رواية منقذي الجزء الثاني2من زواج في الحرب الفصل الخامس5بقلم اماني الروح
استقبلتها وقعدتا معاها علشان افهم الحاصل بس ما كانت قادرة تحكي قلتا ليها خلاص ارتاحي لي الصباح نتفاهم دخلتا لي ريل جوة قلتا ليها لي ما جيتي قعدتي معانا قالت لي حبيت اخليكم علي راحتكم .. الصباح طلعتا الشغل هالة كانت لسة نايمة قلتا بعد ارجع افهم منها الموضوع
بعد مصطفي طلع جهزتا تالا لي المدرسة ونزلتا معاها لقايت ما الترحيل جاء اطمنتا عليها ورجعتا البيت لقيت هالة قاعدة في الهول صبحتا عليها كالعادة ردت علي بي قرف خليتا ودخلتا المطبخ اصلا اتعودتا علي مساختها وكرهها لي بدون سبب جهزتا ليها فطور خفيف مع كباية شاي ووديتو ليها قالت لي شيلي انا ما عاوزة اكل ما عندي نفس ولا كذبتا طوالي شلتا الاكل وقلتا بي سري ان شاء الله عنك ما طفحتي وحدة منفسة دخلتا غرفتي واتصلتا على امي حكيت ليها الحاصل قالت لي اوعك تتلومي معاها اصلا هي عايزة فرصة تخرب بيتك ما تشتغلي بيها ولا تسمعيها كلمة قلتا ليها والله انا بس عاملة خاطر لي مصطفي ما اكتر من كدة ولا كنت حا اعرف شغلي معاها وانتي عارفة لساني لو قمتا .. مفروض ما تحمد ربها اني ما حكيت لي مصطفي بي العملتو معاي وحدة متخلفة بي الجد ما بعرف عملتا ليها شنو اتكلمتا مع امي مسااافة واتفشيت قفلتا منها اتذكرتا المكالمة الجاتني من الرقم الغريب طلعتا الرقم وحاولتا ابحث في النمبر بوك واعرف دي منو بس بدون فايدة الرقم طلع ما مسجل .. اتصلتا علي شيماء وحكيت ليها بي المكالمة العجيبة دي قالت لي رسلي لي الرقم وبحاول اعرف ليك دي منو وما تشغلي بالك احتمال تكون مكالمة بي الغلط او زول حابي يوقع بينكم جاريتا في الكلام وانا من جواي حاسة انو انا المقصود وما مجرد لخبطة في الأرقام .. قفلتا منها وانا جواي يقين انو هالة عندها يد في المكالمة دي وما بعيد دي تكون صحبتها الخاتة عينها على مصطفي .. قضيت اليوم بين أولادي وتالا والمطبخ مسافة خلصتا مصطفي كان وصل ختيت الغدا ومشيت ناديت على الهانم جات كانو مافي حاجة .. عقربة بي الجد تعرف لي التمثيل غبية انتهينا من الغدا عملتا ليهم عصير وسيرمس شاي ودخلتا غرفتي
قعدتا مع هالة وسالتهااا قالت إنها متشاكلة مع راجلها بي سبب الشغل لانو ما عايزها تشتغل قلتا ليها طيب من حقو يوقفك من الشغل لو كنتي مقصرة في بيتك وبعدين هو ما مخليك محتاجة حاجة قالت لي انا ما مقصرة في حاجة ي مصطفي وكل واجباتو قايمة بيها قلتا ليها كيف ما مقصرة ي هالة وانتي ٢٤ ساعة برا البيت ي اما في شغلك يا مقضياها فسح وطلعات مع صحبتك المجنونة دي وكلمتك مية مرة صحبتك دي انا ما برتاح ليها وحتخرب بيتك قالت لي صحبتي مافي زيها وانت عارفة ميتة فيك موت قلتا ليها اسكتي وكلامك دا ما اسمعو تاني وشغلك حتخليهو علشان تحافظي علي بيتك . سكتت مسافة وقالت لي نفسي اعرف العاجبك في ريل شنو قلتا ليها انا نفسي اعرف ريل عملت ليك شنو علشان تكرهيها كدة وبعدين انتي ماليك دعوة بيهااا طلعيها من راسك يا هالة وحركاتك البتعملي فيها دي انا عارفة كويس وانا ساكت علشان انتي اختي بس اليوم التفكري تأزي فيهو ريل بنسي اي حاجة وحتشوفي وش عمرك ما شفتيهو ومشيت من جمبها مضااايق دخلتا لقيت ريل حاضنة تالا ونايمة رقدتا جمبهم وشالتني نومة صحيت الصباح بدري لقيت هالة مافي اتصلتا عليها قالت لي انا مشيت لانو شكلك ما طايقني وبتفضل مرتك علي قلتا ليها انتي اكيد مجنونة وحاصل لي عقلك شي قالت لي دا الحاصل ي مصطفي وكلامي صحيح ١٠٠%بي دليل انك ممكن تخسرني علشانها وريل دي حا افضحها ليك على حقيقتها لأنك مخدوع بي وشها البرئ وقفلت فيني بي الجد ما معقولة هالة جنت على الآخر وغيرتها من ريل عامية عيونهااا على الآخر .. لقيت ريل واقفة قدامي ومكتفة يدينها قالت لي سرحان وين قلتا ليها فيك قالت لي كذاااااااب اعترف سووورعة سرحان وين قلتا ليها ماف حاجة بس اتاخرتا على الشغل ولازم اطلع قالت لي عايز تهرب كالعادة صح بس ما حتقدر لازم تتم لي قصتك مع اصحابك والشغل الجديد وسااااامرين قلتا ليها طيب تمااام اول ما ارجع حا احكي ليك ياااقلب يلااا سلااااام لي بعدييين
بقيت قاعدة على اعصابي ومتشوقه اعرف الباقي شنو وسامرين دي تطلع منو .. كنت في المطبخ لما مصطفى رجع من الشغل ولا كذبت طوالي جريتو قعدتو في الهول وجبتا ليهو عصير علشان م يقول لي تعبان م قادر ..
اها يا ستي سامرين دي اُس البلاوي وبي سببها انا خسرتا كل شي وبديت من الصفر طلعو اصحابي متفقين ومخططين لي كل شي مع بعض بي الاتفاق مع وليد .. وسامرين طلعت اخت وليد وهو المحرضة علشان تنتقم مني لانو خالد ومازن فهمو انو انا السبب في الحصل ليهو وطلعو نفسهم بي كل بساطة