رواية كبرياء العشق
الفصل الواحد والعشرون21
بقلم شيماء طارق
مر اسبوع ولم يتغير شئ ف آسر ما زال لم يستجيب للحياه رغم ان اصابته لم تؤثر عليه بشئ ولكن هو من رافض الحياه كما قال لهم الطبيب........
تنظر له في شغف وحب يلمع في عينيها وهو يبتسم لها بسعاده ويقترب منها الي ان امسك يديها
....تعالي معايا
=هنروح فين
....مكان بتاعنا احنا لوحدنا محدش يضايقنا فيه
= هيقلقو علينا
....مش مهم اي حد المهم اننا نكون مع بعض
=بس انت هتمشي وتسيبني
.....انا مقدرش اسيبك مفيش حد يقدر يعيش بعيد عن روحه انا من غيرك اموت .......ثم ترك يديها وابتعد عنها
= انت مش قولت مش هتمشي
......التفت لها بإبتسامه هي تعشقها... انتي الي مش عايزاني..... وابتعد عن مرمي بصرها
,,,,,تتصب عرقا وتنتفض وهي نائمه اقتربت منها صفاء بحذر وهي تبكي
صفاء : روما... روما
صرخت روما بصوت عالي : آسر آسر لا متمشيش آسر.....
لم تستطيع صفاء تهدئتها فإتجهت الي الخارج مسرعا
محمود : فيه ايه
صفاء ببكاء : هات دكتور بسرعه.......
أتي الطبيب واعطي لها حقنه مهدئه مما جعلها تغفو مجددا
الطبيب : هي بتضغط علي نفسها ودا مش كويس عليها ياريت علي قد متقدرو تبعدو عنها الضغط والاخبار السيئه... عن اذنكو...
محمود : حصل ايه
صفاء : معرفش كانت نايمه وفجأه لاقيتها بتنادي علي آسر وبتقوله متمشيش
محمود : الطف بينا يارب
*******
تجلس علي الفراش في الغرفه المجاوره تأبي ان تأكل شئ
أحمد : طيب اشربي العصير
مرفت ببكاء : آسر هيضيع يا احمد
سيف : متقوليش كدا يا ماما آسر قوي وهيقوم منها ادعيلو انتي بس... ثم تركهم وغادر...
أحمد : مش كدا يا مرفت اجمدي وربنا معانا وهيقومو لينا بالسلامه
مرفت : عرفت قيمتهم متأخر عرفت بوجودهم حواليا متأخر انا مش عايزه يحصلهم حاجه انا...... ثم تعالت شهقاتها وارتمت في احضان زوجها الذي يربت علي ظهرها لتهدئتها
أحمد : ادعيلو.... يارب
مرفت بوجع : يااارب
**************
يدلف الي غرفته بهدوء ينظر له وهو علي الفراش لا يتحرك تهوي دمعه من عينيه ابت ان تظل حبيسه بها يتقدم منه الي ان جذب الكرسي وجلس امامه ممسكا بيديه..
سيف : انت هتقوم مش كدا... آسر عشان خاطري قوم انا معرفش اعيش من غيرك.... انا قراراتي كلها لازم استشيرك فيها... قوم بقي مكنتش اعرف انك غالي عليا كدا..... آسر مش هقدر اكمل من غيرك متستسلمش عافر عشان خاطري وعشان خاطر روما....... ثم ابتسم.... مش روما طلعت بتحبك... تعرف هي تعبت لما قالو انك تخلت في غيبوبه.... اوعي تطول هزعل منك..... انت ساكت ليه رد عليا... آسر قوم طيب خرخم علي مين انا... ومين هيبهدلني.... آسر انت عارف انك مش بس اخويا الكبير انت كل حاجه في حياتي.... قوم عشان خاطري وعافر عشان خاطر روما كلنا مستنينك بلاش تبعد عشان خاطرنا كلنا. .....قوم بقي مبقاش فيه عيله الشرقاوي تاني مهاب اصابه اياد ليه خليته مشلول ومعاذ اتقبض عليه وامهم قتلت جدهم ومحبوسه هي كمان مبقوش موجوديش والشر بينتهي قوم عشان نفرح..... آسر انا عارف انك سامعني انا هستناك متطولش عليا لاني مش هعرف اعيش من غيرك يا اخويا....
تساقطت دموع سيف ولم يستطيع السيطره عليها فظل يقبل يدي آسر الممسك بها
سيف : متسبنيش
اتت اليه الممرضه مهروله
الممرضه : يلا يا استاذ مينفعش كدا غلط علي المريض
سيف : حاضر.... بس هو هيفوق امتي
الممرضه : ربنا العالم الدكتور اتطمن عليه ولاقي ان مؤشرات جسمه كويسه وان الاصابه ملهاش مضاعفات والحمد لله بس الغيبوبه ديه محدش عارف سببها
سيف وهو يلتفت لاسر : اوعي تكون بتدلع علينا عشان تعرف غلوتك انت غالي يا آسر..... ثم اقترب من اذنه.... هنستناك كلنا متطولش وعافر
الممرضه : يلا يا استاذ
سيف : حاضر....
*****************
تجلس في صمت دموعها فقط تنساب علي وجنتيها علي ما حدث لها ف أخيها كان يريد قتل اختها ولكن اصابت زوجها والاخ الاخر اطلق النار علي اخيها
حسام : يارا انا عارف ان الي مريتي بيه صعب بس لازم تبقي عارفه ان الي حصل ل مهاب ومعاذ جزاء الي عملوه مهاب كان هيموت روما واياد دافع عنها هي وآسر اياد ملهوش ذنب
يارا : عارفه ان اياد مغلطتش بس مهما حصل هما اخواتي عارفه يا حسام كان نفسي اوي اتجمع بيهم بس كنت خايفه منهم خايفه ايقي في وسط اهلي الي المفروض اماني وحمايتي انا مش ب حمل اياد ذنب حاجه حصلت ما هو لو معملش كدا كانو موتوكو انا زعلانه من الي هما عملوه مهاب دلوقتي بقي محتاج الي يخدمه ومعاذ خد ايه من الشر دا كله غير انه بقي في السجن عملو في نفسهم كدا ليه هما السبب في الي حصلهم بس مهما حصل هما اخواتي ...
احتضنها حسام فأخذت تبكي بقوه وتتعالي شهقاتها علي ما حدث في حياتها
حسام : خلاص يا يارا الي حصل دا جزء الي هما عملوه وانتي لازم تنسي وتعيشي حياتك وكفايه لحد كدا
يارا : ومهاب
حسام : ماله
يارا : عايزه اشوفه
اخرجها حسام من احضانه : انتي اتجننتي يا يارا
يارا ببكاء : حسام عشان خاطري دا اخويا
نظر لها حسام لا يعلم ماذا يجيبها فهو من وضع حياة ابن عمه في خطر
يارا : وافق يا حسام عشان خاطري
حسام : ماشي يا يارا هخليكي تشوفيه
***************
يجلس في غرفته علي فراشه مستندا علي عصاه يتأمل ما حوله بشرود
راشد : عيملت ايه لولادك يا راشد جيبتلهم ايه من خوفك عليهم وتجديرك لصالح العيله علي ولادك جنيت ايه غير انك حميت العيله ونسيت احفادك واهو آسر اهو هيروح منيك وجبليه كانت هتبجي بت محمود فين العيله الي كنت ساكت علي ولاد الشرجاوي منشانها فين العيله الي كنت خايف عليها من الدم ووجفت لولادك وبعدت ابنك عن بته عشانها راحو وين اهو دلوجيت ولادك هما الي في خطر
يارب سلم يارب سلم يارب.....
***************
ينجلي اليوم سريعا وتظهر شمس يوما جديد محمله بالامل تفتح عينيها ببطء وتنظر حولها تجد صفاء نائمه علي الكنبه بجوارها ووالدها نائم علي الكرسي ينتظرون افاقتها ....نظرت لهم ثم حاولت الوقوف من علي الفراش ولكن لم تستطع فأعاده المحاوله عده مرات الي ان استطاعت الوقوف علي قدميها احاطت رأسها بيديها فوجدت انها بلا حجابها فنظرت حولها فرأت قميص آسر ملقي علي الطاوله توجهت اليه واخذت تستنشق عطره منه سقطت دمعه علي وجنتيها مسحتها مسرعه ثم التفت حول نفسها ووجدت حجاب ملقي علي الكنبه فتوجهت اليه ووضعته علي رأسها وخرجت وهي مازالت ممسكه بقميصه بيديها .........توجهت الي الغرفه الذي بها معشوقها اخذت تستند علي الحائط الي ان وصلت الي الغرفه فتحت الباب ودلفت الي الداخل وما ان شاهدته علي تلك الحاله حتي بكت بقوه وتعالت شهقاتها تقدمت منه الي ان جلست امامه وهي تحاول السيطره علي شهقاتها ....مددت يديها الي وجهه تتحسسه ببطء.ثم اغلقت عينيها بقوه تفرغ ما بها من دموع
روما ببكاء : مش كفايه بقي يا آسر ...نايم بقالك كتير.. ايه موحشتكش انت وحشتني قوي... تعال صوت بكاءها... آسر لو ليا خاطر عندك قوم انا مش مستحمله فكره اني ممكن اخسرك... انا مقدرش اعيش من غيرك.... انت مش قولتلي في الحلم ان انا روحك ازاي انت قادر تبقي بعيد عن روحك... آسر قوم بقي انا بحبك... والله بحبك قوم مقدرش اعيش من غيرك ...طيب سيف موحشكش دا عامل زي التايهه من غيرك... تعرف انا كنت تعبانه واول اما قدرت اقوم جيت ليك اكلمك قوم بقي ولا انت مش بتحبني........ ضغط علي يديها بقوه.... فنظرت له ثم الي يديها..... آسر انت سامعني... اشرقت ابتسامتها من بين دموعها.... آسر فتح عينك... قوم بقي... حاول ان يفتح عينيه ولكن عاكسه الضوء فأغلقها مجددا واعاد المحاوله ببطء الي ان فتح عينيه ووجدها تنظر له بإبتسامه مع دمع يعلم طريقه جيدا علي وجنتيها
آسر بتعب : م م م متبكيش ......وحاول ان يرفع يديه ليمنع بكاءها ولكنه لم يستطع وسقطت يديه بجواره
روما : متتحركش هنادي الدكتور ......توجهت مسرعه الي الخارج لتبحث عن الطبيب ولكنها وجدت العائله جميعا امام الغرفه فنظرت لهم بإبتسامه
روما : آسر فاق....
فرح الجميع وحمدو الله كثيرا علي نعمته
ادهم : هنادي الدكتور ......اومأت له روما بسعاده وجأت لتدلف الي الداخل مجددا ولكنها التفت مره اخري وتوجهت اليها
روما : تعالي شوفيه
اومأت لها مرفت بإبتسامه ودمع يلمع في عينيها ....وتحركو هما الاثنين الي الداخل
وقفت مرفت علي الباب ولم تتقدم ولكن ما ان أشار لها آسر حتي تقدمت منه وقامت بآحتضانه وهي تبكي
مرفت : حمدلله علي سلامتك ياحبيبي انا عارفه اني زعلتك كتير وجيت عليك انت واخوك اكتر بس سامحني
آسر بتعب : انا مسامحك يا امي انتي معملتيش حاجه ربنا ميحرمني منك
ابتعدت عنه مرفت وتقدمت من روما بتوتر
مرفت : انا عارفه اني دمرت حياتك واذيتك كتير ولو طلبتي اني ابعد عنك ومتشوفنيش تاني هنفذ
روما : انا مسمحاكي يا طنط مفيش حاجه مستهله اننا نفضل بعيد عن بعض او اننا نزعل من بعض انتي مرات عمي وام جوزي ووجودك معانا اكيد هيفرق
....احتضنتها مرفت فأستجابت لها روما بإبتسامه وكان آسر يتابعهم ببسمه رضا وسعاده
دلف الطبيب وخلفه باقي العائله
الطبيب : ايه دا يا جماعه فيه ايه مينفعش كدا ابدا بعد اذنكو اتفضلو بره عشان اعرف افحص المريض
اياد بمرح : معلش يا دكتور اصل احنا قولنا ندخل عليه مره واحده ..دخله رجلا واحد
آسر : لما اقوملك بس
اياد : طيب يلا يا جماعه هو كدا تمام
راشد : بس يا ولد بكفياك اجده
اياد : حتي انت كمان يا حج اقولكو انا هروح الاداره مع المساجين بتوعي لايقولولي بس ولا كفايه
.....ضحكو جميعا وخرجو من الغرفه ليفسحو المجال للطبيب لكي يفحص آسر
**************
حسام ل يارا : تعالي معايا ....ثم سحبها من يديها وذهب بها الي ان وقف امام احدي الغرف
يارا : جيبنا هنا ليه
حسام : مهاب
نظرت له يارا بإبتسامه شكر ثم طرقت عده طرقات علي الباب الي ان اذن لها بالدخول فدلفت بتوتر ويتابعها حسام
مهاب بصدمه : يارا
يارا بتوتر : ااا حمدلله علي السلامه.... عامل ايه
مهاب : جايه تشوفيني وانا عاجز
امتلئت عيني يارا بالدمع : انت الي عملت كدا في نفسك
مهاب : انتي جايه تلوميني
يارا : انا جايه اشوفك
مهاب بعد ان نظر لها والي الدموع في عينيها تنهد بقوه : أنا أسف... ربنا اخد حقكو قولي ل روما تسامحني
يارا : الي حصل حصل خلاص بس انا عايزه نبقي زي الي الاخوات بجد مش اننا نعادي بعض
مهاب : هتقدري تتعاملي معايا
يارا : مهما حصل منك ف انت اخويا وانا مش هبعد عنك بس ياريت انت تنسي الي فات وتبدأ من جديد او تفضل مهاب الي احنا عرفناه في الجامعه مش هنا في الصعيد
فتح لها مهاب ذراعيه فنظرت يارا الي حسام وكأنها تستأذنه فاومأ لها فتوجهت مسرعه الي اخيها ترتمي في احضانه
يارا : كنت محتاجه الحضن دا من اول ما عرفت بوجود اهلي كنت محتاجه احس ان ليا سند من لحمي
مهاب : خلاص بقي مبقيتش انفع ابقي سند انا يادوب انحرك بالكرسي
يارا : هتفضل اخويا وتسأل عني ويبقي ليا الي يقف ل حسام لو ضايقني
مهاب وهو ينظر الي حسام : آسف علي الي حصل مني رغم ان الاسف مش هيفيد ب حاجه
حسام وهو يخرج يارا من احضان مهاب : الي حصل حصل بس ياريت متتهورش وتعمل كدا تاني
ضحك مهاب علي غيره حسام : دي اختي يابني
حسام : معلش دي بقيت بتاعتي خلاص وانتي عايزه سند غيري
يارا بمرح : هو انا ليا غيرك
******************
تم نقل آسر الي غرفه عاديه بعد ان امر الطبيب بالراحه له واخبرهم انه لا يوجد انتكاسات بعد العمليه وانه الان بصحه جيده ويخرج متي يشاء مع الاهتمام بالتغير علي الجرح......
امر راشد الجميع بالمغادره حيث ان اسر طلب المغادره من المشفي وتبقت معه روما لكي تعاونه حتي يغادرو
كان يتابعها وهي تقوم بلمله اشيائه في الحقيبه فنظر لها : روما
روما وهي تتقدم منه الي ان وقفت امامه مباشره : نعم مالك فيك حاجه حاسس بحاجه
أشار آسر الي موضع قلبه وتحدث بهمس : دا دا تعبان
روما بخضه : طيب ارتاح هنادي الدكتور حالا
آسر : ابو اشكالك يا شيخه فصيله
روما : انت بتهزر
آسر : روحي يا روما كملي الي بتعمليه خلينا ننجز
نظرت له بعدم فهم وتوجهت لتكمل ما تفعله
آسر بخفوت : وديه اعترفلها ازاي
****************
......مبسوطه... هتف بها ادهم لميرا التي كانت تجلس في الحديقه شارده
ميرا : اكيد آسر ربنا تم شفاءه علي خير وروما كويسه الحمد لله ويارا اوضعها بقيت كويسه مع مهاب ومع حسام ولمار هتتجوز سيف وهما لايقين اصلا علي بعض واياد بيحقق انجازات في شغله وهيتجوز البنت الي اختارها
ادهم : وانتي
ميرا : انا ايه
ادهم : انتي مبسوطه عشانهم كلهم انما انتي
ميرا بتنهيده : انا هرجع القاهره
ادهم بضيق حاول مداراته : ترجعي ليه
ميرا : خلاص مليش مكان هنا كل واحد لاقي حياته وانا مش منهم انا مجرد صحبتهم هقعد هنا اعمل ايه
ادهم : ولو قولتلك متمشيش هتمشي
ميرا : هااا