مر أسبوع ...
وأنا بفكر في حفظ القرآن وماسكة الصلاة الابراهيمية بس.
نهاية اليوم في المدرسة حارسين التراحيل تجي، قاعدين نتونس أنا وحبيبات قلبي " يقين ونور ♡"
أنا: يانور ممكن تقري لينا قرآن بي صوتك السمح ده
نور:بستحي يا بت
انا: واااي يا يقين ما سمعتِ صوتها وهي بتقرأ قرآن مش ؟!
ياخ اللهم باااارك بس♡
يقين: أي ما حصل سمعتها قاعدة ترتل، يانور أقري لينا
نور: بري بتسحروا لي صوتي
أنا: ياخ بطلي
نور: بطلي ولا شريري وهيهي
أنا:ظريفة ظريفة
نور:أدري أدري
طبعاَ بعد عباطة وتحنيس حتى رضت
يقين :أقري لينا سورتي المفضلة ♡
نور: وأنا كيف ح أعرف سورتك المفضلة ؟!
بعد ركزت بقينا نضحك كلنا حتى هي في عدم تركيزها😭😹♡
قالت سورة " الرحمـٰن"
نور بدت تقرأ وأنحنا سكتنا ...
نور:
*الرَّحمنُ (١) عَلَّمَ القُرآنَ (٢) خَلَقَ الإِنسانَ (٣) عَلَّمَهُ البَيانَ (٤)* *الشَّمسُ وَالقَمَرُ بِحُسبانٍ (٥) وَالنَّجمُ وَالشَّجَرُ يَسجُدانِ (٦)* *وَالسَّماءَ رَفَعَها وَوَضَعَ الميزانَ (٧) أَلّا تَطغَوا فِي الميزانِ (٨)* *وَأَقيمُوا الوَزنَ بِالقِسطِ وَلا تُخسِرُوا الميزانَ (٩) وَالأَرضَ وَضَعَها لِلأَنامِ (١٠)*
يقين: اللهم بااارك اللهم باااااارك صوتك رهيب فعلاً
أنا: تبارك الرحمـٰن ما عارفة أقول ليكِ شنو بس ربنا يحفظك
نور: جزاكم الله خير من ذوقكم يا حلوات
وطلعت خاتمة القران كامل كمان بسم الله ماشاء الله لاقوة إلا بالله اللهم باااااارك ♡
حكيت ليها إنو نفسي أحفظ لكن مع المدرسة صعب إنو أمشي مركز تحفيظ
=أول حاجة يا حلوة ماف حاجة صعبة ، عادي تحفظي في البيت ولو ما قادرة تمشي مركز بتاع تحفيظ ممكن نحفظ كلنا هنا في المدرسة مع بعض، ومنها أنا أعمل عودة كمان
عجبتنا الفكرة واتفقنا أنو هي تحفظنا؛ لأنو خاتمة وبتعرف للتجويد، يعني صحبتنا ح تكون شيختنا يا سلاااام♡
أتفقنا ناخد كل يوم 3 أوجه ويوم السبت والجمعة مراجعة؛ عشان نختم قبل العام الدراسي يخلص.
وحكت لينا إنو هي أصلاً مولودة في السعودية، وختمت هناك ليها سنتين خاتمة تبارك الرحمـٰن ♡
سألتها من أول يوم وقت إتلاقينا ليه ما ردت لي وقت أتعاملت معاها بي طريقة ما حلوة
=لانو بحاول إتحلى بي صفة"كظم الغيظ"
يعني لمن الزول يقول لي كلمة جارحة أو ياذيني بسامحو لي وجه الله وبحسب الأجر عنده، والشيطان ما ح يخيلكِ ح يجيكِ ويحاول يخليكِ تعصبي ويقول ليكِ ردي ما تسكتِ ليها كدا ح تقول جبانة... الخ
لكن بسرح كدا وبتزكر أجر كتم الغيظ ف بسكت رغم اني قادرة أرد !
لكن انا ما بحب أذى الزول في الكلام حتى لو هو آذاني !
وابداَ كتم الغيظ ما جبن بالعكس هو في حد ذاتو قوة؛ لأنك بقدر الإمكان بتحاولي تتحكمي في نفسك ودي براها قوة !
ف هي كلها دنيا فانية أركز معاها ليه ؟!
أها لو كان جطت وإتشاكلنا وبعد داك ح يحصل شنو ؟!
كلها يومين ونروح منها، أنا قاعدة أجهز لي آخرتي ♡
و وقت الزول تسكتِ منو بتغاظ منك أكتر من إنو تردي وتهيجي، بس إسترخي وعايني في وشو، وإتزكري أجر كتم الغيظ وإبتسمي في وشو ، ياخ ده ح يولع من الغيظ عديل وممكن عادي يفكر يخنقك
ح يقول دي حاسة بي شنو أنا قاعد أحاول أغيظها وتتضحك !
وهو ما عارف إنو انتِ قاعدة تفكري في الحسنات الجاتك
_حرفياً
= المهم بحاول ألقط لي حسنات♡
أنتِ عارفة وقت أنضف البيت، مش الناس بتنضف وبتطبخ؛ عشان بقت عادة
لا أنا ببقيها عبادة
_كيف يعني ؟!
=يعني لمن أجي أنضف نيتي بتكون لله ،ولو مشيت لي أقاربنا بخت إنو ربنا أمرنا بي صلة الرحم، ولمن أمشي الجيران؛ عشان ربنا أمرنا بالجار، ولمن أملى الحفاظ لله و إنو كل زول يشرب الأجر يجيني، ولمن أجي أطبخ نيتي بتكون برضو لله؛ وعشان ناس البيت تجيهم قوة لي العبادة وهكذا ...
إتخيلي معي كل واحد في البيت لمن ياكل ويعمل عبادة سواء صلاة أو تسبيح أو أي حاجة الحسنات بتجيني أنا برضو !
؛ عشان كدا بحب شغل البيت جداً
=ياخ معقولة أنا مفوتة الحسنات دي كلها !
_سبحان الله حاجات الزول كل يوم بعملها يعني ما خسران شي، بس ظبطي النية إنو تكون لله فقط
والنية محلها القلب، ما تنطقي بيها؛ لانو نطقها بدعة
=طيب جزاك الله الفردوس الاعلى♡
_حبيبي وجزاكِ يارب♡
=طبعاَ ما شفتِ خاتم التسبيح بقيت ما بطلعو من يدي نهائي التقول ملصق
_أي ما تطلعي حوقلي سبحي، إستغفري، صلِ على النبي على طول ما تكوني ساكتة، وعلى فكرك ده برضو من وسائل تلقيط الحسنات بتاعتي
يعني كل ما تذكري ربنا الاجر بجيني أنا برضو
=شوف البت دي عليك الله، قاعدة مرتاحة نايمة وأنا شغالة أسبح والحسنات تجيها هي كمان،مفتحة لقيتك لكن
_شفتِ كيف ؟!
=اي شفت خلاص رأسك ما يكبر
_هو كبر وإنتهى
=وووب تاني اليحلنا شنو ؟!
_رياضيات إنتوا عشان يحلوكم ولا عصير ؟!
=نور إنتِ عارفة إنك ظريفة شديد🙂
_أي عارفة يا قلبي🙈
=كدي أديني الطوبة دي
_عايزة تبني بيها بيت ولا شنو ؟!
=لا بعد كدا كتم الغيظ زاتو ح يتغاظ منك ويرد ليكِ
هداك ليهو عمو جا أحسن أقوم أتخارج من هنا قبل إتهور
_ مع السلامة😹♡
=الله يسلمك
*الصديق الصالح، و الجليس الصالح نعمتان، لاتقدر بأي ثمن!*
*اللهم اجعلنا من عبادك الصالحين♡♡.*
*#سبحوا* 🌻💛..