رواية زواج في الحرب الفصل الرابع والعشرون24بقلم اماني الروح

زواج في الحرب 👰🏻‍♀ 24 

قلتا لي انا مابعرف زول هنا علشان امشي ليهو قال لي ماتشيلي هم  انا معاي قروش  بس بسيطة ممكن احجز ليك غرفة في فندق😣😖 متواضع لي يومين قلتا لي بس قال لي بدون بس انتي مش دايما بتقولي انا اخوك الولدتو ليك الايام قلتا لي ايوا قال لي خلاص خليني اقيف معاك واكون سند ليك في الظروف دي😊😚 قلتا لي طيب موافقة بس بي شرط قال لي قولي قلتا لي لا مصطفي ولا حتى اهلك يعرفو انا وين لاني بي الجد ما قادرة اقابلهم او اتكلم معاهم قال لي طيب جدا موافق ما حاكلم زول بي مكانك🥺🥺 ومشينا فتشنا على فندق يكون سعرو مناسب كل الفنادق أسعارها مولعة نااار وغالية شديد بس في الاخير لقينا واحد سعرو مناسب حجز لي غرفة لي يومين😌😞 طلب جوازي علشان ياخد بيناتي اديتو ليهو وتم الحجز طلع معاي الشنطة وطلب لي اكل قلتا لي مافي داعي انا ماعايزة حاجة انا بس عايزة ارجع السودان بي اي طريقة كانت 😭😭قال لي ما تفكري كتير وانا حا اعمل ليك اي حاجة عايزاهااا بس لازم تاكلي كان كويس معاي ووقفتو معاي عمري ما حا انساها ليهو برغم من صغر عمرو لكن طلع راجل وقدر المسؤولية 😌😚ودعني وطلع اكدتا عليو مافي زول يعرف مكاني مهما حصل ولا تاني ما حيكون عندي فيهو ثقة طمني وقال لي كلام رجال مافي زول حيعرف مكانك قفلتا الباب على كدة وبقيت قاعدة ما عارفة اعمل شنو😨😰 ولا الحاصل شنو قررتا انوم وما افكر في شي حاليا فعلا نمتا ما متذكرة كم ساعة بس اكيد وقت طويل لاني صحيت تعبانة شديد وجسمي مكسر ومصدعه وروحي طالعة بقيت راقدة وبعاين في السقف بدون تفكير🤬😠 قررتا افتح التلفون واتكلم مع امي اعرف لي عملت فيني كدة لي باعتني لي مصطفي هل انا كنت عبء عليها لي الدرجة دي😭💔 بس غيرتا رأي ماعايزة اعرف حاجة اليومين كانو خلصو الحجزهم لي محمد جاني تلفون من إدارة الفندق بلغوني بي انتهاء الحجز لازم افضي الغرفة شلتا شنطتي ونزلتا تحت🧐🤓 لقيت محمد يدوب واصل قال لي الحمد لله لحقتك قلتا لي الحمد لله انك جيت عملتا لي شنو في الرجوع لي السودان قال لي ريل الرجوع لي السودان صعب شديد🙁😣 انتي حاليا اهدي شويا لازم نجدد الحجز هنا اول حاجة وبعدين نفكر نعمل شنو فعلا مشي جدد الحجز لي خمسة يوم ودفع ليهم قال لي تعالي نشرب قهوة قلتا لي طيب قعدنا في كافي قريب من الفندق☕ قال لي انتي عارفة مصطفي قالب عليك الدنيا كلها وليهو يومين ما نام ولا رجع البت حايم بس في الشوارع ولو اتصل على زول فينا بكون بس علشان يسأل اذا اتواصلتي مع زول فينا 😖😞اول مرة اشوف مصطفي بي الحالة دي ي ريل حتى لما ماتت نهلة هو ما وصل الحالة دي مصطفي بي الجد لو ما ظهرتي حيجن ولا حيموت من الزعل قلتا لي محمد عليك الله خليني منو😠😠 ما حيحصل ليهو شي مصطفي بستمتع جدا لما يوجعني ويزلني بي الكلام بتلذذ لما يصغرني في نظرو وفي نظر نفسي دي ما اول مرة يعمل فيني كدة 💔😭وانا مشيتا ليهو مرتين وقلتا اصبر عليهو بس كل مرة بتفنن في تعذبي بس تاني خلاص يشوف لي زول تاني يعذبو انا اكتفيت منو😞😣 قال لي طيب وتالا قلتا لي تالا كويسة حتفقدني يومين وتنسي انتو المهم تكونو جمبها قال لي غلطانة يا ريل تالا ومصطفي ما حيقدرو يعيشو بدونك تالا حالتا ماشة تسوء وكل دقيقة بسأل منك ومن ابوها💔💔 تالا لو حصل ليها شي حيكون بي سببك قلتا لي انت كمان بتحملني مسؤليتها انا منو البتحمل مسؤوليتي انا منو البهمو زعلي انا منو المراعي لي احساسي 😭💔كل مرة مصطفي بدوس علي كأني حشرة قدامو مشيت خليتو قاعد ورجعتا الفندق ماكنت قادرة استحمل كلامو😔😞 وتالا ما طلعت من بالي ابدا كنت عارفة انها حتتاثر بي غيابي واحتمال تفد الثقة في اي زول واحتمال تكرهني بس انا ما بقدر ارجع تاني🥹🥹 فتحتا تلفوني لقيت كمية من الرسااايل والمكالمات منهم كلهم وتسجيلات صوتية كتيييير من مصطفي كان بعتذر ومن صوتو ظاهر عليهو تعبان وخلاص وصل مرحلة الانهيار💔😭 رسلتا لي رسالة واحدة قلتا لي لو في يوم من الايام كنت بعني ليك حاجة طلقني ورجعني السودان انا ما قادرة استحمل اكتر من كدة وفقدتا الثقة فيك ورجعتا قفلتا التلفون مرة تانية🥺🙁

        الفصل الخامس والعشرون من هنا