رواية احنا الزنبوا
الفصل الثالث 3
بقلم محمد منصور
وفي الوقت دة تعلن دقات الساعه عن 12:ص. مع ان الساعه كانت 4 عصرا ولكن دة ما منعش اللي حصل. وهو ان حازم بيصرخ ويصرخ ويخرج من صورته الادميه ويتحول الي زومبي شكله مخيف ومريب بص الفولي للي بيحصل وهو مرعوب وقال ل حازم
ولا ايه اللي بيحصل لك ده
لكن حازم ما يردتش ويهجم عليه ويحاول ان يغرز انيابه في رقبته ولكن الفولي يبعدة بعيد عنه ويجري برة الاوضة ويقفل الباب وراء منه واول ما الفولي يدخل اوضة يلاقي نفسه الحاكم
سين اللي قاعد علي عرشه وقدام منه تقف ماري متسلسله بالحديد والفضه وقد تحولت الي زومبي بص لها الفولي وقال
كنت فاكرة انك هاتقدري تهربي مني دة انا ملك ملوك الزنبوا
تصرخ ماري وتهيج وتحاول الافلات من الحديد ولكنها لاتستطيع فيقول الفولي لرجاله
خدوها علي الزنزانه
وياخذها رجال الحاكم وهي تصرخ بشدة ويخرجوا بيها من قصاد الحاكم وبعدها بص الفولي الي جونسون وقال
بعد يومين من النهاردة جهز المقبرة وجهز المراسم لدفن ماري
جونسون
حاضر. بس ليه سيدي الحاكم هايستني يومين
الفولي
عشان قبل ما ادفنها هابقي عايز اشبع منها،،،،،
وتعدي الليله ومع شروق الشمس يقف الفولي قدام ماري في الزنزانه ويبص لها نظرة رغبه وماري خرجت من صورة الزومبي ورجعت ل صورتها الطبيعيه ويقرب الفولي من ماري التي كانت بتبص له وهي متسلسله بالقيود وبتقول
انت بتقرب مني عايز ايه
قال الفولي وهو بيقرب اكثر واكثر
عايزك يا احلي ما رأت عيني
ماري وهي تحاول الخلاص من قيودها
احسن لك ما تقربش مني.
الفولي وهو بيمسك ذراعها
هاقرب واقرب واقرب
ماري
وعامل فيها الحاكم العادل اللي بتخاف علي الناس. ياريت اهل البلد يجيوا يشوفوك علي حقيقتك
ولكن الفولي يقطع لها ملابسها وهي تصرخ و تحاول الافلات وهو لايرحمها ويهجم عليها بلا اي رحمه وفي هذة اللحظة يرجع الفولي ل اوضة وكان نايم فوق المخدة ومقطع كيس المخدة ويترعش جسمه ويرجع لشخصيته الطبيعيه ويبص للمخدة و يقف فوق السرير ويرمي المخدة علي الارض ويقول بعصبيه
ولا يا سين افتح دخلي معاك افتح يا ابن الكلب. دي احلي حته في القصه المنيله دي
ويخرج من الاوضة ويدخل مرة تانية علي امل انه يرجع للقصة وقال لنفسه
هو سين مش عايز يلبسني ليه. افتح يالا.
وبعدها افتكر حازم واللي حصل له فقال لنفسه
هو الواد ملهوش حس لية
وخرج من الاوضة وشاف حازم لسة في صورة الزومبي وقدام منه جثه راجل وبياكل فيها بص له الفولي وحازم بص له بطرف عينه وقال
ما تيجي تاكل يا بابا
الفولي بقرف
أكل أيه. يخرب بيتك
حازم
تعالي بس بسم الله. تحب الورك ولا الصدر
الفولي
ورك ايه وصدر ايه انت بتاكل فراخ.
حازم وهو بيقطع حته من ورك الراجل وبيمد ايدة بيها للفولي
خد بس دوق دي. عسل كدة وملبسه
الفولي كان هيرجع وقال
طيب هاجيب ملح وارجع لك.
وما كنش الفولي مصدق اللي شايفة وفجاة شاف حازم بيدخل راسة جوة معدة الراجل وبيقول
فين المنبار بتاعك
الفولي
هي حصلت كمان للمنبار. ده هايخلص علي الراجل خالص. يارب يخلي حاجه لاهله عشان يدفنوها
وفي نفس الوقت يسمع رن جرس باب الفيلا راح الفولي وفتح الباب فلقي جميل صاحب دار النشر وهو في حاله يرثي لها. وقال
استاذ فولي. فين حازم
الفولي
خير يا جميل مالك
جميل
مصيبه مصيبه
الفولي
خير. قلقتني
جميل
القصه أطبعت لوحديها وحد نزلها للشارع
الفولي
انت بتقول ايه
جميل
بقول لك اللي حصل ما حدش بيقرأ القصه دي الا وبيحلم بابطالها
الفولي
انت كمان اتلبست
جميل
اة. انا كل ما دخل اوضتي الاقي نفسي واحد اسمه جونسون
الفولي وهو يضحك
انت جونسون. ده انت مهزق خالص
جميل
انت بتضحك يا استاذ فولي ده انا مراتي قرأت القصه وبقيت واحدة اسمها ماري
الفولي فرحا
انت مراتك ماري. طيب تعالي نروح لها بسرعة
جميل باستغراب
اشمعني
الفولي
المفروض اني بغتصبها دلوقتي. بس الواطي سين خرجني برة القصه. عشان يكمل معها لوحدة
جميل
انا دلوقتي فهمت ليه لما صحيت لقيت هدومها مقطعه وشعرها منكوش وبتصرخ
الفولي
وسيبتها لوحديها. اديني العنوان انا لازم اروح الحقها
جميل
وماروحش انا ليه.
الفولي
ما ينفعش تروح انت بلاش تخلي القصه تبوظ مش انت عايز حازم. هتلاقي جنب المطبخ بيتغدي سخن لك رغيفين وروح اتغدي معه وانا هاروح الحق الاغتصاب من اوله وهرجع احكي لك
جميل
خلاص ماشي ربنا يقدرك علي فعل الخير
الفولي
حبيبي انت. عنوانك بقي
فيقول له جميل العنوان بمنتهي الغباء ويروح جميل ناحية المطبخ و الفولي قال له
خلي بالك من وركك
جميل
اشمعني
الفولي
هاتطلع وتعرف، ،،،،،،،
وبعدها بساعتين ومن جوة فيلا الفولي يقعد حازم ودماغه مفتوحه وبتجيب دم دة بعد ما رجع لصورته الانسيه ومعه جميل ووركه مقطوع منه حته وبيجيب دم وقصاد منهم يقعد الفولي وكانت دماغه مفتوحة وذراعه وشكله واخد علقه محترمه والثلاثه بيبصو لبعض وقال الفولي لجميل وهو بيتوجع
اه يا ضلوعي. انت اتجوزت انثي العجل دي علي كام مرة
جميل وهو يتوجع
اة يا وركي. ماكنتش كدة قبل الجواز كانت رفيعه
الفولي صارخا
كداب. وابن كلب كمان. اللي شوفتها النهاردة يستحيل تكون في يوم من الايام رفيعة. دي ولية عشان تنام لازم تنام علي سرير متصب خرسانه
حازم
للدرجه دي يا بابا
الفولي
واكتر من كدة. ده انا كنت رايح اغتصبها
وعيط الفولي وقال
هي اللي اغتصبتني.
ووقف الفولي بالعافية وراح ضرب جميل وقال
متجوز المرحومه ماري منيب يا كلب المعيز
وقعد الفولي علي الارض وهو ليتوجع وقال
تعالي شوف اللي حصل لي يا رجب. ما بقيتش انفع لراجل ولا ست. مرات الفيل خلصت عليه يا رجب
حازم
خلاص بقي يا بابا. وخلينا نشوف هانعمل ايه في المصيبه دي ونتخلص ازاي من القصه دي والناس اللي جواها
جميل
هو ده اللي لازم نفكر في ونشوف له حل. والا كل اللي يقرأ القصه هاتحصل له مصيبه
حازم
طيب والعمل
جميل
لازم تكتب نهايه للقصه دي بموت ماري
حازم بشدة
لا.
جميل
لا. يعني ايه.
حازم
انا بحب ماري ومستحيل اخليها تموت
جميل
انت مجنون. بتحب حد مش موجود
حازم
ماري موجودة ومسيرها تكون ليا
جميل
اعقل يا حازم. ماري دي لعنه وهاتصيب الناس واولهم انت. ولا نسيت انك قتلت وكلت لحم بني ادم زيك
حازم وهو يبحث عن مبرر
انا ماكنتش في وعي. واللي حصل ده كان غصب عني
جميل
اللي حصل ده بوعيك او مش بوعيك خطر ولازم نخلص منه وتكتب نهايه لقصه ماري وهو موتها
حازم
مش هاكتب. النهايه دي. انا هادور علي علاج لماري واخليها تخف
جميل
اتغيرت اوي يا حازم. وبقي سهل تاذي وتكون السبب في عذاب انسان عشان خاطر وهم من خيالك
حازم بغضب
ماري مش وهم ومسيرك تشوفها
ويخرج حازم ورقه مكتوب في مشهد عثور ميشيل علي أبن ماري وهو جورج ويدي الورقه للفولي ويقول له
امسك الورقه دي وحافظ عليها كويس واقرها
بص الفولي للورقه وقرا اللي فيها وقال باستغراب
ايه ده
حازم
ده جورج ابن ماري و ابني
بص الفولي للورقه مرة تانية وقال
ابن ماري ورقه. لية هي ماري دي كراسه. وانت غلط معها وازاي حصل الحمل قعد تفر في الورق
حازم بحزم
بابا انا مابهزرش انت قريت المشهد كويس وهاتكون جوة المشهد ده في اقرب وقت طالما القصه بتلبس اللي بيقرها وهتلاقي جورج وهاتخرج بي للدنيا بتاعتنا وتربي وانا هادخل القصه وادور علي علاج للفيرس وهاخرج من القصه ومعايا ماري وهي سليمه وانا كمان سليم
ضحك الفولي وقال
حمرا
حازم
هي ايه دي
الفولي
الكرفته بتاعتك حمرا. شوف بقالك كام سنه ابني واول مرة اعرف انك بتبرشم
ضحك حازم
ليك حق ما تصدقنيش بس ده اللي هايحصل
بص الفولي ل جميل لاقي نايم ضربه بالقلم صحي جميل والفولي قال له
اصحي بارك لحازم. جاب لي حفيد سطر وسطر
اتفزع جميل ويقول
في ايه بس
الفولي
مالقيش معاك حبر
جميل
حبر ليه
الفولي وهو يشيل الورقه علي كتفه زي ماتكون عيل صغير يقول
عايز ارضع الواد
حازم
يا بابا كفايه هزار
الفولي بعصبيه
ولا. بطل هبل وشوف مستقبلك واقفل باب القصه ده خالص وانسي ماري دي واعقل. واكتب النهاية اللي تخلصنا من الشر دة كله
وفي الوقت دة تقف قدام منهم ماري وتقول
ماحدش يشوف ماري ومايحبهاش
بص لها الفولي وحازم وجميل وصرخوا الثلاثه. ومن وراء منها يلاقو سين راكب علي حصانه ووراء منه الف راجل فوق الاحصنه بتاعتهم بص لهم الفولي وقال
أهلا شهر الصوم. والله بعودة يا رمضان. نفس التهيأت دي بتجي لي قبل الفطار بنص ساعه
وصرخ الفولي