رواية منقذي الجزء الثاني2من زواج في الحرب
الفصل الثالث عشر13بقلم اماني الروح
وعقد الزواج بي تاريخ قديم اتلفت على وليد وخالد وقال ليهم عايزكم تساعدوني في الاختيار هل نقتلو هو و سامرين بي تهمت الخيانة الزوجية ولا نقتل سامرين ونركب الجريمة لي مصطفي الأحسن ياتو افتوني لاني بي الجد محتار وليد بقي يضحك وقال ليهو خلي عندك رحمة يؤؤؤخ عندو طفلة بربي فيها انا شخصيا مع الاقتراح الثاني .. خالد قال ليهو انا مع الخيار الأول نخلص منهم مرة وحدة ونخلص من الموضوع دا .. مازن سرح شويا وقال ليهم رايكم شنو في خيار ثالث قالو لي كيف قال ليهم حا اوريكم بيان بي العمل .. خالد يدك معاي شالوني وربطوني في سرير وطلعو لي القميص اللبسو وعملو مع سامرين نفس الشي وخلونا في وضع حقير جدا ومازن اخد لينا كم صورة وطبظ في تلفون شويا وقال ليهم تم النشر ... بعد خلص قال ليهم كدة تم انجاز نصف المهم ووجهة المسدس على سامرين واداها طلقة في راسهاا انا ما كنت مصدق الشفتو بقيت بس بعاين لي سامرين وهي غرقانة في دمها وخالد ووليد برغم من انهم عارفين الحاصل بس كانو متفاجئين من سرعة التنفيذ كلنا داخلين في حالة لاوعي حتى مازن كان مهجوم قبل م نفوق كن الصدمة باب الشقة كان مكسور ودخلت الشرطة ومعاهم اكرم ولد خالي مازن اول ما شاف الشرطة ارتبك زيادة ودخل في حالة بتاعة هستيريا وبقي يكورك ويخبط في الحيط انا قتلتها انا ضربتها طلقة في نص راسها انا قتلتها الضابط ضربو كف لقايت ما وقع وقال لي العساكر كلبشوهم كلهم ونزلوهم العربية كلبشونا كلنا وعلى القسم
فلاش باك
"بعد مكالمة سامرين القالت لي فيها تعال الشقة عندي معلومات عن مقتل نجلاء كنت مستعجل شديد وعايز أصلها بي اي طريقة بقيت اتحرك حركة سريعه وعشوائية وانا بفتش في مفتاح العربية اكرم كان بايت معاي وصحي بي حركتي قال لي في شنو قلتا لي مافي حاجة وين مفتاح عربيتك لازم امشي بسرعة نجلاء اتقتلت وفي معلومات لازم اعرفها حاول يمنعي في الأول قال لي دا اكيد فخ معمول ليك وخصوصا انو الوقت اتأخر شديد بس انا ماكنت مستعد اسمع اي حاجة منو بعد اصرار شديد خليتو يمشي معاي بعد وصلنا الشقة قلتا لي انتظرني هنا قال لي مسحيل اخليك تطلع براك قلتا لي لو شافتك معاي حتخاف وما حتتكلم قال لي طيب حااديك نص ساعة اذا ما جيت طالع او اتصلتا علي انا حا اتصل علي الشرطة قلتا لي تمام اتصرف بي راحتك بس انا لازم امشي .."
رمونا كلنا في الحراسة اكرم طلب انو يتكلم معاي بس الضابط رفض قال لي لقايت الصباح وقت التحقيق ممكن تشوفو بس اسي ما ممكن ونحن ورانا مية حاجة لسة في جثة وطبيب شرعي وفي مسرح جريمة وبصمات حنرفعها وفي مية اجراءة
اكرم فضل قاعد في القسم لي الصباح لقايت ما جاء الضابط وبداء التحقيق معاي اكرمحضر معاي التحقيق بي صوتو محامي .. حكيت كل حاجة عنهم من وقت الشكلة والسبب في شلل وليد لقايت ما مازن قتل سامرين رجعوني تاني الحراسة وتم التحقيق مع خالد ومازن ووليد كانو منهارين تماما واعترفو بي كل حاجة عملوها واتعرضنا على النيابة وانا طلعتا بي ضمان مالي .. وجددو الحبس لي مازن ووليد وخالد بي تهمت القتل العمد والتحريض والتخطيط لي مقتل نجلاء التحقيقات استمرت أربعة أشهر لقايت ما تمت المحاكمة بي الاعدام لي مازن وخالد ووليد بس السجن المؤبد .. كانت أصعب لحظات تمر علي لما كنت بمشي بحضر جلسات المحاكمة كنت بكون عايز اقتلهم بي يدي علشان اطفي النار الجواي عشت اسواء سنة في حياتي بعد قتل نجلاء اهلي عانو معاي كتير اضطرو ينقلو لي السودان علشان يعيشو مع تالا ابوي كان بمشي ويجي كل فترة حقيقي مهما اعمل واسوي ما حا اقدر اوفي اهلي وقفتم معاي .. كنت موجوع شديد بين حقد اصحابي وخزلانهم لي واحتيالهم علي وبين موت نجلاء بي سببي كنت بتعمد اعاقب نفسي واقسوة عليها وابعد نفسي من بتي لاني كنت خايف انها تتازي بي سببي لقايت ما دخلتي حياتي انتي ياريل ورتبتيها لي انا كنت ضايع وقنعان من الدنيا كلها ما كان عندي رغبة في الحياة خالص وكل يوم بتمنى الموت .. أول يوم شفتك فيهو حسيت انك حتكوني حاجة في حياتي بس كنت بتعمد اتجاهلك واحسسك اني ماشايفك عارف كنتي بتتغاظي مني ومرات كتير كرهتني فيها بي سبب تصرفاتي معاك كنت بقاوم في احساسي اتجاهك بس كنتي دائما بتتغللي جواي تتذكري يوم شفتك في الدكان وكنتي طالبة اندومي وتقريبا بتاع الدكان كان بحاول يقنع فيك تاخدي بسكويت او اي حاجة تاني بدلها بس انتي كنتي معندة شديد واستفزاك اكتر لما اتجاهلك وبقى يتكلم معاي انا في اللحظة دي كنت مركز في كل تفاصيلك وحركاتك الطفولية وردات فعلك كنت متمني اللحظة دي ما تخلص واتمنيت اكتر بتاع الدكان يطول معاك في الكلام اكتر علشان بس اشوفك .. حتى في اللحظة دي سلمتا عليك بس حضرتك ما رديتي علي ولا عبرتيني ولا كلفتي نفسك تعايني لي وكنتي بتتكلمي كلام بي صوت واطي كنت متأكد انك بتنبذي فيني