رواية زواج في الحرب
الفصل الثالث3
بقلم اماني الروح
المرة دي ما دقيت الباب دخلتا توشك لقيت مصطفي شايل تالا وهي بتحاول تنزل منو وبتبكي وهو بحنس فيها وحاضنة عليهو شديد 🤧🙄 بقيت متنحة فيهو هو الصراحة شركة ولد موز اللوز عسسسل بس فيهو طول وقوام تقول ضابط في القوات البحرية ماشاء الله عليهو 😩😪 بعد لحظات كدة فقتا من الجفاف والحرمان والكبت الأنا فيهو دا وقلتا ليهو على فكرة انت كدة بتنفرها منك ما لازم تغصبها على حاجة هي ما عايزاهااا اداني نظرة زي حقت امي واخواتي الحقيرات😩🤧 ماعارفة سر النظرة دي شنو هل صحيح انا مقرفة ولا هم قاسين ما اشتغلتا بيهو كتير قلتا ليها تالا يا حلوة ومديت يديني ليها طوالي جاتني شلتها منو ودخلتا ليهم جوة😒😏 خليت منظرو زبالة الحيوان داك علشان تاني يستفزني كدة لقيتهم ظابطين قهوة ظاااابطة قالو لي اتفضلي 🫠🤗 هو انا منتظرة عزومة طوالي انقشطتا في أقرب كرسي لقيتو وبقيت بتكلم مع تالا وهي كانت متجاوبة معاااي شديد كانو كلهم بعاينو لينا بي استغراب كيف انو تالا هادية ومبتسمه ومتجاوبة معاي بي الطريقة دي حتى مصطفى كان فاتح خشمو ومستغرب وما مصدق 😏😒 شفطتا قهوتي وقلتا ليهم انا ماشة نزلتا تالا وعايزة اطلع كدة تالا شاااالتااا فرد صرخة وبقت تدردق بي الأرض اضطريت رجعتا ليها قلتا ليهم اذا ممكن اسوقها معاي بيتنا وبرجعها بعد ساعة كدة امو وابوهو قالو لي طبعا اكيد ممكن نحن ما صدقنا انها اتجاوبت مع زول 😒😏 يحيا العدل اخيرا في زول نصفني في الحياة دي وعرف قيمتي شكرا تالا🫡💞 شلتها بيتنا ولعبتها واكلتها ونومتها وامي واخواتي برضو مستغربات البت دي العاجبها فيني شنو انا بقيت عاملة كدة 😏😏 وجاتني ثقة في النفس وشعور بي العظمة وحاسة اني شخصية مهمة ومرموقة في المجتمع الحقير دا .. شلتها وهي نايمة ورجعتها بيتهم واتخارجتا منهم 😪😒 تاني يوم صحيت صليت الصبح حاضر في العادة برجع انوم لي الساعة عشرة بس اليوم دا النوم غلبني كلو كلو مشيت فتحتا المويا لقيتا جات ليها يومين قاطعة يا يمة يقطع لي شنو اقول ليهم العطشونا وجهجهونا ديل😭😭 طوالي شغلتا الموتور ومليت البراميل والجرادل والحلل ما خليت شي ما ستفتو مويا وكركرتا الغسالة هي زاتا مليتا ومشيت نكتا هدومي جت المن زمن اسكت والملايااات وهدوم امي 🙄😪 اخواتي بي طريقتن ما بغسل لي وحدة كبار وعاقلات ومانعات
دورتا الغسالة ونزلتا ليك نضافة في البيت امي صحت لقت الحبااال مليانة هدوم والبيت يسوي كدة 👋👋 قالت لي مالك يختي الليلة بسحروك صاحية بدري النشاط والهمة دي جاتك من وين قلتا ليها لي يعني ي امي الظلم دا انا ما قعد اشتغل في البيت دا قالت لي النصيحة انتي اكتر وحدة نافعاني بس مامن عوايدك تصحي بدري 🫠🙂 قلتا ليها المهم صحيت اسي انا جعانة الفطور بي شنو قالت لي قولي بسم الله الساعة يادوب ٧ فطور شنو كمان طنطنتا بي سري ومشيت لفحتا عبايتي عبد الواحد ومشيت الدكان اجيب لي حاجة أكلها 🤤🤤 بتاع الدكان الثقالة يخليها لي منو عاد .. قال لي في زول من الصباح كدة ياكل اندومي احسن اديك بسكويت قلتا لي انت عوير ولا دلاهة يا حسن بتقرر بدلي مالك 😵🧐 انا قلتا ليك عايزة اندومي معناها اندومي بطل تتحشر في قرارات الزباين كفاية المرة الفاتت جيت اشتري طحنية شيلتني بدلها زبادي دورنا الشكلة دي قريب الربع ساعة 🙂🙃 قاطعنا زول بحمم وراي احم احم تقول داير يقول خطبة في جامع اتلفتا لقيت دا مصطفى وشو يا ناااس زي صباح العيد العيون نعسانة واللحية دي يخلوها لي اسمري الملتحي ياااهو زاتو اقسم بالله البقولوهو في الروايات 🤨😬 بقيت مبحلقة فيهو ومتنحة قال صباح الخير بي صوت مبحوح كدة وعجيب حسن طوالي يعجبكم صباح النور يا استاذ مصطفي اتفضل طوالي قاطعتو قلتا لي اديني الاندومي خليني اتخارج 🫠🫠 قال لي مصر عليها يعني قلتا لي وانا بضغط على اضراسي أيوا مصرة داير يفتح خشمو قلتا لي احسن اديني الزفت دي قبل ما اقتالك واريح البشرية منك 😤😤 اداني ليها وطوالي اتخارجتا رجعتا تاني لي مصطفي قلتا لي تالا كيف ردا علي بي كل برود كويسة الزول دا مالو معاي يا ناااس دا اكيد مريض نفسيا ولا حاصل لي شي في حياتو المسيخة دي قلتا وانا مالي ومالو 😏😒 ظبطتا الاندومي واكلتها ومشيت نمتا بي مذاج