رواية مسلسل حماتي الفصل التاسع9بقلم اميرة سليمان
تخيلي راجلك يقولك و يعترف ليك بعد سنة زواج ب دموع ب حرقه ب شهقة ب الم قالي هو يرجف راهو اني مش كنت صاحب راجلك الاول طليقك راهو اخديت الفيديوات لي طلعوا عليك و عليه و على اختك المرحومة هو راقد ما يندري على شي كان مخليهم في أي باد و ارقد بعد المشكلة ل صارت معاكم و حشاك اخديتهم و بعتهم لي اولاد ب فلوس لاكن بعد ما اطلقتي حق ربي ناض عليه ضميري و حذفتهم من هواتف الاولاد مقابل بمبلغ راهو خديتك لأنه معاش قدرت نرقد و حق چچ
ربي من العملة هاذي لين كنت نحساب روحي خلاص ب نموت قداش ما زعلت حبيت نأخدك قلت بلكي نرتاح بس 💔 لما حملتي حسيت ب شعور كيف بنكون أب لي ولد اني بعت فيديوات أمه لي اولاد 💔💔
حرفيا شعور يقتل اني راهو خونت ثقة صاحبي قبل كل شي هو حولهم لي أي باد لي نلعبوا فيه في بوبجي على أساس ب يخليهم في ملف و خليته راقد و كنت عارف الرمز
اني اول ما خوي سمع الكلام هذا شده و لوحه برا و كان ب يفرغ فيه في رصاص قاليه موتك على أيدي بس 💔 بوي قاليه برا روح و بنتي خليها عندي قعدت فترة طويلة مع اهلي و حشاكم من مصحة لي مصحة بوي ما خلى دكتور او دكتورة لي هذا يقوله راهو بنتك يا عمي عندها حالة نفسية مافيها شي دواء نفسي غالي هلبا و مع مصاريف ولدي و الحليب ابديت وين نوقف وراء الباب نسمع في بوي يقول لي أمي منين بنجيب فلوس راهو معاش نقدر و فلست مع عياط البيبي في ليل معاش يرقدوا منين ابديه الراجل ايجي يبي يرجعني رجعت و اني متحملة في قلبي و على خاطر الولد لي قعد ضايع معاي على أقل يصرف حتى على ولده بس 💔 لازم من التضحية و جاي ارفعني ب السيارة و ركبت طريق كلها اني راكبة مع شخص بايع صوري و فيديوات لي في استراحة حماتي لي شباب دموعي نزلوا قريب نموت من داخلي اول ما أوصلت انصدمت العاب نارية و جو زكرة قالي نورتي حوشي و أهله القيتهم ي ستقبلوا فيا و امدايرين عشاء هذا كله ب حجة تكفير على ذنوبهم قعدت ساكته و قالي اهو بعد فترة كل شي اختاريه انتي صالة و الاكل و كل تفاصيل بندير لي ولدي لمة كبيرة قتله دير انت بروحك و صكرت على وجهه الباب كل يحاول معاي يبي يلطف الجو بعتالي فكرت بيني بين نفسي ولدي حبيبي شن دخله خلي ندير ليه لمة و نأخد ليه صور و لقطات اخترت العشاء غالي الفرقة غالية هكي استفزاز فيه كل شي غالي و اغلى صالة و اغلى مصورة و اغلى معمل إمتاع أكل حجزت منه خليته يدفع لي فوقه و تحته هو ساكت و قبل الحفلة قتله خلي نأخدوا صور ليه و احنا مع معاش مش بنديروا عرض اقعد يخدم على فلاش و عبى ليا صور و حاجات و قالي جهزته و حطه في دولاب جاي يوم الحفلة البيت جهزت روحي ب بدلة حقها يكفي و مزينة دارت ليا شعري و مكياجي بس 💔 و اني طالعة تفكرت الفلاش افتحت دولاب ألقيت زوز اخديت لي مصكر قلت اكيد هو و أوصلت للصالة أعطيته للمشرفه و أبدت حفلة ولدي في نصف الحفلة ......الصدمة كان