كان راجع سيف بطلنا من شغل بعد يوم طويل و مرهق خاصة انه كان أول يوم في رمضان
سيف "حنان فينك يا حنان"
حنان "انا هنا اهو يا سيف في المطبخ بحضر الفطار"
سيف "طيب بسرعة يلا علشان انا واقع من الجوع"
خرجت حنان من المطبخ و بصت لسيف و قالتله "هو انت قولت ايه علشان مسمعتش"
سيف "جرا ايه يا بنتي بقولك واقع من الجوع"
حنان حطت ايدها في وسطها وقالت "ازاي بقى مهو انت واقف عادي اهو "
سيف فتح بقه علشان يتكلم بس ملحقش لأنه سمع اذان المغرب
حنان" يوه يا سيف عطلتني عن الفطار طيب هجري اطلع الاكل من الفرن بسرعة علشان ناكل "
سيف" خدي وقتك عادي كده كده لسة هدخل اتوضى و اصلي المغرب"
حنان "تقبل الله"
سيف "منا و منكم ان شاء الله "
سيف دخل الحمام يتوضى اما حنان فبدات تخرج الاكل برة على السفرة و بعد شوية كانوا الاتنين خلاص صلوا و قعدوا علشان ياكلوا بس ابدا مينفعش تعدي كده التليفون بتاع سيف رن فمسكه علشان يشوف مين لقاه اللوا اه صح معلش نسيت اعرفكم سيف الشاهد ظابط و عنده٣٤ سنة و دي جنان اقصد حنان مراته ظابط هي كمان و عندها ٣٢ سنة بس عقلها ده مش موجود تحسوها طفلة ندخل في موضوعنا بقى
سيف قال بضيق "يوه اتفرجي يختي اللوا بيرن"
حنان "اوبا يعتب فيه مهمة جديدة مجنونة"
سيف "بت انتي هابلة صح"
حنان "جرا ايه يا شق هو انت اول مرة تعرف اني هابلة و لا ايه المهم رد بقى"
سيف حدف التليفون من ايده على التربيزة و قال "ما تفهمي بقى احنا لسة مفطرناش و لو ردينا مش هنفطر في يومنا اللي مش معدي ده"
حنان" خلاص رد و عرفه أن احنا بنفطر"
سيف" تمام ماشي هرد عليه اهو و ربنا يسترها من عنده"
سيف مسك التليفون و رد و قام فاتح الاسبيكر و قال "ازيك يا سيادة اللوا كل سنة و انت طيب ما تيجي تفطر معانا يا باشا ده احنا عاملين حبة ملوخية تستاهل بقك "
حنان قعدت تضحك على كلامه اما اللوا فحم حم باحراج و قال "لأ لأ شكرا مبحبهاش صيام مقبول بالهنا و الشفا المهم يعني في مهمة جديدة"
حنان "متقول مرة حاحة عدلة كل مرة اخبارك شبه وشك كده "
اللوا" تقصدي ايه يا حنان "
حنان" هه لأ ابدا يا باشا اللهم اني كنت صايمة من شوية اسكت يا لساني"
سيف "المهم يا باشا مقر المهمة دي فين المرادي"
اللوا هو يعني مكان غريب شوية ما اظنش انكم تتوقعوه"
حنان" ليه يعني يا باشا محسسني انه في الهند"
اللوا "هو الصدمة بقى انك قربتي انتوا المهمة المرادي هتكون في اليبان"
سيف "نعم بتقول ايه قول تاني كده علشان مسمعتش"
حنان "الحق ده بيقولك المهمة في اليبان هو البانجوا لحس دماغه و لا ايه "
اللوا" حنان الزمي حدودك انا مبشربش القرف ده "
سيف" معلش يا باشا بس شوف برضه انت بتقول ايه "
اللوا" انا مالي دي أحكام من الأجهزة العليا مش انا اللي بقولها "
حنان" احم احم اسفين يا فندم بس هو على كده يعني هتبقى بعد العيد بقد ايه "
اللوا" هو هو يعني المهمة مش هتبقى بعد العيد اصلا "
سيف" اومال هتبقى في العيد مثلا "
اللوا" لأ المهمة هتتعمل بكرة "
حنان "لأ انت كده زودتها و بزيادة "
اللوا" كلمة كمان يا حنان و مش هتبقي ظابط اصلا "
سيف" تمام يا باشا هنكون عندك قبل الفجر نتكلم و بعدها نصلي الفجر و نطلع على المهمة بإذن الله "
اللوا" تمام اتفقنا يا سيف و عقل مراتك مينفعش الهبل ده "
حنان" ماشي ماشي يا سيف اما نيمتك على الكنبة انهاردة مبقاش حنان"
سيف قفل مع اللوا و قعدوا ياكلوا في صمت و ده مش من عوايد حنان خالص و بعد ما خلصوا الأكل قرب سيف من حنان بالكرسي بتاعه لحد ما بقى الكرسيين لازقين في بعض و قال" طيب بقولك ايه بما ان احنا نازلين مهمة و كده ما تيجي نعيد امجادنا علشان مش هتعرف نعيدها الفترة الجاية"
حنان "سيف! احنا في رمضان"
سيف "و ماله ما المغرب لسة مأذنش يا حياتي"
حنان "انا على مبدأي و هتنام على الكنبة برضه"
سيف "يوه بقى هو انتي كده علطول طيب قومي ننزل نتمشى في الشارع و هي الدنيا مضلمة كده شوية علشان نحس بأجواء رمضان و بالمرة اعزمك على عصير "
حنان "تمام ماشي يلا بينا"
نزلوا الاتنين من البيت و مجرد ما وصلوا السوق اللي في بلدهم جت عربية سودة و خطفتهم الله اكبر و هما الاتنين كانوا عمالين يصرخوا و محدش سامعهم خالص"
يتبع