رواية الصحبة الصالحة تصلح
الفصل الخامس5
بقلم اسرار جمعة
فعلاَ لقيتها ردت ...
الأدمن: طيب يا ستي *قيام الليل :هي صلاة تبدأ من بعد صلاة العشاء إلى قبل صلاة الفجر حكمها سنة مؤكدة، وأفضل وقت الثلث من الليل؛ لانو ينزلُ ربُّنا تبارك وتعالى فيقولُ : من يدعوني فأستجيبَ له، ومن يسألُني فأُعطِيَه، ومن يستغفرُني فأغفرَ له).*، وممكن تقري فيه من المصحف.
*_ومن ثمار قيام الليل♡:*
=1_شرف الاقتداء بالنبي صل الله عليه وسلم .
2_باب التقرب إلى الله.
3_الفوز بمحبة الله. .
*_أما فضائله♡:*
=1_من أسباب رَفع الدّرجات في الجنّة.
2_ المحافظونَ على صلاة قيام اللّيل مُحسنونَ مُستحقّون لرحمة الله وجنّته، فقد مدح الله أهل قيام اللّيل، وعدَّهم في جملة عباده الأبرار.
3_من علامات المُتّقين.
أنا: في الوقت داك أنا بكون في سابع حلم عديل، لو عايزة أصحى أعمل شنو ؟!
الأدمن : *؛=عليكِ بالخطوات دي:*
١_تنومي بدري، وتختِ النية من بليل .
٢_أعملي منبه وخليه في حتة بعيدة منك ما يكون تحت المخدة؛ لأنك ح تقفليو😹.
٣_الإستغفار؛ لانو بعد مرات الذنوب بتكون سبب لي عدم قدرتك على عمل الطاعات.
٤_الدعاء إنو ربنا يسهل عليكِ ويعينك.
٥_النوم على طهارة وقول الأذكار .
_حاضر، جزاك الله خير
=وجزاكِ جنة قطوفها دانية ♡.
قفلت التلفون، مشيت أتوضيت وقريت سورة الملك والكافرون وأذكار النوم وضبط المنبه لي قيام الليل قبل صلاة الفجر بي نص ساعة ونمت ...
صحيت بي صوت المنبه قفلتو ومشيت إتوضيت وجيت بقيت أصلي ودعيت كتيرر وفضفضت لي ربنا كل ال في قلبي، حسيت بي سعادة عجيبة و طاقة إيجابية ♡
معقولة أنا كنت حارمة نفسي من الراحة والطمأنينة دي كلها😭♡ ؟!
قعدت في المصلاية، بقيت إستغفر لمن سمعت أذان الفجر صليت، بعده قريت أذكار بعد الصلاة والصباح، وقريت سورة البقرة ونمت، وريت أمي إنو العصر طالعة السوق، شلت قروش من أبوي وأشتريت كذا خمار وأسدالين للصلاة
المهم اليوم عديتو في السوق
يوم الأحد ...
طبعاَ قررت إختمر وعايزة أعملها مفاجأة لي نور و يقين، أمي وأبوي باركوا لي الخمار ودعوا لي إنو ربنا يثبتني
طلعت ركبت الترحيل وصلنا ...
دخلت الفصل لقيت ناس نور قاعدين
_السلام عليكم
=وعليكم السلام ورحمة الله وبركاته
يقين ونور في نفس اللحظة :يا أمل إختمرتِ ؟!
_ايوا وكنت حابة أعملها ليكم مفاجاة
الاتنين قاموا حضنوني
يقين:اللهم بااارك مُبارك حلاوة حلاوة يا بت 😭
امل:حِلوة عيونك، بارك الله فيكِ ♡.
نور؛ :مبارك لكِ عقبال النقاب يارب، تبارك الوحمـٰن عسل ربنا يثبتك يا جميلة ♡
أمل: الله يبارك فيك، أمين
لالا انا سحت عديل 🙈
بقوا يضحكوا فيني😹😹😹
قعدنا أتونسنا لمن الأستاذة دخلت لينا أدتنا الحصة وطلعت.
في فسحة الفطور ...
طلعنا بعد فطرنا نور قالت ماشة تصلي
أنا: صلاة شنو لسه الظهر لكن!
=صلاة الضحى
قوموا أرح نصلي،مسافة نصل بحكي ليكِم عنها و من الليلة تلتزموا بيها ♡
*صلاة الضحى: هي صّلاة نّافلة ما بين صلاتيّ الفجر والظّهر*، *حيث يحرص المسلم على يأديتها طمعاً بالأجر والثواب العظيم، كما أنّها تجلب الرّزق والبركة في يوم المسلم*، *حكمها سنـة مؤكدة*
*يبدأ وقت صلاة الضحى من ارتفاع الشمس إلى الزوال(من* *بعد طلوع الشمس إلى قبل آذان الظهر بعشر دقائق ويقال بربع ساعه والله اعلم ).*
*وأفضل وقت، وقت إشتداد الشمس ذي الساعة 10 أو 10 ونص كدا،* *ثوابها عظيم تعادل 360 صدقة، أقلها ركعتين ...*
*ومن حديث عائشة رضي الله عنها ، أنها قالت :*
*" كَانَ رَسُولُ اللَّهِ صَلَّى اللَّهُ عَلَيْهِ وَسَلَّمَ يُصَلِّي الضُّحَى أَرْبَعًا ، وَيَزِيدُ مَا شَاءَ اللَّهُ"*
*تصلى مثنى مثني"يعني ركعتين وتسلمي وركعتين وتسلمي لمن تصلي عدد الركعات الناوية تصليهم"*
*ركعتين لو داومتِ عليهم تُصبحي من الأوّابين*
*والأوّاب :هو كثير الرجوع الى الله*♡.
_جزاك الله خير ومن الليلة، عايزة أحافظ عليها؛ عشان عايزة أكون من الاوابين
=وجزاكِ يارب، أن شاء الله ربنا يثبتك
_أمين وياكِ
وصلنا المكان المخصص للصلاة
صلينا أربع ركعات وبقينا ندعي
الجرس ضرب ...
حضرنا باقي الحصص وطلعنا على البيوت، ركبت الترحيل وصلت البيت ...
أرتحت شوية لمن العصر أذن صليت وبديت قراية واليوم خلص على كدا ...