رواية مصريه سمراء الفصل الرابع4 بقلم جمانه السعيدى
سناء...كاعده كباله اكل واني ما مصدكه نفسي
صدك عود هذا زوجي وهذا بيتي
اني سناء الوحش مثل ما يسموني هذا الحظ الحلو وين جان قبل
خلصنا اكل واني رجعت للغرفه
وبقيت انتضر محمود يجي وراي
ساعه وهو ماكوووو
واني بعدني بعدني لابسه والرموش والعدسات والباروكه
جني ما مصدكه نفسي
كوه متحملتهن لان ما متعوده
بس مااريد انزعهن اريد ابقى حلوه
اجا للغرفه محمود
لابس تشريت وشورت لونهن ابيض وبيده جكاره
اني كاعده على الجربايه
من دخل دنكت حسيت بلاحراج
كعد بصفي على الجربايه
محمود...هااا عجبتج الفلا
سناء...اي حلوه
محمود...وغرفة النوم
سناء...تخبل
اخذ نفس من الجكاره ونفخه بلهوا
محمود...يعني كلشي تمام
سناء...الصراحه عمري ماجنت احلم ازوج هيج زواجه
ولا اسكن بهيج مكان
محمود...اي وبعد احجيلي
سناء...بلبداية توقعت جاي تضحك عليه
لان اني عمري كله اعاني من الناس الي تتنمر عليه
حتى اهلي هم يتنمرون عليه ويضحكون
بس من شفتك جاد بموضوع الزواج حبيتك
انت انسان محترم
جمانه السعيدي
محمود...تحبيني
سناء...اكيد احبك انت زوجي راح اسعدك كد مااكدر
محمود...بس اكو شي اني ماحجيته اللج
سناء...بعد كل هذا الخير اي شي مومهم
محمود....لا لازم تعرفين شنو هذا الشي وبعدها تقررين تبقين وياي او تعوفيني
سناء...اعوفك لا طبعا مستحيل اعوفك
محمود....اسمعي بلاول وبعدين قرري
طلع جكاره ثانيه وشعلها رجع المخده وخله ضهرها عليها
صار كبالي بس اني كاعده عدل على الجربايه ومنزله رجليه
محمود....احنا راح نكون زوجين كدام الناس
سناء...احنا هسا زوجين كدام الناس لعد هاي الحفله بلقاعه شنو
محمود...اقصد متزوجين بس كدام الناس اني مراح أقرب عليج
سناء...سكتت بقيت اباوع علي
يعني شنو
محمود...اني مراح أقرب عليج طول العمر
انتي زوجتي كدام الناس وبس راح تعيشين هنا واي شي تطلبي راح تحصلي
بس علاقه جسديه بينا مراح تصير
سناء...مافهمت ليش
محمود...اني راح افهمج اني احب اكون واضح من البدايه
حتى كل واحد بينا يعرف حدوده شنوو ومايجاوز على الثاني
اني مو رجال اني فاقد للرجوله
مااكدر أقرب عليج ولا على اي وحده
سناء....صدك تحجي لو ماتريد تقرب عليه
محمود...طبعا احجي صدك
سناء.....اذا تعرف نفسك هيج ليش ازوجت
جمانه السعيدي
محمود....كان لازم ازوج منضري كدام الناس مو حلو
شاب عمره وصل للتلاثين وعنده كل هاي الفلوس
وما مزوج الكل يسئل ليش مامزوج
ليش باقي اعزب
ردت اخلص من كلام الناس وازوج حتى محد بعد
يحجي بهذا الموضوع
سناء....ليش اني بالذات
محمود...لان انتي شكلج وضروفج تسمحلج تقبلين بوضعي وتسكتين
الي مثلج جانت عايشه بشقه قديمه وحسره عليها الثوب
والاكله الزينه ما تدخل بيتهم بلشهر مره
ومو حلوه وتعاني من تنمر الناس عليها
مستحيل اتفرط بهيج فرصه
اكيد راح تتمسك بيها بكل الطرق
اني كان من الممكن ازوج وحده من الطبقه الراقيه
او حتى من الطبقه المتوسطه
بس الي مثل هيج نماذج مراح تتحمل تعيش وياي
بدون علاقه
وراح تاكل حلالي وتخوني ومراح اكدر اسوي شي
لان راح تفضحني وتكول عني مو رجال
اني ماجنت مخطط الهذا الزواج
كنت فايت بلصدفه عندي شغل وشفتج اول مره
وانت تكلبين عربانة المخضر
وتتعاركين شديتيني شكلج وطبعج غريب
مايشبه باقي البنات
بيومها من رجعت للبيت صورتج بقت ابالي وكلت هي هاي الي راح تكون زوجتي كدام الناس
والي راح تتمسك بيه
ومراح تطلع من طوعي وراح تصون بيتي
جمانه السعيدي
انتي هسه شفتي كلشي بعينج
تردين تعيشين هنا وتشوفين الدنيا وتغيرين حياتج كليا اهلا وسهلا
اذا ماتردين فتره وننفصل وارجعي البيت اهلج
سناء...ليش ما كلت هذا الشي من البدايه
محمود....اني متأكد اذا حجيت هذا الشي انتي واهلج هم راح توافقون عليه
انتي شفتي منضر امج وابوج من شأفوني
فكري زين لو مااني متقدملج بعمرج مراح تزوجين
وراح تبقين على وضعج القديم حسره عليج البس والاكل
وتتعاركين وياا الرايح والجاي
واذا اذا فرضنا ازوجتي
اكيد مراح يزوجج شاب اعزب ايجوز يتقدملج واحد عجوز
او شخص أرمل محتاج وحده تربي جهاله
هذا احسن احتمال ممكن تحصلي
بس انتي على شكلج ولبسج القديم راح تبقين بدون زواج
وامج وابوج مادايمين اللج
وأخوانج لازم يزوجون وانتي ما تعرفين شنو راح يكون مصيرج
انت لازم تحمدين ربج الف مره
لان اني اتقدمتلج اما السر الي حجتله الج قبل شويه
مااريد احد يعرف عنه شي
من مصلحتك ومصلحتي محد يعرف شي عنه
فهمتي لو لا
وهسه اعوفج تنامين وترتاحين لان اكيد اليوم تعبتي
سناء...طلع وطبك الباب ورا
واني عبالك الساني انبلع بقيت بس احرك بعيوني
ماعندي اي رد علي
كلامه صحيح ومنطقي
اني اذا مااقبل بهذا الوضع واسكت
راح ارجع البيت اهلي والوضعي القديم
الكل يضحك عليه
والكل مستزغرني راح اكون مكفخه للرأيح والجاي
لازم اقبل بهذا الوضع واسكت
وين لا كيه هيج بيت وهيج وضع واذا ماصارت بينا
علاقه عادي
وشنو يعني البس واطلع واتونس واعيش حياتي
اكيد الحلو ما يكمل واني كنت حاسه هذا الشي الي جاي يصير وياي اكيد مستحيل يكمل
طلع فعلا ناقص
كمت نزعت الباروكه والعدسات والرموش فتحت شعري
طلعت كلنس مرطب ومسحت المكياج
رجعت تمددت
واجت بدماغي اافكار
اذا قبلت بهذا الوضع بعني بعمري مراح يصير عندي اطفال
ولا راح اصير ام بيوم من الايام
واذا ماصرت ام اكو هواي نسوان ماعدهن اطفال
اعتبره عاقر وما يخلف
ليش اني ضايجه ترا هذا وضعي احسن من وضعي القديم الف مره
ووين لاكيه هيج مكان وهيج عيشه حلوه
خلاص اني هذا حضي من الدنيا لازم اقبل بي واسكت
جمانه السعيدي
ثاني يوم من كعدت مالكيت محمود بلبيت طالع للشغل
شويه واجت امي تطمن عليه
ماكدرت احجيله الشي الي صار وياي كتلها كلشي تمام
فرحت وباركتلي
امي...ليش احسج ما مرتاحه
سناء...لابلعكس كلش مرتاحه وما ناقصني شي
بس لان الوضع جديد عليه اني ما متعوده افاركم
امي.. احمدي ربج الف مره وين لا كيه هيج عيشه
سناء الف الحمد لله والشكر
سناء ..... بديت حياة جديده كلشي متوفرلي
بس محمود بعالم واني بعالم ثاني
طول النهار بلشركه ومايرجع اله وقت متاخر بليل
يسبح وينام بلغرفه الثانيه
يتعامل وياي وكانما ماموجوده
عبالك قطعة اثاث زايده بلبيت
رغم اني كلش جاي اعتني بنفسي علمود اعجبه
البس واتعطر واحاول أقرب علي بس بدون فايده
بعد كم شهر قررت احجي ويااا
سناء..ممكن اعرف ليش مبتعد عني
محمود...مشغول وتعبان
سناء...على الاقل نكعد نحجي سوا هسه العلاقه
فهمنا وضعها بس الكلام ليش بينا قليل
ومانكعد سوا
محمود...تفكيرج مو مثل تفكيري اكو اختلاف بلطبقات
سناء...زين احجي وياي فهمني قربني من طبقتك
محمود...هذا الشي مستحيل يصير
اني من طبقه عاليه وعقليتي تجاريه شايف وعايف
مسافر وشايف العالم كله
انتي مستحيل تكدرين تناقشين الافكار الي بعقلي
سناء...بس انت الي اختاريتني
محمود...اي مو شرحتلج الضروف الي خلتني اختارج
ارجع اشرح مره ثانيه
سناء...نحجي بااي موضوع اي موضوع المهم نحجي سوا
محمود...صعب
سناء...زين انت ليش ما تنام يمي بنفس الغرفه
ليش شأرد مني
محمود...ماأحب انام واكو واحد يتنفس وياي بنفس الغرفه
سناء...تتعود على وجودي شويه شويه
محمود...ماأحب افرض على نفسي وضع جديد واكعد اتعود علي
سناء...بس اني جاي احس بلملل طول النهار وحدي
لو اتصل احجي ويا امي
الي حجيها كله على الطبخ
لو اكعد اكابل الخدامه نتناقش اني وياها على الطبخ والتنضيف
جمانه السعيدي
محمود.. اطلعي غيري جو
سناء...اريد سياره واتعلم اسوق
محمود...بسيطه من باجر تجبج سياره والسايق راح يعلمج سياقه
سناء...اي هسه ارتاحيت
قربت اريد ابوسه بخده ابتعد عني
محمود...ماكو داعي تشكريني بعد تردين شي
سناء...لا هاي هي
راسا دخل غرفته وعافني وحدي
هسه نعرف عندك عجز هم عندك عجز بلملاطفه
والكلام الحلو
الحنيه ناسيها الابتسامه مايعرفها شنو
استغفر الله العظيم مااعرف شلون راح تخلص وياا محمود
فعلا ثاني يوم كعدت على اتصال من محمود
سناء...صباح الخير
محمود...السايق جاب السياره وواكف ينتضرج برا حتى تتعلمين سياقه
سناء...شكرا حبيي
راسا قفل التليفون بوجهي
كمت غسلت وبدلت ونزلت
وبديت اتعلم سياقه اقل الشهر كمت اعرف اسوق
كل يومين اروح اشتري مسواك وادزه الاهلي
لو اروح ونطلع اني وياهم ناكل برا
لو اخذ امي ونطلع نفتر بلسياره
حياة ماجنت احلم بيها طول عمري
بس كل هذا ماكان بعيني نسيت اني شلون جنت عايشه وهسه شلون تغير وضعي كله
لا عليت سقف طموحي
وبديت افكر بالأشياء الي ناقصتني
بعد سنه من زواجي اني ومحمود
بديت احس بلملل وبلتكرار والروتين اليومي الي عايشه بي خصوصا محمود بي وما يبتعد عني اكثر
الشيطان بدا يدخل بعقلي افكار ماكنت افكر بيها قبل
بدا يزغر كل الأشياء الي جنت احسها حلوه
الاشياء الي كنت منبهره بيها
بدا يزغرها بعيني
رغم اني ابد ماكنت احلم اعيش هيج عيشه
بديت اغلط بحق نفسي وحق اهلي وحق محمود
الي مانقص عليه شي من يوم عرفته لليوم
بديت ادور على الشي الي ناقصني
رغم هو شي ابد مو مهم بس الشيطان سيطر على عقلي
وخلا كل فكري صار بهذا الشي
كمت احس اني ناقصني احسن شي واحلى شي
والوضع الي اني عايشه بي
ماله قيمه بدون وجود العلاقه بين الزوجين
اكيد اني مراح اكدر احصل هاي العلاقه وياا محمود
لازم ادورها وياا غيره
اصلا اني اذا سويت علاقه وياا اي احد غريب
محمود مراح يحس بيه
هو وينه مايعرف اني وين لو شنو سويت
اني جربت كلشي حلو من عرفت محمود لليوم
بس لازم اجرب العلاقه حتلو كانت محرمه
بديت ابدل والبس ملابس مثيره واخلي افخم العطور
واطلع احاول اغري اي احد
حتى يطلب مني العلاقه بس بدون فايده
رغم اني صاعده سياره أحدث موديل
ولا بسه لبس شيك وذهب وعطر فخم
بس ماكان اكو اي احد يقرب عليه ولا حتى يتحرش بيه
اعرف اني مو حلوه واللبس والمكياج ماغير من هاي الحقيقه شي
بس اني اريد احس بانوثتي حالي حال كل النسوان
كنت اروح اماكن راقيه واتحرش بلرجال
بس بدون فايده
محد يقبل يقرب عليه لان شكلي موحلو
هذا الشي ماخلاني ابطل واستغفر ربي واباوع للخير الي عندي
لا زادني اصرار على الحرام