رواية احنا الزنبوا
الفصل الرابع 4
بقلم محمد منصور
وفي الوقت دة تقف قدام منهم ماري وتقول
ماحدش يشوف ماري ومايحبهاش
بص لها الفولي وحازم وجميل وصرخوا الثلاثه. ومن وراء منها يلاقو سين راكب علي حصانه ووراء منه الف راجل فوق الاحصنه بتاعتهم بص لهم الفولي وقال
أهلا شهر الصوم. والله بعودة يا رمضان. نفس التهيأت دي بتجي لي قبل الفطار بنص ساعه
وصرخ الفولي بص له سين وقال بعصبية
صه.
اتوقف الفولي عن الصراخ وبص لحازم وقال
ولا ايه. صه. دي
حازم ما رتش عليه وكان متنح
ل ماري
وقال الفولي
انت بتعمل اية دة وقته يا منحنح
ورجع بص للاف جندي وقال
هي الفيلا بتاعتي واسعه قوي كدة كلكم دخلتو هنا ازاي
سين بعصبيه
قولت صه.
الفولي بعصبيه
أسمع. انت هنا في بيتي يعني تحترم نفسك
هنا يلاقي سيوف الجنود فوق رقبته بص لهم الفولي بخوف شديد وكش من الخوف وقال
عايزني اصه بس ولا اوطي قبل ما اصة
قرب سين من الفولي وبص في عيونه فقال الفولي
ولا تزعل نفسك. انت شرفت بيتي انا الحاج واو من عيله الكاف
سين بعصبيه
صه. وقولي كه ان منه لت ف.
ضحك الفولي وبص ل حازم اللي لسة متنح ل ماري وقال
الحق يلا سين بقي عامل زي كريمة العبيطة وشوية ويقولي بطن كريمة اوجع
هنا سين قرب منه اكتر وقال
كه ان منه لت ف.
الفولي
معلش عشان باين الكيبورد عندك معلق قول كدة عايز ايه
سين
عايزك تقولي كه ان منه لت ف
الفولي
شوف انا هاقول لك الصراحه. وكل حاجه اعرفها. الموضوع يتلخص في كلمتين. يح اوبح تح كخ
سين
مك طح اغ مخ
الفولي
اح شخ قوم شطفه
سين بغضب شديد
فين ماري
الفولي شاور علي ماري وقال
ماري قدامك اهه. يا ابن العمياء
سين
فين ماري ايتها المراة اللعوب
الفولي بص لجسمه وقال
مراة لعوب هو انا شكلي ما يديش ان راجل خالص
سين
لو عرفت انك مخبيها هاقطع راسك ايتها المراة الصلعاء وهركبها مكان الشطاف
الفولي
يع
وبص سين لرجالته وقال
يلا بينا يا رجاله
واتحول سين ورجالته الي اوراق دخلت من تاني جوة القصه والفولي بيبص للي بيحصل وقال
ايه الفيلم الكرتون اللي احنا في ده. بقي هو ده الشرير بتاع القصه. مدهول وامه مرضعا شوربة كوراع
وبعدها بص لحازم لقي بيحط صباع موز متقشر في بوق ماري ويقول لها بحب يفقع المرارة
خلي بالك عشان الموز ما يوجعش بوقك ولو البزر كتير في الموزه دي اقشر لك بطيخة
ماري
خايف عليه يا ميشيل
حازم
اومال بس اخاف علي مين
ومسك ايد ماري واتنحنح فقال الفولي
في ايه يالا. تحب تخش تريح جوة علي سرير امك. واهو بالمرة تخاوي الورقه اللي خلفتها منها.
حازم
في ايه يا بابا
الفولي بعصبيه
هو ايه اللي في ايه الفيلا اتمليت ناس فجاة وسين طلع من القصه وهايقتلني وانت واقف هنا في ساعه محن
حازم
هو سين كان هنا
الفولي
اة. وعمال يسال علي ماري وهي قدامه
بصت ماري للفولي وقالت بدلع
سين ما يقدرش يشوفني طول ما انا في زمنكم ووسطكم
وحطت ايدها علي القرعة فقال
يح ايدك ساقعة
وتنح الفولي اكتر وقال
انتي ليه كدة
ماري
ليه ايه
الفولي
حلوة بطريقه مستفزة
ماري
احنا كل بنات بلادي حلوين
ضرب الفولي جميل اللي كان نايم وقال له
قوم اصحي شايف النسوان يا ابن الجربان. مش انت رايح تتجوز من الجمله وجايب اربع ستات وملبسهم جلبيه واحدة
جميل بص ل ماري
هي حلوة بصراحه
وراح مكمل نومه والفولي قال
حلوة و بس. دي حلويات بالحلاوة
ضحكت ماري اوي وقال الفولي
العب يا بحر كنت فين يا ماري لما كنت انا بعاني
ومسك ايدها وقال
عندي سرير اربعه في اربعه وكمودينو مدهون دوكو تعالي افرجك عليهم
ولسة هيتحرك بيها لقاها بتتحول لورقة بص لها حازم وقال
اية اللي بيحصل يا ماري
ماري
برجع القصة
الفولي
ولية بس كدة
حازم
خليكي معانا طالما يا ماري وجودك وسطينا حمايه ليكي
ماري
ماقدرش اعيش برة زمني. عشان كدة انا كل اللي عايزا منك حمايتي وحمايه أبني اللي عايزا يعيش في زمنكم ويبعد عن بطش الحاكم سين وتلاقي علاجي من الفيرس اللي جالي.
حازم
انا بدور علي علاجك مش عارف اوصل
ماري
لازم توصل. انا عايزا اعيش بسلام وبعيد عن الوجع. اوعدني يا ميشيل تفضل جنبي
حازم
اوعدك يا حبيبتي
وتتوحل ماري لورقة وطير في الهواء والفولي حاول يسيب ايدها لكنه ما قدرش وهو كمان اتحول لورقة ودخل جوة القصة
ومن جوة القصه الفولي كان واقف قصاد ابن ماري جورج الطفل الصغير وجنب جورج قاعد راجل عجوز مولع عود بخور وقصاد منه تمثال من العجوة كانت بيعبد في وماشي بعود البخور حوالين التمثال دة وبيقول
رقيتك واستلقيتك والطبع فيك غالب وذيل الكلب عمره ما يتدلع لو علقو في قالب وانا دفعت فيك كل اللي حيلتي علشان تبارك الكلبة روبي وتخليها تخلف واعمل من لبنها جبنه لكن انت طلعت اونطة ولازم انتقم منك
وبدا ياكل في التمثال العجوة دة وهنا يشوف الفولي حط التمثال جنب منه بعد ما كل ودانه وراح ناحية الفولي وقال
انت مين ودخلت ليه عيله الصموعه بتاعتي اللي أنا بصلي فيها ازاي تكنش انت اللي جاي تحمل الكلبة وتخليها تجيب لبن اعمله جبنه
الفولي
هو انا فين
ليشع
انت في قبيلة الزنبوا
الفولي
وانتو كلكم في القبيلة دي مش شايفني بني ادم عادي واحد منكم شايفني مراة لعوب وانت شايفني ركس وجبنه اية اللي بيتعمل من لبن الكلبه
ليشع
شكلك غريب انت من هنا استني
وبدا ليشع يشم الفولي وبعدها قال
انا عرفتك انت العدسي
الفولي بغضب
عدس ايه يا راجل يا بامية انت اسمي الفولي
ليشع
فولي او عدسي الاتنين اكل البهايم وبيجيبو النقرس
الفولي
اما انت راجل قليل الادب صحيح
ليشع اتنهد وقال
بس محترم. الخلاصه انت جاي تاخد جورج ابن ماري مش كدة
الفولي وهو بيبص للطفل
هو ده جورج ابن ماري
ليشع
هو. يالا خدوا وغور من هنا
الفولي
انت ليه لسانك طويل
ليشع اتنهد وقال
بس قصير
الفولي
انت بارد اوي
ليشع اتنهد وقال
بس سخن
الفولي اتنهد وقال
امك با ابن ال ،،،،،،،
وقبل ما يكمل الكلمه يرجع الفولي
ل فيلته ومعه جورج ابن ماري ويلاقي اهل حلوان قدام باب الفيلا وبيكسروا شبابيكها وكانو في حاله هياج شديد بص الفولي من شباك الفيلا للي بيحصل وقال ل جميل
في ايه الناس دي كلها متجمعه قدام بيتي ليه
جميل
جائيين عشان الراجل اللي قتله حازم
بص الفولي لحازم وقال بعصبية
شايف أخرتها. الناس دي لو طالتنا هانموت
حازم
انا مش مهم عندي أي حاجه المهم اني اكون مع ماري
هنا تظهر ماري من العدم وتمد ايدها ناحية حازم وتقول
وانا عايزاك معايا في زمني علشان تشفيني وتهرب من اللي عايزين يقتلوك
حازم
وانا موافق اكون معاكي
الفولي
هاتهرب وتسيبني. تسيب ابوك في مشكله انت السبب فيها وعشان مين دي
وبص الفولي لي ماري فتقول ماري
انا استاهل ان ميشيل يضع عمرة علشاني.
وتقرب ايديها اكتر من حازم وتقول
مش كدة يا ميشيل
بص لها حازم وهو زي المسحور وقال
كدة وابوة كدة
الفولي مصدوم من رد ابنه وقال
للدرجه دي هي اغلي مني عندك دة هي وهم لكن انا الاساس
حازم
مافيش حد في حياتي يستاهل حبي الا ماري
الفولي ماتت ضحكته وقال
وانا
حازم
انت حبيبي بس ماري عمري
وانكسر باب الفيلا ودخل اهالي حلوان الي الفيلا وهم منفعلين جدا وغاضبين بصت ماري لحازم. وقال
مافيش وقت جاهز تعيش معايا في زمن غير زمنك ومكان غير مكانك ووسط ناس غير ناسك
حازم
جاهز.
ومسك حازم ايد ماري ودخل للقصه والفولي قلبه بيتقطع وتنزل لاول مرة الدموع من عيونه وبص ل جورج وجميل قال
يلا نهرب من باب المطبخ انا عربيتي واقفة برة
الفولي
والطفل دة نسيبة
جميل
هتعمل بي اية
الفولي وهو بيحضن الطفل
كفاية انه من ريحة حازم
وبدات الفيلا تولع والفولي هرب ومعه جورج وجميل وبص علي الفيلا ل اخر مرة من شباك العربية الخلفي وشافها والنار بتاكل كل حتة فيها واتحرقت القصة واوراقها وما بقاش الفولي عارف هيشوف حازم تاني ولا لا ،،،،،
وعدت سنين كتير والصغير كبر والكبير بقي عجوز ووصل جورج لسن الشباب والغريب انه بقي شبه حازم بالظبط والفولي بعد ماكان صاحب املاك وغني اصبح رجل بسيط عايش في امبابه وفتح سنترال صغير بقي ياكل منه ويشرب وربي جورج. وغير اسمه لحازم وفضل عقله وقلبه متعلق بحازم وحشه ابنه الوحيد مع انه باعه لكنه ابنه وحازم كان بالنسبه للفولي مش ابن وبس لا كمان صاحب. لكنه حب حازم الصغير زي ماكان بيحب حازم الكبير. لكن حازم الصغير طلع مجنون تمثيل وغاوي سيما وكل مايتفرج علي فيلم يتجنن بي. وفي يوم والفولي قاعد في السنترال دخل عليه حازم وبص للفولي بغضب شديد وقال له
ان ابن مين يا علي يا اعرج
الفولي
علي يا اعرج. انت اتفرجت علي المولد
حازم
انطلق وقول مين الست اللي بتظهر لي وراء ازايز الحاجه الساقعه
الفولي بزهق
دي امينه شلباية امك. يا ابن الهبله
حازم
يا جدي بقي طلعتني من الشخصيه
الفولي
ارحمني بقي من تمثليك اللي يفقع المرارة
حازم
طيب بلاش المولد اسمع دي
بطه مش ليك يا مرزوق.
الفولي
طيب حاضر
حازم
ايه رايك. انفع اكون نجم الجيل
الفولي بزهق
انت تنفع تكون كيس جيل. ممكن بقي تطلع تعمل الغداء
حازم
هو انا اللي عليه الدور النهاردة
الفولي
اة انت.
فيبوس حازم راس الفولي ويقول
عيني ليك يا فولي
الفولي
تسلم عيونك
وخرج حازم من السنترال وهو بيعدي الشارع تخبطه عربية شاف الفولي اللي حصل وجري ناحيه حازم علشان يشوف حازم، ،،،،،،،،،،