رواية اسود وابيض
الفصل السادس6
بقلم جمانه السعيدي
بس حبيت أوضح شي
تكولون ليش ما يشك بيها
ماكو سبب يخلي يشك بيها هو حلل مرتين بلمستشفى والعياده والمره الثالثه يم احسن دكتور وبين هو عقيم
ليش يشك بيها هي شنو علاقتها ماكو داعي للشك
بت عمه ويعرفها من هي زغيره ويحبها ليش يشك بيها
اما بلنسبه للفلوس هو الي عودها على الصرف
اما ابتعادها عنه بلفتره الاخيره هو يعتقد تريد تخلص وقت حتى لا تحس بلملل هي تحب تلبس وتكشخ
وهو يريدها تفرح بس هي تمادت اكثر لان تحس خليل
مضمون بلنسبه الها ووين يروح مستحيل يعوفها
نرجع القصتنا
خليل...بيوم طلعنا اني وولد صديقي زياره بلمستشفى
الصديقنا الثالث
من طلعنا من المستشفى كنا مندمجين نسولف ونحجي
بموضوع الامراض الي منتشره والعلاجات الي مامنها فائده
وغلاء الاسعار مااحس اله صدمت شي
مااعرف شنو بس شفت شي اسود وكع منيين طلع وشلون
مااعرف اني ماجنت منتبه مااعرف هو طلع كدامي فجئه لو اني ما منتبه المهم وكفت السيارة ونزلت اني ويااا صديقي علي
وحده لابسه عبايه سوده ولا بسه بوشيه كاعده بلكاع كامشه ايدها وماده رجليها ملابسها كلها تراب وتبجي
الضاهر هي كانت تبجي قبل لا اضربها بلسياره
لان عيونها حمر وتناشغ
خليل...سلامات سلامات اتاذيتي
ماردت عليه كامشه ايدها وتبجي
دنكت عليه عيونها حمر من البجي
خليل..شو اتاذيتي اني ما شفتج شلون طلعتي كدام السياره
مريم...حاولت اكوم بس مااكدر
خليل...اساعدج اخذج للمستشفى
مريم...روح الله يسهلك
خليل...لازم اساعدج كومي اخذج للمستشفى
مريم...روح الله يخليك حتلو اذيتني اني مسامحتك
علي اشرلي تعال قرب
قربت علي
علي....ذني تارسات الدنيا تشمر نفسها كدام السياره
حتى تاخذ كم فلس
خليل...ولو ما تشوفها شلون تبجي خطيه
علي...ماكو غيرك خطيه تلكاها رئيسة عصابه
خليل....بعدنا نحجي بهمس اني وعلي هي كامت من الكاع وعبايتها كلها تراب لابسه عبايه وبوشيه
ابتعدت شويه كعدت على الرصيف وكامت تبجي
خليل..عفت علي ورحت عليها
اختي اني اسف حقج عليه بس ممكن تسمحيلي اساعدج
اقسم بلله ماشفتج جمانه السعيدي
مريم...بعصبيه ودموع نازله منا ومنا انت شتريد مني عوفني بحالي روح الله يسهلك
علي...يله يمعود خل نمشي عوفها ما تشوف هي تكلك عوفني امشي لا نبتلي بيها
ايجوز جماعته جاي يراقبونا من بعيد هسه يجونا دني الفصل وجيب الفصل
ذني الي لابسات هيج ملابس تارسات التقاطع
ذني شبكه مو بس وحده امشي لا نوكع بمشكله
خليل...اذا تريد انت امشي اني مااعوفها ما تشوف شلون لازمه ايدها احتمال ايدها انكسرت بسببي
حتلو تشتغل بعصابه هم مااعوفها
علي...انت على نياتك عبالك الناس كلها طيبه مثلك
بابا افهم هاي حياله تريدك تتوسل بيها حتى تقطك بمبلغ زين امشي يمعود
خليل...مااعوفها اليوم لو على موتي
قربت عليها اختي ليش ما تقبلين اساعدج
مريم...لان مو انت السبب اني السبب
خليل...شلون انتي السبب اني الي جنت اسوق السياره وماجنت منتبه
مريم..مسحت دموعي لا مو انت السبب اني استلمت الراتب واجيت اشتري علاج الامي
من وصلت للصيدلية مالكيت الراتب مااعرف وكع لو نباك
كمت ادور علي
اركض منا وارجع منا رجعت على طريقي امشي بدون ماانتبه
صرت كدام السياره لان ماانتبهت الطريقي
روح الله وياك جمانه السعيدي
خليل..مااروح اله تجين وياي للمستشفى نشوف ايدج
خاف انكسرت بسببي
مريم...روح الله وياك ايدي ما نكسرت يمكن رض بسيط
خليل...كومي خل نشوف شنو الي صار وياج
اني مستحيل اعوفج بهاي الحاله
مريم...اني مااريد تاخذني للمستشفى بس عندي طلب
اريد علاج امي لان ماتكدر بدونه
وانطيني عنوانك ارجعلك فلوسك من استلم راتب الشهر الجاي ايدي هسه بس اوصل للبيت اربطه وتصير زينه
خليل...كومي من رخصتج كومي حلفتج بمعزة امج كومي
لا تشليعين كلبي اكثر ماهو مشلوع
خليل...علي واكف يااشرلي عود استغلاليه تريد فلوس
تضحك عليك بموضوع الراتب والعلاج
كامت مريم نكتت عبايتها ايدها كامشتها من العكس
باايدها الثانيه
صعدت بلسياره علي يخزر بيه عود ليش صدكت بيها
خليل...رجعنا للمستشفى اخذتها الدكتور المفاصل
طبعا هي ناعمه تقريبا ١٦٢ طولها وجسمها رشيق
مبينه زغيره عبايتها كلها تراب كل الي نفوت من يمه يبقى عينه عليها
دخلنا على دكتور المفاصل حولنا على الاشعه
علي بقه ينتظرني بلسياره
دخلت على الاشعه اني بقيت انتضرا برا
طبعا كوه دخلوها لان كتلهم تعرضت الحادث ازدحام مو طبيعي على دكتور المفاصل
علي كل شويه يدزلي رساله دير بالك منها
لا تشمر عليك بلوه اني شاهد وياك
خل نكول هي شمرت نفسها كدام السياره واني اشهد عليها
دير بالك لا تضحك عليك
ولله هذا الوكت الواحد المفروض ما يصدك لأي أحد
الناس كلها اجذب
طلعت من الاشعه اخذت الاشعه اني امشي كدامها
وحنا جلي نمشي بلممر اكو صحيات
جمانه السعيدي
خليل...اسمج شنو
مريم...مريم
خليل..مريم ادخلي غسلي وجهج هنا
مريم..اي
دخلت تغسل واني بقيت انتضرها برا شويه وطلعت
البوشيه على وجها بس عيونها طالعات
واني هم مادققت عليها زحمه مبينه تستحي
رجعنا للدكتور نمشي والكل عينه عليها
خطيه منضرها مخربط عبايتها كلها تراب حتى الحذاء الي لابسته بسيط والجوارب كله تراب
دخلنا على الدكتور شاف الاشعه
طلع عدها رضوض بايدها بااكثر من مكان
الدكتور كال اخذها حتى يجبسون ايدها اسبوع ورجعها عليه وجيبلها هذا المسكن من برا
لان اكيد الوجع راح يزيد عليها
رجعنا الغرفة التجبيس دخلت اني انطيت الورقه الي كتبها الدكتور للولد الي بغرفة التجبيس
اتصل عليه علي
علي...هااا وينك اتاخرت
خليل...طلع عدها رضوض بايدها جاي يجبسوها
علي.. انت ليش ما تسمع الكلام اني مو كتلك عوفها
هي كالت عوفني عوفها ليش تلح ابجوز تاخذ التقرير وتشتكي عليك
خليل...شلون اعوفها اكلك ايدها بيها رضوض بسببي
علي...اي هي شمرت نفسها كدام السياره
خليل...علي اسكت رحمه الاهلك اني غلطان ولازم اساعدها
اباوع الولد يجبر بايدها وهي مغطيه نفسها بلعبايه ولا رفعت البوشيه ابد
تلملم بنفسها مستحيه
طلعت من الغرفه رجعنا للدكتور كال هاي هي اسبوع ورجعها حتى تاخذ اشعه ثانيه ونتأكد من حالتها
طلعنا صعدنا بلسياره وهي حتى صوتها ما سمعته كاعده وساكته
وكفت يم الصيدليه
نزلت من السياره
خليل...وين ورقة علاج امج
مريم...لا عوف علاج امي تعبتك وياي اني من ارجع للبيت اتقرض من الجوارين واشتري العلاج
نزلني بلتقاطع حتى اصعد بلخط
امي بقت وحدها بلبيت امي عميه ومريضه هسه
اكيد كاعده على نار لان اتاخرت عليها
خليل...جيبي الورقه واني جاي احجي وياها اجت عيني بعينها عيونه سود بس حلوات بيهن لمعه حلوه
مريم...الله يخليك نزلني مااريد منك شي كفيت ووفيت
خليل..صحت عليها بعصبيه جيبي الورقه لا تعبيني
فتحت جنطه زغيره سوده جلدها مشلع والسير مخيط بخيط الضاهر مكطوع ومخيطته
دخلت للصيدلية وهي بقت بلسياره
علي نزل وراي اشتريت العلاج الامها وعلاج مسكن
الها لان اكيد ايدها توجعها
خليل...ممكن تنطيني علاكه ثانيه من رخصتك
الصيدلاني.. اي
خليل..طلعت فلوس ٢٥٠ الف من جيبي خليتهن بلعلاكه
وخليتهن داخل علاكة العلاج
علي...ليش تنطيها هيج مبلغ احنا ما مسؤلين عن ضياع فلوسها هي ثوله وضيعتهن
خليل...وتبقى طول الشهر بدون فلوس منيين تاكل منيين تشرب في سبيل الله هاي الاشياء الزغيره ما تضيع يم رب العالمين
رجعنا للسياره صعدنا وخليت العلاج يمي
خليل...مريم وين بيتكم
مريم...بيتنا بعيد واني مااريد اتعبك نزلتي بلتقاطع واني اروح
خليل...لا اوصلج البيتكم
مريم..مااريد ازاحمك
خليل....ماعندج اخ ليش انتي جايه تشترين العلاج
مريم...لا ماعندي بس اني ابوي ميت وامي عميه ومريضه
نستلم راتب رعايه ونصرف منه
خليل...انتي شكد عمرج
مريم...١٩ سنه
خليل...اداومين
مريم...لا ماعدنا امكانيه ومااكدر اعوف امي وحدها
خلصت ثالث متوسط وكعدت
خليل...وين بيتكم
مريم...هسه اني ادليك علي
خليل وصلنا منطقه شعبيه بيتهم قديم وناصي على الشارع
نزلت انطيتها العلاج دخلت للبيت وهي ما تعرف اني خليت مبلغ وياا العلاج
حركت سيارتي وطلعت
علي...انت ولله غشيم هاي شنو واساعدها
خليل.. ليش ماكو رحمه بكلبك ماتشوف حالتها شلون تعبانه
مسكينه زغيره وشايله الهم على راسها
علي.... مثلها هواي ياكلون وجه الواحد اذا ساعدهم
خليل....مايضيع يم رب العالمين الخير ابد