رواية زواج في الحرب
الفصل السابع7
بقلم اماني الروح
تالا تتجاوب معاك متأكدة مصطفي كمان حيتجاوب معاك بس انتي اصبري عليهو شويا وحاولي معاهو هو والله زول كويس شديد بترجاك توافقي بيهو انتي الامل الوحيد ليهو وبدت دموعها تنزل حاولتا اخفف عنها قلتا ليها يحصل خير اكيد والربنا عايزو حيكون ما تشيلي هم 🙂🙃تاني يوم خالي جانا في البيت هو ساكن قريب مننا ناداني انا وامي وقال لينا انا سالتا من الجماعة ديل وناس ماشاء الله تبارك الله متعلمين وفاهمين وأخلاقهم زي الجنيه الذهب ☺️😊 ابوهم حاج احمد دا أخصائي جراحة كبير في الإمارات عندو ٤اولاد و٤ بنات وتقريبا كلهم مستغرين هناك ثلاثة متزوجين ومن ضمنهم مصطفي😶😌 وزوجتو اتوفت السنة الفاتت وعندو بت وعندو اختين متزوجات هو مهندس برمجيات شغال في
شركة في الإمارات ووضعو المادي كويس وزول خلوق يعني ناس مافيهم كلام🥰😍 ولو انتي يا ريل موافقة يبقى على بركة الله خليهم يجو رسمي ويتقدمو انا شخصيا موافق عليهم امي اتلفتت علي وقالت لي اها ي بتي الناس منتظرننا وسمعتي كلام خالك😗☺️ قلتا ليها طيب يا امي انا موافقة ومشيت من جمبهم وانا بين مبسوطة وقلقانة امي طوالي ولا كضبت اتصلت على سامية وقالت ليها موافقين تقدرو تجو رسمي قفلت الخط بي جاي اسمع ليك الزغاريت من بيت ناس مصطفي🤗🤭 ولا كضبو التومات خمسة دقايق لقيتهم ليك في وشي ومعاهم تالا اول ماشفتا تالا جريت عليها من امبارح ما شفتهااا اشتقتا ليهااا والمساء جو اهل مصطفي كانو بساط عمو وخالو وراجل خالتو وابوهو واخوهو والحريم امو وخالتو ومرتو عمو وبنات خالاتو وبنات عمو صغار🤑☺️ .. وانا من جهتي خالي وعمي وخلاتي اثنين بي رجالهم واولادهم وتقريبا اتفقوا على كل شي العرس حيكون بعد اسبوع واحد حيكون فطور لانو في نفس اليوم حنسافر بورسودان طبعا لا شيلة لا شبكة ولا اي شي بس عبارة عن حاجات
العزومة جازفوها من السوق القريب مننا وجارنا عندو خرفان اشترو منو اثنين😗☺️ لكن دفع مهر محترم عن طريق بنكك ههههههههه 🤣😂يعني لا مهر مزين لا زخرفة ولا اي حاجة من الحاجات البتحلم بيها البنات دي ما اتعملت لي🥺🥹 جمبنا وحدة بتحنن جابوها لي رسمت لي رسمة ظابطة قلتا ليها عايزاها لي الركبة ههههههه مابوورة مني والله بس من زمان بحب الرسم يؤؤؤخ واصلا لوني كان ظابط لاني كنت مظبطاهو في رمضان وشعري اصلا هو احلى حاجة فيني طوووويل وناعم الحمد لله 🥳🥳 يعني ما كنت محتاجة حاجة
الحمد لله والاسبوع مشى بي سرعة شديد وعملو الفطور وعزمو الجيران وياهم الاهل القراب والكانو متواجدين في المنطقة أغلبية الناس سافرت البلد علشان كدة كان الحضور قليل جدا طبعا حتى توب ماعندي🥹😮💨😭 بس المرة البتحنن عندها جدلة وعندها توب جرتك لبسته عملو لي حفلة صغيرونه بي الدلوكة واخواتي وبنات جيرانا يطرببو كانت حاجة حلوة والله☺️🤩 وكنت بيرغم الحاصل مبسوطة وراضية بي الوضع وبقول الحمد لله وتم العرس على كدة بعد الجرتق تم 😚☺️مصطفي جاني قال لي
عايز الجواز بتاعك اديتو ليهم وقال لي اجهزي سرعة لانو البص بعد نص ساعة حيصل قلتا لي تمام طلعتا توب الجرتك ومعاي امي واخواتي نشيل ونبكي وانا قرب يغمي علي من البكي😭🤧 امي طلعت دبلتها من يدها ولبستني ليها قالت لي دي ما كنت ناوية اطلعها من يدي لقايت ما اموت والحق ابوك بس ماعندي اغلي منك يا ريل انتي اول فرحتي😇😊 ومافي زول يستاهلها غيرك البسها منها تكون زكرى من ابوك ومني وحافظي علي بيتك وخلي بالك من مصطفي ومن تالا ومن نسابك وما تزعليهم هم الظاهر ناس طيبين🥰😊 واكيد ما حيظلموك وسامية قالت لي هناك حيعملو ليك عرس من اول وجديد وحيشترو ليك شيلة يعني ما تخافي كل حاجة حتظبط بس انتي خليك مبسوطة 😊😚 وحضنتي شديد عدينا نص الساعة دي ونحن بتبكي ونودع بعض روان بين صوت بكي وضحك قالت لي البسي فستانك دا سرعة قبل مصطفي يغير رايو ويخليك لينا هنا ما صدقنا اتفكينا منك 🤪😜قلتا ليها حا اشتاق ليك والله يا مجنونة تعالي هنا مسكتها وبقينا نبكي امي فكتنا من بعض وريم جابت لي الفستان بتاعي كنت جايباهو قبل رمضان لي العيد بس ربنا أراد اني البسو وانا عروس💖❤ سبحان الله أقدار ربنا بتمشي فينا ونحن ما دارين لبستو وطلعتا ليهم التومات بقو يزغرتو وكان البص وصل محمد جانا قال لينا يلا مصطفي وابوي قالو ليكم اطلعو اتاخرنا 😥😦