رواية هبة السلطان بقلم جني محمد السمنودي
رواية هبة السلطان الفصل الحادي عشر11 بقلم جني محمد السمنودي
هلال "بص من الاخر أكده يا سلطان اني عليا عتب عليك في اللي عملته في امي و كمان متضايق منيك انك معرفتيش بأي حاجة مع انه كان في يدك و كمان بجى اني هلفطت بالكلام عليك كمان بس اني لسة متضايق منك و مش هعديها غير لما تفهمني كل اللي حصل و ساعتها هحكم"
سلطان بص ليه بنظرة غريبة اول مرة هلال يشوفها منه و قال" وه وه وه ايه اللي عتجوله ده يا واد هو عز مفهمكش "
هلال استغرب اوي يعني هو سلطان عرف منين ان عز هو اللي نقله الكلام فبص لسلطان بتعجب كده و قال" هو انت عرفت منين يا سلطان ان عز هو اللي عرفني باللي حصل"
سلطان "اني لما كلمته عرفت انه كان بينجلك الاخبار اول بأول فجولتله يجولك علشان لما تواجهني يكون غضبك جل شوية علشان اعرف اتكلم وياك.... المهم بجى اني عملت كل ده علشان مليكة الحرباية امك كانت باعتة عن ده علشان يجتل مراتك شمس و يرمي كلمتين أكده لهبة فيخليني افكر ان هي بتخوني فاجتلها و لما اجتلها يتجبض عليا و يقوم جدك و العيلة كلها يروحوا فيها "
اتغيرت ملامح هلال هما اه قالوله كده قبل كده بس هو مش بيصدق و لا هيصدق حد غير سلطان و بص ليه بغضب و لوم و قال" طب ما اني من الاول حولت امشي قعدت تجولي امك و انت قدوة و معارفش ايه أكده لحد ما كانت هتموت العيلة كلياتها "
سلطان" معلش بجى يا هلال دي غلطتي اني و جدك و مهكررهاش تاني ابدا"
هلال "اني مجصدش يا سلطان بس اني استغربت و زعلت برضك علشان دي امي"
سلطان ضم هلال و قال "خلاص يا هلال متزعلش و خلاص المشاكل انتهت و هنعيش مرتاحين من غير ما حد يزعجنا تاني "
هلال كان هيتكلم بس قاطعه صوت شمس اللي دخلت المكتب و قالت" انفصلوا عملتكوا حاجة دافية تشربوها"
سلطان" تسلمي يا مرت اخوي معلش ممكن تنادي للعيلة كلياتها تيجي المكتب اهنه شوية "
شمس" حاضر ثواني و هيكونوا عنديكم "
شمس راحت و ندهتلهم و فعلا العيلة كلها دخلت المكتب
و سلطان قال "طيب يا جماعة انا شغلي في أمريكا اتأجل لما اللوا كلمني قال اني واخد اجازة شهرين و طبعا احنا عكرنا على هلال و شمس فسحتهم فاني قررت نطلع كلياتنا طلعة واحدة نسافر فيها و نغير جو بدل النكد ده اختاروا مكان بجى تروحه اه هنجعد شهر هناك فياريت تختاروا مكان حلو"
بصت شمس ليه و قالت" هو يعني لو مفيهاش مشكلة ممكن نروح شرم "
سلطان" حلو اكده اول واحد يختار اختار شرم مين تاني "
هلال" بادام شمس اختارت شرم اني كمان هختار شرم"
هارون" اني و جدتكم ناصرة مش فارجة معانا اي مكان حلو و خلاص "
جميلة" و اني برضك مش فارجة معايا"
سلطان "خلاص كلكم أكده اجمعتم على شرم "
هبة" لاه يا سلطان اني لسة مجولتش اني عاوزة روح فين "
سلطان نفخ بضيق و قال "هووف يا بنتي حتى لو اختارني مكان تاني فاحنا هنروح شرم علشان الكل اختارها "
هبة" مليش دعوة اني هجول برضك "
سلطان "طب انتي عاوزة ايه "
هبة قالت بكل رخامة" اني.. اني عاوزة اروح شرم برضك"
الكل ضحك على موقف هبة اما سلطان فبص ليها بغيظ و قال " و كان لا ذزمته ايه الحوار ده كلياته أكده "
هلال" يا عم سيبها اديها بتضحك مش زيك "
سلطان" و اني مالي بجى يا هلال و لا فيا ايه يعيبني "
هلال" لاه ابدا يا كبير ده اني اعيب في جدك و لا اعيب فيك "
هارون "و ماله جدك بجى يا هلال هو اني فيا ايه يخليك تعيبني ده اني حتى اللي مربيك "
هلال قال و هو يقرب من شمس "لاه يا حاج اني مكنتش اجصدك اني كنت جاصد شمس "
و همس في ودن شمس و قال" معلش يا شمس استحمليني احسن جدك و سلطان هيولعوا فيا "
كلهم ضحكوا على كلامه لانه كان مفكر انه بيتكلم بصوت واطي بس في الحقيقة صوته كان مسموع للكل فهارون قال" هعديها علشان البت شمس الغلبانة المرة دي بس بعد أكده هعلقك فعلا يا هلال الكلب"
هلال "تشكر يا جدي مش عارف اودي جمايلك دي فين"
سلطان" شكلك نسيت ان لو جدك عداها اني مش هعديها"
هلال قال بصوت اشبه للعياط "لاه أكده بجى كتير"
كلهم ضحكوا عليه و قضوا اليوم في سعادة"
تاني يوم الصبح صحي سلطان من النوم و طبع بوسة على جبين هبة و بدأ يصحيها براحة و قال "هبة جومي يلا علشان تجهزي اني مجهز كل حاجة للسفر و على ما تجومي و تجهزي هروح اصحي الباجيين "
هبة قامت و قالت" صباح الخير يا سلطان... حاضر هجوم اهو و اجهز كل حاجاتنا على ما تصحي الباجيين"
سلطان "صباح الورد يا جميلتي ماشي اني هروح بجى"
راح سلطان على شقة هلال و شمس و خبط و قال" هلال جوم يلا "
هلال رد من جوا و هو بيشرح شعره" اني جومت يا سلطان و هصحي شمس حالا روح شوف جدك و عمتي جميلة "
سلطان" اني هخبط على جدك اصحيهم و انت ابعت شمس تصحي جميلة علشان مينفعش اصحيها اني لأن هي واحدة ست لوحدها و أكده يبجى حرام"
هلال "حاضر يا سلطان هروح اصحيها حالا "
سلطان ساب هلال و نزل عند شقة الحاج هارون و خبط على الباب و جاله صوت هارون من جوا" براحة يا بني آدم يا اللي بتخبط جرا ايه "
سلطان حمحم باحراج" ايه يا جدي الكلام ده و بعدين اني معرفش انك صاحي "
هارن" لاه يا حبيب جدك اني و جدتك صاحيين و جايين حالا "
سلطان" ماشي يا جدي"
هلال قوم شمس و فعلا راحت صحت جميلة و كلهم كانوا بيجهزوا و سلطان بقى كان بيتابع التجهيزات وو
رن على واحد بالتليفون و قال "ايوة يا حاج فتحي كنت عاوز منك اوتوبيس بسواجه يجي معانا شرم و يفضل معانا علشان هنجضي مشاويرنا هناك بيه و نوفر للسواج سكن "
فتحي" حاضر يا كبير النجع عاوز ابعتهملك ميتا"
سلطان بص في ساعة ايده و قال "ساعة هعوز الأوتوبيس واجف جدام الدوار"
فتحي "خلاص ساعة و هبعتلك الاوتوبيس بالسواج جدام الدوار تؤمر بحاجة تانية "
سلطان" الأمر لله وحده متشكرين يا حاج فتحي "
سلطان وقف في نص البيت و قال "يلا يا جماعة فاضل ساعة و نمشي انجزوا شوية"
هبة "اني خلصت و جهزت هدومنا و كل حاجاتنا خلاص فاضل الباجيين بجى"
هلال" و اني و هبة كمان جهزنا فاضل عمتك جميلة و و جدك "
جميلة" و اني كمان خلصت"
هارون" ايه انتوا بتلمحوا لايه احنا هنجهز حالا"