رواية اسود وابيض
الفصل الخامس5
بقلم جمانه السعيدي
خليل...الدنيا صارت سوده بعيني
خلاص حتلو كان عندي امل ضاع
اني مستحيل يصير عندي اطفال هلكد ما مكتئب
كمت مااطلع من البيت اله للشغل
ومن اوصل المكان عملي اعزل نفسي ومااحجي وياا اي احد
حتى ابوي مايضغط عليه بلشغل
هو يشتغل بمكاني
اكثر ثنيين حاسين بيه امي وابوي
امي ابد ما بطلت تدعي وتتوسل الله يرزقني الذريه الصالحه
ما مقتنعه بكلام الدكاتره
تكول ذوله جذابين اكو رحمت رب العالمين هي الي راح
تنصرنا وترزقنا
حتى اسيل كمت ابتعد عنها
وكل الوقت افكر شلون اني راح استمر وياها اكيد راح اضلمها
هي لان تحبني تكول موضوع الاطفال مو مهم
بس اكيد من يطول الوقت راح تتندم وتعوفني
اني احبها الدرجه مااريد اضلمها وياي
قررت احجي وياها بموضوع الانفصال من حقها تنفصل وتزوج بعدها زغيره شنو ذنبها تكمل وياي
جمانه السعيدي
بليل دخلت للغرفه لكيتها تحجي وياا امها
بس دخلت سدت التليفون
خليل...اسيل اريد احجي وياج بموضوع مهم واتمنى تعوفين العواطف على جهه
وتحكمين عقلج
اسيل...ياستار شكووو
خليل..احنا لازم ننفصل
اسيل...يااا تحجي صدك شنو ننفصل
خليل...بعدج زغيره ومن حقج تزوجين ويصير عندج اطفال
عوفي سالفة الحب اكيد من تزوجين اذا ما تحبين زوجج تحبين اطفالج
اسيل...لا انت صار العقلك شي شنو ننفصل اني مستحيل اعوفك
اني احبك ومااكدر اتخيل نفسي وياا واحد غيرك
ولا كل اطفال العالم راح تبعدني عنك
خليل..مو كلنا عوفي موضوع العواطف على صفحه
اني مراح ازعل منج اذا طلبتي الانفصال بلعكس راح ارتاح نفسيا لان احس نفسي ما ضلمتج
اسيل.. اقسم بلله اذا فتحت هذا الموضوع مره ثانيه ازعل عليك من صدك
اني اكلك احبك ومااكدر اعوفك وانت تحجي بلاتفصال
اذا تعوفني اقتل نفسي بعد عندك شي ثاني
خليل..مااكذب عليكم ردها عليه ريحني نفسيا
حسيتها متمسكه بيه اكثر
وقررت بعد ماافتح هذا الموضوع ابد لان مو بس هي اني اضوج اكثر منها
قررت اتعايش وياا حالتي واسكت
كلما يفوت وقت اكثر طلبات اسيل تكثر
كمت مااكدر الحك عليها يوميه ١٠٠ دولار ماتكفيها
تطلب اكل من برا تطلب مكياج اي جلطه تنزل
لو بيش ماكان تشتريها
لو تشوف ملابس لا زم تطلب الكنتور مايكفي ملابسا
طبعا كل قطعه تلبسها مره لو مرتين
ودزها الخواتها تحمل جنط ودز
جمانه السعيدي
مااكدر احجي وياها ابد
كل مره يوكف موقفها وياي كدام عيني شلون ضحت بحلم الامومه علمودي
واكول خليها تلتهي بلبس والمكياج حتى لا اضوج
بدت المشاكل بينها وبين خواتي تكثر كل يوم مشكله
وكل المشاكل هي السبب
تاكل وحتى ما تغسل الماعون الي تاكل بي
ابد ابد ما تخلي ايدها بشغل البيت
حتى ملابسي خواتي يغسلنهن ويكونهن
تعاملهن بحقاره عبالك خدم عدها
حست نفسها مسيطره لان قبلت تعيش وياي بدون اطفال
هي الي مترهيه عليه وعلى اهلي
ابوي ما يقبل اي احد يحجي وياها يستحي من عمي
جاي تستغل كل هاي الاسباب وتلعب بكيفها
الحد مارجعت يوم ومالكيتها بلبيت
عرفت صايره بينها وبين خواتي مشكله وعايفه البيت
اني مااكدر ادخل للغرفه اذا هي ما موجوده
رحت اصالحها ماقبلت ترجع اله بيت وحدها
جمانه السعيدي
عفتها ترتاح كم يوم بيت اهلها
كلما اروح اصالحها ترفض ترجع وياي
طبعا هي بيدها الورقه الرابحه
محملتني منيه لان اني عقيم وتعرف اني احبها ومتعلق بيها
هي هاي الورقه الي ضغطت عليه بيها
ابوي...ليش ماتروح ترجع زوجتك
خليل...هاي اربع مرات اروح عليها وما تقبل ترجع
تريد بيت وحدها
ابوي...خلاص اجر بيت ورجع زوجتك الحد ما نشتريلك بيت مرتب
لو يفرغ واحد من بيوتنا الي مااجريهن وتسكن بي
خليل. منو يقبل يطلع من البيت
كل واحد دافع اجار سنه ليكدام
ابوي...اجر بيت الحد مايفرغ واحد من هاي البيوت
مايصير يطول الزعل بينكم كل واحد كاعد بمكان
خليل...باجر اشوف اذا اكو بيت للأجار قريب
ابوي...اي زحمه من عمك احنا ما نمشي ورا مشاكل النسوان
خليل...وصيت بااكثر من مكان منا لمن لكيت مشتمل للايجار قريب على ببت اهلي
تقريبا شارعين عن ببتهم بناء حديث ومرتب
أجرته وبديت اجهزه اثاث
ونقلت غرفة النوم وكل شغلتها وملابسها
اسبوع كملت كلشي ورحت جبتها
اسيل...كولش حلو حتى لو زغير اهم شي راسي بارد من خواتك الحيايه
خليل... يله خل اشوف شلون اطبخين شلون تنضفين
قبل مخلصتها كاعده بغرفتج
اسيل....لا حبيبي اريد اجيبلي وحده تنضف والاكل نطلب من برا اني ارجع من الدوام خلصانه من التعب
مااكدر انضف اطبخ
خليل...شنو اكل من برا اني ماأحب الاكل الجاهز
اسيل...اوي شنو اوكف اطبخ واصير كلني ريحة طبخ
خليل...اي تعلمي شنو كل وحده موضفه تطلب اكل جاهز
هيج الراتب كلشي مايكفي
اسيل. اذا على الراتب كلشي مايكفي
اصلا اني مااشوفه بعيوني اهلي يستلمو
بس حبيبي انت ما مخليني محتاجه شي
الله بحفظك اليه
خليل...اتعلمي الطبخ اني ماأحب الاكل الجاهز
اسيل...ديله لا تسويها مشكله انت تتريك بمكان الشغل
واني هم اكل بلمستشفى
ما ترجع اله بليل عود جابلنا وياك لفات
خليل...انتي شنو ما تفتهمين
اسيل...روح اكل يمك اذا عاجبك طبخ البيت اني ماادخل للمطبخ ولا اطبخ
جمانه السعيدي
عافتني وراحت دخلت للغرفه
بدلت ملابسها وفتحت تليفونها
عبالك احجي وياا الحايط
اسيل.اتفقت وياا وحده تجي يوم بلاسبوع تنضف وتروح
والملابس تخليهم بلغساله
مرات يبقن يومين اكثر
اني اطلعهن واكوين واليسهن
امها خواتها على طول عدنا بلبيت مرات امها تجي تطبخ
وكل اسبوع بيوم العطله بمكان ماتكابلني وتكعد نسولف نضحك نغير جووو
تعزم اهلها كلهم وتعال يا خليل جيب المسواك والفواكه
تعبت ولله تعبت منها بس اني احبها وموقفها واكف بعيني
واهلها هم اهلي
واعرف وضعهم المادي مايسمح
ساكت وامري لله
كلما يفوت وقت اكثر تبتعد عني اكثر
تجي من الدوام تلزم التليفون شكو كروب ينشر ملابس جنط اخذيه مشاركه بي
شكو مطعم ينزل اكل مسويتله تاك وتطلب منه
ماتكعد وياي ولا تسئلني عن وضعي
حتى العلاقه ترفضها
كلش ابتعدت عني كمت احس بفراغ مو طبيعي
اروح يم اهلي واعوفلها البيت
اصلا لو اغيب يومين ما تسئل عني بس اذا الفلوس بلكنتور نقصن تسئل عني ودورني
كمت اطلع وياا جماعتي حتى اخلص من هذا الروتين الي بحياتي روتين مزعج وما يخلص
كلما اطلع واشوف طفل يمشي وياا ابو لو واحد شايل طفل
بحضنه اتخيل نفسي شايل ابني بحضني
بس مو اباوع بعين حسد
بلعكس ادعي ربي يحفظهم ولا يجعلني من الحاسدين
اتمنى بيوم يصير عندي طفل مثلهم جمانه السعيدي
اعرف هذا الشي مو بعيد على رب العالمين
واكيد راح يجبر خاطري
اني شكد اساعد ناس وبعمري مااذيت احد
اتمنى الخير الكل الناس ومااشيل حقد على احد
مرن خمس سنوات على زواجنا اني واسيل
كل يوم المسافه بينا تكبر اكثر
كلما احاول أقرب منها تصدني وتبعدني عنها
وقت فراغها تخلصه تحجي وياا امها وخواتها لو وياا صديقاتها
مسويات مجموعه على الماسنجر
كل الوقت يسولفن ويضحكن
واني بس أقرب عليها تكول تعبانه مشغوله مابيه حيل
عندي شغله مهمه وياا صديقاتي من افرغ
اشوفك شنو تريد
اني بلنسله الها بنك تسحب منه فلوس وبس
حبي الها وتعاملي الطيب وياها خلها تحسني شي مضمون
وجودي بحياتها مضمون لو كلشي تسوي
لو تلعب لعب تحس هي ضامنه وجودي وكاسره عيني
لان قبلت تعيش وياي
لازم اكون ممنون منها طول العمر
لو كلشي تسوي مراح تخسرني
هذا الاحساس خلاها تتصرف وياي بهاي الطريقه