رواية الجريمة
الفصل الثالث 3
بقلم شيماء طارق
عند ادهم ...............
ادهم شارد الذهن .........يدخل عليه فجاه عمر ..
عمر : ادهم ..ادهم ....بصوت عالى ...ادهااااااااااام
ادهم يستفيق من شروده : اى يا زفت انت
عمر : بقالى ساعه بنده عليك
ادهم : عايز اى
عمر : عندى فكره للقضيه
ادهم بسرعه : قول مستنى اى
عمر : احنا بنتعامل مع مجرم واحد وخطير ومش بيسيب اى دليل وراه ....
ادهم : انت جاى تعرفنى الى انا عارفه
عمر : استنى يابنى ادم واسمعنى .........طبعا هو دلوقتى اكيد عرف انك ماسك القضيه
ادهم : وانت عرفت ازاى
عمر بتلقائيه : اكيد يعنى الكل عرف وواحد زى دا مبيسيبش دليل وراه اكيد بيتابع اخبار القضيه
ادهم : كمل
عمر : فى الجريمه رقم 9 مكتوب فى الورق انهم كانو لاقو دليل سلسه مكتوب عليها دنيا
ادهم : انت بتقول اى ...وراح فين الدليل دا
عمر : اختفى ...
ادهم : اختفى ازاى !!! يعنى اى اصلا اختفى
عمر : ما دا الى انا جاى عشانو ........انا بقول يعنى مجرد تفكير اقتراح يعنى ...
ادهم : قول الى انت عايزو على طول
عمر : احتمال كبير يكون القاتل....
ادهم مقاطعا اياه : احتمال يكون القاتل على صله بحد من هنا ...من الدخليه يعنى
عمر : هو ده بالظبط
ادهم : وهو ده الى انا بشتغل عليه
عمر : طيب هنعرفو ازاى
ادهم : هو الى هيكشف نفسو لينا بس احنا زى ما احنا موصلناش لحاجه فى القضيه ومحدش يعرف احنا بنفكر ازاى
عمر : اكيد طبعا
ادهم : تمام بلغ فارس وحسام وعرفهم اننا هننزل المنصوره
عمر : المنصوره !! ليه
ادهم : اى يا عمر انت ناسى ان ده مكان اخر قتيله
عمر : طيب هنروح ليه
ادهم : امشى من قدامى يا عمر .........قبل ما ادهم يكمل كان عمر مشى فعلا
(عمر شخصيه مزيج من هزار وضحك وجد بس بيعرف يفصل ما بينهم وقت الجد وبيحب يضيف المرح فى اى حاجه)
________________________________
فى شركه الشناوى .......
وصل عماد الى الشركه فاسرعت اليه السكرتيره
عماد : فى مواعيد النهارده
سهى (السكرتيره) : مفيش غير اجتماع الساعه 2 مع الوفد الامريكى
عماد : بس انا مش قلت نلغى الصفقه
سهى : ايوه يافندم بس ..احنا كدا بنفتح علينا نار حضرتك عارف الشركه دى
عماد بغضب : انا افتح نار اقفلها انتى ملكيش دعوه الاجتماع يتلغى وانا مش هتعامل مع شركه مشكوك فى امرها. .....على مكتبك
سهى : تحت امرك يافندم
بعد خروج سهى .......عماد فى نفسه : انا كنت ناقص مش كفايه الى فى البيت اوووف
.............................فى مكتب سهى
سهى تتحدث فى الهاتف : مرديش اعمل اى يعنى ......مش ذنبى حاولت احطه قدام الامر الواقع بس مصمم بردو .........انت اكيد مجنون انا مقدرش اعمل كدا................لا بس متقوليش حطى نفسك فى النار انت ناسى هو مين...............اعمل الى تعملو بس انا مش هلعب من وراه تانى ........من غير سلام
.........قفلت التليفون وكانت متعصبه قوى ورميته على المكتب قدامها وملاحظتش الى بيرقبها.......
________________________________
فى المزرعه ............
الفت : صباح يا صباح
صباح : نعم ياهانم
الفت : هى ميرا فين مش شيفاها
صباح : مخرجتش من اوضتها ياهانم
الفت : طيب روحى انتى وانا هطلعلها
صباح : حاضر ياهانم
توجهت الفت الى غرفه ميرا وتركت الباب حتى استمعت الى اذن الدخول فدلفت الى الداخل
الفت : عامله اى دلوقتى ياحببتى
ميرا بتوتر : الحمد لله
الفت وهى تتقدم نحوها : متخافيش منى انا زى والدتك انا جايه اطمن عليكى ليه ديما بشوف الخوف فى عنيكى
ميرا محاوله لكبت دموعها : م...مفيش حاجه انا كويسه
الفت : انا مش هضغط عليكى بس انتى وقت اما تحتاجى تتكلمى هتلاقينى
ميرا : م.ماااشى
الفت : متزعليش من عماد ابنى هو عصبى بس طيب والله
ميرا : مش زعلانه خلاص
الفت : تقدرى تقعدى معايا وقت متحبى انا زى ما انتى شايفه قاعده طول اليوم لوحدى لحد اما عماد يرجع من الشغل
ميرا : حاضر
الفت : طيب هسيبك ترتاحى وابقى انزلى تحت المزرعه حلو قوى وهتريح اعصابك
ميرا : ماشى
__________________________________
فى فيلا السيوفى ........
عصام : يعنى اى مش لاقى بنت عمك
منير : مش لاقيها يا بابا فص ملح وداب
عصام : اقلب الدنيا عليها لازم تلاقيها باى تمن عايزه تحت رجلى فى اسرع وقت
منير : ما انا بدور والله مش ساكت
عصام : اما نشوف ....وتركه وغادر
(عصام السيوفى ......عم ميرا جشع بيحب الفلوس و مستولى على فلوس اخوه الله يرحمه بيحب المظاهر ومبيكرهش فى حياتو قد ميرا
منير السيوفى .......ابن عم ميرا رائد فى الشرطه نسخه من ابوه بس زياده عليه انو بيحب ميرا بس حب تملك حب لفلوس ميرا مش عايزها الا عشان الفلوس وانو يتجوزها بحجه ان هو اولى من الغريب وان هو الى يكوش على كل حاجه )
منير فى نفسه : ما انا قلبت عليها الدنيا هعمل اى تانى بس والله ما هسيبك ياميرا ويا انا يا انتى يا بنت محمود
___________________________________
عند ادهم .........
وصل ادهم وفريقه الى المنصوره
حسام : الجو هنا تحفه
عمر : اه تحسو بيريح الاعصاب ........هما فى مكان قريب من الفلاحين خضره ومنظر الارض وهى كلها زرع وكدا
فارس : هو مينفعش ناخد اجازه ونقعد هنا
عمر : يااااااريت
حسام : انا هموت وانام انا منمتش من امبارح
فارس : متقلقش من الناحيه دى طول ما احنا مع ادهم مش هنام
ادهم بعدم رضا : مش هتبطلو بقى الاسلوب بتاعكو دا
عمر : يا ادهم يعنى هنعمل اى
حسام : اعمل خط وامشى عليه
فارس : شكلكو هتتعجنو دلوقتى
.....انتبهو جميعا لادهم الذى بدئت تظهر عليه ملامح الغضب
عمر : والله ما انت قايل حاجه
ادهم : على مكان الجريمه يلا
حسام : يا ادهم ما احنا جينا هنا مره وملاقيناش حاجه هنعمل اى تانى يعنى
ادهم بنفاذ صبر : هنعاين المكان تانى يلا بقى بلاش وجع دماغ
الشباب بقله حيله : تمام
.........................ذهب الشباب الى مكان الجريمه واخذو بفحصه مره اخرى ويفحصون الاماكن المجاوره والقريبه له
ادهم وهو بيحاول يدور على اى حاجه .....بص قدامو فجاه لاقى حاجه بتلمع .....جرى عليها وجرى وراه الشباب وطى جابها لاقاها سلسله على شكل مصحف وبتتفتح
فارس : ممكن تكون للقتيله
عمر : اكيد ليها
ادهم : وانت رايك اى ياحسام
حسام بتفكير : هى لو للقتيله كانت هتبقى قريبه من مكان ما لاقينه الجثه مش بعيد عنها با امتار ولو للقاتل فا احنا مش بنتعامل مع اى حد احنا بنتعامل مع شخص ذكى و اكيد مش هيستخدم حاجه او هيلبس حاجه ممكن تقع منو وتكشفو لينا بسهوله
ادهم بابتسامه : بالظبط كدا
فارس : انت تقصد ان دى لحد تانى خالص
حسام : والحد دا هيبقى شاف الجريمه
عمر : ومن خوفو قرر يجرى وممكن يكون القاتل احد بالو منو وقرر يخلص عليه
ادهم بذكاء : بس مفيش جثث ولا جرايم تانى اتعملت يعنى اكيد صاحب السلسله مختفى
حسام : واحنا هندور عليه
فارس : شكلنا مطولين هنا
ادهم : احنا هنقرب واحده واحده بس اهم حاجه السريع التامه مش عايز كلمه تطلع لمخلوق حتى لو اهلك ..........انتابهه شرود عمر
ادهم : عمررر ...يا عمررررر
عمر بانتباه : ايوه يا ادهم
ادهم : اى بتبص على اى
عمر : بص كدا يا ادهم هنا
ذهبو جميعا حيث اشار عمر
فارس :فى اى
نظر له حسام مستفهما بينما نظر عمر لادهم
ادهم : اثار الجرى وبعدين التراب الكتير وبعدين الجرى تانى دا بيدل ان الى شاف الجريمه قدر يهرب
حسام : معنى كدا اننا هنستبعد احتمال ان القاتل يكون مسكوه
ادهم : احنا هنوصل لصاحب السلسله
فارس : ازاى
ادهم وهو يحاول فتح السلسه : من هنا
نظرو جميعا له مستفهمين ....ووجدو ادهم يحاول فتح السلسله وفتحها بالفعل
ادهم : دى فيها صوره طفله صغيره
عمر : لا يارب لا كتقوليش ان احنا هندور على الطفله
ادهم بثبات : دا الى هيحصل .........يلا ملناش لازمه هنا تانى
حسام : هنروح فين
ادهم : هنروح عند. خالتى هى هنا فى المنصوره ومتخافوش هتلاقو مكان تنامو فى
فارس : الله يسترك
ادهم : طيب يلا
_____________________________
فى المزرعه .......
رجع عماد ووجد والدته تجلس فى انتظاره
عماد : مساء الخير يا ماما
الفت : مساء النور ياحبيبى اطلع خد شور لحد اما صباح تخلص الغدا
عماد : حاضر ..بس هى ميرا فين
الفت : مخرجتش من اوضتها من ساعه اما انت مشيت
عماد : طيب خليها تنزل تتغدى معانا مش هنعذبها يعنى
الفت : حاضر بس براحه عليها دى خايفه خالص
عماد : ماشى يا امى رغم انى مش مرتاحلها وتركها وصعد
.....................وصل ادهم امام مزرعه الشناوى وفتح له الحارس ودلف الى الداخل ثم ترجل من السياره ...ورن جرس الباب
صباح بعد ان فتحت : اتفضل يا بيه
الفت : مين يا صباح
صباح : دا ادهم بيه و معاه ضيوف
الفت وهى تسرع اليه : ادهم حبيبى كدا متجيش تشوف خالتك