رواية زواج في الحرب
الفصل الرابع4
بقلم اماني الروح
بين نايمة وصاحية كدة احس في يد صغيرونه بتتحرك في وشي وصوت بعيد بقول ماما كنت فاكرة نفسي بحلم فتحتا عين علشان اتأكد دا حلم من أحلامي المريضة اني عرستا وبقيت ام ولا دا واقع ولا دا شنو بي الضبط 😩😭 بس اتفاجاتا بي انو دي تالا بتصحي فيني وبتقول لي ماما وصوتها فيهو آثار بكى رفعتها جمبي وقلتا ليها حبيبة ماما وحضنتها علي شديد 👧😮💨 والله عندي فائض بتاع امومة ومافي زول حاسي بي وتالا شكلها فاقدة احساس الامومة وحست بي شكلنا حنعوض بعض الاحاسيس دي بقيت حاضناها وقاعدة 🫂👩👦 سمعتا صوت امي وخالتو سامية بتكلمو برا قالت ليها تالا اتعلقت بي ريل شديد من الصباح بتبكي وعايزاها😔😔 ما
حبيت ازعجكم من الصباح بس البت حلفت ما تسكت الا قلتا ليها لو سكتي حااوديك لي ريل بي الجد تعبتا انا... البت رافضة اي زول حتى عماتها وابوها نحن مخصوص جينا راجعين السودان عشانها 😗🫠 امي قالت ليها والله مشكلة دي ما حاولتو تودوها لي أخصائي ولا دكتور اطفال احتمال تكون عيانة ولا في حاجة واجعاها قالت ليها والله ما خلينا ليها حاجة بس كويسة وكل التحاليل نضيفة الحمد لله 🤗🤗 انا جيتهم طالعة وشايلة تالا قلتا ليهم صباح الخيرات خالتو سامية قالت لي صباح النور معليش تعبناك معانا والله قلتا ليها العفو يؤؤخ مافي تعب وبعدين تالا بت حلوة وبتسمع الكلام وانا وهي اتفقنا اتفاق جوة انها تاني ما حتبكي خاااالص وحتكون بت شاطرة صح ي تالا هزت راسهاااا وهي ماسكة فيني قوي قلتا ليها ما تخافي انا ما حا اسيبك خاااالص وحا اكون معاك بس بي شرط انك ما تبكي وتسمعي كلام ماما سامية قالت لي حاضر ماما 😄🙂 امي وخالتو سامية بقو مبحلقين عيونهم من كلمة ماما دي خالتو سامية كانت عايزة تعتزر بس قلتا ليها عادي انا راضية انها تقول لي ماما تالا الظاهر فاقدة امها شديد وشافتني بديل ليها حاليا نخليها كدة بس اكيد تالا محتاجة طبيب نفسي لأنها تقريبا داخلة في صدمة 🫠🙃 بس مع الأوضاع دي ما حنعرف نتصرف ومبدئيا نحاول نهديها ونطمنها وانا حا اقوم بي الدور دا لاني كمان اتعلقتا بيها ودخلت قلبي من اول يوم شفتها فيهو ..خالتو سامية شكرتني وقالت لي بارك الله فيك ي بتي ماقصرتي والله واستاذنت ومشت خلت تالا معاي 💞😌 تالا قضت اليوم كلو معاااي محل ما امشي هي بتكون وراي اي حاجة اعملها هي بتقلدني فيهاااا حاولتا اتكلم معاها عن امها قلتا ليها تالا حبيبتي عايزة اتكلم معاك في موضوع طيب قالت لي طيب قلتا ليها انتي ماما اسمها منو 🫠🙂 قالت لي انتي ماما وحسيت بيها
اضايقت وعيونها اتملت دموع هي صح عمرها ثلاثة سنوات بس كانت بتستوعب كل كلامي البقولو ليها والواضح انو عقلها كبير .. غيرتا الموضوع طوالي لما عرفتا سؤالي ضايقها قلت ليها طيب يا تالا انتي بتمشي الروضة قالت لي لا ماعيزاهاااا قلتا ليهااا طيب تمام يلاااا ناكل كيك انتي بتحبي الكيك ولا لا قالت لي بحبو جبتا ليها قطعة كيك 😭💔 وعرفتا انها داخلة في حالة بتاعت نكران لي موت امها وماعايزة تتعامل مع أي زول والظاهر انها ما لقت زول يحتويها في ساعتها علشان كدة حالتا زادت سوء ووصلت المرحلة دي بس مامشكلة كلو بتحلى ان شاء الله 🤗🫠 المغرب كدة جونا التومات اتونسو معانا وانسجمو مع روان شديد تقريبا هم في نفس العمر ظريفات شديد وبتشابهو بي طريقة غريبة بس شخصياتهم عكس بعض خالص بسمة كانت هادئة ونسمة زي كدة تهضرب براهااا وكلامها كتير وجنها ضحك وهزار 🤣😂شربو معانا شاي المغرب قلتا لي تالا نتفق اتفاق موافقة قالت لي ايوا قلتا ليها انتي حتمشي مع بسمة البيت وانا بكرة الصباح اول ما تصحي من النوم حتلقيني جمبك طيب ياعسل 😅🤨 كانت مترددة وخايفة بس في النهاية اقتنعت ومشت معاهم البيت