رواية اغتصاب ازهار
الفصل الثالث3
بقلم جمانه السعيدي
حضرنا كلشي للعرس والصراحه عيالها ماقصرو ابد
بس همه عائله جبيره كلش
واجا يوم العرس ورحنا اني وياها للصالون وراحت ويانه نهى
يوم عرسه جان حلووو ومميز والاحلى الفرحه الي بعيونها
وزوجها بينت عليه السعاده والضحكه مافاركت وجها ابد
تم العرس على خير ورجعت للبيت بس كلش ضجت من رجعت
البيت موحش وصوت هيفاء ماكوووو
جانت اذا تريد شي تكعد تلح وتلح لمن تاخذه
خوب اذا الها قماش يمي تكعد على راسي لمن اخيطه
بقينا بس اني وامي بلبيت
صحيح تجينا نسوان وبنات تخيط عدنا وووقتنا كله مشغول بس يبقى مكان هيفاء خالي
جمانه السعيدي
زوجها يجيبها كل جمعه تبقى عدنا طول النهار وبليل ياخذها
هي وزوجها حيل متفاهمين
وحتى عيالها زينيين وياها
مر سنه على زواجها وماكو حمل وبدت تراجع علمود الاطفال ونهى حبلت مره ثانيه
الصراحه تعودنا على نهى وعلى بتها دائما يمنا واذا ماتجينا نخابرها نطمن عليها
واني على وضعي محد تقدملي بس اجاني واحد مطلك وماقبلت بي لان عندا خمس اطفال
وبهاي الفتره توفى جدي ابو امي
امي حيل نقهرت وتبجي وتكول بقينا بلا والي
صحيح هو جبير ومريض بس صوته بلدنيا كلها
امي تعبت بلزايد والقهر زود عليها المرض
ونضرها حيل ضعف
بلمناضر ونضرها موزين
حسيت المسوليه كبرت عليه مرض امي والعيشه
تعبت حالتي النفسيه خفت اخسر امي وابقى وحدي بهاي الدنيا الصعبه
صار عمري ٢٥ سنه وبيوم اجتنا كماله اقارب بابا اني شفته وضجت دخلت جوه وكلت الماما اذا سئلت عليه كولي موهنا
طلعت
لان اذا زودتها بلكلام اتعارك وياها اني حيل متحمله منها
دخلتها امي وكعدت تسولف عليها
بس هلمره حيل تاخرت عدنا واسمع امي تكلها خل نسئل وارجعلج خبر
بقت عدنا تقريبا ساعه كامله يله طلعت
بس طلعت رحت على ماما هااا ماما شرادت كماله خير
طولت بلكعده
جمانه السعيدي
....جايه خطابه
...خطابه
...اي جايه تخطبج
....تخطبني المن
...ناس موصينها على مره وتكول صارت ازهار كدام عيني
....شعجب كماله ماتسوي زين
...الله هدها مزين تفكر بيج
...ولله ما ادري مامتوقعه منها شغله زينه
...هذا الاسم والعنوان خل نسئل ونرجعلهم خبر تكول مستعجلين طلبت منها مهله يومين
بس منو يسئل عليهم ياربي حتى والي ماعدنا من دون الخلك
...شنو رائيج نهى تكول المهدي عليهم ويسئل ويرجعلنا خبر
....اي خوش فكره خل مهدي يسئل عليهم
...خل اخابر نهى تجي نفهمها
....الووو نهى وينج اليوم ماكوووو
....ملتهيه انضف وجهال خبصوني خبص
...جيبيهم وتعاي عندي شغله وياج
...بعدني ماطابخه
...تعاي تعشي عدنا انتي والجهال
...هسه اجيت
وفعلا اجت نهى هي وبتها وابنها على فكره صار عدها ولد سمته جود
وسولفنا السالفه كلهى الها ونطيناها الاسم والعنوان
اخذتهن وراحت المهدي
ورا يومين اجتنا جايبه المعلومات كامله
نهى...خوش عائله مستورين وحالتهم الماديه زينه عدهم بنات اثنيين ووولد اثنيين
الولد الجبير عمرا ٢٥ خريج كليه وعندا محل موبايلات بلسوك
والثاني مخبل كلش
والبنات وحدا خريجة معهد والثانيه بعدها تدرس
وابوهم عندا محل منتجات البان بلسوك
مهدي يكول ناس سمعتهم طيبه
وبعد الله اعلم احنا ماعايشين وياهم ونعرف وضعهم
جمانه السعيدي
امي حيل فرحت ولد عمرا من عمري وخريج ويشتغل خوش قسمه
بس اني جنت خايفه ما اعرف ليش
معقوله هاي الموصفات ويتقدملي واني لاشهاده ولاجمال طاغي ولاعائله غنيه اشك اكو شي بلموضوع
نهى...هاااا نكول مبروك
ازهار...ما ادري كلبي مامطمن
نهى...ليش شبيج خايفه
ازهار...ولله هاي مواصفاته ويجيني يخطبني وعن طريق كماله
نهى...ونتي شبيج شنو ناقصج ترا انتي جاي تقللين من قيمة نفسج
ازهار....وامي شلون
نهى تكدرين تاثرين علي وتجين تشوفينها وبعدين اني وين رحت اني بتها الثالثه اخليها بعيوني
ازهار...انتي صدك اختنا الثالثه وماتقصرين حبيبتي
لليل ماما خابرت كماله ونطتها الاوكي
كماله كالت باجر تجي امه واخته يشوفنها
ثاني يوم ماخيطت ابد نضفت بيتنا وسويت كيك
ونهى حفت وجهي ومكيجتني خفيف
وخابرت هيفاء اجتنا وجابت البشاره وياها حامل
اني فرحت بحملها اكثر من زواجي
للعصر اجتي ام العريس واخته وكماله وياهن
اني بدلة نفنوف كريمي وشعري فتحت نص وشلت نص
امي استقبلتهن ودخلتهن
واجا دوري اقدم العصير والكيك
جمانه السعيدي
ام العريس....هلو حبيبتي ماشاء الله شني هذا الجمال
ازهار...شكرا بس من ذوقج
كعدت شويه وطلعت وراحت نهى وهيفاء كعدن يمهن
ام العريس وكماله اخذنا حاصل فاصل
وشتريد وتدلل وهي بنيتنا ونخليها بعيونه
وحنا سئلنا عليكم ونعم التربيه
امي مادققت بلتفاصيل وكنما مامصدكه اني انخطبت
حقها والده وتريد تامن حياة بتها
قررو المهر بعد اربع ايام وكالو احنا مستعجلين على الزواج
وكلشي مكملين
ننطيكم فلوس اشترو ذهب وملابس وناخذها باسرع وقت
امي...والعقد بلمحكمه
ام العريس...اكيد نعقد بس ورا الزواج لان عدنا عجوز اقاربنا تريد تموت واذا ماتت تعطلنا
امي...زين العريس مايجي يشوفها
ام العريس...احنا شفناها وهذا كافي شني يريد اكثر من هذا الجمال والاخلاق والتربيه الحلوه
طلعن وامي طلعت وياهن جان كماله تكول الامي وافقي
هاي خوش فرصه بتج كبرت ومحد اجا عليه
لاتخربين قسمتها
جمانه السعيدي
امي رجعت وكعدت هي وهيفاء ونهى وكالت هااا شنو رائيح
ازهار....يمه ماادري ليش مامطمئنه شعجب العريس مايجي يشوفني خاف بعدين ما اعجبه
لويجي يشوفني احسن خاف بعدين مايريدني وهذا زواج
يعني عمر مو يوم لو يومين
امي...يمه غير هو راضي بذوقهن ويعرف ذوقهن حلوووو
نهى...يا فدوووه وين يلكه مثل ام الزوز
هيفاء...شبيج حبيبتي شنو ناقصج ليش متردده
ازهار....هاي موقلة ثقه بلنفس بلعكس اني واثقه من نفسي
بس اريد نلتقي وواحد يشوف الثاني احسن
امي...يله حبيبتي الجمال موكلشي بلدنيا بعدين مهدي كال سمعتهم طيبه
واحنا بس يتم الزواج نخلي يعقد محكمه حتى اضمنيين حقوقج
باجر اخذج للسوك واشتريلج كلشي بنفسج
كلشي يعجبج وتردي اشتري اني كم ازهار عندي
هيفاء اني هم اريد تشتريلي اني مو بنتج
امي واني قصرت وياج بشي
هيفاء اشتري الحفيدج هذا حفيدج الاول
امي خل يجي بلسلامه ويدلل