رواية كبرياء العشق
الفصل الرابع والعشرون24
بقلم شيماء طارق
ايييييييه............. هتفت بها الفتيات بصدمه
لمار: انت اتجننت
أسماء: بتضحكو علينا صح...... ثم نظرت الي اياد.... قول انك بتضحك عليا
اياد: لا ياقلبي مش بضحك عليكي بتكلم جد
لمار: يعني ايه
سيف وهو ينظر في ساعته: ياعني كمان 8 ساعات ان شاء الله هتكونو جاهزين وقاعدين في الكوشه
لمار: انتو بتستهبلو يعني ايه فرحى كمان ساعات انا وفقت امبارحعلي كتب كتاب بس
سيف: يوووه بقي انتي بترغي كتير وبتضيعي وقت
أسماء: طيب وجدى وافق
اياد: ايوه انا اقنعته وكمان الناس اتعزمت مينفعش نرجع في كلامنا
لمار: يعني انتو ظبطو كل حاجه واحنا آخر من يعلم
سيف: بالظبط كدا
لمار بإبتسامه: بس انا مش موافقه بقي
سيف: انتي اتجننتي
اياد: لمار مش وقت عنادك الناس اتعزمت والكل عرف ان النهارده الفرح
لمار: ومفكرتوش فينا ليه لما نعرف
سيف: كنا عايزينها مفجأه
لمار: المفجأه لما تيجي تقولي انا هخطبك النهارده كتب كتابك النهارده انما فرحك بعد كام ساعه دي مش مفجأه دا عبط
سيف بقوه : لمار احفظي لسانك الفرح في ميعاده ومفيش نقاش تاني
لمار بغيظ: انت بتهزر
اتت اليهم صفاء بإبتسامه: يلا يا بنات الفساتين وصلت والميكب ارتيست كمان
فتحت لمار عينيها علي مصرعيها بينما هتفت أسماء بسخريه: كمان... دا انتو مجهزين كل حاجه بقي
اياد: بالظبط
*************
فتح باب القصر لاستقبال الجميع فاليوم هو يوم زواج احفاد السيوفي....
راشد: نزل وكل للكل يا احمد معايزش حد مكالش والي عايز ل عياله ياخد امعاه متزعلوش حد واصل وراضو الكل
احمد: حاضر يا بوي
محمد: هو حسام عرف ان الفرح النهارده
راشد: حسام هو الي جالي نجدم الفرح...... ثم تعالت ضحكاته..... مبجاش جادر
محمود: ربنا يسعدهم كلايتهم بس آسر لسع خارج من المشتشفي مش كنا نستني شويه
راشد: جولت ل حسام اجده جالي يبجي يجعد ميرقصش انا عايز اتجوز.. والدك تعب يا محمد
محمد: العشج هو الي تاعبه يا بوى
اتت اليهم هناء ومرفت وهم يحملون الشاى ومعه بعض المقبلات....
هناء: اتفضل يا عمي
راشد: تسلمي يا بتي روحي شوفي ولدك خبر مرته ولا لساته نايم
هناء: حاضر
راشد ل مرفت: وانتي يا مرفت شوفي آسر لانه ميعرفش حاجه روحي خبريه هو ومرته
مرفت: حاضر يا بابا الحج
*******
ينام وهو محتضنها وكأنها ستهرب منه.....استيقظ علي صوت طرقات علي الباب نظر لها وجدها غارقه في النوم ابتعد عنها بهدوء بعد ان تعالت الطرقات علي الباب......ذهب ليفتح الباب
حسام بنوم: ايوه
هناء: ايه يا حبيبي دا كله نوم
حسام: خير يا ست الكل اتفضلي
هناء: لا بس اصحي كدا وفوج عشان جدك بيجولك خبر مراتك عشان تلحج تجهز
حسام وهو يخبط علي رأسه بتذكر : نسيت طيب ياماما انزلي انتي وانا هصحيها واقولها
هناء: ماشي ياحبيبي ربنا يسعدك يارب.......ثم غادرت واغلق حسام الباب وتوجهه الي تلك النائمه في هدوء ف هي لم تنم الا عندما اخذها في احضانه واستشعرت الامان في وجوده.....تقدم منها وجلس علي الفراش بجوارها
حسام: يارا...يارا
يارا بنوم: امممممم
حسام: يارا قومي كلميني
يارا وهي تحاول فتح عينيها: حسام عايزه انام سيبني شويه
حسام: نامي بليل دلوقتي مينفعش
يارا و هى تلتفت للجهه الاخرى : يوووه يا حسام بقولك سيبني انام واطفي النور دا
حسام: يارا بقولك فرحك النهارده فومي
يارا: مش مهم.............ثم انتفضت من مكانها......بتقول ايه
حسام: الفرح فرحنا النهارده
يارا: مش وقت هزار
حسام: والله مش بهزر الفرح بعد شويه
اخذت تلتفت حولها لا تعلم ماذا تفعل وحسام يضحك عليها
يارا: يا لهوى الفستان طيب الناس طيب الميكب اعمل ايه اعمل ايه......توقفت عندما استمعت الي ضحكات حسام
يارا بغيظ: انت بتضحك
حسام: اهدي بس كل حاجه جاهزه حتي الفستان بس محتاجين العروسه
يارا: وانت مقولتليش ليه كنت عملت حسابي
حسام: عادى يا يارا يلا بس خدي شور واجهزي وانا هبعتلك الميكب ارتيست هي دلوقتي زمانها مع لمار وأسماء
يارا: وهما عارفين
حسام: لا اياد و سيف عملوها مفجأه
يارا: انتو متفقين بقي
حسام: ايوه
يارا: مين صاحب الفكره
حسام: هاا
يارا: مين صاحب الفكره يا حسام
حسام وهو يبتعد عنها : انا هقولك اصل بصي...الصراحه انا
يارا وهي تصرخ: انت الي بتحطني في الموقفدا يا حسام
خرج حسام مسرعا من الغرفه ووقف خلف الباب وهو ممسكا به
اياد: ايه الصريخ دا
سيف: انت ماسك الباب كدا ليه
حسام: يارا عرفت.. يارا عرفت
يارا من الداخل: افتح الباب يا حسام
حسام: اهدي الاول
اياد: طيب عن اذنك انا بقي
حسام: هتسيبني معاها وهي في الحاله ديه
اياد: شوف انا مش ظابط واخوها الكبير بس مقدرش اقف قدامها وهي كدا
سيف: طيب خدني معاك
اياد: تعالي يا ابوالنسب
حسام: يابني انت هتتجوز اختي انا يبقي انا ابوالنسب والمفروض تقف جنبي
اياد: ما هو ابو النسب بردو هيتجوز اختي
حسام: ما انا متجوز التانيه
تعالي صراخ يارا من الداخل: انتو بتتكلمو وانت قافل عليا وسايبني طيب يا حسام مفيش جواز خالص ولا فيه فرح
حسام من الخارج: انتي مجنونه يابنتي انتي مراتي اصلا احنا مكتوب كتابنا
يارا: بردو مفيش ابقي وريني هتعمل ايه بقي
سيف: ربنا معاك يا حسام
اياد: شد حيلك يا بطل.........ثم تركوه وغادرو...
حسام: يا يارا يا حببتي اهدي وانا هفهمك
يارا: افتح الباب الاول
حسام: ماشي وهنتفاهم
يارا: طبعا
فتح حسام الباب وما ان فتحه حتي....
حسام وهو يضع يديه علي جبهته: ااااااااااه...يا بنت المجنونه
كانت يارا تقف خلف الباب ممسكه بالفازه وما ان فتح حسام البابحتي القتها في وجهه
يارا بإبتسامه: اسيبك انا بقي واروح اجهز عشان الفرح
****************
تختبئ بوجهها في صدره وهو يلعب في شعرها....
آسر بهمس: مبروك يا مدام آسر السيوفي
دفنت روما وجهها في صدره بخجل: آسر
آسر بإبتسامه: عيونه
روما بخجل: يوووه بقي
رفع وجهها ونظر الي عينيها: متخبهمش مني ابدا الي من ساعه اما شوفتهم وانا مجنون بيهم بعشقك يا الي آسرتي قلبي
توردت وجنتي روما بخجل فتعالت ضحكات آسر: هتفضلي كدا علي طول
روما: كدا ازاي
آسر: كل اما اقولك كلمه خدودك تحمر
روما: مش متعوده منك علي كده
آسر بتنهيده: كنت بعاند نفسي كنت خايف اعترف ليكي وتقوليلي لا وساعتها كنت هتتكسر وهتكسري كبريائي كنت مستني تعملي اي حاجه تدل علي انك بتحبيني بس كنتش بشوف حاجه
روما: كنت بحبك واحب اتحداك كنت بسمع كلامك اغلب الاوقات عشان بحبك عايزه انفذلك الي انت عايزه مش عايزاك تزعل مني
آسر بهمس امام شفتيها : قوليها تاني
روما بدلع : بحبك
كاد ان يقترب منها ولكن قاطعه صوت طرقات علي الباب
آسر بغيظ: مين الرخم الي جاي دلوقتي
روما بضحك وهي تبتعد عنه : قوم شوف مين
آسر: لا مش هقوم...تعالي هنا انتي بعدتي ليه
تعالت الطرقات مره اخرى
روما: عيب كدا يا آسر..شوف مين
آسر: والله العيب يبقي علي الي بره دا فيه حد يجي يخبط علي واحد ومراته نايمين
روما: قوم بقي..........
ارتدى آسر ملابسه....
آسر: متتحركيش من مكانك هرجع نكمل كلامنا
..توجهه آسر الي باب الغرفه وقام بفتحه ووجد والدته هي من تطرق الباب
آسر: خير يا امى فيه حاجه
مرفت: لا يا حبيبي مفيش كنت عايزه اقولك تكلم جدك وتجهز انت و روما
آسر: جدي...فيه حاجه ولا ايه
مرفت: فيه فرح
آسر بإستغراب: فرح
مرفت بضحك : النهارده فرح اياد علي اسماء وحسام علي يارا وسيف اخوك علي لمار
آسر: نعم
مرفت: حسام الي قال لجدك واقنعه وعزمو الناس وجهزو كل حاجه
آسر: من امبارح للنهارده جهزو كل حاجه
مرفت: الدنيا مقلوبه من امبارح انتو الي مش حاسيين
آسر: هجهز واجي اشوف فيه ايه
مرفت: بس متتأخرش علي جدك
اسر: حاضر يا امي.......غادرت مرفت من امامه واغلق هو الباب وتحرك الي الداخل وجلس علي الكنبه في صمت.........توجهت اليه روما بإستغراب
روما وهي تجلس بجواره: آسر مالك
آسر: فرح
روما: فرح!!!!
آسر: العيال هتتجوز النهارده
روما: بتقول ايه
قصلها آسر ما قالته والدته له وانه يجب عليهم ان يتجهزو حتي يكونو معهم بالاسفل
روما: يعني دلوقتي الفرح
آسر: أيوه ويلا عشان نلحق نجهز
روما بهدوء: حاضر
جذبها آسر من يديها وجعلها تجلس في احضانه: ندمانه
روما: علي ايه يا حبيبي
آسر: عشان متعملش ليكي فرح زيهم
روما: لو كنت عايزه فرح كنت طلبت يا حبيبي بس انا مش عايزه يلا بقي عشان منتأخرش وتركته وتوجهت الي المرحاض
آسر: مفيش بنت مبتحلمش بالفستان الابيض بس مش مشكله انا هتصرف........
ثم امسك الهاتف الخاص به وضغط عده ازرار وامر احد رجاله بشئ واستعجله في الامر
آسر: لازم تفرحى.....
*******************
....موافقه يا طنط.......هتف بها ادهم الجالس امام مها
مها: انا مش هلاقي احسن منك لبنتي يابني بس اطلب ايديها من استاذ محسن هو في مقام والدها
ادهم: انا كنت هعمل كدا بس كنت عايز اعرف رأيك الاول
مها: انا موافقه........اتي اليهم محسن
محسن ل مها: امال فين ميرا
مها: مع البنات
ادهم: عمي محسن ممكن طلب
محسن وهو يجلس: اتفضل يا بني
ادهم: انا بطلب من حضرتك ايد الانسه ميرا طنط مها قالتلي ان حضرتك في مقام والدها وانا لازم اطلبها منك
محسن: وانا مش هلاقي ل ميرا احسن منك يابني بس لازم رأيها الاول
اياد وهو يقبل نحوهم: لا مش مهم هو موافقه..مبروك يا ادهم
محسن بصرامه: موافقه ازاى هى تعرف ان ادهم طلب ايديها
اياد بخفوت: ربنا يستر.......اهدي يا بابا انا كنت بسئلها عن رأيها في ادهم وكدا ومن الكلام حسيت انها معجبه بيه
محسن بعدم اقتناع: هسئلها بردو
ادهم: طيب اسئلها بسرعه عشان انا عايز اكتب كتابي النهارده معاهم
محسن: هو فيه ايه كلكو ناوين تتجوزو النهارده ما كنتو قاعدين فاضين ودلوقتي عايزين تتجوزو.......ثم تركهم وغادر
ادهم: هو ابوك ماله
اياد: مش عارف
مها: ما هو من عمايلكو عايزين تتجوزو في وقت واحد.....
******************
محسن: ميرا تعالي عايزك
ميرا: حاضر يا اونكل
محسن: ادهم طلب ايدك مني
اصطبغ وجهها بحمره الخجل ولم تعطي رد
محسن: يعني افهم من كدا انك موافقه
ميرا: الي تشوفه يا اونكل....ثم تركته وعادت الي الفتيات مرهاخرى
محسن بضحك: شكل الواد اياد معاه حق
اتي من خلفه ادهم: قالتلك ايه
محسن بخضه : انت اتجننت يا ادهم
ادهم: معلش بس قولي قالت ايه
محسن : مبروك يا ادهم
ادهم بفرحه: الله يبارك فيك يا عمي بص هنعمل كتب الكتاب النهارده
محسن: يعني انا ابقي سألها عن خطوبتها منك دلوقتي وأخر اليوم اكتب كتابها
ادهم: مش مهم المهم انها تبقي بتاعتي تبقي ميرا ادهم السيوفي......
****************
انجلي النهار مسرعا واتي الليلويحمل السعاده والفرح للجميع فكل منهم يقف في ابهي صورته ينتظر معشوقته التي سعي من اجل ان تبقي بجواره اليوم
بينما في غرفه الفتيات تقف الفتيات وداخل كلا منهم سعاده وفرحه فكل منهم ستزف الي حبيبها ومن اختاره قلبها ولكنهم يشعرون بالتوتر والخوف بعض الشئ ومنهم من مازالت تنتظر المفاجأت التى لم تنتهي بعد
لمار: روما انا خايفه
يارا: روما انا كدا كويسه
أسماء: انا مش عايزه اتجوز انا هكمل تعليمي الاول
تعالت ضحكات روما وميرا
روما: اهدو كدا فيه ايه
يارا: اه اه انا هاديه اهو
لمار بصوت اشبه للبكاء: انا مش عايزه اتجوووز عاااااا
ميرا: فيه ايه يا بنتي مشدا الي انتيشغاله معاه نصايح وعايشالي دور الواعظه اهو هتتجوزيه ونخلص منكو
أسماء: انا رجعت في كلامي
ميرا: ليه يا اختي مش دا الي كل شويه تجيبي فشار وتاكلوه مع بعض
يارا: انا اصلا مش وافقت
ميرا: ليه يا روح امك مش دا اليؤ لا يا حسام لازم فرح الاول انا عايزه فرح..اشربوو بقي
روما: ايه يا ميرا مالك اهدى كدا فيه ايه
ميرا: بيعصبوني
روما: معلش هما متوترين شويه بس
اتت اليهم مرفت وهناء
هناء: بسم الله مشاء الله
أسماء: حلوه يا ماما
هناء: قمر يا روح ماما
مرفت: منوره يا عروسه ابني
لمار: ايه رأيك يا طنط
مرفت: جميله قوى يا حببتي ربنا يحفظك
يارا: وانا محدش هيقولي انتي جميله
هناء: وهل يخفي القمر دا انتي مرات الغالي
يارا: حببتي يا طنط
مرفت: روما آسر بيقولك هو مستنيكي في الاوضه
روما: حاضر هروحله..........
ميرا: هما مش هيطلعو يا خدوهم بقي
هناء: ابهاتهم هيطلعو دلوقتي..........
دلف الاباء وكلا منهم توجهه الي ابنته نظرت لهم يارا والدمع يلمع في عينها وهوت دمعه منها علي خدها سرعان ما قام محمود بمحوها...
محمود: متبكيش انا هنا ابوكى
نظرت له بسعاده وامتنان........ثم اخذ بيديها ونزل لها الدرج..
نظر الى الاعلي وخطفت انفاسه عندما رأي معشوقته تهبط في يد عمه بفستانها الابيض وكأنها ملاك هبط الان من السماء وما زاد اعجابع ودهشته هو حجابها التى تزينت به فهي قد قررت ان ترتدى الحجاب فقد آن الاوان لذلك وان زوجها يزعجه امرها هكذا......هبط بها محمود الي ان وقف امام حسام الذى التقت منه يارا بحب وعشق يلمع في عينيه
محمود بتحذير: خلي بالك منها
حسام: متوصينيش علي روحي
محمود بإبتسامه: ربنا يبارك فيكو....اقترب منهم مهاب بكرسيه......
مهاب: مبروك يا حببتي....ثم فتح يديه ليلتقفها في احضانه
يارا وهي تحتضنه: الله يبارك فيك يا حبيبي
حسام: مش كفايه احضان بقي
مهادب: اختي يا جدع
حسام: مراتي يا عم
********
تهبط مع والدها بفستانها الذي جعلها كالاميرات...كان يقف يتحدث مع اخيه الي انتبهه لهبوطها مع والدها تعلقت انظارهم وتحدثو بلغه العيون وانتشر في الجو عبق لكلمات الحب التي ترسلها الاعين لبعض اقترب من الدرج لكي يأخذها من والدها
محسن: حافظ عليهدى حته مني
سيف: دي النفس الي بتنفسه فيه حد بيوصي حد انه يتنفس
اصتبغت لمار بحمره الخجل بينما هتف محسن بسعاده: ربنا يحميكو يارب
*********
انتظرها كثيرا وهو يقف مع صديقه الذي اتي علي الفور فور مهاتفه اياد له وابلاغه عن زفافه
هاني: مشوفتش واحد.يحدد فرحه في يوم وينفذ تاني يوم
اياد: مش انا عملت كدا
هاني: اه
اياد: يبقي فيه
هاني: والله انت مجنون.......
كان سيعقب علي حديثه ولكن تعلقت انظاره بحوريته التي تهبط مع والدها تنظر له بسعاده وابتسامتها الواسعه.....اقترب منهم وأخذها من والدها
محمد: حافظ عليها يا اياد
اياد: هو انا اقدر اعملها حاجه ديه الي في القلب
أسماء: متقلقش يا بابا ميقدرش يعملي حاجه
اياد: ليه ان شاء الله هخاف مثلا
أسماء: ومتخافش ليه
اياد: بت اتظبطي لا اظبطك
محمد: كتكو القرف انتو الاتنين الهي تولعو واخلص منكو كان عندي واحده هبله بقو اتنين اشكو اليك يارب...........ثم تركهم وغادر
اياد: عجبك كدا جايبالنا الكلام
أسماء: انت السبب....
*********
تهبط وهي ممسكه بذيل فستانها حتي لا تقع ارتفعت بنظرها اليان تعلق بصرها بزوجها وحبيبها الذى يتقدم منها بإنبهار
آسر: مكنتش متوقع انه هيبقي حلو كدا
روما بسعاده: ربنا يحفظك ليا يارب وميحرمنيش منك ابدا
آسر: مينفعش يبقي نفسك في حاجه ومنفذهاش
........فلاااااااش باااااك.......
مرفت: روما آسر بيقولك هو مستنيكي في الاوضه
روما: حاضر هروحله......
توجهت روما حيث غرفتها هي وآسر نظرت في ارجاء الغرفه ولم تجد آسر ولكنها وجدت فستان ملقي علي الفراش فستان باللون الابيض مرصع ببعض قطع الماس..... اقتربت منه بإنبهار.. ووجدت ورقه بجواره امسكتها وقرأت ما بها
...........مينفعش تبقي عروسه من غير فستان وفرح هستناكي تحت متتأخريش عليا والميكب ارتيست هتيجي ليكى دلوقتي......بحبك ❤.........آسر
روما بخفوت: بعشقك......
باااااااااك
آسر: يلا ننزل....
جلس كلا منهم بجوار حوريته بعد ان تم عقد قران كلا من اياد و اسماء.....سيف و لمار
ينظر لها بحب وعشق يظهر واضحا في عينيه لم يبالو الي الجالسين ينظرون اليهم ويتابعوهم ولكن كلا منهم ما يهمه هو معشوقته بعد ان تم عقد قران كلا من اياد و اسماء.....سيف و لمار
اتي ادهم الي محسن وفي يديه ميرا التي لم تفهم منه شئ .....
ميرا: طيب فهمني رايحين فين
ادهم: تعرفي تسكتي
ميرا: يووووه عمرك ما هتتغير
ادهم: عمي محسن
محسن: خير يابني
ادهم: عايز اكتب كتابي علي ميرا
شهقت ميرا بفزع
ميرا: هاااا
ادهم متجاهلا اياها: ايه رأيك يا عمي محسن
محسن: لو هي موافقه مفيش مشاكل
ادهم: يبقي تمام
ميرا: هو ايه الي تمام
ادهم: انتي مش موافقه عليا
ميرا: ايوهبس مش لدرجه كتب الكتاب دلوقتي
ادهم: وليه نأجل
ميرا: يا ادهم...........
ادهم: ميرا انا بقولك كتب كتاب مش جواز وافقي بقي
ميرا: بس
ادهم: عشان خاطرى
ميرا: موافقه
تم عقد القران لهما وبارك لهما الجميع وكانت الاجواء تغمرها السعاده والحب فكل منهم تخلي عن كبريائه وغروره واصبح مع معشوقته الان
اجتمع الشباب....
اياد: الفرح دا مش ناوى يخلص ولا ايه
سيف: ياريت انا تعبت
حسام:طيب هنعمل ايه
آسر: مليش علاقه بيكو انا كدا كدا هطلع انا وروما...وتركهم وذهب الي روما واخذها من وسط الفتيات وصعد بها الي غرفتهم
سيف: هو مش اخويا بس انا بنق عليه
حسام: الواد هيولع
اياد: طيب بقولكو ايه......انتبه له حسام وسيف....ثم هتفو في صوت واحد: دماغ معلم
اياد بفخر: طبعا يابني مش حضره الظابط انا ولا ايه
........
استمر الفرح بضع دقائق كما هو الحال ثم غمز حسام اياد الذى سقط علي الارض فجأه علي اثر صوت اطلاق النيران.....
توقف الجميع عن الحركه وتكهربت الاجواء وتوجهو الي اياد الساقط ارضا
أسماء ببكاء: اياد...اياد
محسن: اياد رد عليا
محمود: اطلبو الاسعاف
وقف اياد مسرعا وسط دهشه من الجميع: لا اسعاف ايه انا عايز اتجوز ثم حمل اسماء الذى ما زالتفي صدمتها ولم تستوهب الامر وصعد بها مسرعا الي غرفته
نظر الجميع بصدمه الي منحولهم ولكنهم سرعان ما انتبهو الي عدم وجود سيف ولمار....حسام ويارا
راشد بضحك: الاولاد خلصو الفرح...ثم نظر الى هاني: انت الي ضربت نار
هاني بإحراج منهم: اياد الي طلب مني كدا وكان متفق مع حسام وسيف انهم ياخدو عرايسهم اول اما انا اضرب نار
محسن: ابن المجنونه
أحمد بضحك: العيال مستعجلين
تعالت ضحكات الجميع.....................