رواية اسود وابيض
الفصل الثامن8
بقلم جمانه السعيدي
خليل....تحجي بصوت عالي حتى تسمعني
اسيل... خمس سنيين صابره ومتحمله جان هسه ابني بطولي
ينطيني كم فلس مان عليه
نمونه فلوسك خليهن على كلبك
شبي اني قابل شنو ناقصني الف واحد يتمناني
حلوه ومثقفه وخريجه وبت اوادم
ليش ذاله نفسي وياك ماادري
كان لازم اعرفك من البدايه انت مالك أمان
اروح اكعد بيت اهلي احسلي شوف منو ترجعلك
خليهن فلوسك على كلبك جمع فلوس
حتى ماعندك اطفال المن اجمع ماادري
خليل....كلامها مثل النار ينزل على كلبي نست كلشي
سويته علمودها
وجاي تعيرني بموضوع الاطفال
هو بكيفي هذا رزق رب العالمين همزين عرفت حقيقته
يمكن اذا ماعندي فلوس تشمرني بلشارع
اني من البدايه غلطت
من عرفتها على حقيقتها كان لازم اعوفها
هاي انسانه ما تتامن
طلعت وطبكت الباب وراها
كلامها سم ابد ماتراعي مشاعري من تحجي ولا تخلي خط رجعه
بقيت كاعد وحدي واعيد كل لحظه مرت عليه من يوم ازوجتها لليوم صار خمس سنوآت
ابد مارتاحيت بس اول سنه
بعدين اسيل طلعت على حقيقتها
الصبح كعدت بدلت وطلعت ابد ماجبت طاري الابوي على
زعل اسيل
ولو اعرف عمي مراح يسكت هسه يجي ويكوم يعاتب
بس هلمره اني راح احجي وياا واعرفه حقيقتها
انسانه انانيه ماتحب بس نفسها
مااجا عمي مااعرف ليش بليل رحت وياا ابوي تعشيت
يم امي ورجعت نمت بيتي
ابد ما جبت طاري زعل اسيل كدام اهلي
منا لمن وصلنا يوم الخميس واني لا اتصلت على اسيل
ولا رحت بيت عمي
بيومها اجا عمي يعاتب
عمي...ليش مزعل اسيل
خليل...اني مامزعلها ابد
عمي...تكول ما ينطي مصرف
خليل...ممكن تسئلها شكد تصرف بليوم
كله على الملابس والجنط واحذيه والمكياج
يوميها ٣٠٠ لو ٣٥٠ لو مدير بنك مايكدر المصرفها
كلتلها خففي مصرف شويه زعلت وكعدت تعيرني وتعد وتصف عليه
عمي...هي المن تلبس غير علمودك
خليل...لا ولله مو علمودي ولا تدري بيه وين صرت
لو بلدوام لونايمه لو تحجي بلتليفون جمانه السعيدي
اني كلشي ماتعرف عني حتى اكل اكل بيت اهلي
اسمها زوجه كدام الناس
عمي...يعني انت ماراضي عليها
خليل...كلش ماراضي عليها خليها يمكم اني وجودها وعدمه عندي نفس الشي
عمي...هااا هيج صار الحجي
خليل..هاي الحقيقه ليش تزعل من الحقيقه
عمي...خلاص بعد مااخليها ترجعلك
خليل...تسوي فضل
عمي...هااا هيج صار الحجي
خليل...شسوي مليت منها
طلع عمي زعلان همزين ابوي مجان موجود
جان لزم حلكي وماقبل احجي
العصر صعدت السياره ورحت على بيت مريم
دكيت الباب
مريم...منو
خليل...اني خليل
مريم...اهلا وسهلا تفضل رايد شي
خليل...شلون صارت ايدج
مريم...زينه فتحت الجبس امس بلبيت واليوم كلش زينه
خليل...الحمد لله
مريم...الله يحفظك
خليل...اريد احجي وياا امج
مريم...امي ليش اكو شي
خليل...اي شي كلش مهم
مريم...ممكن اعرف شنو
خليل...لا اريد امج
مريم...دقيقه البس عباتي
خليل....شويه وفتحت الباب وهي لابسه عبايه وبوشيه
مريم ...تفضل دخلت عافت باب البيت مفتوح
دقيقه طلعت بلشارع واني بقيت واكف بلباب
شويه واجت وياها مره جبيره جيرانهم
المره....هله خاله تفضل ادخل
مريم...ام محمد جيرانه
خليل...اهلا وسهلا
دخلنا وعافت باب الشارع مفتوح
دخلنا للغرفه امها كاعده على الجربايه
غرفه كلش بسيطه بيها بس جربايه وفراش بلكاع
وبوفيه قديمه
خليل...شلونج خاله ام مريم
ام مريم...هله خاله انت شلونك
خليل...الحمد لله
مريم...تفضل اكعد اكعدي خاله ام محمد علما اجيب الجاي
خليل..تعاي اكعدي مااريد جاي
ام مريم...ياخاله انت ابن اوادم اني و مريم كل الوقت ندعيلك موقفك ما ينسي ابد
خليل...اني جاي اطلب ايد مريم
اريد اكلكم شي هاي الخطبه اني ما مخططلها ولا مفكر بيها
بس حبيت اخلق تغير بحياتي
اجرب شي جديد اجرب مره جديده
بعد صدمتي بااسيل اريد اشوف انو شنو ناقصني
ليش اسيل تعيرني
اريد اعتبر هذا الزواج محطه جديده بحياتي
اني ما مقرر اعتبرها محطه دائميه يمكن محطه مؤقته
ايجوز اني جاي اضلم مريم بهاي الزواجه
بس مالكيت غيرها كدامي
خليل....اريد اطلب ايد مريم
الكل سكت محد رد عليه
خليل...اني مزوج بت عمي صار خمس سنوات بس ما مرتاح وياها
مريم خوش بنيه واريد اجرب حظي وياها
هااا شكلتي خاله
واي طلب تردو اني حاضر
ام مريم....انريد وقت نفكر ونرجعلك خبر الزواج مو لعبه
لازم نسئل عنك ونشوف
انت مبين انسان محترم انت فاجئتنا بطلبك هذا
بس اني ماعندي غير مريم واريد اطمن عليها
هواي تجي عليها ناس بس اني اريدها بمكان زين
خليل...اخذي راحتج خاله
هذا رقمي واذا صارت موافقه اتصلو عليه
جمانه السعيدي
طلعت من ببتهم واني ماادري شسويت بنفسي
مااعرف ليش خطيت هيج خطوه
يمكن جاي انتقم الكرامتي
اريد اثبت النفسي الي خلق اسيل خلق غيرها
اسيل مو اخر مره بهاي الدنيا
بس هاي الخطوه من نفسي حتى ابوي مايعرف بيها
اذا وافقت مريم راح يكون هذا الزواج بلسر
لمن احل مشكلة اسيل
وبعدين يكون هذا الزواج علني
يمكن ابوي اذا سمع اني ازوجت بدون علمه يزعل
بس راح يسامحني بلاخير
لازم يقدر وضعي اني مزوج وما مزوج
رجعت البيتي كبل مارحت الاهلي
صار اسبوع على زعل اسيل بس هلمره مأناوي ارجعها
لان كلبي مورم منها
جمانه السعيدي
اجتني رساله من وحده
اسم الصفحه سما العزاوي
...السلام عليكم
خليل...تفضلي منو
...اني سما صديقة اسيل
.خليل...اي
...ليش مزعل اسيل ترا ما تلكه مثلها بلدنيا كلها اني جاي احجي وياك من وراها
خليل...ممكن ما تدخلين بأشياء ما تخصج
راسا حضرتها اعرف هذا مخطط من اسيل
تريد تحنن كلبي عليها لان المصرف المالي بلنسبه الها عزل هي ماتكدر تعيش بيت اهلها
ووين حانت هنا تلعب لعب
ووين بيت اهلها حتى الراتب الي تستلمه يرادلها مثله عشر مرات يله يكفي طلباتها
هلمره ابد ماناوي ارجعها خليها تحس بقيمتي
خلص اسبوع ومريم مارجعتلي خبر
قررت ارجع ازورهم مره ثانيه
دكيت الباب
مريم.. منو
خليل...اني يمكن نسيتوني
مريم...دقيقه البس عباتي
طلعت فتحت الباب وكالت تفضل
دخلت لابسه عبايه وبوشيه
خليل...شلونج مريم
مريم..الحمد لله
خليل...ممكن اسلم على امج
مريم..تفضل
خليل...شلونج خاله
ام مريم...الحمد لله انت شلونك
خليل..الحمد لله مارجعتولي خبر
ام مريم...ولله ياخاله نتشرف بيك بس مريم عدها شرط
خليل...التفتت على مريم شنو شرطج
مريم...امي وياي اني مااكدر اعوفها
خليل..واني مااقبل تعوفينها
مريم...تمام
خليل...اني هم عندي طلب
ام مريم....اي يمه كول
خليل...هذا الزواج يكون بلسر بس الفتره بسيطه
وبعدين أعلن عنه
لان زوجتي بت عمي اريد امهد الطريق حتى لا يصير زعل بين العائلتين
ام مريم.. اهم شي تخاف الله بيها ولا تضلمها حتلو ترجع زوجتك كون تعدل بينهن
خليل...اخليها بعيوني اسمع طلباتكم
ام مريم...بكيفك انت مبين تفهم بلاصول حاله حال البنات
خليل...لا تأخذ اكثر من البنات
ام مريم...هاي هي شايف كل الخير
للحكايه بقيه باجر ماكو نشر عندي سفره
على بعد باجر