رواية الصحبة الصالحة تصلح الفصل الثالث3بقلم اسرار جمعة
الجرس ضرب ...
دخلنا الفصل أخدنا كذا حصة كدا وجرس فسحة الصلاة ضرب لكن أنا ما طلعت، نور بعد صلت جات لقتني قاعدة في مكاني، الأستاذة دخلت أدتنا أخر حصة وطلعنا ....
طلعت برا لقيت عمو لسه ما وصل قعدت في مكان الإنتظار، بعد فترة نور جات قعدت جنبي قالت ترحيلها برضو ما وصل ...
نور : ممكن أسالك من حاجة لكن بتمنى ما تفهميني غلط
أنا: إتفضلي
أمل: إنتِ قاعدة تصلي ؟!
؛ لأنو وقت الفسحة ما قاعدة أشوفك تطلعي معانا، ولو سؤالي فيهو إحراج ليكِ عادي ما تجاوبي
أنا: صراحة لا
أمل: طيب يا السمحة ما عارفة إنو ده أول عمل ح نتحاسب عليهو يوم القيامة ؟!
*◆-قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ:*
*" أوَّلُ ما يحاسبُ بِهِ العبدُ يومَ القيامةِ الصَّلاةُ، فإن صلُحَت صلُحَ سائرُ عملِهِ، وإن فسَدت فسدَ سائرُ عملِهِ ".*
*وعقوبة ترك الصلاة عظيمة جداَ*
*﴿ مَا سَلَكَكُمْ فِي سَقَرَ ﴾ ؟*
*﴿ قَالُوا لَمْ نَكُ مِنَ الْمُصَلِّينَ ﴾. 💔*
*وهي الصلة بين العبد وربه ليه تقطعي الصلة دي يا غالية ؟!*
**نحن عبيد لله في الحياة، نحن عبيد مأمورين ربنا أمرنا بالصلاة، وكل صلاة ح نتحاسب عليها* *ربنا ح يسالك يوم التلاتاء صلاة الظهر الساعة 12:00 ليه ما صليتِ ؟!*
*بعدين ح تقولي ليهو شنو ؟!*
*ماف واحد فينا قادر يتحمل* *ذنوب زي دي وما معروف يموت متين💔.*
*مدام أمرنا بيها لازم نقول" سمعنا وأطعنا"، ونحاول نأديها على أتم* *وجه، الحقي توبي، باب التوبة مفتوح*
ده كلو وأنا كنت قاعدة أبكي حرفياََ كلامها هزاني جداً، و إتزكرت كل صلاة أنا فوتها
أنا: لكن ربنا ح يغفر لي وأنا عندي صلوات كتيرة ما صليتها😭 ؟!
نور: يا حِلوة ده سوء أدب مع ربنا ما تقولي كدا
*إن الله غفور رحيم*
استبشري خيراً كيف لا يغفر الله لكِ وهو سمى نفسه الغفور♡؟!
*التائب من الذنب كمن لا ذنب له*
*بس لازم توبتك تكون نصوحة*
أنا: كيف يعني توبة نصوحة ؟!
نور: *شـروط التــوبة النصــوح:*
1_ *الإخلاص لله تعالى بأن يقصد بها وجه الله تعالى وثوابه والنجاة من عذابه.*
*2_الندم على فعل المعصية بحيث يحزن على فعلها ويتمنى أنه لم يفعلها.*
*3_الإقلاع عن المعصية فوراً وعمل حسنات يذهبن السيئات.*
*4_العزم على أن لا يعود إلى تلك المعصية في المستقبل،واذا عاد عليه بالتوبه.*
*5_أن لا تكون التوبة قبل فوات قبولها إما بحضور الأجل، أو بطلوع الشمس من مغربها، لقول النبي صلى الله عليه وسلم* *{ من تاب قبل أن تطلع الشمس من مغربها تاب الله عليه } رواه مسلم.*
هسه لمن ترجعي البيت، صلي ركعتين توبة.
_كيف طريقتها وأقرى فيها ياتو سور ؟!
معليش كترت عليكِ الاسئلة
=حبيبي ماف مشكلة أخدي راحتك♡،
*صلاة التوبة: هي ركعتين بتصليهم بعد إي ذنب تذنبه وما عندها وقت معين بتصليهم في اي وقت الا الأوقات المنهي عنها الصلاة أصلا زي شروق الشمس وغروبها ومنتصف النهار..*
تقري فيهم كالصلاة العادية
سورة الفاتحة +ما تيسر من القران.
*فضلها:*
*"مَا مِنْ رَجُلٍ يُذْنِبُ ذَنْبًا ثُمَّ يَقُومُ فَيَتَطَهَّرُ، ثُمَّ يُصَلِّي ثُمَّ يَسْتَغْفِرُ اللهَ إِلَّا غَفَرَ لَهُ"♡*
*صلاة التوبة تكفر الذنوب، ويمحو الله بها الخطايا بإذن الله*.
وأدعي كتير إنو ربنا يغفر ليكِ وأستغفري كل ما تكوني فاضية
مدت لي خاتم التسبيح وقالت لي ده ما تطلعي من أصبعك، كل الوقت خليكِ لابساه وأستغفري بالصيغة دي "أستغفر الله الذي لا إله إلا هو الحي القيوم وأتوب إليه" حرفياََ معجزة عديل
_حضنتها وشكرتها كتير♡
عمو جا ودعتها ومشيت....
في الرجعة الطريق كلو قاعدة إستغفر بالصيغة القالتها لي نور، لمن ما حسيت بي الزمن والمسافة !♡
الا عمو قال لي وصلنا !...
نزلت دخلت البيت سلمت على أمي لقيتها عاملة لي عصير ربنا يحفظها لي♡
شربت ومشيت صليت ركعتين ودعيت كتير إنو ربنا يغفر لي كل الفات وأخدت عهد على نفسي إنو عايزة أتغيير و أبدا بداية جديدة، لكن كنت محتارة أبدا من وين ف دعيت ربنا يهديني ويوجهني
إستغفرت شوية ورفعت المصلاية ...
مسكت التلفون فتحت الشبكة و دخلت الواتساب نزلت لي رسائل من قروب *"كفى بنا غفلة"* بقيت أقرا فيهم لفت إنتباهي بوست بقول:
*_عايزة تلتزمي وما عارفة تبدي من وين ؟!*
*=صاحبي صُحبة صالحة، قربي من الصالحين ح تلاقي نفسك عايزة تبقي زيهم واحسن، ح تلاقى نفسك عايزة تقربي من ربنا،*
*الصَاحِبُ سَاحِب فَانظر مَنْ تُصَاحِب ♡*
*قَالَ ﷺ ﴿المرءُ على دينِ خليلهِ فلينظُر أحدكُم مَنْ يُخالِل}*
*كل الحكاية فى الصحبة الصالحة*
*فَهَنيئًا لِمن وجَدَ صاحِبًا يأخذهُ إلى الله*♡
سبحان الله حسيت بيها كأنو رسالة من ربنا لي 🥹♡
أتزكرت صحباتي بتاعين المدرسة القديمة، وكيف وقت الصلاة لمن أكون ماشة أصلي بقولوا لي أقعدي نتونس صلي لمن ترجعي البيت وللأسف كنت بسمع كلامهم وتدريجياَ لمن خليتها عديل
*« يا أيها الذين آمنوا لا تتبعوا خطوات الشيطان »*
قررت أنصحهم، دخلت القروب بعد سلمت عليهم قلت ليهم يا بنات لازم نتوب ونصلي؛ لأنو ده أول عمل ح نتحاسب عليهو وربنا ح يسالنا منها
فجأة كلهم هجموني، بقوا يقولوا لي ما متزكرة نفسك كنتِ كيف ؟! نسيتِ إنتِ شنو! ، هسه عايزة تعملي فيها شيخة بعد أتنقلتِ من المدرسة وبتاع وبقوا يعايروني.
*" التعيير عمومًا بأي شئ"*
*= قال ابن القيّم -رحمه الله- :*
*" إن تعييرك لأخيك بذنبهِ ، أعظم إثماً من ذنبهِ ، وأشدّ من معصيتهِ* ".
قلت ليهم أنا ما شيخة، دي الحاجة الطبيعية المفروض إي شخص يعملها ده ال ربنا أمرنا بيهو ف أنا تبت وعايزة ربنا يغفر لي
" لا خيرَ في قومٍ ليسوآ بناصحين و لاخيرَ في قومٍ لا يحبون النُصح"
ف أنا حبيت أنصحكم لوجه الله؛ لانو إنتوا صحباتي وعايزة مصلحتكم ما أكتر ورسلت ليهم روابط القروبات التلاتة: "إلى الله أقرب، إنتقبي حباً، كفى بنا غفلة"
وقلت ليهم العفو وغادرت من القروب؛ عشان ما أرجع لي نقطة الصفر تاني
غادرت من قروبات الونسة كلها وخليت التلاتة قروبات ديل بس، حبيت أغير صحباتي وقروباتي وكل حاجة في حياتي ...
وتاني إتزكرت أمل ومواقفنا مع بعض تلقائيا إبتسمت، صح ما كانت مواقف كتيرة لكن كانت كفيلة إنو تخليني أحبها ♡
وقلت ياها دي الصحبة الصالحة، حمدت ربنا وقلت لازم أحافظ عليها ♡.
*اختر صاحبًا اذا رآك انحرفت قوّمك و اخذ بيدك الى طريق الله♡♡.*
*#صلوا على الحبيبﷺ💛..*