رواية اسود وابيض
الفصل الرابع4
بقلم جمانه السعيدي
خليل...الصبح ماكعدت من وكت مثل كل يوم
بس اسيل كعدت وبدلت وتعطرت واسمعها اتصلت بابو الخط
وابد مادارتلي بال ولا كعدتني ولا سئلتني شلون صرت
المهم كشخة كل قوتها ولبست كيلو ذهب وطلعت
قبل يومين سمعته تحجي ويا امها بلتليفون تكلها
كل الي بلمستشفى متعجبين بيه
لبس اخر موديل وذهب وسياره تاخذني للدوام وترجعني
يكولون انتي ابوج تاجر
كتلهم لا بيت عمي تجار اني جنتهم
البنات يكولن ليش اداومين هذا الدوام متعب
اذا وضعكم المادي زين اكعدي بلبيت احسن
اوي شنو اكعد بلبيت اخدم هذا وذاك
اطلع اغير جو تصير عندي علاقات جديده
اصلا من داومت لليوم كلشي مااشتغل بلبيت بس اغسل ملابسي وملابس خليل وانضف غرفتي جمانه السعيدي
خليل...طبعا كلامها حيل غثني بس ما حجيت وياها
مااريدها تكول كاعد يحاسبني
المهم كملت وطلعت
شويه واجا ابوي يكعدني هو وامي
ابوي...بابا خليل اني بعدني ما طلعت منتضرك ليش نايم اليوم
خليل...كعدت على حيلي
خليل.. ماكو شي
امي...لا اكو شي انت مو طبيعي قابل احنا اليوم نعرفك
خليل...تعبان
ابوي...من شنو تعبان شنو يوجعك ممكن افتهم
خليل...سكتت
امي...ليش اطلع كلبنا احجي خل نفهم
ابوي....لازم اعرف انت ليش تعبان اكو شي مضوجك
خليل...مااريدكم اضوجون
ابوي...بس انت اضوج
خليل...اني سويت تحليل علمود الاطفال وطلعت عقيم
امي ضربت صدرها وكالت يايمه
ابوي...ماكو هيج شي شنو عقيم اصلا احنا ماعدنا احد عقيم
مستحيل هذا الكلام
خليل...اني سويت تحليل وطلعت هاي النتيجه
ابوي....نشوف غير دكتور واذا اكو الك علاج شكد ما يكلف تتعالج حتلو ابيع كلشي املكه
خليل....شنو نعاند رب العالمين
ابوي...لا ما نسكت ابد اليوم اني اسئل عن احسن دكتور واخذك اله
يله كوم نروح للشغل اذا تبقى هيج نايم اضوج اكثر
مسحت امي دموعها ميخالف يمه الله موجود
خليل...طلعت للشغل وياا ابوي بس بقيت كاعد وساكت مالي خلك احجي وياا اي احد
كلما اتخيل اني راح ابقى بدون اطفال طول عمري
احس كلبي ينفجر من الحزن
يعني اني بعمري مراح اسمع كلمة بابا
ولا راح اشارك الناس بحياتهم من خلال اطفالي
ولا راح اروح المدرسه اسجل ابني
ولا راح يكولون هذا ابن خليل
استغفر الله ربي واتوب اليك
رجعنا للبيت حتى مااكدر اكل احس شهيتي انسدت
رجعت لكيت اسيل مبدله ومكيجه ومنتظرتني
اسيل..هلو حبيبتي
خليل..هلو
اسيل...حبيبي ليش ضايج هاي اني كدامك ما ضايجه
خلاص هذا حقنا من الدنيا لااول ولا اخر ناس احنا
ممكن تنسى هذا الموضوع ونعيش طبيعي
انسى وتعامل وياا هذا الموضوع كلش عادي
خليل...اني متعجب عليج النسوان اذا مايصير عدها اطفال بتخبلن وانتي الموضوع عندج ماله اهميه
اسيل...اني فاهمه الحياة ومقدره الضروف واعرف اني اذا زعلت على هذا الموضوع زعلي مراح يقدم ولا ياخر شي
واني لا اول ولا اخر وحده تبقى بدون اطفال
بعدين اني مزوجه احلى رجال بهاي الدنيا
وهو اهلي وناسي واطفالي ممكن تعوف هذا الموضوع علمودي الخاطري انسى هذا الموضوع
جمانه السعيدي
خليل...سكتت كلت خلاص هي مقتنعه اني ليش
احجي بلكت رب العالمين يلتفت علينا ويصير عدنا طفل حتى لو طفل واحد
بهاي الاثناء دكت الباب اختي كالت ابوي يريدك
نزلت جوه لكيته كاعد وحده
خليل....هااايابه تريدني
ابوي....اي اليوم سئلت على احسن دكتور يعالج الخصوبه
وجابولي اسم هذا الدكتور
كدرت احجزلك يمه بعد اسبوع الحجز
علي ازدحام مو معقول كوه كدرت احجز ورا اسبوع
خليل....اراجع لو بس اتعب نفسي خاف كلشي مااحصل
ابوي....لا شنو تكعد وتسكت خل نحاول اكثر من مره
ونشوف بلكت نلكه دكتور يوكع على علتك
خليل..تمام بقيت كاعد وابوي يحاول يخفف عني
لان حاس بيه شكد ضايج يحاول يهون عليه
اما امي يمكن لو ميت عزيز عليها مااضوج هيج
من سمعت هذا الخبر وهي خاله السجاده وتصلي وتدعي
تدعي ودموعها ما نشفن ابد
بلكت امي الها مكانه يم رب العالمين ويجبر خاطري
رجعت للغرفه
اسيل....شكو عمي شيريد
خليل...حجزلي يم دكتور اختصاص بعد اسبوع
اسيل...هااا يادكتور اني هم خل اسئل عنه واتأكد اذا كان دكتور زين تعرف بلمستشفى ما يخفى عليهم شي
يعرفون كل الدكاتره
خليل...دكتور نوفل الحديدي
اسيل...زين تمام باجر اسئل عنه
بعدها بيومين اسيل كالت اني سئلت عن هذا الدكتور كلها تحمد بي يكولون يسوي المعجزات
واذا الحاله مستعصيه يكول للمريض حالتك مالها حل
يعني مايضحك على المريض ويبقى ينطي علاج ويسحب فلوس
خليل...الله كريم كلشي بيد رب العالمين مو بيد البشر
اسيل...اني اروح وياك بلكت اعرف احد هناك حتى ندخل على الدكتور بسرعه
خليل...اي
خليل...اجا يوم الحجز ورحنا للدكتور اني واسيل
طلع اسمنا العاشر
كعدنا ننتضر بعدين اسيل كامت
اسيل...خل اروح اشوف بلكت اكو احد اعرفه حتى ندخل على الدكتور بسرعه لان اكيد راح يحولنا تحليل
ونتاخر اكثر
راحت اسيل ودخلت غرفة التحليل وبعد ما طلعت
تقريبا نص ساعه يله رجعت عليه وجايبه وياها بطل مي
خليل...اتاخرتي
اسيل...اي اريد واحد عرف ماكووو كوه لكيت بنيه اختها ويانا اداوم كالت اشوف بلكت اكدر اقدم اسمكم
خليل...وصلنا الاسم الثامن صاحو بلاسم ماموجود الاسم التاسع هم ماموجود جمانه السعيدي
دخلت اني واسيل دكتور جبير عمره تقريبا ٦٥ سنه
سئلني كم سؤال انطيته التحليل القديم
كال اني هذا التحليل ماامشي علي اريد تحليل جديد
وزوجتك هم تحلل ادرار اخذو تعليمات التحليل من دكتور ضياء دكتور تحليل برا
خليل.. تمام
طلعنا برا وانطونا امبولات تحليل والتعليمات
كملنا ورجعنا الغرفة التحليل
اسيل....عيوني هناء هاي نموذج التحليل
هناء...اي بعيني
اسيل...مثل ما وصيتج اريد تحليل مضبوط
هناء...احنا ماعدنا شي ما مضبوط ينضرب بينا المثل بلدقه
اسيل...اي حبيبتي احنا لان شغلكم دقيق اجيناكم
هناء...ساعه ويطلع التحليل
طلعنا برا
اسيل...خل نطلع نتمشى هواي ساعه نبقى ننتضر هنا
خليل...يله
خليل ابد ماجاي احس نفسي مرتاح واحس فاقد الامل
مااعرف ليش
رحنا كعدنا بكافي اني شربت جاي واسيل شربت عصير كوكتيل
احس نفسي حتى مالي خلك احجي
اسيل اتصلت على امها وكالتله احنا طالعين
رحنا للعياده
خليل..كلت الله واكبر ماكو سالفه ما تعرفها امها كل زغيره وجبيره تنقلها الها بالحرف الواحد
رجعنا للعياده بعد ساعه
دخلنا اسيل كالت اني اروح اشوف التحليل طلع لو لا
بقت عشر دقايق وطلعت كالت تعال التحليل طلع
أخذنا ورجعنا دخلنا على الدكتور
الدكتور شافه بقى صافن علي شويه
خليل...اني كاعد على نار اريد اعرف النتيجه شنوووو
اسيل...هاادكتور طمنا
الدكتور....حسب هذا التحليل زوجتك سليمه مابيها شي
بس انت ماعندك إنتاج للحيامل
خليل...شنو يعني دكتور ماكو امل
الدكتور....خل افهمك وضعك اكثر اذا اكو معمل يشتغل
وينتج ١٠٠/١٠٠هذا المعمل اتعرض للحريق
احترقت كل الاجهزه الي تشتغل بي يعني تعطل عن العمل
هيج وضعك بلضبط انت غير منتج للحيوانات المنويه
يعني لو ضعيفه جان كدرنا نعالجه نشطها بلعلاج بس هي ماموجوده نهائيا
اسيل...زين دكتور يصير تلقيح صناعي
الدكتور...لا مايصير بس بحاله وحده
خليل...شنو دكتور
الدكتور...يتم تلقيح زوجتك بحيوانات منويه من متبرع
اسيل.. اكيد لا اني مااقبل بهيج وضع هذا الطفل يكون طفل غير شرعي
خلاص هذا حضنا من هاي الدنيا الحمد لله والشكر
يله حبيبي شكرا دكتور
خليل...بعد مااكدر احجي ولا كلمه وحده
كل الأبواب انسدت بوجهي
بعد ماعندي امل الضاهر اني ما مقسوملي يصير عندي اطفال
طول الطريق اسوق واني ساكت
الحدما وصلنا الدنيا ليل تقريبا الساعه تسعه
لكيت ابوي وامي منتضريني بلباب
اتصلو عليه مرتين واني ماجاوبتهم
بس دخلنا وامي شافت وضعي كامت تبجي
وابوي يسئل شكووو
اسيل كامت تحجي وتسولف واني دخلت بغرفتي
نمت على وجهي حتى مااكدر اغير ملابسي
امي وخواتي يبجن برا وابوي اجا وراي
ابوي...ميخالف وليدي قدر الله وماشاء فعل كلشي بيد رب العالمين الحمد لله على كل حال