رواية احنا الزنبوا
الفصل الثاني 2
بقلم محمد منصور
حازم وهو بيضحك
قال انا اسمي ميشيل وبعالج ماري وخليتها تعضني هنا وبقيت زومبي
ويشاور علي ايدة مكان العضه فيلاقي بالفعل عضه ماري في ايدة بص
ل العضه باستغراب شديد وبعدها بص للفولي وقال
ايه ده بقي.
بص الفولي للعضه وقال
في حد عضك عشان يعمل لك ساعه
لطم حازم وقال
ساعه أيه. دي عضه ماري الزومبي بتاعت قبيلة الزنبوا
الفولي
ماري الزومبي. انا تقريبا اتفرجت علي الفيلم ده. تعرف انه كان بوكس اوفيس ل 2 اسبوع
حازم بغضب
يا بابا ركز معابا الله يرضي عنك. وسايبني احكي ليك جت ازاي العضه دي
وقعد حازم علي الارض وربع وقعد الفولي قصاد منه وحكي له حازم كل اللي شافه واللي كان فاكره حلم وبعد ما خلص حازم قال له الفولي
انتي بتحكي لي قصتك. ما انا قرتها. بس يعني انت كدة هاتبقي من الزنبوا
حازم باستغراب شديد
ممكن لية لا
الفولي
وتبقي زومبي زيهم
حازم بزهق
اة. انا لو اللي في دماغي صح هاكون من الزنبوا. وساعتها هاكل لحم البشر. وانا مش عايز اكون كدة لازم نشوف حل
الفولي
حل ايه وزفت ايه. قولت لك بلاش تكتب قصص رعب اديك اتلبست ودخل جوة منك واحد من الزنبوا
ويقوم يقف الفولي ويبص ل صورة راجل شكله غريب متعلقة في ريسبشن الفيلا وقال
تعالي يا رجب شوف ابنك بقي من الزنبوا. سايبتني ورحت فين يا رجب بقالك 20 سنه بتجيب زبادي لو مش لاقي هات لنا فينو وخلاص يارج،،،،،
وقف حازم قدامه وبص له سكت الفولي وبعدها بص حازم للصورة وقال
انت مالك قلبت مرة واحدة كدة وبقيت مدي علي ماما. وانا بقي اموت واعرف مين الراجل اللي انت معلق صورته ده وكل ما يحصل حاجه بيني وبينك تروح تشتكي له وتقول له الحق ابنك. هو ده ابويا وانت مخبي عني
الفولي
ده رجب صاحبي وكان بيعتبرك زي ابنه
حازم رجع بص للصورة تاني وقال
رجب. وايه حكايه الزبادي اللي بقالو 20 سنه بيجيبوا
الفولي
رجب أصله متدين جدا و عايز زبادي مش معمول بخميرة بيرة
حازم
اشمعني
الفولي
عشان البيرة حرام
وضحك الفولي وضحك حازم وقال
انت بتهزر يا بابا
قعد الفولي علي الركنه وهو لسة بيضحك وقال
انت اللي بتهزر فقولت اهزر انا كمان. يا ابن الاهبل يوم ما تحلم بواحدة حلوة تقولها عضيني في ايدي
حازم
اومال اخليها تعضني فين
الفولي
يا خسارة. بقالك كام سنه ابني ولسه ماتعرفش العضه تبقي فين. تعالي اوريك
ووقف الفولي تاني وراح ناحيه حازم وحازم عمال يبعد عنه والفولي بيقرب منه وهو بيعمل نفس حركه حمدي الوزير بتاعت التحرش بليلي علوي وضحك وحازم قال
اعقل يا فولي انا ابنك
الفولي وقف مكانه وهو لسة بيضحك وقال
ما هو ده اللي حايشني عنك انك تقرب لي
وقعد الفولي تاني وقال
خش نام واتغطي كويس ولو ماري دي جت لك تاني ابعتها عندي
حازم
يعني انت برضو مش مصدقني
الفولي
اصدق ايه انت عبيط يا ابني. بطل رغي بقي وخش نام
حازم
ايه بقي كل شويه خش نام خش نام. احنا لسه العصر علي فكرة.
الفولي
طيب خلاص حقك عليه. اخش انام انا، ،،،،
ودخل الفولي اوضة وقفل الباب وراء منه وقعد علي سريرة فلقي نفسه قاعد علي عرش الحاكم سين ولابس هدوم غريبة وتاج شكله غريب وبيقول بغضب لجونسون
يعني ايه ميشيل هرب ماري
جونسون
هو ده اللي حصل خلاها تعضه عشان يكون زومبي زيها ومانقدرش عليه
سين بصوت غليظ
وفين العمالقه اللي بعتهم معاك
جونسون
قتلهم
سين بغضب شديد
قتل الاتنين. الدكتور ميشيل بيتحداني انا ويقتل حرسي الخاص. جونسون حضر الحرس وخليهم يقلبوا الدنيا ويجيبوا ميشيل وماري من تحت الارض ويقطعوا راس ميشيل ويدفنوا ماري حيه
جونسون
تحت امرك. سيدي الحاكم
سين
ولا استني انا هاكون معاكم علي راس الحمله اللي هانقبض بيها علي ميشيل
ويخرج الحاكم سين من القصر ومعه جونسون ويركب الحاكم سين حصانه وفجاة يصرخ الفولي من شدة الوجع لانه كان راكب فوق حرف السرير وكانه حصان ونزل الفولي من فوق حرف السرير وهو بيتوجع اوي وباصص تحت وبيقول
اة يا وجع في حتة ما ينفعش اتوجع فيها دة انا كبرت
ويترعش جسمه تاني زي ما حصل مع حازم ويرجع الفولي لشخصيته الاصليه ويروح ناحيه باب اوضة بسرعه وهو بيقول
حازم عندة حق انا لازم الحقه قبل ما انا ما اقبض عليه
ثم يتعجب ويقول
ايه الهبل اللي انا بقوله دة
ويخرج من اوضة بسرعه وهو بينادي علي حازم ولكن حازم كان دخل اوضة حاول الفولي فتح الباب لكن الباب ما كانش بيفتح فضل يخبط علي الباب وهو بيقول
حازم ابني. افتح بسرعه. انا جايب ناس وجاي عشان اقطع راسك لازم تهرب مني انا عارف اني بقول جملة متخلفة بس لازم تهرب مني اوعي تخليني امسك ،،،،
لكن في نفس الوقت كان حازم ماسك ايد ماري وبيجري بيها وسط الغابه هربان من رجال الحاكم سين لغاية مايلاقي شجرة كبيرة قعد وراء منها هو وماري مستخبيئن من رجال الحاكم سين وعدي عليهم رجال الحاكم سين من غير ما يشوفهم وهنا حازم بص
ل ماري وقال
ما تقلقيش انتي بخير
بصت ماري في عيونه وقالت
طول ما انت بخير انا بخير. بس علشان خاطري سايبني واهرب وكفايه لغايه كدة انا خايفه عليك
حازم
متخافيش انا مش هاخلي حد يمس شعرة منك طول ما انا عايش ومتنسيش انا وانتي بقينا زي بعض
ورفع حازم ايدة بصت ماري للعضه وقالت
انت ليه خليتني اعضك
حازم
عشان اقدر احميكي منهم
ماري
للدرجه دي بتحبني يا ميشيل
حازم
بحبك اكتر من نفسي
ماري
لكن تفتكر هانقدر نهرب لغايه امتي
حازم
لغايه ما الحاكم سين ينسي امرك او اوصل انا لعلاج للفيرس اللي عندك
ماري
ودة هاتوصل له ازاي وانت بعيد عن المعمل بتاعك
حازم
هو ده السؤال اللي لازم الاقي اجابه لي وهو ازاي ادخل المعمل من غير رجاله الحاكم سين ما يقبضوا عليه
قربت ماري من حازم وقالت
لو قبضوا عليه او حصل لي حاجه وصيتك ابني جورج
اتصدم حازم وقال
ماري انتي متجوزة
ماري
كنت متجوزة وجوزي اقتله الحاكم من سنه
حازم
جوزك جوزيف اللي الحاكم قطع راسه
ماري
هو جوزيف
حازم
وفين ابنك
ماري
سيبته في بيت الحاكم القديم اللي في طريق الاحزان ومعه والدي
حازم
وعد مني ماحدش هايربي ابنك غيرك
ماري
مش باين. لكن خلي وعدك ليا بانك تحمي ابني لو ايه اللي حصل لي
حازم
ابنك جورج في حمايتي، ،،،،،،
ويحل الظلام ومن تحت شجرة ينام الحبيبين حازم وفي حضنه تنام ماري التي كانت بردانه اوي وفجاة يقف قدامهم رجال الحاكم سين ويبصو لهم وبعدها يمد احد رجال الحاكم سين ايدة ويسحب ماري من حضن حازم صحي حازم مفزوع وبص لماري وهي بتصرخ وبتبص له ومدت ايدها ناحيته وحاول حازم انقاذها ولكن احدي رجال سين حط السيف علي رقبته وقال له بتهديد
لو اتحركت هاقطع رقبتك
ماري
ميشيل ماتخليهموش ياخدوني
بص لها حازم وهو حزين مش قادر يعمل لها حاجه وفضل يبص للقمر مستني حلول نص الليل علشان يتحول لزومبي ويقدر يلحقها ولكن لسه فاضل ساعه علي نص الليل واتحرك رجال سين وحازم بيحاول الافلات من سيف هذا الرجل لكنه ما كانش قادر ويركب الرجل حصانه ويتحرك وراء منهم
وماري تبص لحازم وحازم يبص لها وبعدها يقومريجري وراء رجال سين وفجاة يلاقي نفسه في اوضة
ويترعش جسمه كله ويقع حازم علي الارض وهو بينادي علي ماري بكل ذرة في قلبه وبيحاول الدخول مرة تانية في احداث قصته علشان يلحق ماري ولكنه ما قدرش وهنا سمع صوت خبط الفولي علي الباب فتح له وقال
مش حلم مش حلم
الفولي
صدقتك. فعلا مش حلم انا كمان كنت جوة قصتك ولبسني الحاكم سين
حازم بدهشه
انت بتقول ايه
الفولي
اللي انت سمعته انت مابتحلمش اللي بيحصل ده حقيقي. وباين كدة القصه دي ملعونه واي حد يقراها يتلبس
حازم
يعني ايه ابطال القصه لبسونا
الفولي
شكلها كدة. احنا اتلبسنا يا ابن الكلب
حازم
طيب وبعدين
الفولي
هي فيها قبلين ولا بعدين انا الفولي يلبسني واحد اسمه سين. وبيلبس ملايه سرير وسلطنيه زبادي
حازم
مش ده المهم. انا لازم ادخل القصه تاني عشان انقذ ماري
الفولي
الله يخرب بيت القصه. انت لازم تتصرف وتشوف طريقه تحمينا بيها من القصه دي والناس اللي فيها اللي بتطلع لنا
حازم
ماقدرش انا بحب ماري ومستحيل اتخلي عنها
الفولي
ماري مين يا ابن المجنون. مافيش حد اسمه ماري دي شخصيه من تاليفك
حازم بغضب
لا. ماري دي حقيقه وبتحبني وانا بحبها. ومهما حصل لازم الحقها
وفي الوقت دة تعلن دقات الساعه عن 12:ص. مع ان الساعه كانت 4 عصرا ولكن دة ما منعش اللي حصل. وهو ان حازم بيصرخ ويصرخ ويخرج من صورته الادميه ويتحول الي زومبي شكله مخيف ومريب بص الفولي للي بيحصل وهو مرعوب ،،،،،،