه تنظر الي تلك التي تخبئ وجهها بالغطاء تتقدم لكي تفزعها ولكن الامر ينقلب عليها مجددا كمثل كل يوم
....تستيقظ وتقوم بسحب الغطاء من علي وجهها بعد ان شعرت بخطوات اختها اليها
.....بردو مش هتعرفي تخضيني
هتفت الاخري بتزمر.. كل مره بتعملي فيا كدا يا روما روما وهي تعتدل وتجلس علي الفراش : الطبيعي يا يارا
يارا : طيب عايزه فلوس
روما : هي ديه صباح الخير
يارا : يابنتي عندي كليه ومحاضرات وسكاشن ولسه في تسليم شيتات ومشاريع ووووو...... قاطعتها روما بعد ان نهضت من علي الفراش
روما : باااااااس خلاص اتفضلي الفلوس اهي وانزلي شوفي انتي رايحه فين
يارا بعد ان اخذت الفلوس : تشكري يا حاجه ربنا يخليكي للغلابه الي زيي
نظرت لها روما نظره تعرفها جيدا فهرولت من امامها مسرعه الي ان غادرت المنزل
نظرت روما لها الي ان اختفت من امامها وظهرت علي ملامحها ابتسامه سرعان ما تغيرت معالم وجهها الي الحزن حين وقعت عيناها علي صوره والدتها المعلقه علي جدار غرفتها فإبتسمت بحزن وهي تردد.... الله يرحمك يا ماما..
دلفت الي المرحاض ومن ثم قامت بالوضوء ثم ادت فرضها وتوجههت الي خزانه ملابسها واتت لها بفستان من اللون الزهري ووضعت حجابها ثم نظرت الي الساعه المعلقه علي الجدار
روما : ياربي الساعه بقيت 9 وانا عندي محاضره 9 ونص يارب الطريق يبقي كويس...... ثم اخذت حقيبتها وغادرت منزلها ثم توجهت الي سيارتها وذهبت في طريقها الي الجامعه...
***************************
ينزل من أعلي بهيئته التي تسحر من حوله لما لا فهو آسر السيوفي احد احفاد راشد السيوفي ويمتلك القوه والنفوذ ولديه بعضاً من الغرور ولكنه يسميه ثقه بالنفس آسر السيوفي في التاسعه والعشرين من عمره هو الابن الاكبر ل أحمد السيوفي يلحق به علي الدرج اخيه سيف الذي يصغره ب عامين يتملك نفس صفاته الا انه متواضع مع الجميع
سيف : صباحو يا آسر
آسر : صباح الخير يا سيف
سيف : هتروح الشركه النهارده
آسر : يظهر ان ذاكرتك بعافيه شويه
نظر له سيف بعدم فهم فتركه آسر ونزل الدرج مسرعا متوجها الي غرفه الطعام حيث ينتظره والده ووالدته
آسر وهو يقبل امه : صباح الخير يا ماما
ميرفت : صباح الخير يا حبيبي
أحمد : وبالنسبه لبابا مفيش ليه صباح الخير
ابتسم آسر وتوجهه الي ابيه وقام بتقبيل جبهته : صباح الخير يا بابا
أحمد : صباح النور اقعد افطر عشان نتحرك
سيف : تتحركو فين
نظر له آسر ولم يعلق بينما تحدث أحمد
أحمد : انت نسيت ان جدك طلب اننا نسافر البلد
ضرب سيف جبهته بيديه : اووه نسيت
آسر بخفوت : مفيش فايده
أحمد : لحقت تنسي دا انا لسه قايلك بليل
سيف بمرح : حكم السن بقي يا أحمد يابني
ميرفت : ولد كلم بابا كويس
سيف : هو انا قولت حاجه
ميرفت : سييييف
سيف وهو يضع الطعام في فمه : سكت
أحمد : هتيجي معانا يا مرفت
مرفت : لا انا من امتي وانا بروح الصعيد انا مش هسيب بيتي واروح الصعيد انا روحو انتو وانا هفضل هنا
آسر : هتفضلي لوحدك يا ماما
مرفت : لا معايا سيف
أحمد : بابا قال الكل يجي يعني سيف هيسافر معانا
كان سيف يشرب المياه وما ان استمع الي حديث والده الي ان قذف المياه من فمه
مرفت : اي دا يا سيف انت اتجننت
أحمد : ايه القرف دا يا غبي
بينما ابتسم آسر وهو ينظر الي سيف الذي نظر له بغضب ف سيف لا يحب السفر الي الصعيد هو الاخر فهو يعتبره تقيد ل حريته
سيف : يعني ايه يا بابا
أحمد وهو ينهض من علي طاوله الطعام : يعني هتكون معايا يا سيف والشنط جهزت وهنتحرك كمان ساعه...... وتركهم وغادر
آسر وهو ينهض هو الاخر : نتقابل في السفر يا سيفو نظر له سيف بغضب ف رحل آسر وهو مازال يبتسم
مرفت : لو مش عايز تروح يا حبيبي مش مهم اي حد
سيف : مفيش حاجه اسمها مش مهم يا ماما دا جدي الي طلب واحنا لازم ننفذ ...عن اذنك عشان الحق اجهز.. وتركها وغادر
مرفت : يوووه امتي بقي يموت ويريحنا اووف
**************************
في كافتريا الجامعه....
...اووف سكشن غبي
لمار : دكتور متخلف
يارا : مش عارفه انا امتي هنخلص
لمار : متقلقيش كلها سنتين ونخلص من القرف دا
يارا : ياارب..... هي الساعه كام
نظرت لمار الي هاتفها لتري كم الساعه وما ان رآتها حتي هبت واقفه وصرخت
لمار : ينهار ابيض
يارا : فيه ايه يا بت
لمار : محاضره الساعه 9ونص
يارا : مالها ما الساعه 9 تقريبا
لمار وهي تلملم حاجتها وتجعل يارا تلملم اشيائها هي الاخري : لا الساعه 9 ونص وخمسه
يارا وهي تركض : ينهار مش فااايت ليلتنا بيضه
لمار : هتطلع عنينا انا عارفه
يارا : متعيطيش من دلوقتي استني لما نوصل كله منه منك لله يا دكتور مهاب ربنا ينتقم منك يارب
وصلو الي المدرج حيث المحاضره ووجدو باب المدرج مغلق
يارا : خبطي وادخلي
لمار : وانا مالي ياختي انا ماليش دعوه
يارا : طيب بصي يلا ندخل مع بعض
لمار : بس انا هبقي وراكي دي ممكن تتهور
يارا بخفوت : دي لو متعصبه يبقي ليلتنا طين
دلفو الي الداخل بعد ان طرقو الباب ولم يأذن لهم بالدخول
.......اناااا آذنت ليكو انكو تدخلو
نظرت الفتاتان الي بعضهما وابتلعت يارا ريقها و
يارا : آسفين يا دكتور علي التأخير
.....برررررره
لمار : يا دكتور والله كنا في سكشن ووووو
قاطعتهم : كنتو في سكشن لوحدكو اشمعنا انتو الي اتأخرتو
يارا : يا دكتور والله احنا كنا....... قاطعتها مره أخري
.......قولت برررررره
يارا : يا روما والله
روما بعصبيه : اسمي دكتور روما ودلوقتي اطلعو بره ضيعتو وقت زمايلكو
خرجت يارا ولمار من المدرج مسرعين فهم يعرفونها عند الغضب بينما التفتت روما الي الطلاب هاتفه بصوت عالي : انا قولت قبل كدا ان مفيش حد يدخل بعدي زي ما انا بلتزم بالمواعيد يبقي لازم الكل يلتزم واظن اكبر دليل اني مش بتعامل مع حد بتميز اني طردت اختي من المحاضره...... قالت جملتها وهي تنظر الي احدي الفتيات التي كانت تتحدث مع صديقتها ان روما تفرق بين اختها وباقي الطلاب
.......
الجميع يشهد قوه روما وذكائها فهي تربت علي القوه وعدم الخضوع كل ما مرت به في حياتها كان يزيدها قوه علي قوتها فصنعت منها شخصيه يهابها الجميع ويحترمها الكبير قبل الصغير
..........
لمار : عجبك كدا
يارا : وانا مالي وبعدين انا كنت مصحياها من النوم مكانتش متعصبه كدا
لمار : وهنعمل ايه بقي ياختي في المحاضره
يارا : ولا حاجه هي كدا كدا الي مش فاهم حاجه بتشرحها ليه فا احنا هنذاكر ولو مفهمناش هنخليها تشرحلنا
*************************
.....تحت امرك يا فندم..... هبلغ الجميع يافندم..... أحمد بيه مش جاي هو كمان.... تمام يا فندم.... حاضر....
اغلقت الخط وتوجهت الي الاستقبال في الشركه
ميرا : بلغي الجميع ان مستر آسر واحمد بيه مسافرين ومش جايين النهارده وبيبلغو الجميع ان الشغل هيفضل زي ما هو تحت اداره مساعد رئيس مجلس الاداره الاستاذ عبدالحميد
موظفه الاستقبال : تمام يا ميرا
صعدت ميرا الي مكتبها مجددا فهي تعمل سكرتيره في شركه السيوفي فهي السكرتيره الخاصه ب آسر السيوفي
توجهت الي هاتفها ثم ضغطت علي احدي الازار وانتظرت الي ان يأتيها الرد
ميرا : الوو ايوه يا حببتي عامله ايه
......الحمد لله يا بنتي
ميرا : اخذتي العلاج يا ماما
والدتها : ايوه يا حببتي اخذته
ميرا : طيب يا حببتي انا هخلص الشغل وهشتري اكل وانا جايه متتعبيش نفسك وتعملي
والدتها : ليه يابنتي
ميرا : عشان متتعبيش ياحببتي وبعدين اهو تغير يلا مش هتأخر عليكي
والدتها : تيجي بالسلامه يا بنتي... ...ثم اغلقت الخط وما ان اغلقت الي ان رن هاتفها معلنا عن اتصال جديد
ميرا بسعاده : انتي فين بقالي اسبوع مشوفتكيش كدا يعني ولا اكني صحبتك ولا اي حاجه ومبتسأليش عليا ما هو الاهتمام مبيطلبش يا ست روما
روما : ايه يا ماما اهدي شويه مش مبطله رغي كدا ليه وبعدين انا الي متصله بيكي يعني انا الي بسأل مش انتي
ميرا : مدخلناش في تفاصيل
روما : وحشتيني عامله ايه
ميرا : انا الحمد لله ايه رأيك تجيبي البت يارا وتيجي تتغدي معايا انا وماما النهارده
روما : طيب تمام طنط اصلا وحشتني
ميرا : تمام هشوفك علي الغداء
روما : تمام سلام .......واغلقو الخط
******************************
......شهلي يا ام أدهم الولد زمانتهم علي وصول
هناء : حاضر يا عمي خلاص اهو
راشد : وينها صفاء
اتاه الرد من خلفه : انا اهه يا عمي كنت بالمطبخ
راشد : خلصتي الوكل ولا لسه
صفاء : خلصته يا عمي كلاته
راشد : وينه جوزك
صفاء : محمود راح الشغل من بدري وجال انه هيجي علي ميعاد وصول الاستاذ أحمد
راشد : وولادك يا هناء
هناء : ادهم راح الشركه وحسام جال انه هيروح مزرعه الخيل
راشد : ومحمد
اتاه الرد من خلفه
محمد : انا اهو ياحج
راشد : اخوك جاي ميتي يا ولدي
محمد : جدامه ساعه ويوصل يا حج
راشد : طيب شهلو يلا
محمد : هو انت جبته ليه ياحج
راشد بغموض : منشان اتوحشته هو والولد يا محمد
نظر له محمد بصمت.ولم يعلق
اتت تهرول اليهم بسعاده
أسماء : جدو يا جدو
راشد بإبتسامه : خير يابتي
أسماء : عايزه هديه
راشد : واه هديه ليه
أسماء : منشان عيد ميلادي ياجدي
محمد : كل سنه وانتي طيبه يا بتي
راشد بإبتسامه : الي انتي عايزاه كلاته يجيلك تحت رجليكي
أسماء : توعدني ادخل كليه في القاهره
نظر لها محمد بغضب ولكن كلمات الجد لهم جعلته يهدء
راشد : الي فيه الخير يجده ربنا يا بتي
أسماء : يعني ايه
راشد : يعني الي فيه المُصلحه ربنا يجدمو ليكي.. يلا همي روحي ساعدي امك ومرات عمك
أسماء بطاعه : حاضر يا جدو
محمد : انت هتسيبها تتدلي مصر يابوي
راشد : سيبها علي الله يا ولدي شوف الولد اتأخرو ليه
دلف الي الداخل وتوجهه الي جده وابيه يلقي عليهم التحيه
أدهم : صباح الخير ياجدي.. صباح الخير يا بوي
راشد : نزلت ميته يا ادهم
ادهم : من الصبح ياجدي جولت اعدي علي الشركات جبل ما عمي وولاده يجو ووجتها مش هعرف اشتغل واصل
محمد : طيب اطلع ارتاح عجبال ما يوصلو
ادهم بطاعه : امرك يا بوي ....عن اذنك يا جدي
ادهم السيوفي... احد الاسماء التي يهتز لها الصعيد بسبب قوته وحددته مع الجميع لا يهاب احد سوي جده وابيه بينما الجميع يهابه ويخافون منه ولا احد يجرؤ علي مواجهته يبلغ من العمر ال 30