رواية زواج في الحرب
الفصل التاسع9
بقلم اماني الروح
بعد ساعتين كدة صحيت على صوت مصطفي كان بتكلم في التلفون 💫💥 قال ليهو اتصرف لي عليك الله بعد بكرة بي الكتير لازم تكون عملتا ليهم إضافة في الاقامة بتاعتي لي بتي ومرتي انا لمن قال مرتي دي قلبي عمل شاااااح 💜❤ وااااي احساس مبالغة اني بقيت حاجة بخصو واصل كلامو اي اتزوجتا الليلة معليش هو اصلا جاء فجاءة لمن اصل بحكي ليك 😜😚 اسمعني لو ماوافقو ليك على الإقامات اعمل ليهم زيارة لو ما اتعملت الإقامة او الزيارة ما حيكون في طريقة يدخلو السعودية اصلا حنجي عن طريق السعودية انا وأهلي عندنا اقامات في الإمارات🥺🥺🤪 يعني بسمحو لينا نخش بيها جدة ومن هناك حنسافر الإمارات بس مرتي وبتي ماعندهم تأشيرة لي السعودية ولا عندهم إقامة في الامارات انت اتصرف واديني خبر حا ارسل ليك صور الجوازات في الواتس 🫣🤔 وقفل على كدة ورجع يطبظ في التلفون يلاااا بعد كدة انا بدت معاناتي لانو راااسي بدا يلف وبطني طمت شديد لمن بقيت ما قادرة اتنفس بقيت بتنهد بي الجد ماقادرة اخد نفسي😪😪 عايزة استفرق مصطفي انتبه لي قال لي ريل مالك ماقدر ارد عليهو جسمي ماشي يهبط وبقيت أعرق هو زاتو اتهجم بقي يمسح لي في وشي ريل بسم الله مالك حاااسة بي شنو🥺🥹 ختيت يدي في خشمي قال لي عايزة تستفرغي هزيت ليهو راسي يعني ايوا جرا جاب لي كيس استفرغتا فيهو🤮🤢 في اللحظة دي كرهتا نفسي شديدوقرفتا منها اسي دا وقتو يعني اكيد اسي هو قرفان مني بعد استفرغتا ارتحتا شويا هو لسة كان مقلق مشي جاب لي مويا قال لي اشربي قلتا لي ما عايزة🤒🤕 رجعتا لي وراء كدة في الكرسي وانا تعبانة ومهبطة شديد جاب منديل وبلاها بي المويا وبقي يمسح لي في وشي ويديني قال لي حاسة بي شنو قلتا لي راسي لافي وماقادرة اتنفس فتح لي الشباك قلتا لي اقفل المكيف لانو بعمل لي طمام مع ريحة البنزين فعلا قفلو 🫣😶دا كلو وتالا قاعدة فيني حاول يشيلها مني لاني كنت تعبااانة شديد بس هي أبت تمشي ليهو قدر ما حنسها في الاخير كان عايز يشيلها بي القوة بقت تبكي قلتا لي خليها ما تغصبها لأنها ما حتسكت قال لي بس انتي تعبانة🤔
قلتا لي ما مشكلة بتحسن اسي فعلا خلاها قاعدة هي بقت رافعة راسها وبتاعين لي قال لي دقيقة برجع ليك اسي مشي جاب لي حبوب من ابوهو قال لي ابلعي دي بتهديك شويا شلتها منو وختيتا في خشمي بس حسيت اني تاني حا استفرغ طلعتها سرعة قلتا لي ما عايزاهاااا حا استفرغ وبقيت ابكي😭😭 ياخ والله اكتر حاجة بتجيب لي انهار عصبي الاستفراغ دا بحس اني حاموت اسي قال لي ابلعي دي حتوقف ليك الاستفراغ وتروح ليك لفة الراس المرة دي ختاها لي في خشمي وشربني المويا 🥰😍بلعتها وميلتا راسي علي الشباك جاتني خالتو سامية قالت لي مالك سلامتك حبيبتي مصطفى قال انك تعبانة قلتا ليها مافي حاجة اصلا في السفر بحصل لي كدة من ريحة البنزين والتكيف😔😔 قالت لي بلعتي الحبة قلتا ليها ايوا قالت لي اسي بتتحسني بعد اطمنت علي رجعت
فعلا بعد نص ساعة حسيت نفسي احسن😌😌 بس تالا تعبتني قلتا ليها توتا انا تعبانة ممكن تخلي بابا يشيلك شويا وانا جمبك ما حا ابعد عنك عاينت لي مسافة🤨😐 قلتا لي مصطفي شيلها قام شالها وانا الحبوب بدت تاخد مفعولها وبديت انعس رجعتا الكرسي لي وراء ورقدتا بعد مدة من الزمن بديت اصحصح فتحتا عيوني لقيت نفسي نايمة في كتف مصطفي وتالا حاضناهو ونايمة وهو زاتو كان نايم😴😴 مع حركتي هو فتح عيونو بقي يعاين لي واااي من الاحراج رفعتا رااااسي بي سرعة قلتا لي معليش قال لي بقيتي كيف قلتا لي احسن كتير الحمد لله بقي يعاين مبتسم لي تالا النايمة في حضنو وهو تقريبا ما مصدق انها قريبة منو كدة☺️😊 بقي يمرر يدو في شعرهااا بي حنية كدة انا كنت بعاين ليهو وبتامل في ملامحو الرجولية ولي ابتسامتو العجيبة دي وبتبسم براي زي الهبلة😿😾( اتذكرتا كلام بسمة عنو انو هو احن زول ممكن يلاقيك ) كفاية قلقو علي قبل شويا وانا تعبانة 🙈🙈.. البص وقف في استراحة قال حنقيف ساعة واحدة وبعد كدة نتحرك ما تتاخرو لانو قدامنا مشوار طويل لسة باقي لينا خمسة ساعات🫠🫠