رواية اغتصاب ازهار الفصل التاسع9بقلم جمانه السعيدي
امي لزمت التليفون تخابر جان تندك الباب فتحته لكيتهم جهال نهى وابوهم واكف ورا الباب
ازهار...هله يابعد عمري هله بيكم وحضنتهم وابوس بيهم
جان مهدي من ورا الباب
مهدي...السلام عليكم
ازهار...عليكم السلام جاين نخابرك عليهم مشتاقيلهم
مهدي...همه يردونكم خليهم يمكم اليوم
ازهار...تفضل ادخل
مهدي...لا عندي شغل من ارجع اخابركم عليهم
ازهار..ميخالف
اباوع الهم مبهذلين البنيه شعرها مخربط وتحك بشعرها
والولد مجروح بخدا
هاي منو جرحك
...ابن عمو تعاركنا اني ويا وجرحني
راحو يركضون الامي وحضنوها اثنيينهم
اول شي دخلتهم سبحتهم وبعدين غديتهم البنيه لكيت شعرها مونضيف
اخذتهم للسوك اشتريتلهم كل واحد تراك وشتريت لعبه الروان وطوبه وتراك الجود
وشتريت الهم حلويات
جمانه السعيدي
فرحووو كلش بلملابس وجانو مبين عليهم مامرتاحين عد بيت جدهم
الضاهر الجهال يضربوهم ونسوان عمهم مامعتنيات بيهم
مبين من ملابسهم وشكلهم
لليل اجا مهدي ياخذهم وهمه كامو يبجون منروح وياك نبقى يم خاله ازهار
اخذهم بلكوه
اني كتله الله عليك جيبهم اشوفهم كل يومين ولله اشتاق الهم
اخذهم وراح وهلمره طولو عليه طلعت الاربعين مالت امهم واني مشايفتهم
كلما اخابره يكول مشغول
اني وامي رحنا للنجف وحدنا لان محد عزمنا واني ماكدرت تفوت الاربعين وما اروح النهى
وصلت وشفت كبرها واني تخبلت من كل عقلي اريد اشوفها
من كل عقلي تستقبلني
كمت اعيط نهى ليش عفتيني
كومي روحي وياي البيتج والجهالج
كومي ام سوالف الحلوه
بعدج اضحكين مثل قبل لو الحرك خرب ضحكتج
بارد عليج الكبر لو حار
بقيت اكثر من ساعه كاعده واسولف عليها
بعدين مليت ماترد عليه
رحنا زرنا الامام علي ورجعنا البيتنا
طبعا اهله رايحين قبلنا بيوم ماشفناهم هناك ابد
رجعت خابرت مهدي كال باجر اجيبهم
جمانه السعيدي
ثاني يوم كعدت من الصبح وحضرتلهم الاكل الي يحبونه
للعشره جابهم اليه من الباب وراح
اباوع...جود مكسوره ايدا وصابينها
ياااا جود هاي شبيها ايدك
ابن عمو علاوي دفعني ووكعت ونكسرت ايدي
والبنيه وجها امشك وضعفانه حيل
تخبلت من شفتهم اذكرت شلون امهم معتنيه بيهم وهسه حالهم صعب
كلت بكلبي اطلعي نهى وشوفي جهالج شصار بيهم من بعدج
ليش استعجلتي على الموت
مافكرتي بيهم منو الهم من بعدج
سبحتهم وبدلتلهم ولعبو وتونسو
لليل اجا ياخذهم وكال هلمره راح يتاخرون عليكم
ازهار...ليش شصار
ما مرتاحين يم اهلي اريد ادزهم البيت جدهم ذوالك بلكت وضعهم يصير احسن
هنا يتعاركون ويه جهال عمهم وصارت مشاكل
بلكت هناك يصير وضعهم احسن
ازهار...فدووه خليهم عدنا ولله اخليهم بعيوني
مهدي...الناس تاكلني اكل اهلي واهلهى شراح اكول الهم
واخذهم واني كمت ابجي عليهم
وفعلا فات شهر واني ماشايفتهم ابد وكلبي نار عليهم
كلما اخابر مهدي يكول بعدني مرايح شايفهم
جمانه السعيدي
شهر ونص فات على اخر مره شفتهم وبيوم كاعده انضف وصورتهم كدام عيني
واذكر امهم واحس نفسي ما وفيت وياها ولاحافضة على جهالها
اندكت الباب وفتحته واشوفهم صرخت من الفرحه ومامصدكه واكفين كدام عيني
حضنتهم وابوس بيهم ونسيت ابوهم واكف ورا الباب
روان كاصين شعرها وهو يخبل وجود مريض ويكح كحه قويه بعدين انتبهت ابوهم واكف ورا الباب
ازهار.. تفضل مهدي
مهدي.. اني رايح عندي طلعه
للناصريه وخليهم يمكم
ازهار...اي همزين راح يبقون عدنا
راح مهدي واني وامي مكيفين بيهم
ازهار...خاله رونه منو كص شعرج
روان...زوجت خالي تكول طويل ما اكدر امشطه
وهذا اخوج من يمته هيح مريض
....من زمان يلعب بلماي وبلل ملابسه وزوجت خالي ماقبلت تبدل ملابسه تكول ما فارغه
اني نزعته وبقى مصلخ وكام يكح
ازهار.. وليش مايجبوله علاج
....جابتله بيبي دوه كحه من المضمد وماصار زين
باوعت عليهم وكلت صدك الجهال تضيع بدون امهم
عندي قماش طلعته وخيطت نفتوف حلووو الروان وجود
اني مشتريتله تراك وضامته
سبحتهم وليستهم وعدلت كصة شعر روان
ورحت جبتلهم حلويات وسويتلهم كيكه
هذا اليوم خلص ملتهيه بيهم وابد ماخيطت
وبليل اخذت جود للمضمد ضربه ابره مال التهابات
بليل شويه هود من الكحه ونام
بقو عدنا يومين بس ردت روحهم
المدارس بدت صار اسبوع روان السنه ثالث وجود السنه اول يسجل
لليل اجا ابوهم يشوفهم
وامي ماقبلت يروح اله يدخل يشرب جاي
مهدي دخلت واجو الجهال يمي كل مره اجيبهم يم ازهار الكاهم باحسن حال نضيفين وشكلهم مرتاح
عكس اهلي وبيت جدهم من اعوفهم يمهم
الكاهم وصخين ومبهذلين حتى ريحتهم طيبه
ازهار ...لبست عباتي و جبتله جاي
وكعدت يمه ازهار...اجت المدارس خليهم عدنا ولله اني ادير بالي عليهم
وجود صف اول يعني يريد عنايه وتدريس
مهدي...ولله الصراحه يمكم يرتاحون ويصير حالهم احسن
بس الى متى يبقون يمكم انتي ملتهيه بلخياط وخالتي مريضه يعني اني ازيد الحمل عليكم
ازهار...ماتزيد الحمل علينا ذوله من ريحة نهى نهى اختي
وجهالها احطهم بعيوني
مهدي موافق...بس بشرط تاخذون فلوس خاف يحتاجون شي
ازهار ...موافقه بس عوفهم يمنا
واجت المدارس وسجلت جوود ورحت جبتلهم احلى ملابس مدارس من السوك
وجنط واقلام ودفاتر كلشي بنفسهم جبته
بيتنا صار شكل ثاني بي روح
اجت هيفاء هي وابنها واول مادخلت كالت البيت بي ريحه طيبه اكيد جهال نهى عدنا
ازهار اي البيت يحله بوجودهم
بقو يلعبون النهار كله ويه ابن هيفاء
جود اني اخذه للمدرسه وارجع اجيبه اخاف علي من الشارع
ماجنت احس بتعب بلعكس احس براحه واني اقريهم
واعتني بيهم
شكلهم تغير وخدودهم صارن حمر وردت الحياة بيهم من جديد وابوهم يجي كل اسبوع يشوفهم ويعوفلهم مصرف ويروح
مهدي كلما اروح اشوف الجهال احسهم بلمكان الصح حتى صايرين حلوين روان درجاته عاليه وجود ياخذ كله عشرات كلما اروح يشوفوني دفاترهم وافرح بيهم
بس اكو سوال ابالي الى متى راح تبقى ازهار متحمله مسوليتهم
وبيوم امي خابرتني كالت اشتاقيت للجهال جيبهم خل اشوفهم
رحت ومايقبلون يجون ويا كامو يبجووون يكلون خاف ماترجعنا هنا بعد
بلكوه قنعتهم يرحون وياي وارجعهم
مهدي بس وصلت بيت اهلي وامي شافتهم كالت جهالك صايرين حلوين ونضيفين
الله يوفق ازهار انشاء الله دايره باله عليهم
ام مهدي يايمه الى متى جهالك باقين بلبيوت وشكد راح تتحملهم ام ازهار
ليش ماتتزوج وتستقر انت وجهالك
مهدي يمه صار سبع اشهر من ماتت نهى
ام مهدي يايمه نهى راحت يم رب الرحيم والناس ماتتوقف حياته اذا مات واحد
صدك نهى اذا تشوفهم مستقربن ومرتاحين ترتاح بكبرها
وانت هم ينرادلك وحده تغسل ملابسك وتحضرلك الاكل
الى متى تبقى هيج انت بمكان وجهالك بمكان
مهدي ابد مو وكته هذا الحجي اني احب نهى وبعدني ماناسيه ابد
ام مهدي فكر زين فكر باطفالك وفكر بنفسك
لاتضيع الوقت