رواية زواج في الحرب الفصل الخامس والعشرون25بقلم اماني الروح
زواج في الحرب 👰🏻♀ 25
كل يوم محمد كان بجي يترجاني علشان أظهر ليهم لانو مصطفي وتالا وصلو مرحلة صعبة شديد بس انا كنت رافضة😭🥹 في اليوم الخامس فتحتا التلفون لقيت رسالة من رقم غريب قال لي انا ممكن ارجعك السودان بكرة لو عايزة طوالي رجعتا لي الرقم طلعت دي هالة قالت لي رسلي لي موقعك وانا بجيك😳😳 فعلا رسلتا ليها الموقع خلال ساعة كانت معاي سلمت علي بي برود وقالت لي اديني جوازك ويومين بي الكتير حتسافري اديتا الجواز شالتو وعايزة تطلع قلتا ليها انتي لي بتكرهيني🤨🧐 اتلفتت علي قالت لي انا اصلا ما بعرفك علشان اكرهك بس زواجك من مصطفي ممكن يخليني اخسر صحبتي واخسر شغلي معاها صحبتي بتموت في مصطفي من زمان🤩🥳 بس هو ما شغال بيها ومشي اتزوجك انتي لازم تختفي من حياتو علشان هي تجي وتواسيهو وتقيف معاهو واحتمال تقدر تأثر فيهو ويحبها ويتزوجها😕🙁 بقيت اضحك علي صطحيتها وتفكيرها المريض قلتا ليها مبروك عليك انتي وصحبك بي الجد شبه بعض وتستاهلو بعض ومصطفي زاتو ما احسن منكم كتير كلها مصالح مشتركة 😠😡شالت الجواز وطلعت كنت مستغربة شديد معقولة في ناس كدة في الدنيا دي انا كنت في نعمة كبيرة عايشة وسط امي واخواتي أعظم مشاكلي انو امي ما بتخلين انوم كتير واكتر حاجة بتنرفزني لما ريم وروان يفتحو دولابي بدون اذني😭💔 ياربي اناااا الدنيا دي قاسية شديد وفيها حاجات عجيبة مرو اليومين وكانت هالة جايبة لي الجواز وفيهو تأشيرة علي السعودية ومن هناك حرجع السودان عن طريق جدة يعني حا ارجع بي نفس الطريقة الجيت بيها😭💔 بس بدون تالا وبدون مصطفي حرجع وانا خاطري مكسووور سلمتني الجواز ومشت حضرتا شنطتي ونزلتا تحت بس قبل ما اطلع لقيت محمد في وشي قال لي الحقي تالا بتموت😱😭 قلتا لي تالا مالا يا محمد قال لي مافي وقت اشرح ليك يلا بسرعة خليت اي حاجة في يدي ومشيت مع محمد وانا قلبي مقطوع على تالا دخلتا الغرفة الفيها تالا كانت حالتا صعبة شديد تعبانة وجسمها كلو برجف وعيونها طايرة في السماء🙄🙄 كانو كلهم حوليها ومصطفي كان قاعد في الأرض وببكي زي الأطفال جريت علي تالا حاولتا احضنها بس كانت رافضة اني المساها دموعها بدو ينزلو😭😭 بقيت اتكلم معاهااا براحة توتا انا ماما انا جيتك عايني لي انا ماما يا توتا بس ما كانت بتتجاوب معاي💔😭
جاء الدكتور مصطفي جرا عليهو قالو ليهو طمني فيها شنو تالا قالو ليهو الفحوصات كلها كويسة ما عندها حاجة بس اكيد داخلة في صدمة نفسية ومحتاجة دكتور متخصص 🤨🧐مصطفي قال ليهو طيب وصف لينا اشطر دكتور ممكن يفيدها قال ليهو طيب طلع ورقة وكتب ليهو عنوان العيادة بتاعتو طوالي اتحركنا عليهو وكلهم كانو متواجدين دخلنا العيادة كلنااا كانو مهرجان 🥳🥳الدكتور اول من شافنا قال لينا كدة ما ينفع تطلعو كلكم برا وما يفضل معاها غير امها كلهم بقو يعاينو لي قلتا لي انا امها يا دكتور😫😔 كلهم طلعو بقينا انا ومصطفي بس الدكتور بدا يتكلم معاها بس ما كانت بترد عليهو بقت بس مركزة عيونها معاااي قال لينا احكو لي الحصل معاهااا🙁☹️ مصطفي بدا يحكي لي من يوم اتوفت امها لقايت ما انا اختفيت منها قال لينا حاليا لازم نرجع ليها الثقة فيك علشان نقدر نتعامل معاها عن طريقك😞😔 لانو من عيونها هي لسة عندها شوية ثقة فيك بس زعلانة منك وبتحاول تعكس ليك قدر شنو زعلها منك قلتا لي طيب ممكن اتكلم معاها قال لي اكيد☺️😊 مشيت جمبها وقلتا ليها حبيبتي انا عارفة انك زعلانة مني وانا غلطانة في حقك انااا اسفة بس غصبا عني يا تالا انا مشيت وخليتك بس اكيد ما كنت حا ابعد عنك طول العمر اكيد كنت لازم ارجع ليك لاني ما بقدر استغني عنك انااا بحبك شديد😍🥰 وانتي اهم زول عندي انا اسفة ممكن تسامحيني وانا اوعدك تاني ما ابعد عنك 🥺🥺بقت تبكي بي صوووت عااالي قربتااا منها وحضنتها علي شديد لقايت ما هدت خاااالص بقت محاوطاني بي يدينها الاثنين بي قوة شديدة قلتا ليها ما تخافي ما حا اخليك🙁😖 الدكتور قال لينا كدة كويس بدينا اول خطوة في العلاج بس الفترة الجاية لازم تكون في محل هادئ وياريت لو يقتصر التعامل معاكم انتو الاثنين لقايت ما نعمل كم جلسة ونشوف حالتا حتوصل لي وين☺️