رواية كبرياء العشق
الفصل التاسع9
بقلم شيماء طارق
دلف حسام الي غرفته ووجد يارا تجلس علي السرير تبكي في صمت تقدم منها
حسام : متزعليش
نظرت له يارا ثم اخفضت بصرها واكملت بكاءها
حسام وهو يتلفت حوله بتوتر ويضع يديه علي رقبته من الخلف : انا معرفش بيعملو ايه فيه المواقف ديه بس المفروض متزعليش لاني مغلطتش
لم تكف يارا عن البكاء ولكن تعالت شهقاتها فتقدم منها حسام الي ان جلس بجوارها
حسام : انتي غلطتي وانا معملتش حاجه انا كنت بس بوضحلك انك غلطتي مش لازم تبكي بقي كفايه
يارا من بين شهقاتها : انت حتي مش عايز تعترف انك غلطت لما زعلتني
حسام : وانا غلطت في ايه فيه واحده محترمه تقعد تجري قدام الناس ايه قالولك انك متجوزه طرطور
يارا : بس انا مفهمتهاش كدا
حسام : يارا انا مش هعيد كلامي مرتين بس انتي لازم تعرفي اني راجل صعيدي وصعب كمان ومش هتساهل في اي حاجه خاصه ب مراتي
يارا : ليه عايز تفهمني انك بتغير........... توتر حسام ولم يجب فأكملت يارا...... انا عارفه انك عمرك ما هتكون بتغير عليا احنا بالظبط عاملين زي الي شافها الصبح اتجوزها بليل حتي منعرفش بعض واتجوزتني عشان تحميني من اهلي عشان ميبعدونيش عن اختي مكانش قدامي فرصه اختار يا انت يا ابعد عن اختي واعيش مع الي عذبها هي وامي انا عارفه اني بنت عدوكو الاول بس دا مش ذنبي اني ابقي بنته ومعرفش اصلا انه ابويا غير يوم ما اتجوزتك انا مش هطلب منك حاجه ولا عايزه منك إحسان وكفايه لحد كدا انا هرجع القاهره وانت تطلقني ويبقي انت مخسرتش حاجه ولا حتي شكلك ك راجل صعيدي خايف علي مراته
حسام بذهول : انتي بتقولي ايه
يارا : انا معرفكش ولا انت تعرفني نكمل ليه
حسام بعصبيه : انتي اكيد اتجننتي
يارا : لا بس ال........... قاطعها حسام
حسام : المفروض تقومي تلبسي دلوقتي وتجهزي عشان اهلك هيجو يصبحو عليكي يا عروسه ولو الكلام دا اتكرر تاني متلوميش غير نفسك....... وتركها وغادر
*********
بينما في الاسفل يجلس كلا من الجد ومحمود. وروما وآسر
روما : ممكن اسئل سؤال ....نظرو لها بإهتمام بينما نظر لها الجد بإبتسامه وكأنه منتظر سؤالها.....
هو ليه حضرتك يا بابا انت وجدي وافقتو علي جوازي من آسر حتي مستنتوش اني افكر
نظر لها آسر بغضب : هو انتي كان ليكي رأي تاني
روما : اكيد كنت هحتاج افكر وانا اعرفك منين عشان اكتب كتابي اول اما انت تطلبني
آسر : اتكلمي عدل
روما : انا بتكلم عدل علي فكره انت الي بتفهم بالمشقلب
آسر : ررروما اتعدلي مش عايز وجع دماغ
روما : اولا انا معملتلكش حاجه ثانيا سؤالي موجهه ل بابا وجدي
آسر : ررررووما
محمود : خلاص فيه ايه مش مالين عينيكو احنا ولا ايه
روما وآسر : ي بابا..... ي عمي......... قاطعهم محمود
محمود : هششس مش عايز وجع دماغ.. وانا وافقت يا روما عشان جدك وافق ومكانش لازم اكسر كلامه
روما : زي اما سمعت كلامه وطلقت امي
محمود بغضب : رووووومااا
راشد : بكفياكو لحد اجده
صمت الجميع فاكمل راشد : جوم يامحمود انت وآسر انا عايز بتك في كلمتين
آسر : بس يا جدي
راشد : مهاعيدش كلامي مرتين جوم
نظر لها آسر بغضب ومال عليها وقال لها بخفوت : حسابك معايا بعدين
ابتلعت روما ريقها بخوف ولكنها تظاهرت بعكس ذلك ونظرت الي عينيه بقوه
تحرك محمود وآسر الي ان غادرو الغرفه
راشد : تعالي جاري اهنه يابت محمود
اقتربت روما من راشد فتحدث
راشد : طبعا انتي عايزه تعرفي ليه خليت بوكي يطلج امك وكِيف انا متوكد من انك بت ولدي ومهاتكذبيش وليه وفيجت علي جوازك من آسر ولد عمك
هزت روما رأسها ونظرت له بإهتمام شديد تحثه علي الحديث فتحدث راشد
راشد :زومان لما بوكي اتجوز امك كانو مفكرين ان محدش يعرف بس انا كت اعرف هتجوليلي كِيف هجولك مكنتش بسيب بوكي لوحده اهناك وكنت براجبه لاني كنت مستني اي غدر من ولد الشرجاوي فضلت مراجبه لحد اما عرفت انه خلاص جرر يجتل ولدي اتصلت عليه وخبرته يجي اهنه وبوكي كان بسمع الكلام من غير كتر حديت خبرته يجيب مرته ويجي وهو سافر علي اجده بعد اما سافر جالي حسن الشرجاوي جالي اخلي ولدي يطلج مرته وساعتها هيتجفل بحر الدم الي بينا انا ساعتها جعدت افكر ووافجت رغم اني كنت عارف اني بظلم امك بس وافجت عشان انقذ العيله من الدم لان الشرجاويه كانو بيجتلو كل يوم واحد منينا بعديها اتصلت ب بوكي وخبرته يجي لحاله وخليته يطلج امك وانا بعديها ادليت القاهره لامك وعرفت انها حامل جولتلها ترجع لوالدي جالتلي لااه حتي لو بتحبه مش هترجع عشان هو جرحها جوي لما طلجها فضلت جارها وابعتلها في فلوس من غير ما حد يعرف بس كانت بتجولي ان فيه واحد هيتجدملها وهي هتتجوزه مرديتش اجف في طريجها وجولتلها ابنك ولا بتك اني الي هربيه وهي وافجت ولم ولدت بعتتلي صورتك .....واخرج من محفظته صوره الطفل واعطاها لها....... بس جبل ما انزل منشان اشوك واخدك منيها لاجيت معتز الشرجاوي بيجولي انك انتي موتي وانه هو الي اتجوز امك مرديتش انزل وبطلت اسأل علي امك بس بعديها بكام سنه لاجيت مرسال من امك بيجول انها عايزه تشوفني وانها في المشتشفي كان ساعتها وجت ولادت خيتك يارا... روحت ليها وعرفت منيها كل حاجه عاملها ابن الشرجاوي ليها وان انتي لسه عايشه ساعتها انا فرحت لان ابني عنديه بت جالتلي احميكي منه بس وجودك اهنه في المنيا خطر منشان ميموتكيش بسبب كره لابوكي ودا بردوكان سبب لجواز امك منيه انه مهيأذيش بوكي فضلت معاها. لحد اما ماتت وساعتها جولت ل مها انها تفضل جارك انتي وخيتك ومتعرفش معتز حاجه عن خيتك وخليتها تنجل من الشجه وجابتلكو شجه تانيه وهي خبرتك انها تبع امك فضلت اصرف عليكي انتي وخايتك عن طريج مها ولما عرفت انك بتنزلي شغل منشان تصرفي علي حالك انتي وخيتك جولت ل مها تسيبك علي راحتك منشان متشوكيش في حاجه وفضلت علي اكده لحد اما كبرتي وبجيتي مهندسه وبتشتغلي في الكليه كومان
روما بذهول : انتت انت طيب ليه امي قالتلي اظهر لابويا وليه مقالتليش عنك
راشد : امك لم عرفت ان بوكي مخلفش من بت عمه جالتلي اخدك اوديكي ليه ويبجي ساعتها يعرف ان ليه بت هتجوله يا بابا بس وجتها كان معتز لسه موجود ف مكناش حبين نعمل شئ يخلي معتز يجتل محمود جيت عليكي انا وامك اكتير بس كله منشان خاطر بوكي
روما : وطنط مها كانت عارفه
راشد : مكانتش تجدر تجول حاجه منشان خايفه عليكي انتي وخيتك
روما :طيب وجوازي من آسر
راشد : لااه هتعرفي داه بعدين
روما : ليه
راشد : من غير ليه بس الي انا عايزه منيكي دلوجتي انك تسامحيني وتسامحي بوكي بوكي مغلطش في حاجه انا الي عملت كل حاجه يامحيني يابتي بس حجك هجيبهولك
روما بإبتسامه وهي تحتضن جدها : مسامحاك يا جدي
راشد بمرح: ووااه آسر يجي يجتلنا يابتي مش ناجصين
ضحكت روما بشده فتحدث راشد : ربنا يحميكي يابتي روحي صالحي بوكي دا لما صدج انه بجي عنديه حد يجوله يا با جومي يابت
روما : حاضر يا جدو... بس فيه سؤال كمان
راشد : سؤالاتك كترت يا بت محمود
روما : آخر واحد
راشد : جولي
روما : ظنط صفاء تعرف ماما منين وتعرفني منين
راشد : اني الي خبرتها عنيكي ومحمود خبرها عن امك اول اما اتجوزو
روما : وهي مزعلتش عشان بابا كان متجوز قبلها
راشد : الي بيحب بينس اي حاجه حوصلت من حبيبه مدام حبيبه هيفضل جاره
روما : الله عليك يا جدو
راشد : مشي يابت من اهنه
ضحكت روما ثم غادرت تبحث عن والدها
*********
في المطبخ.....
لمار : انا عايزه يارا
ميرا : يابنتي انتي الي طالع عليكي يارا يارا هي هتنزل
لمار : انتي قولتيلي هنطلعلها
هناء : ياحببتي مش الحاجه مها جالتلك هي هتنزل
مها : لمار عيب كدا يارا دلوقتي متجوزه ومش وقت اما تعوزيها هتلاقيها
لمار : بس جوزها قالنا فوق ووافق اننا نطلعلها
مها : لمار حببتي انتي قولتيلي كدا وجيت اطلعك لاقينا حسام طالع فوق ينفع تطلعي وراء واحد عند مراته
لمار : طيب هما اتجوزو ازاي
ميرا : لا دا فيلم هندي انما ايه هيعجبك قوي بس عايزه اقولك حاجه
لمار : ايه
ميرا : فاكره دكتور مهاب الرخم
لمار : هو دا حد ينساه
ميرا : يبقي اخو يارا من ابوها
صدمت لمار ولم تعلق او تفعل اي رده فعل
مها : انتي عملتي ايه في البت
هناء : يا حبه عيني يابتي مالها
ميرا : والله ما عملت حاجه انا كل الي قولته ان دكتور مهاب الرخم يبقي اخو يارا
مها : مش دا الي كان متقدم ل روما وهي رفضته
هزت ميرا رأسها بالموافقه فضربت هناء علي صدرها : يا مري كان رايد يتجوز روما
مها : ايوه فيها ايه
هناء : ابن الشرجاوي يتجوز بت من بنات السيوفي دا كانت الدنيا جامت حريجه والبلد ولعت
مها : طيب ما يارا اتجوزت حسام
هناء : لااه دلوجتي محدش يعرف حاجه عن يارا وعمي هيجدر يحل الموضوع لو حصل مشكله انما بت من السيوفي تتجوز من الشرجوه اهو دا الي مهينفعش واصل
لمار : بتقولي ايه
ميرا : حمدلله علي السلامه دا انا فكرتك سافرتي
لمار : انا مش قادره استوعب الي بيحصل هنا بقالكو يومين ويارا وروما اتجوزو ويارا تعرف مين ابوها وروما تطلع بنت اكبر عيله في البلد ومهاب الرخم اخو يارا ودا كله في يومين امال لو استنيتو شويه كمان هيحصل ايه
ميرا : احنا في زمن السرووعات
لمار : دا زمن الصواريخ ياختي
مها : بس ايه الي حصل لابوكي يا لمار
لمار بحزن : معرفش كنت قاعده بتفرج علي التلفيزيون واياد نزل وبابا نايم قمت عشان اصحي بابا لاقيته غرقان في دمه انا اتصلت علي اياد بس من الخضه اغم عليا مقدرتش اقف
مها : ان شاء الله هيقوم بالسلامه
أسماء وهي تدلف : هو مين دا
هناء : اتكتمي يابت
اطلقت أسماء صفيرا عاليا عندما رأت لمار
أسماء : ايه دا مزه جديده انا كدا بدأت اقلق كل يوم تجيبو بنات حلوين البيت
هناء : اتكتمي يامخبله ديه صاحبه روما
أسماء : انا جولت اجده بردو الحلاوه ديه تبع روما
ضحكت لمار وميرا
ميرا : ديه تبقي اخت اياد
أسماء : اياد مين
ميرا بهمس في اذنها : الي اكل منك الفشار
نظرت لها أسماء فوجدتها تضحك عليها
أسماء : اسكتي هتفضحيني
لمار : انتو بتقولو ايه
أسماء : كانت بتجولي انك اخت اياد الي هو اخو يارا في الرضاعه
لمار : ايوه ما انا الي هي كانت بتشاركها اللبن
يارا وهي تدلف : ديما عينك في اللبن الي انا شربته وانا بقول بقعد اكح ليه وعندي نقص كالسيوم
لمار : لا ياختي دا نقص تربيه
يارا : يلا يا واطيه.
لمار : حبيبي يا نصه
ميرا : صداقه معوقه
لمار ويارا : الي مضايق مننا يعمل زينا
ضحك الجميع
لمار بخفوت ل يارا : عايزه اقعد معاكي وتحكيلي كل حاجه
يارا : حاضر تعالي معايا
*************
.
.....بتك مين يا معتز ...هتفت بها حسناء بسخط بعد ان اخبرهامعتز بأنها ستذهب معهم عند يارا
معتز : بتي من مني ولا هتعملي روحك معارفش اني كت متجوز عليكي
حسناء : مش هروح في حته اني
معتز : هتيجي امعانا ورجلك فوج رجبتك واجهزي يلا .........وتركها ورحل
حسناء : ماشي يامعتز بس متلومش الا نفسك بعد اجده .....ثم تجهزت لتذهب معهم
حسن : فين هبه
معاذ : هي هتيجي هيا كومان
حسن : وااه مش خيتها ولازم تصبح عليها
هبه : انا جاهزه يا جدي
مهاب : متنساش طلبي ياجدي
حسن بإبتسامه: وانا اجدر انسي حاجه زي دي
معتز : مش هنتحرك يابوي ولا ايه
حسن : لااه يلا هنتحركو
************
....حمدلله علي السلامه يا بابا
محسن : الله يسلمك يابني امال فين اختك
اياد : مع روما ويارا
محسن بصدمه : هما هنا في المنيا
اياد : ايوه ومعني صدمتك انك كنت عارف هما مين
محسن : مكانش ينفع اقول الا لما روما تقرر انها تظهر
اياد : يعني كنت عارف
محسن : انت هتستجوبني ياحضره الظابط ولا ايه ولا هتعمل نفسك مش عارف
اياد : لا انا كنت عارف وبعدين ايه الي حصل يابابا مين عمل فيك كدا
محسن : كنت نايم حسيت بحركه حواليا في الاوضه قمت اشوف فيه ايه لاقيت البلكونه بتتفتح روحت قربت منها لاقيت واحد حط ايده علي فمي والتاني ماسك سكينه وبيقرب عليا وقعد يضرب فيا وبعديها سابوني اقع علي الارض وواحد منهم قالي قول لابنك دي قرصه ودن عشان يبطل يحفر ورانا ومحستش بنفسي بعد كدا
اياد : ولاد الكلب والله لاعرفهم هما بيتعملو مع مين
محسن : قولتلك ابعد عنهم دول ما بيهزروش
اياد : مش هبعد مش هبعد يا بابا انا هفضل وراهم لحد اما اكشفهم واسجنهم واحد واحد انا مدخلتش الشرطه عشان من اول تهديد اجيب وراء وابعد لا انا دخلتهم عشان اكشف الظلم واسجن الظالم وامسك الي بيموتو الناس
محسن : بس دول كبار
اياد : مفيش كبير علي ربنا
محسن : مش هتندم في يوم
اياد : الندم الوحيد اني اسيب الحق يتمحي والظلم ينتشر وابقي عارف ان فيه ناس بتموت كل يوم واقف اتفرج واقول انا مالي
محسن : ربنا معاك ويقويك يابني
اياد : يارب يا بابا ...يلا عشان تجهز ونمشي
محسن : بالسرعه ديه
اياد : مش هبقي مطمن عليك هنا اما تبقي تحت عيني احسن
محسن بسخريه : ما انا كنت تحت عينك يا خويا واديني اهو متشرح
اياد : انت مش ابويا علي فكره
محسن : قومي ياض وبطل وجع دماغ
اياد : حاضر يلا واهو كمان نجيب لمار بالمره ونمشي
محسن : تمام
**************************
راشد : اتفضلو امنورين
حسن : منور ب أصحابه
معتز : امال فين بتنا
راشد : نادم علي مرتك يا حسام
حسام : حاضر يا جدي..... وتركهم وذهب الي يارا حيث كانت تجلس مع لمار تقص لها عم حدث
لمار : يعني انتي اخته اخته
يارا : يابت بطلي غباء ايوه طلعت اخته
حسام : يارا تعالي عشان اهلك بره
نظرت له يارا بخوف فتقدم منها حسام وامسك يديها حسام : متقلقيش انا معاكي وانتي دلوقتي مراتي ميقدروش يعملولك حاجه
لمار بمرح : انت ياعم مش كنت بتتكلم صعيدي
حسام : وااه انا اتحدتت براحتي كيف ما انا عايز
يارا : هو لازم اخرج
حسام : ايوه تعالي
وخرجت معه يارا وتتبعتهم لمار