رواية اسود وابيض
الفصل السابع7
بقلم جمانه السعيدي
خليل...رجعنا اني وعلي بس هاي البنيه شخصيتها أثرت بيه رغم علي يحجي عليها طول الطريق
علي...انت شنو ليش اصدك بهيج نماذج
اي وحده لابسه عبايه وبوشيه كول هاي اكبر حراميه
يلبسن هيج حتى محد يعرفهن
خليل...انت ليش شاد وياا البنيه تره مبينه فقيره
اصلا ما طلبت شي رغم ايدها بيها رضوض بس حتى
ما قبلت اخذها للمستشفى
على كيفك لا تحكم على الناس من مظاهرهم
اني ناوي ارجع اساعدها
علي...اي خوش بلكت تلزك بيك لو تتهمك بشغله بابا
انتبه اكو عصابات اكو ناس ادور فصول لو تعويض
لا تكون طيب زياده عن الزوم
خليل....مراح اعوفها بعد ما شفت وضعها وشفت بيتهم
اكيد راح اساعدها
رجعت المكان عملي ابوي بس شافني كال اتاخرت كل هذا زيارة مريض بلمستشفى
خليل...لا ولله دهست بنيه وأخذتها للمستشفى
ابوي...الله يستر وبعدين خوما اشتكت عليك
خليل...لا مسكينه حتى ما قبلت اخذها للمستشفى كوه قنعتها راحت وياي
طلعت عدها رضوض بايدها بسبب الحادث
ابوي...وبعدين
خليل...جبسو ايدها والدكتور كال رجعها بعد اسبوع
لو شايف حالها تكسر الكلب
ملابسها تعبانه امها مريضه وعميه عايشات على راتب الرعايه فوكها بس استلمت الراتب انباك منها
ابوي...خطيه ذكرني انطيك مبلغ ادزه الها واذا تحتاج مساعده
خليل..اني هم كلت هيج باجر اخذلهم مسواك واطمن على وضعها
ابوي....اي عفيه وليدي جمانه السعيدي
خليل..رجعت للبيت وكالعاده دخلت لكيت اسيل نايمه
الدنيا ليل عدينا وقت المغرب وهي نايمه
خليل...اسيل اسيل اكعدي الدنيا ليل
اسيل...شتريد مني توني نمت
خليل...اريد عشى اريد اشوفج واحجي وياج
اسيل...بعدين اريد انام
خليل..اليوم صار وياي حادث دهست بنيه
اسيل...اهووو اريد انام بعدين يعني قصصك ما تتاجل
مو كتلك نعسانه
خليل..طلعت من الغرفه وطبكت الباب رحت البيت اهلي
اتعشيت يمهم وكعدنا نسولف منا للساعه ١١ بليل رجعت للبيت
اسيل...بعد وكت توك شرفت
خليل....على اساس انتي مهتمه الوجودي
اسيل...هو اني شايفتك
خليل...كعدتج وما قبلتي تكعدين رحت تعشيت بيت اهلي
اسيل.. همك على بطنك
خليل...انتي ليش صايره قليلة ادب شنو اتوسل بيج
اجيت بعد الاذان وحضرتج نايمه
اسيل...اي من رجعت من الدوام اتصلن عليه البنات وبقينا نحجي
قبل المغرب بنص ساعه نمت
خليل...اسيل انتبهي التصرفاتج وياي فهمتي لو لا
اسيل...شبيها تصرفاتي
خليل...يمتى اخر مره كعدنا وحجينا يمتى طلعنا
كل وقتج للدوام ولاهلج
فكري بيه شويه جمانه السعيدي
اسيل...وانت شنو ناقصك مثلا
خليل...ناقصني زوجه تحس بيه تشتاقلي تشوفني شنو اريد
اسيل...شسوي الدوام ماخذ كل وقتي
خليل...الف مره كتلج احنا هذا الدوام ما محتاجينا
اكعدي بلبيت ارتاحي و ريحيني وياج
اسيل...لا ولله انت تطلع للشغل كل الوقت واني ابقى محبوسه بلبيت
على الاقل بلدوام ارفه عن نفسي شويه
خليل...واني
اسيل...شبيك انت
خليل...وين حقوقي وين راحتي وين زوجتي
اسيل...ولله هذا الي عندي الحياة تعاون مو تريد بس راحتك
خليل...وين هي راحتي انت تعرفين اني شنو اكل
شنو اشرب زين المغرب من كعدتج شنو كتلج
اسيل...شمدريني شنو اني جنت نايمه
خليل...يعني ما مهتمه
اسيل...انت اليله ادور مشاكل واني مالي خلك
خليل...من شفتج وانتي مالج خلك الحمد لله
اسيل...اروح بغرفتي احسلي
خليل ...دخلت الغرفه وطبكت الباب
كعدت بلاستقبال وفتحت تليفوني شويه
بعدين رحت جبت فراشي فرشت ونمت اول مره انام اني وياها كل واحد بمكان
ابد ماحاولت تصلح الموقف لو تعتذر
اما اني كنت اتخبل على زعلها بس احس فقدت الشغف
بهاي العلاقه وماعاد يهمني زعلها ولا رضاها
قررت اعاقبها بطريقتي الخاصه
بعد ماكو فلوس هلكد اعوفلها شي قليل
من اذكر منضر مريم وهي حتى ملابس بيها خير ماعدها
والهانم الي عندي تلبس كله ماركه
ودز جنط البيت اهلها مريم أولى بهاي الفلوس من اسيل
على الاقل من اساعد مريم كله هذا رصيد اليه يم رب العالمين
نمت والصبح كان يوم جمعه كعدت واسيل بعدها نايمه
اخذت الفلوس الي بلكنتور وعفتلها ٥٠ الف
قررت ثاني يوم افتح حساب بلمصرف شكو فلوس تبقى عندي اخليها بلمصرف طبعا بعد مااطلع منها مساعده المريم والاي شخص محتاج مثلها
طلعت من البيت بقيت بمكان العمل الضهر رحت اتسوكت
مخضر وفواكه ولحم ودجاج ورحت البيت مريم
دكيت الباب سمعت صوتها من ورا الباب
مريم.. منو
خليل...اني خليل البارحه اخذتج للمستشفى
مريم...اهلا وسهلا اعذرني مااكدر ادخلك لان ماعدنا رجال بلبيت جمانه السعيدي
خليل...شلون صرتي
مريم...الحمد لله احسن
( تحجي وياي من ورا الباب )
خليل...لا تفتحين ايدج انتضري اسبوع الحد ما تتحسن
مريم.. انشاء الله
خليل..جبتلكم مسواك بسيط
مريم...لو سمحت ارجوك لا جيب شي احنا رب العالمين ساتره علينا حتى فلوسك اني ضامتهن
فدوه اخذهن
خليل...بعمري ماانطيت شغله ورجعتها اعتبريه هديه
ترا اني ما انطيتج شي يسوه
مريم....لا تحمل نفسك اذيه بسببي انت مالك دخل
اني كنت امشي بسرعه وما منتبه ادور على الفلوس
خليل...واني ماخسرت عليج شي
مريم...اذا اكلك اخذ فلوسك والمسواك هم تزعل عليه
خليل.. طبعا ازعل ولله هنا مايسون
مريم...زين بس هلمره بعد لا اجيب شي الله يخليك
لا اجيب اي شي
خليل...اجيج بلخميس اخذج للدكتور حتى يشوف ايدج
مريم...لا مااروح اني افتحها هنا بلبيت ما يحتاج دكتور
خليل...لا شلون ما يحتاج دكتور لازم اطمن عليج
مريم...ابد مااروح للدكتور اني افتحها هنا
لا تعب نفسك لان مااروح وياك
ارجوك لا تحرجني الجوارين اذا شافوك تتردد علينا
راح يصير حجي انت رجال متمكن وصاعد سياره حديثه
واحنا ناس على كدنا
وفر عليه الكلام وبعد لا تجي الله يخليك
مشكور ما قصرت
خليل...تمام راح اروح وانتي دخلي المسواك
مريم...شكرا الله يحفظك ويبارك برزقك
خليل شغلت السياره وطلعت شفتها بلمرايه فتحت الباب
لابسه ثوب طويل وحجاي شويه مبين منها اخذت المسواك دخلته وطبكت الباب
خليل..احجي وياا نفسي هاي شنو من نفسيه عليها
شنو كمية القناعه هاي العدها
الي مثل وضعها تستغل الفرصه وتأخذ فلوس
شكد نفسها عزيزه خل اسيل تتعلم شويه من هاي القناعه
راسا رن التليفون باوعت اسيل
أعوذ بلله بس جبت طاريها طلعتلي
خليل...الووو
اسيل...ليش ماكو فلوس بلكنتور
خليل....صباح الخير حبيبتي الحمد لله اني زين
اسيل...جاوبني ليش ماكو فلوس بلكنتور
خليل...ماعندي
اسيل...شنو يعني ماعندك
خليل...دخلنا بصفقه جبيره وكل فلوسنا بهاي الصفقه
اتحملي حبيبتي فتره وتعدي
اسيل...شنو يعني اني اريد فلوس اليوم توصل طلبيه
اني حاجزتها قبل اسبوع
خليل...الغيها لو جيبي من اهلج
اسيل...انت اليوم بيك شي
خليل...لان اكلج الغي الطلبيه اي ماعندي عفتلج ٥٠
دبري حالج بيهن
اسيل...شنو خمسين شسوي بيهن الطلبيه ٢٥٠ الف
واريد اطلب اكل
خليل...ماعندي تعرفين شنو ماعندي لو لا
اسيل...جيب من عمي
خليل...عمج دخل صفقه وخله بيها كل فلوسه
احتمال نبيع ذهب خواتي وامي لان صفقه جبيره
واذا عوزنا اكيد ما تبخلين بذهبج علينا
اسيل...ذهبي انت صدك تحجي ذهبي محد يقرب علي
خليل...اي بس انتي اشتريتي بفلوسي
اسيل...بس صار ذهبي بااسمي ومااقبل اي احد يقرب علي
خليل...يعني اني اذا وكعت باازمه ما تساعديني
اسيل...اني شعندي واساعدك اهلك يساعدوك
خليل...شكرا زوجتي الوفيه
اسيل...يله اريد فلوس راح توصل الطلبيه
خليل.. ماكو فلوس الغي الطلبيه
تشترين ملابس وجنط واحذيه وتكومين وانتي كلج ممرضه منا وهيج اصرفي على كد ميزانيتنا
لا اطلبين منا ومنا
لان ماعندي فلوس انطيج
خليل...طبكت التليفون بوجها
رجعت للشغل اخذت تليفون ابوي وحضرت رقم اسيل خاف تتصل علي ويدزلها فلوس
خليل...يابه اريدك بموضوع مهم
ابوي...اي
خليل...اذا طلبت منك اسيل فلوس لا تنطيها كل الوقت تشتري ملابس وجنط وشغلات تافها مابيها معني
تلبسهن مره وتشمرهن اني اريد اعلمها درس تصرف على كد الشغلات المهمه
اذا حاولت تتصل بيك كول احنا دخلنا صفقه جديده
وماعدنا سيوله
ابوي... تمام
خليل...رجعت اخر النهار للبيت
بس دخلت لكيتها منتضرتني
اسيل....ليش ابوك حاضرني ومايرد عليه
خليل...شتريدين منه
اسيل...اريد فلوس
خليل...مو كلنا ماكو فلوس اتحملي فترة وقت انتي نص الملابس الي مشتريتها بعدج ما لابستها
اصبري شهر شهرين ما طارت الدنيا
اسيل...لا انت اليوم تريد تخبلني مو زين متحملتك
موزين قابله بيك انت شنو شايف نفسك
انت واحد عقيم ما منك اي فايده
اذا مايرجع المصرف مالتي مثل قبل ماارجع الهذا البيت
فهمت لو لا
اني رايحه بيت اهلي
يمتى ما توفرلي الحياة الي استاهلها ارجعلك
اكعد هنا وحدك كابل الحيطان
خليل....الله وياج انت وجودك مثل عدمه
اسيل...اذا ماخليك تتوسل وماارجعلك مااسمي اسيل
انت منو تقبل بيك
حظي الاغبر وكعني بواحد مثلك
خليل...جمعت غراضها وهي ادردم وتعير بيه علمود موضوع الاطفال حتى احس بلندم واصالحها
بس اني هلمره ماعندي مشاعر اتجاها