رواية كبرياء العشق
الفصل الثالث3
بقلم شيماء طارق
تقف حائره امام سيارتها لا تعلم مابها وقفت تتلفت حولها لعلها تجد من ينجدها
.....ايه يا روما مالها العربيه
روما : مش عارفه يا طنط بس مش راضيه تشتغل ونش عارفه السبب
يارا : وهتعرفي ازاي هو انتي كنتي مكانيكي
ميرا : جربي كدا تاني يا روما
روما : حاولت بس بردو مش راضيه تشتغل
يارا : طيب والعمل
روما : مفيش غير اننا نستني عربيه تعدي وتنقذنا
ميرا : في الصحراء دي
يارا : مفيش عربيه عديت من جنبنا واحنا ماشين هتعدي واحنا واقفين هي سفريه نحس اصلا هو فيه حد يقضي الاجازه في المنيا
مها : خلاص يابنات اركبي ياروما لحد اما نشوف عربيه او العربيه تشتغل
يارا بخفوت سمعته ميرا : وهتشتغل ازاي بالطاقه الشمسيه يعني
ميرا بضحك : حتي الشمس بدأت تغيب
ركبت روما في ضيق وهي تنظر بغضب لكلا من ميرا ويارا فصمتو فهم يعلمون غضبها
**************
.....شوفت ابوك يا آسر بيقولي ايه.. هتفت بها مرفت بغضب
آسر : الست مكان جوزها يا ماما وبابا هيقعد مع جدي يبقي حضرتك لازم تبقي معاه
مرفت : بس انت عارف اني مبحبش الصعيد
هتف حسام الجالس في الخلف
حسام : ليه يا طنط دا الجو عندنا جميل والعيشه هناك حلوه
مرفت بقرف : مش كل حاجه بتعجب غيرك يبقي تعجبك يا بشمهندس وبعدين انا مقدرش اكون زي امك وخالتك
حسام : امي وخالتي احسن من ناس كتير واولهم الناس الي شايفه نفسها ولسه بيتكبرو علي خلق الله رغم ان هما زيها زيهم مفيش اختلاف
مرفت : تقصد تساويني انا مرفت هانم بأمك
حسام : لا انا اصلا ميشرفنيش اني اشبهه امي بيكي
آسر : حسام
حسام : سوري يا آسر بس مبحبش حد يتكلم عن امي
آسر : خلاص مش عايز اي صوت خلينا نوصل علي خير
حسام : لما توصل ابقي صحيني
مرفت : كمان هتنام دا بدل ما تقوله قوم ارتاح انت وانا هسوق مكانك
حسام : اصل آسر قالي انك خايفه علي عمرك وانا سوقتي متطمنش
****************************
.......مرتك جايه يا احمد
احمد : ايوه يا بوي هتيجي مع آسر
محمود : وديه هتعيش وسطينا كيف
احمد : والله ما انا عارف دي مبتحبش المكان هنا مش عارف ليه يابوي عايزها تيجي هنا
راشد : مش عايز كتر حديت المهم الولد هيجو ميتي
احمد : هما كدا علي وصول
راشد وهو ينهض من مكانه : لما يوصلو ابجو عرفوني
محمد : ابوكو فيه في دماغه حاجه
محمود : محدش بيعرف ايه الي بيفكر فيه بوي
احمد : ربنا يستر مش مطمن لوجدنا هنا وخصوصا انه بالامر مش زي ما اخنا عايزين وسيف كمان وكلام آسر
محمد : ربنا يعدي الايام الجايه علي خير
محمود : يارب
***********
ادهم : عجبك الفرس دا
سيف : جدا المكان هنا تحفه بجد كنت اسمع مع بابا وآسر عن مزرعه الخيل الي عند جدي بس اول مره اشوفها واعرف انها بالجمال دا حتي الخيل مش موجود في اي مكان وصعب تلاقيه
ادهم : خيل عربي
سيف : انا هاخد الخيل دا وهيبقي بتاعي
ادهم : الخيل دا فعلا بتاعك
سيف : ازاي
ادهم :جدي قال ان كل واحد من احفاده ليه خيل حتي اسماء اختي ليها واحد ومحدد لكل واحد بتاعه ودا بتاعك
سيف : جدي دا غريب...... ثم اشار الي احدي الفرس.... طيب ودا بتاع مين
ادهم : دا الوحيد الي ممنوع اي حد يقربله حتي اسمه جدي مش عايز يعرفه لحد بيقول لما يجي صاحبه هو الي يسميه لو معجبهوش اسمه الي جدي مسميه كل خيل هنا جدي مسميها وممنوع تغير الاسم حتي لو الخيل بتاعك بس الخيل دا بالذات محدش عارف السر وراه
سيف : ايه جو الفوازير دا
ادهم :.انت لسه شوفت حاجه
سيف : هو لسه في فوازير تاني
ادهم : جدك دا عباره عن كتله غموض متحركه محدش يعرف هو بيفكر في ايه الا لو هو عايز يعرفك دماغو فيها كتير ولو دخلتها هتوه متحاولش تفهمه عشان هتتعب بس الي اقدر اقولهولك ان هو احن شخص ممكن تقبله في حياتك
سيف : جدك حنين
ادهم : بيبان صامد وحازم وقوي بس جواه حنيه تكفينا كلنا جدك المكان الي هو فيه لازم يكون كدا هو الكبير في كل حاجه يبقي لازم يبقي قوي عشان محدش يجي عليه
سيف : طيب مين ابن الشرقاوي
ادهم : كدا انت عرفت كتير ومعنديش تعليمات اني اعرفك اكتر من كدا........ ثم تركه وغادر.....
سيف : تعليمات ايه.. ايه الجو الي انا عايش فيه دا..... يا ادهم ادهم استني يابني... ثم ركض خلفه
*****************************
....اقف يا آسر اقف
آسر وهو يقف : فيه ايه
حسام : في بنتين وقفين ممكن تكون العربيه عطلت بيهم
مرفت : طيب واحنا مالنا
حسام وهو يترك السياره : اتربينا في الصعيد ان احنا لازم نساعد اي حد لو في ايدينا نساعده
لحق به آسر مسرعا وذهب الاثنان بإتجاه الفتاتان
ميرا : بصي يا روما في رجلين داخلين علينا
مها وهي بداخل السياره : ادخلو بسرعه يابنات
روما : مش يمكن يساعدونا يا طنط
مها : ادخلو ولما يجو هتكلم انا معاهم
دخلت الفتيات وانصاعو لما طلبت مها بينما تقدم منهم آسر وحسام
حسام : شكلهم كانو وقفين بيدلعو
آسر : وليه متقولش لما شافونا دخلين عليهم خافو خصوصا انهم بنات
حسام : تعالي نعرض المساعده وخلاص
تقدمو اليهم وما ان رأتهم ميرا حتي نزلت مسرعه فلحقت بها روما ومها بينما يارا كانت غارقه في نومها
ميرا : مستر آسر
آسر : ميرا... بتعملي ايه هنا
ميرا : العربيه عطلت بينا ومش عارفين نتصرف
مها : ميرا
ميرا : تعالي يا ماما دا مستر آسر مديري في الشغل
آسر : ازي حضرتك يا فندم ممكن نساعد لو امكن
نظرت مها وميرا الي روما التي نظرت ل آسر وحسام بغضب
لاحظ حسام نظراتها فقال بخفوت ل آسر : هي هتاكولنا ولا ايه
آسر : اسكت خالص
مها : ممكن تشوف العربيه يابني
روما : مش عايزين نتعب الباشا يا طنط
آسر : مفيش تعب ولا حاجه
تركتهم روما وركبت السياره بجوار اختها محادثه ميرا : ابقي سوقي انتي
حسام : ملها ديه
ميرا بإحراج : سوري بس هي تعبانه شويه
آسر : تعالي يا حسام معايا خلينا نخلص
وقف حسام بجوار آسر الذي قام بفحص السياره.
آسر : البطاريه خلصانه
ميرا : والعمل
حسام : ممكن نجيب عربيتنا ونعمل وصله للعربيه هنا ونشحنها منها
آسر : روح هات العربيه
حسام : عايزني اركب مع امك لوحدي ديه تولع فيا
آسر : حسام اخلص
ذهب حسام ليجلب السياره بجوار سياره روما بينما روما كانت تتابع كل هذا في صمت ونظرات غضب موجهه الي آسر وحسام لم يعلموا مصدرها
انتهي آسر وحسام مما يفعلوه وطلب آسر من ميرا ان تقوم بإداره السياره وبالفعل قامت بتشغيلها وشكرته
مرفت : مش يلا بقي ولا هنفضل في القرف دا كتير
نظرت مها لها في صدمه ثم ركبت السياره ووجهت نظرها الي روما التي بادلتها بإبتسامه سخريه تحمل الكثير من الاوجاع
ميرا بإحراج : سوري يا هانم شكرا جدا يا مستر آسر شكرا يا أستاذ حسام
حسام : بشمهندس وحياتك دا انا ذكرتها خمس سنين وفي الاخر يتقالي أستاذ
يارا بعد ان استيقظت ووقف بجوار ميرا : قولها وعرفها احنا بنتعب قد ايه بتاع التجاره ديه
ميرا : تجاره انجلش
انتبه حسام الي يارا الواقفه بجوار ميرا وما ان جاء ليتحدث الي ان قاطعه صوت نرفت مره أخري
مرفت : مش يلا بقي انا زهقت مش كفايه رايحه الصعيد
آسر : سوري ياجماعه بس لازم نمشي لو حصل اي حاجه في الطريق ابقي اتصلي بيا يا ميرا يلا يا حسام ....حسام حسام انت يابني
انتبه له حسام الذي كان شارد في ملامح يارا
حسام بإحراج : هاا اه يلا يلا نمشي سلام يا بنات فرصه سعيده يا أنسه يارا
استغرب الجميع من ان حسام وجهه كلامه ل يارا فقط
آسر وهو يحركه بإتجاه السياره : يلا
ركبت ميرا ويارا السياره وانطلقو فإنطلق خلفهم آسر بالسياره
******************************
حسن الشرقاوي.... كبير عائله الشرقاوي والعدو الاول ل راشد السيوفي ويكن له الكره والحقد
معتز الشرقاوي : ابن حسن ويكن العداوه ايضا لعائله السيوفي و لمحمود السيوفي بشكل خاص
معاذ معتز الشرقاوي.... الابن الاول لمعتز يبلغ من العمر 29 عاما يكره آسر وأدهم ويسعي الي موتهم
مهاب الشرقاوي..... الابن الثاني لمعتز يبلغ من العمر 27 عاما لا يعلم سبب العداوه بين العائلتين ولكنه يعيش في القاهره ويآتي الي المنيا في الاجازه
هبه الشرقاوي...... في الصف الثالث الثانوي صديقه أسماء السيوفي ولكن لاتعلم بمدي العداوه بين العائلتين ولكنه طيبه القلب
حسناء الشرقاوي.. زوجه معتز وابنه عمه تحب ابنائها بشده ولكنها تكن الحقد والكره لعائله السيوفي...
*********
معتز : راشد جاب عياله كلهم حداه اهنه
حسن : راشد عرف اننا بنخطط لجتل سيف فجابه جاره بس مهيفضلش مخبي احفادو كتير
معتز : بس يا بوي كدا راشد عارف احنا بنفكرو فيه ايه
حسن : راشد واعر ومحدش يجدر يعرف دماغه فيها ايه بس انا لازمن احرج جلبه علي عياله كلياتهم
معاذ : آسر نزل القاهره النهارده واشتري الارض الي جار شركتهم. وهيوسع شركتهم
حسن : ومجتلتهوش ليه ياولدي
معاذ : آسر مش من السهل اننا نموته يا جدي لازمن نخططو زين جبل اي خطوه نخطوها بالذات مع آسر السيوفي
حسن : في اقرب فرصه الاقيهم الاربعه ميتين عايز احرج جلب راشد عليهم
معاذ : جريب جريب جوي يا جدي
معتز : فين اخوك
معاذ : اتصل وجال هيجي بكره
حسن : يجي بالسلامه جوله يخلي باله من الطريج
معاذ : حاضر يا جدي
حسناء : اتفضل يا عمي يلا ياولدي الوكل جهز
حسن : فين بنتك يا حسناء
حسناء : بتذاكر فوج يا عمي
هبه : انا هنا اهو يا جدو
حسن : تعالي كولي معانا يا حبيبه جدو.
هبه بمرح : عولم وينفذ يا فندم
ضحك عليها الجميع وتوجهو الي الطعام
*****************************
سيف : اسماء ما تجبيلي مياه الله يكرمك وتجيبي مجموع يدخلك الكليه الي انتي عايزاها في القاهره
ضحك جميع الموجودين عليه بينما توجهت أسماء وجلبت له المياه
أسماء : امسك بس متتعودتش علي كدا
سيف : الا قوليلي انتي عايزه تدخلي كليه ايه
أسماء بفخر : هندسه ان شاء الله
سيف : ما شاء الله العائله كلها عباره عن مهندسين حتي البنت الي فيها عايزه تبقي مهندسه طيب اقول ايه
راشد : متجولش حاجه واتصل عل خوك شوفه اتأخر ليه اجده
دلف آسر وحسام : احنا جينا اهو يا جدي وتقدمو وقامو بتقبيل يد الجد
راشد : حمدلله علي سلامتكو ياولاد
أحمد : فين امك يا آسر
حسام : استغفرالله العظيم
آسر : جايا ورايا
محمد : مالك يا حسام
حسام وهو ينظر ل آسر : ماليش هتعرف لوحدك انا هروح لامي
دلفت مرفت لهم وعلي وجهها علامات الاشمئزاز كتم محمود ضحكاته بينما محمد فهم ما يقوله ابنه نظر الجد لها بإبتسامه
راشد : نورتي يا مرت ولدي
مرفت : بنورك يا بابا الحج
أحمد : حمدلله علي السلامه يا مرفت
مرفت بإقتضاب : الله يسلمك
سيف : وحشتيني يا ماما
مرفت : وانت كمان يا حبيبي عامل ايه هنا
محمد : متخفيش لسه معذبنهوش
****************
مها : بكره يا بنتي بلاش دلوقتي بصي الصباح رباح
روما : هروح دلوقتي يعني هروح دلوقتي عايزين تستنوني هنا مفيش مشكله انما انا هنزل يعني هنزل
مها : لا لا انا مش هسيبك لوحدك استر يارب يارب استرها يارب
ميرا : انا عايزه افهم فيه ايه
يارا : وانا كمان
روما : انا نازله وتركتهم وتوجهت الي باب الشقه التي استآجرتها مسبقا وغادرت فهرولت خلفها مها مسرعه وتوجهه خلفهم ميرا ويارا بعدم فهم
روما وهي تركب سيارتها : انتو ايه الي جابكو
يارا وميرا : هنيجي معاكو
انطلقت روما مسرعه الي وجهتها بينما لسان مها لا يكف عن الدعاء ولم يخلو الطريق من نظرات الاستغراب وعدم الفهم من ميرا ويارا
وقفت السياره امام فيلا السيوفي
ترجلت روما من سيارتها وتوجهت امام البوابه الرئيسيه وخلفها مها والفتيات
روما للحارس : محمود السيوفي و راشد السيوفي جوه
الحارس : وواه اسمه محمود بيه والحج راشد بيه
روما : بلغهم ان فيه واحده عايزه تقابلهم
الحارس : اجوله مين يعني
روما : قولهم الدكتوره روما
دلف الحارس الي الداخل واخبرهم ان هناك من يريد مقابلتهم وخرج لاعطائها الاذن بالدلوف فتوجهت الي سيارتها وقادتها ودلفت بها الي الداخل
نظر الجميع الي تلك التي تريد مقابلت محمود وابيهم
نظر لهم محمود بصدمه واضحه علي معالم وجهه فهي تشبهها كثيرا ثم وجهه نظره الي راشد الذي لم يقوي علي الحركه عندما رأها تدخل عليه
آسر : انتي تاني
ميرا : مستر آسر
محمد : انت تعرفهم يا آسر
حسام : ساعدنهم علي الطريق عربيتهم كانت عطلانه كانت روما لا تبالي الي الحديث الدائر حولها بينما نظراتها كانت علي محمود الذي جلس بجوار ابيه من الصدمه
حسام : خير محتاجين حاجه نقدر نقدمها ليكو
تعالت ضحكات روما فإستغرب الجميع وخاصه ميرا ويارا بينما تقدمت منها مها امسكتها من ذراعها
مها : اهدي يا بنتي
توقفت عن ضحكاتها : ولما اهدي دا هيهدي... واشارت الي قلبها.... ثم هزت رأسها بعنف تنفي هدوء هذا القلب ..واكملت..... كنت جايه اعاقبهم واعاتبهم علي سنين عمري الي فاتت بس اول اما عيني جت في عينه.. واشارت الي محمود..... ثم اشارت الي قلبها.... دا بيدق وعايز يت مي في حضنه شوفتي يا طنط
وجهت نظرها الي الجميع ثم قالت بصوت سمعه الجميع بوضوح
روما : احب اعرفكو بنفسي انا روما محمود السيوفي