رواية اسود وابيض
الفصل التاسع9
بقلم جمانه السعيدي
خليل.... بس اجهز مكان نزوج بي
ام مريم ...براحتك احنا هذا البيت مو بيتنا رجال خير
عايفنا كاعدين بي بدون اجار للثواب
اذا تريد تزوج هنا عادي واذا عندك مكان احسن بكيفك
احنا ما نشرط عليك
مريم هواي ناس اجت عليها قبلك بس هذا شرطها
يخليهم يعوفونها كل احد تشرط علي مااعوف امي
مايقبل
حقهم مايصير يزوجها ويحير باامها مره جبيره وعميه
مريم...يمه شلون تردين اعوفج ابد مااعوفج الرجال يتعوض بس انتي ما تتعوضين
خليل....شكد عجبني موقف مريم رغم زغيره بس عقلها جبير
شلون محمله نفسها مسؤلية امها
ام مريم....شوف انت ما محلفني اني اهم بيها ليل نهار
اريدها تزوج حتى اطمن عليها
كتلها ازوجي تعاي شوفيني بين يوم ويوم من تفرغين
اني هم الجوارين يمرون عليه
بس ما تقبل تكول الي ماله خير ب اهله ماله خير بلناس
خليل....والنعم من هاي التربيه احنا عدنا بيت راح يفرغ
قريبا نزوج بي بس مثل ما اتفقنا اريد كلشي يكون
بسريه تامه
مريم راح تكون زوجتي كدام رب العالمين واني مراح اقصر وياها
بس محتاج وقت ارتب اموري
ام.مريم...انشاء الله خير جمانه السعيدي
خليل...باجر اجيب فلوس المهر حتى تبدي مريم اجهز نفسها
منا لمن يطلع المؤجر ونزوج
ام مريم..انشاء الله خير
خليل...طلعت من بيت مريم مااخفي عليكم
فرحان وضايج بنفس الوقت
شعورين مختلفات فرحان بمريم واحس هلمره اختياري صحيح
بس ضايج لان اول مره اسوي شغله من ورا اهلي
وخاصه ابوي اني مااسوي شي بدون علمه
وامي امي الي تخاف عليه من الهوا
شلون راح ازوج وهي ما عدها علم
وصلت للشغل لكيت اسيل جايه وكاعده تحجي وياا ابوي
بس شفتها ضجت قبل من اشوفها احس كلبي يضحك
مجرد اباوع بوجها انسى كلشي
هسه بس شفته ضجت مشاعري كلها اتجاها تغيرت
اكيد جايه تأثر على ابوي حتى ارجعها بس حالف اذا ماااندمها على كل كلمه كالتها مااسمي خليل
سلمت بس على ابوي هي ما سلمت عليها
ابوي....هله بويه تعال اكعد ليش مزعل اسيل
خليل...من رخصتك يابه هذا شي خاص بيه ممكن ما تدخل
ابوي...يله صالح زوجتك وارجعو البيتكم
خليل...اني ماعندي زوجه انشاء الله بالقرب وقت راح ننفصل
اني كلت راح ننفصل وهي راسا التفت عليه بسرعه وكفت على حيلها
اسيل....هاي عليه تريد تنفصل عني
خليل...اي ننفصل انت مو تعيرني عقيم وما مني فايده
وانت حلوه ومثقفه وبت ناس والف واحد يتمناج
اني قررت اعوفج للالف ذوله الي يتمنونج
لان اني بعد ما محتاج وحده انانيه مثلج بحياتي
شوفي نصيبج وياا غيري
اسيل...كلام كلته بلحظة عصبيه
خليل...الإنسان بلحظه العصبيه يحجي مشاعره الحقيقيه
واني عرفت مشاعرج من ناحيتي
الصراحه اني بعد مااكدر اكمل وياج
اسيل...سمعت عمي هاي مجازاتي ضيعت عمري ويااا
ابوي...خليل
خليل...لا خليل ولا بطيخ سمعتها ضيعت عمرها وياي
كل يوم اني اسمع هذا الكلام واني ساكت
كل يوم تعيرني بحياتها وياي
واني من يوم ازوجتها لليوم مداريها اكثر من روحي واكثر من اهلي وحضرتها ما عاجبنها
اسيل...يعني شنو
خليل...كل واحد يشوف حياته انت مو تكولين انتي كوه متحملتني اني اريد اشيل عنج هذا الحمل
اسيل...تريد اطلكني
خليل...اي اطلكج روحي عيشي حياتج شوفي الدنيا
ازوجي حتى يصير عندج اطفال
اني وياج بعد ما نرجع البعض
ابوي...ماكو هيج حجي ترجع زوجتك فهمت لو لا
زحمه من عمك
خليل. .عمي عايش حياته ومرتاح واني شابع ضيم
كل وقتها للدوام لو للتليفون لو تتصل باامها خوب امها هاي حتى من ادخل التواليت تعرف
كل زغيره وجبيره توصلها بوقتها
امابلنسبه الاسيل كل وقتها تعبانه مانايمه اني بلنسبه الها مصرف دولي
اسئلها ليش طلعت زعلانه
الله عليك اسئلها ليش طلعت زعلانه
ضربتها لا حاسبتها لا غلطت عليها لا نا قصه شي لا
لان كعدت لكت بس خمسين ألف بلكنتور وحضرتها طالبه طلبيه ٢٥٠ شنو ماكو فلوس
بشرفك اكو عوائل بلخمسين الف يمشون أمورهم اسبوع كامل وحضرتها ما تقبل عايف بس خمسين
تصرف ليل ونهار بدون وجع كلب واني حتى كلمه حلوه ماسامع منها
كتله ماعندي لو انكلبت عليه طنطل
راتبها كبل الاهلها واني كلشي ما مفتهم منها واذا نقصن الفلوس شويه تزل عليه غضب
كلتلها اكعدي بلبيت اهتمي بيه واني انطيج راتبج
تكول لا اريد اطلع اغير جووو
قصدها تتفيك كدام الموضفات بملابسها والعطور والذهب
اذا كعدت بلبيت منو راح يشوف ملابسها الماركه
على منو راح تستعرض ملابسها والاحذيه والجنط
حضرتها تريد تطلع تستعرض كدام الموضفات
واني وطلباتك اخر همه
لا ملابسي نضيفه ولا ماكل اكله بيها خير
ولا تكعد تحجي وياي
اي اعتبريني امج واكعدي سولفي عليها نص الوقت الي تحجين بي وياا امج
عوفي امج بكد ما تحجين وياا صديقاتج بلكروب
ترا مصختيها اريد افتهم اني شنو مستفاد منج
اني هذا حدي خلاص بعد مااريدها
جمانه السعيدي
اسيل... سامحني بس هاي المره واوعدك راح اعدل من اسلوبي وياك وعمي شاهد على كلامي
ابوي...هلمره الخاطري
خليل...لا يعني لا اني كلت بعد مااريدها كلامها
حافظه هنا بذاكرتي
معيشها ملكه وكل يوم تعيرني ترا اني كتلج ننفصل من عرفت موضوع الاطفال تذكرين لو اذكرج
كتلج ننفصل وشوفي حياتج
بس انتي الي صممتي تكملين وياي
معيشتني بذل اني اريد ارحمج من هاي العيشه
شوفي نفسج عيشي حياتج
اني مااريد اضلمج وتبقين بدون اطفال من حقج تكونين ام
اسيل.. اني مااريد اصير ام اني اريد اكمل وياك اني احبك
خليل...اسف اعتبري كلشي انتهى
اسيل...لا يصير كلبك اسود اني اعرف انت تحبني
منيين جبت هاي القسوه صار اسبوعين مزعلني ومااجيت تراضيني
خليل...اني مازعلتج اذكري زين انتي زعلتي
وكعدتي تعيرني وتكولين اني حلوه ومرتبه وموضفه
اسيل...ليش تعيد الكلام مو فهمت وجاي اكول اني غلطانه
سامحني خلص وخل نرجع البعض واني راح اغير اسلوبي
كله وياك
خليل...عندي شروط
اسيل...اسمع
خليل.. اولا ماكو دوام
ثانيا ...ترجعين تعيشين وياا اهلي ماكو بيت وحدج
ثالثا...الشغل يتقسم بلبيت تشتغلين حالج حال البنات
رابعا...الج مصرف شهري ثابت ما تاخذين غيره تصرفي تنطي الاهلج مالي شغل انطيج بكد راتبج
فلس اكثر ماكوووو
خامسا...تطبخين وتنظفين حالج حال البنات
سادسا...مااسمع منج كلمه غير حاضر
سابعا..ماكو طلعه من البيت بدون اذني
ثامنا. ماكو طلبات بلتليفون اي طلبات ممنوع واي شي توصيل ممنوع
تاسعا... امج ما تتصلين بيها كل شويه وتحجيلها تفاصيل حياتنا كلها
ترحين يوم بلاسبوع تشوفين اهلج ماكو تواصل بلتليفون بين اهلج وبينج
عاشرا...اي شي تردي تكولين اريد هاي الشغله وتكون ضروريه واني اجيبها اللج
وأهم شي عندي تعوفين الدوام ماكو دوام
جمانه السعيدي
اسيل...لا انت زودتها هواي انت شنو شايف نفسك عليه
صدك رضينا بلمر والمر مارضى بينا
تريد اطلك طلك ما يهمني
خليل...الله وياج محروسه بعد لا تجين ولا دزين وحده من صديقاتج عليه ترا سوالفج كلها اعرفها وحافظها
الله وياج
خليل.. طلعت تمشي من المكان وهي عصبيه نار
خطيه عود جايه كاشخه ومكيجه ومرتبه الشعر متوقعه بس اشوفها
اخذها بلاحضان كافي لازم تتادب
ابوي.. ليش بابا هيج زوجتك حبابه وشريفه بت عمك وتعرفها هاي الشروط هواي عليها
خليل... اني حجيت هيج بس حجي ماردت انفذ هاي الشروط عليها بس ردت اشوف ردت فعلها فعلا اتندمت وجايه علمودي لو علمود الفلوس
كلت اذا قبلت بهاي الشروط يعني فعلا ندمانه
ارجعها وادللها دلال
بس اذا رفضت يعني راجعه لان ماكو فلوس بيت اهلها
مثل الفلوس الي كانت تحصلهن مني
راجعه علمود تصرف وطشر مثل قبل
هذا كان اختبار الها وهي فشلت بلاختبار
ابوي...والى متى راح تبقون انت وياها كل واحد بمكان
خليل.. لمن تنعدل وتتعلم الادب
ابوي...زحمه من عمك
خليل.. عمي شنو علاقته بلموضوع بمكان مايزعل
يسئلها شنو سبب الخلاف ويحاول يأثر عليها تعدل اسلوبها مو بس شاطر يستلم راتبها ويخلي بجيبه
اني ما تهمني الفلوس ابد
لو بس اسلوبها حلو وياي اغركها فلوس
لو شما تصرف مااحجي بس هي ابد ماعدها اسلوب حلو وياي انانيه تحب نفسها وبس
خليل...رجعت للبيت
متردد حيل بموضوع خطوبتي من مريم
اولا ...اني ماكتلها اني عقيم يمكن راح اضلمها بهذا الموضوع وياي
ثانيا...راح ازوج بدون علم اهلي وهمه ما يستحقون هذا الشي مني
ثالثا...اني بعدني ماماخذ قرار احسم بي موضوع اسيل
وماااعرف شلون راح اتصرف
ياترى اني صح لو لو غلط
راح ارتاح لو اتندم اذا ازوجت مريم