رواية منقذي الجزء الثاني2من زواج في الحرب
الفصل الثاني عشر12بقلم اماني الروح
زواج_في_الحرب_الجزء_الثاني
منقذتي12
تالا عانت معاي كتير كانت محتاجاني اعوضها عن امها وللاسف بقيت ليها خيبة امل كبيرة .. انا ما كنت مستوعب موت نجلاء ولا قادر اتقبل انها خلاص بقت في عالم تاني إيماني كان ضعيف شديد كنت بعيد كل البعد عن ربنا حتى الصلاة خليتا كل تفكيري اني اعرف هل ماتت في حادث عادي ولا كان مدبر من وليد .. الساعة ٣ صباحا جاني تلفون من سامرين قالت لي بسرعة تعال الشقة الاتقابلنا فيها امس في معلومات مهمة لازم تعرفها عن قتل نجلاء دورتا العربية وطيران عليها دقيت الجرس فتح لي الباب مازن وكان شايل سلاح في يدو قال لي ادخل من سكات وما اسمع صوتك دخلتا لقيت خالد ووليد قاعدين وسامرين مربوطة في الكرسي وكانت بتعاين لي وبتبكي بي صوت مكتوم لانو كان مكممنها بي لصاق مازن جراها من شعرها وقال ليها دا حبيب القلب الكنتي ناوية تبيعينا علشانو الليلة حتموتي انتي وهو وحتموتو موتة غير مشرفة جريت علي مازن وضربتو بنية في وشو وبعدتو عن سامرين كنت بحاول افك الحبل بس خالد اتصرف وضربني بي فاظة في راسي خلتني دايخ ومافاهم حاجة قبل استعيد تركيزي مازن جاء وربطني في الكرسي هنا وليد الحقير بدا يتكلم وقال لي انت بعد المصايب الجات على راسك دي لسة شايف نفسك وافتراك دا ما خليتو طول عمرك شايف نفسك احسن مننا وكل البنات جارية وراك حتي سجي الاتشاكلنا فيها انا وخالد ما كانت شايلانة من ارضنا وكانت جارية وراك ياخ ويوم الشكلة ماكلفتا نفسك تصلح بينا بالعكس كنت مكتف يدينك وتتفرج وفي الاخير ضحكتا واستهتراا علينا وقلتا لينا تاعبين نفسكم على وحدة ماهاميها في الدنيا غيري .. حتى الجامعة والدراسة كنت متفوقة فيها مع انك ياخ بقيت زينا في الانحراف واحتمال تكون فتنا بي مراحل وكنت دايما بتتباها قدامنا انك شاطر وذكي واول الدفعة مع انك ما تساوي جنية كنت بعاين لي وليد وحقيقي مصدوم معقولة يكون في بني آدم حاقد لي الدرجة دي وشايل في قلبو كل الغل والحسد دا .. انا ابدا ما كنت بي السوء دا وكلامي دا كان كلو رد فعل على كلام كانو بوجهو لي كنت بقول ليهم انا شاطر لانو كان دايما بقولو لي نتيجتك مزورة علشان خالك عميد الكلية وفعلا قلتا ليهم سجي جارية وراي لانو اتهموني اني ما راجل علشان رفضتا اعمل معاها علاقة في الحرام صح انا انحرفت وبقيت بسكر ومرات بشرب مخدرات بس انا ما كنت كدة من الاول عملتا كدة بس علشان اوريهم اني شفت ومقطع الدنيا زيهم ما اكتر صح دا ما سبب ولا رجالة مني بس كنت طايش وفي عمر بتاع تهور وتراجعت عن الأنا فيهو بي مجرد ما سافرتا وبعدتا عنهم كنت مصدوم ومتفاجأة من كلام وليد وما كنت قادر حتى انطق بي كلمة خالد قال لي تصدق العملاناهو فيك وفي مرتك قليل جدا علشان كدة قررنا نزيدك شويا والمرة دي الجرعة حتكون زايدة حبتين لازم تستحمل يابطل مازن قال ليهو دقيقة دقيقة لازم يعرف مرتو ماتت كيف علشان يكون عندو حاجة تسليه وهو بقضي باقي عمرو في السجن قرب علي ورفع لي راسي بي المسدس قال لي مستعد ي بطل لي المفاجاءة انا في اللحظة دي الدم كان بغلي في عروقي وبقيت ماشايف قدامي من الغضب بس الحبل كان مربوط بي قوة ومافي طريقة افكو قال لي لالا اهدي شويا أعصابك يااا مصطفيكو ماعايزنك تموت قبل تعرف الحقيقة .. قدرنا نوصل لي مرتك من خلال ممرضة كانت بتشتغل معاها في المستشفي الصراحة ساعدتنا كتير وقدرت تستدرجة لينا برا البيت وياسيدي علشان ما تزعل دفعنا فيها كتيير علشان تموت يعني اطمن ما ماتت موتة رخيصة اضطرينا نشتري عربية ونأجر واحد من مستخدمي تطبيق ترحال شفتا كيف ما بخلنا عليها بي شي المهم اتصلت عليها الممرضة وقالت ليها الحقيني ابوي بموت يا نجلاء لازم تجيني اسي وحا ارسل ليك ود خالتي بي العربية علشان ما تتاخري علي .. ومرتك زولة حارة ما اترددت ولا لحظة كن متوقعين تجيب بتها معاها ونكون ضربناك في مقتل بس لي سوء حظنا جات براهااا وركبت العربية الاصلا نحن لاعبين في فراملها السواق ما كان عارف انو في جريمة حتحصل كان مفتكر انو حيخطف وحدة وخلاص بس المسكين راح فيهااا مع نجلاء ربنا يرحمهم الاثنين وحاليا يا حلو انت حتقلع كل هدومك وترقد في السرير دا زي الشاطر انت والمزة دي لاني ناوي اقتلها واركبك انت الجريمة نسيت اقول ليك سامرين تكون مرتي ماباركتا لين يؤؤؤخ عقدنا قبل ساعتين