رواية مصريه سمراء الفصل الثالث3 بقلم جمانه السعيدى
سناء..محمود عاف الكارت الي علي الاسم والعنوان ونزل لان ابوي اتاخر
وامي اكلت كلبه بلاسئله شلون وشلون وانت جاي على سناء وسناء طيبه بس احنا ضروفنا صعبه
نزل محمود وامي رجعت عليه
امي...يمه سناء وين شافج
سناء...يمه معليج بي هذا يمكن شارب هسه يصحه على نفسه وبعد مايرجع
امي...لا شنو شارب رجال متزن ومقدر الكلام الي جاي يحجي
سناء...يمه لا ادوخيني اذا رجع مره ثانيه اتفلي بوجهي
امي...راح يرجع وشوفي اني كلبي يكلي راح يرجع
نص ساعة واجا ابوي وامي من الباب بدت تسولف على محمود
وتحجي وما سكتت ولا دقيقه
ابوي...خاف جاي تحلمين انتي وبتج
امي...لا مااحلم صدك احجي صدك
ابوي...هيج مواصفات وجاي على سناء
سناء...ولله ماادري امي بسرعه تصدك
ايجوز لحكني عباله عدنا فلوس لو ذهب يبوكهن من شاف الشقه طلع موضوع الخطبه ونهزم منا
ابوي...ايحوز
امي...ليش مستكثره عليه الحلم جاي احلم مايصير
ابوي...يعني حلم موحقيقه
امي...لا حقيقه صدكني حقيقه
جمانه السعيدي
سناء.... بليل مااجا محمود وهذا الشي اكد ضنوني
اكيد هو ما كان قصده يخطبني بس اكو شي بدماغه
ثاني يوم امي طول النهار تشتغل ودردم
ليش مااجا ليش غير رائيه اكيد سئل الجوارين وحجو عنا كلام موحلو
اي سناء وين ما تروح تتعارك ايجوز خاف منها تتعارك وياا اهله ليش بطل جان مبين علي يحجي صدك مو جذاب
ثاني يوم بليل اندكت الباب
كمت فتحته شفت محمود لا بس بدله سوده وقميص ابيض وشايل بايده ورد
محمود....مساء الخير ابوج موجود
سناء...اي موجود تفضل
دخل واني كمت اباوع علي وارجع اباوع على نفسي
اني لأبسه تراك بنفسجي طوخ واني سوده من هاي التركات العاديه وتعبان كلش هلكد ما لابسته بي زرف من يم الركبه
ورابطه شعري وبيدي كوب اشرب جاي
دخل وبقا واكف اني انتبهت كاعده اباوع علي وهو واكف منتضر ادخله على ابوي
سناء....بابا اجا محمود
ابوي.. منو محمود
امي...يااهلا وسهلا هله بمحمود تفضل
ابوي طلع اهلا وسهلا دخل جوه ابوي يباوع علي باستغراب
هذا جاي يطلب ايد سناء مو معقوله
محمود...اتشرفت بمعرفتكم
ابوي...اليه الشرف سناء جيبي جاي المحمود
محمود...شكرا اني هسه شربت جاي واجيت
ابوي...لازم نضيفك
محمود.... اني مجاي اجربكم اني جاي اطلب ايد سناء
اذا ماعندكم مانع
ابوي....انت متاكد تريد تطلب ايد سناء هاي سناء انت شفتها زين
محمود...اي شفتها واريدها واني مراح اكلف عليكم شي ابد
اني الي راح اجهز كلشي
( بمصر تجهيز العرس نص على العريس ونص على العروسه العريس علي الشقه والذهب والملابس والعروسه
عليها اثاث البيت )
محمود...اني متكفل بكلشي انتم بس عليكم الموافقه
ابوي.. بس نريد نسئل عنك الاول
محمود....اي مو اني عفت الكارت عدكم من البارحه
حتى تسئلون عني
امي...اي سؤال من رخصتك يمه
سناء..امي أخذت ابوي وراحت على صفحه
واني بقيت كاعده كبال محمود بس ماحجينا ولا كلمه
امي...انت اكيدتخبلت اي سؤال انت ماتشوف منضره ووضعه وجاي يكول على تجهيز كلشي
انت تريده يشرد منا
ابوي.. اتأكد بس خاف يطلع زعيم عصابه
امي...اي خل يطلع زعيم عصابه ويصرف عليها وعلينا
احسن ما تبقى مكابلتنا وكاعده
ابوي...يعني شنو
امي...وافق وافق واذا يكدر يجيب الماذون هسه ويعقد
بعد احسن خاف بطلع ويغير رائيه
جمانه السعيدي
ابوي...اني ما مسؤل انتي الي اختاريتي
امي...بس وافق اني توقعت بعد مايرجع همزين رجع علينا
سناء...رجع ابوي وكال اني وام سناء تناقشنا
وموافقين
محمود...حدد المهر واني باجر ادزلكم الفلوس ويمتى نكدر نعقد
امي...باجر نعقد واذا تحب هسه نعقد
محمود...لا باجر اجيب الشيخ وشهود ثنيين ونعقد واسلمكم المهر
محمود...تمام باجر موعدنا بليل
سناء......طلع محمود...واني بس اباوع بعيوني ومانطقت ولا كلمه عبالك جاي اشوف فلم
ابد ما مصدكه بلشي الي جاي يصير
البنيه الي نقلت القصه تكول اني صديقة سناء
اجت حجتلي عن موضوع الخطبه وطلبت مني فستان تلبسه بلعقد
اني كنت فرحانه اكثر منها انطيتها احلى فستان عندي
وحفيت وجها وشسورت شعرها وخليتله دهن حتى يصير ناعم وعطرتها
ورحت وياها اريد اشوف شكل محمود شلونه
فعلا اجا محمود وجاي وياا شهود ثنيين والشيخ
ابو سناء اخذه على صفحه
ابو سناء...انت ماعندك اب اخ اهل يجون وياك
محمود...اني ابوي ميت وماعندي اخوان
بس اني معروف اذا تسئل عني
ابوي...هاي هي تمام
جمانه السعيدي
عقدالشيخ المحمود وسناء
هذا العقد جان حديث المنطقه الناس من شافت العريس
كلها متعجبه
شلون هذا الأفندي الكشخه وصاحب هاي السياره
الحديثه
يعوف كل هاي البنات ويتقدم السناء
شنو أعمى خوما اعمى
والناس انجنت اكثر من عرفو محمود انسان غني وصاحب فلوس وارثها من ابو
كل البنات الي جانن يضحكن على سناء كامن يحسدنها
ويمنن هنا بمكانها
محمود....مبروك سناء من باجر راح تجيج سياره ترحين للصالون اني فهمتهم على كلشي
سناء..اي تمام
محمود...هذا تليفون اذا احتاجيتي شي اتصلي عليه
سناء.. هذا التليفون الي
محمود.. اي
سلم محمود الابوي المهر وطلع
ام سناء ماكدرت تنام لا هي ولا ابوها بذيج اليله
هاي الفلوس مهر سناء
شكد كريم رب العالمين الي لطف بحالها
اسبوع كامل سناء كل يوم تجي سياره تأخذها للصالون
معالج شعر وتسريح
ترطيب بشره تنضيف للجسم تنضيف اقدام
الحد ما شكلها كله تغير
وصارت وحده ثانيه
من توكف السياره والسائق ينتضر سناء
النسوان بلمنطقه يسمعنها حجي
الي انطاج ينطينا شلون عليج حظ
اما الرجال يكولون هذا اكبر مغفل واكيد سناء جابته بلسحر
والبنات يكولن اكيد سناء لكت الفانوس السحري
المرحله الثانيه كانت تعديل أسنان سناء
بدت تراجع علمود اسنانها وكل التكاليف على محمود تغير شكل سناء
اكيد يعني مو مارلين مونرو بس شكله صار مقبول
اكثر
اما الملابس محمود دزها على اكبر سنتر
تشتري ملابس راقيه تليق بي وبمكانته
والذهب اشتغلو خصيصا الها شي يتوالم وياا تقاطيع وجها واديها
كل هذا الشي الي جاي يصير وسناء تمشي بدون وعي
ابد ما مصدكه
الناس الي جانت يحجون عنها
كلهم يحسدونها على هذا الوضع الجديد الي صارت بي
بعد ٣ اشهر من العمل على تغير شكل سناء اتغيرت شويه
يعني تغير بسيط مو هواي
هنا سناء كامت تشوف نفسها على بنات المنطقه والاقارب
بسب محمود والسياره الي تجي كل يوم تأخذها وترجعها
والملابس الراقيه الي تلبسهم كل يوم
حدد محمود سوم الزواج وكان الزواج بقاعه جبيره
وعزم كل الأصدقاء والاقارب
محمود ماعنده لا اخوان ولا خوات وحيد اهله
امه متوفيه من زغير وابو صمم يربي ويتعب علي
الابو ماكان وضعه الصحي احسن مايكون
بعمر ١٨ سنه ابو محمود مات
هنا محمود استلم كل التجاره وبدا يشتغل ويكبر حلال ابو
كانت حفلة زواجهم غير
حتى سناء طلع شكلها غير
بعد مالبست باروكه حتى يبين شعرا ناعم وحلو
وعدسات حتى يبين عيونها كبار وحلوات
ورموش والجسم كله اندهن بكريم تفتيح والفستان كان راقي بشكل والحذاء أحدث موديل
والعطر فاخر
جمانه السعيدي
حتى اهلها وصلتهم ملابس راقيه حتى يحضرون العرس
بعد ما خلصت الحفله
محمود اخذ سناء وراح للفله الي ساكن بيها
صح ماكانت كلش جبيره بس حلوه
سناء من دخلت بقت منبهره شنو هذا المكان
كلشي كان جديد وغريب بلنسبه الها
المهم دخلو جوا امها تمشي وياها
بس ماحجت ولا كلمه لان مجانت مصدكه الشي الي جاي تشوفه
محمود...تفضلي هاي غرفة النوم
دخلت سناء هي وامها
سناء...يمه جاي تشوفين
ام سناء...اي يمه صلي على النبي لا يطلع حلم
سناء...اكيد حلم امي معقوله هذا حقيقي
امي...اي حقيقي انتي زوجت محمود وهذا بيتكم
سناء....اني خايفه
امي...من شنو
سناء ...خاف هذا كمين لو مصيبه
امي...لا لا تكولين هيج حقيقه صدكي حقيقه
شوفي
سناء.. امي كامت ادك على الخشب كل قطعه من غرفة النوم ادك عليها
امي...حقيقه سمعتي الصوت
سناء.. اي سمعت الله يستر
امي..انشاء الله يستر علينا
دخل محمود.....بعدج ماغيرتي ملابسج حتى نتعشى
سناء...اي هسه اغير ملابسي
امي...اني اروح واعوفكم تاخذون راحتكم
سناء...بس افتحي البدله
امي.. اي
فتحت البدله امي وطلعت رجعت البيتنا محمود
دز السايق يوصلها
سناء...نزعت البدله ولبست سيت نوم ابيض يخبل
مانزعت العدسات ولا الباروكه ولا الرموش
حتى ابقى حلوه بعينه
خليت عطر وطلعت
محمود...يله تعاي نتعشى
سناء...شفت اكل على السفره ما شايفته كل عمري
اكلات مااعرفهن
واكو خدامه واكفه اي شي نحتاجه اجيبه النا
اكلت لمن شبعت لان جنت حيل جوعانه